السفر { ساعدوني }

[مشكلتي]

السلام عليكم ورحمة الله وبركاته

كيفكم ؟
ارجوكم اريد حل انا مسآفرة بعد 8 ايام بس
زوجيي يقول بيخليها بعد يومين المهم
ابغى حل بنتي دائما تزعجني بالسفر
بس انا مالومها تكون طفشانة
لان نجلس 15 ساعة المهم
انا ابغى حاجات تسليها هيي واختها
علشان يستمتعو بالطريق
والله لها دعوة بظهر الغيب من تساعدني

[مشكلتي]

وينكم

[شخبار قلبك]

والله بالنسبه لي اذا بنتي ازعجتني اعطيها جوالي اشغل لها طيور الجنه ..
لان الأطفال مايشغلهم الا هالشي او الحلويات .. :MonTaseR_152:
اذا كنتو بالنهار جيبي لها دفتر الوان وخليها تحوس فيه لين تقول امين ..
او جيبي لها العاب تركيب ..

^
هذا اللي اشوفه لان هالاشياء نفسها اللي تشغل بنتي .. :blushing:

[aminedzsat]

خديها في جولة :MonTaseR_221:

[آلمتفائله]

اذا كان سفرك بالقطار فانصحك بالايباد لان الانترنت يكون مفتوح وهذاني مسافره
والحين اكتب لك هالرد من شبكه مفتوحه بالقطار

اما لو سفرك طيآره زي ماقالت شخبار قلبك شغلي لها لاب توب واحفظي فيه افلام كرتون
واشياء حق اطفال

[اللورد يحيا]

لم تحددي أعمار أولادك حتى أستطيع مساعدتك

لأن لكل عمر وسائل تسليه خاصه به

عموماً تروحون وترجعون بألف سلامه

[مشكلتي]

اعمآرهم وحدة 10 والثانية 4 سنوات

[كيان انسانه]

يا الغلا الصغيره ممكن تندمج بالكرتون وطيور الجنه او الجوال
اما الكبيره نصيحتي لك اذا انها تقراء خوذي لها قراءن وخلها تقراء فيها وحطي لها مكافاءه تشجعها وتحفزها على القراءه وبعد سليها بسوالف معاها والتسليه بطريق

[اللورد يحيا]

اعمآرهم وحدة 10 والثانية 4 سنوات

الله يحفظهم ويخليهم لك

اللي عمرها 10 سنوات من المستحسن تعطينها لعبة ( قيم بوي ) أو ( آيبود ) أو أي ألعاب الكترونيه تعمل بالبطاريه فهي مناسبه لعمرها وكذالك تنمي مهاراته الذهنيه وقد تسليها طوال السفر أكثر من أي لعبه أخرى ..

أما البنوته صاحبة الاربع سنوات بعيداً عن الألعاب ذات الأصوات المزعجه حاولوا أن تعطونها جوها المريح أثناء رحلتكم على حسب رغبتها لأنها مازالت صغيره ، أما إن أعطيتمهم ألعاب مهما كان نوع هذي العبه سرعان ماتمل منها وترميها ..

أتمنى إني افدتك

[مشكلتي]

اشكركم على الآقتراحات الجميلة
والشكر لآخي صائد الطرائد

بس ممكن اسامي العاب فكرية للآطفال + جاري التسجيل بالمنتدى

[اللورد يحيا]

بس ممكن اسامي العاب فكرية للآطفال

الألعاب التي تنمي عقل الطفل وتزيد في حدة ذكائه هي الألعاب الإكترونيه والتي محتواها ( مغامرات )

مثلاً لعبة ( كراش ) في جهاز القوم بوي - كل مالعبها الطفل كلما زاد تركيزه وتطوير مهارته بنفسه لأنها تحتوي على مراحل تزيد فضوله لمعرفتها ..

وهذي اللعبه مناسبه لإبنتك ذوات العشر سنوات فأنصحك بها

أما الاطفال من سنتين الى أربع سنوات فهم يفضلون الألعاب ذات الأصوات المزعجه أو الإضائه الصاخبه مثل ( لعبة سيارة الاسعاف ) ولكنهم سرعان ماتظجرهم وتتعكر مزاجاتهم ويرمونها أو يبحثون عن غيرها ..

[مشكلتي]

شكرا لك اخي ربي يدخلك جنآته بس بنتي عندها جالكسي نوت عشرة اهو مثل الايباد وهيي بتحمل حاجات من سوق بليه
بش مو لاقيه شيء حماسي
واسفة يبدو ان طلبآتي كثرت

[اللورد يحيا]

شكرا لك اخي ربي يدخلك جنآته بس بنتي عندها جالكسي نوت عشرة اهو مثل الايباد وهيي بتحمل حاجات من سوق بليه
بش مو لاقيه شيء حماسي
واسفة يبدو ان طلبآتي كثرت

الألعاب نوعين

ألعاب تتحكمين فيها بنفسك مثل ( سوبر ماريو ) و ( كراش ) و ( باندا رون ) والألعاب الأكثر مغامره وإثاره ..

وهناك ألعاب أخرى تتحكم فيك هي مثل ( الطيور الغاضبه ) و ( توصيل المواصير ) و ( البرتقال الخائف ) لانها تسبب إنفعالات حاده أكثر من أنفعالات العاب المغامره ..

في سن العشر سنوات يفضل الطفل الألعاب الأكثر إثارة لدرجة الإدمان ولكن يجب التركيز على لعبة إثاره سهله ..

حقيقتاً أنا لست هاوي ألعاب حتى ادلك على لعبه معينه

[شموخ انسان]

وعليكم السلام اختي

اول شي الله يخليلك اعيالك
ثاني شي حبيت افيدك باشياء لضبط الاطفال بالطياره وهذي عن تجربه من بنات اختي
بنتك اللي عمرها 10 سنوات تقدرين توصينها بانها ماشاء الله كبيره وتفهم
بس اذا تبين العاب بعمرها وكون جهازها اندرويد في لعبة من سيربح المليون وفي برنامج كرتون العرب تستطيع تشاهد افلام كرتون
وفي لعبة فن رن وكذلك لعبة subway Surf

اما بنتك ام 4 سنوات اكيد انتي امها وتعرفين وش يجذب بنتك من افلام كرتون .. اللي تحبه نزليه لها ببرنامج free video
بس ابساعدك ببعض الافلام الكرتون عندك بنجو وكذلك توم وجيري وكذلك سبونج بوب
ونصيحه بنتك الصغيره اللي عمرها 4 سنوات سهريها وخليها تنام بالطريق عشان تقوم بالجزء الاخير من الرحله وماتتعبك طول الطريق

والله يخليلك اعيالك وشكرا