سـفـيـر الـغـلا
06-17-14, 12:10 AM
لاعاد تنشدني عن أحوالي ووش صارت الامور
أبشرك لو ما هو يسرك الأمور ميسرة
قبل أمس يوم الوقت صكاته على صدري تجور
حزني يونس خاطرك لاجاك لمثلك وذكره
واليوم سبحان الذي يعلم بما تخفي الصدور
مدري من أهل الميمنة ولا من أهل الميسرة
وأكبر دليل العام يوم الوقت ضربه في النحور
اللي صفالي في الزمن واحد وهم كانوا عشره
لكن خذيت من الزمن عبره وهو طبعه يدور
اليوم يصفالك وعقب أيام يعطيك ظهره
اللي قبل فترة يعدونه من أصحاب القصور
طاحت عزومه مابقى للوقت شي يذخره
راحت حياته قمطريرٍ من دبور في دبور
لا ارتاح في الدنيا ولا قبره مع اهل المقبرة
الله على الأيام وصدوف الليالي والشهور
حتى ثقيل الهم من صكاتها ما تعذره
تأثيرها كـنه مجارف سيل في كبد الصبور
سيل تحدر من رفاع وبعثر الوادي ثره
والفرق فرق السيل تنبت الأرض من عقبه زهور
والوقت لو خلى بكـبدي شي خلى خنجره
الوقت مركب حزن وابن آدم مثل نقطة عبور
وصدوف بقعا ماتفرق بين رجال ومره
لا والله ومرها حطت الدنيا ظلام بدون نور
في عين من طعم الحزن طيح عزومه وقهره
يارب تجعلني على كثر النعم عبد شكور
وانك تصبرني على جرح الزمان وتستره
الوقت ما قصّر بطعناته ولا حوله قصور
والعمر مدري كم بقى منه ولكن راح اكثره
ماني بخايف لو قصر عمري وكابدت القبور
لكن خايف لايكون القــبر مافيه ثمره
أبشرك لو ما هو يسرك الأمور ميسرة
قبل أمس يوم الوقت صكاته على صدري تجور
حزني يونس خاطرك لاجاك لمثلك وذكره
واليوم سبحان الذي يعلم بما تخفي الصدور
مدري من أهل الميمنة ولا من أهل الميسرة
وأكبر دليل العام يوم الوقت ضربه في النحور
اللي صفالي في الزمن واحد وهم كانوا عشره
لكن خذيت من الزمن عبره وهو طبعه يدور
اليوم يصفالك وعقب أيام يعطيك ظهره
اللي قبل فترة يعدونه من أصحاب القصور
طاحت عزومه مابقى للوقت شي يذخره
راحت حياته قمطريرٍ من دبور في دبور
لا ارتاح في الدنيا ولا قبره مع اهل المقبرة
الله على الأيام وصدوف الليالي والشهور
حتى ثقيل الهم من صكاتها ما تعذره
تأثيرها كـنه مجارف سيل في كبد الصبور
سيل تحدر من رفاع وبعثر الوادي ثره
والفرق فرق السيل تنبت الأرض من عقبه زهور
والوقت لو خلى بكـبدي شي خلى خنجره
الوقت مركب حزن وابن آدم مثل نقطة عبور
وصدوف بقعا ماتفرق بين رجال ومره
لا والله ومرها حطت الدنيا ظلام بدون نور
في عين من طعم الحزن طيح عزومه وقهره
يارب تجعلني على كثر النعم عبد شكور
وانك تصبرني على جرح الزمان وتستره
الوقت ما قصّر بطعناته ولا حوله قصور
والعمر مدري كم بقى منه ولكن راح اكثره
ماني بخايف لو قصر عمري وكابدت القبور
لكن خايف لايكون القــبر مافيه ثمره