انا والماضي ..!

[مشكلتي]

بسم الله ..
مدري كيف ابدا الصراحة مشكلتي قديمة اني لما كنت في مراهقتي كنت مندفعة جدا لدرجة لو احد اذاني حتى بكلمة احقد وانقهر مرة وارد القهر واخذ حقي بدون مايدري ومرة من المرات سمعت انه بنت عمي تتكلم فيني واخذت حقي منها وعرفت وندمت مو على بنت عمي على كل الي اخذت حقي منهم قولت ياليتني خليت رب العالمين يحاسبهم انا مالي ومال محاسبة العباد حسيت اني ظلمت نفسي وظلمت وروحت استسمحت من بنت عمي انها تسامحني بس كتير ماقدرت استسمح منهم لاني كنت خجلانة ومابا نتغير على بعض بس انا دايما ادعيلهم واستغفر لهم من قلبي تغيرت العادة هذي فيا وسرت اسامح يمكن لاني كبرت وعقلت وسرت انضج انا خايفة اكون ظلمتهم ينفع اتصدق عنهم وادعيلهم وافكر اهديهم الحين هدايا برمضان احس هذا زي الهم على قلبي ضميري مرة مانبني ساعدوني بالنصيحة انامابا للناس حقوق عندي حتى لو زمان سارت مشاكل وكدا انا مسامحة الكل وابا الكل يسامحني دلوني عالصواب اخواتي الله يفرج همكم

بليز ياادارة نزلو موضوعي .

[آلمتفائله]

السلام عليكم ..

اول شي كنتي صغيره والحمدلله هالعاده تغيرت فييك

وبما انك شعرتي بالندم واستغفرتي ان شاء الله ربي يمحي ذنوبك ويسامحك لانه يعرف نيتك

اذا كنتي مستحيه من طلب السماح لهذولا البنات وجها لوجه بامكانك ارسال رساله لهم عبر الواتس اب

مشكلتك بسيطه واذا ماسامحوك البنات اطلبي السماح من الله

ان شاء الله يسامحونك لانها فتره مراهقه واكيد الكل كبر وعقل ونضج مثل مانضجتي انتي

فلا تشيلين هم لان كل انسان ليس معصوم من الخطأ

وخير الخطائين التوابون

[شخبار قلبك]

هلا فيك ي الغلا ..
كل ابن ادم خطّآء وخير الخطائين التوابين ..
وانتي عرفتي خطاك او مثل ماتشوفينه خطأ ..
انا بالنسبه لي مااشوف فيه أي خطأ لانك لو ظليتي ساكته لهم بتظلين حاقده عليهم ..
لكن مافيها أي شي انا نفسك اذا عرفت انو فيه احد متكلم علي بشي خطأ موفيني اروح واتكلم معاه ويمكن نتهاوش بس اعرف نفسي
ماراح اهدا الا اذا تكملمت اشيل من قلبي أي حقد وزعل بعد مااتكلم وهذا شي مريح ..

وبما انك تشوفينه خطا وغيرتي العاده هذي ربي يوفقك بس بدون زعل انتي معطيه الموضوع اكبر من حجمه ..
اذا انتي ندمانه ربك اكبر كرري دايم ( ربنا لاتحاسبنا ان نسينا او اخطأنا ) ..

وعفا الله عمّا سلف ي الغلا ..
ولاتنسينهم من دعواتك ..

[شموخ الرواسي]

عزيزتي
انت تبتي
والله سبحانه وتعالى غفور رحيم
يفرح بتوبه العبد وهو يغفر جميع الذنوب الا الشرك به

[اهــہات السنـہـين]

هذا هو الكلام الصحيح لكل ماقالو لكي
أن الله يسامح العبد حتی هو غلطان او مظلوم أو أي شي
الله يعينك ويساعدك ويوفقك أن شاء الله إلى يحبونك والي يبونك
ماراح يقولون لا راح يرضون عنك
انتي لا تنسيهم من دعواتك
ربي يسعدك