المساعد الشخصي الرقمي

مشاهدة النسخة كاملة : مصروفي


مشكلتي
07-21-14, 08:31 AM
السلام عليكم
انا طالبه بالجامعه لكن انقطعت عني المكافأة و باقي لي على التخرج
و ابي طريقة اطلع مصروفي المكافآه كانت مكفيتني بكل أموري الضروريات و غيرها
ملابس عيد اقسم بالله ما اشتريت لان ما عندي فلوس
حتى تحاليلي ما سويتها لان ما عندي فلوس كان أخوي يعطيني مايسد مصروفي
الشهرين اللي راحت الله يسعده لكن الحين يجمع المهر و لتجهيزات زواجه و لا ابي أخذ
منه في وقت المفروض أعطيه مو أنقص عليه
طبعا اختصارا انا مااعرف لأي شيء بالمواقع او المنتديات و التصاميم
فأبي أفكار تساعدوني فيها ما تضغطني لان وراي دراسه ودراستي صعبه و تعطلني
حتى لو تدخل لي 300 نعمه
والله يجزاكم خير

اللورد يحيا
07-21-14, 08:47 AM
عليكم السلام ورحمة الله وبركاته

اللي فهمته من موضوعك بأنك تريدين تحصلين على مصروفك لان مكافئتك توقفت من النزول

من فتره إحدى المشاركات بعضوية ( مشكلتي ) طلبت المساعده لطريقة تحصل فيها على فلوس من جلوسها على الكمبيوتر

طبعاً هي تقريباً عديمة خبره في بعض الأمور الهامه التي قد تدخل عليها فلوس كثير

وحاولت إساعدها على محدودية خبرتها بأعمال وبطريقة بسيطه جداً ربما قد تفيدك حتى أنتي

وهذا رابط موضوعها اتمنى تطلعين عليه للفائده :

http://www.al2la.com/vb/t45372.html

للمعلوميه : هناك عروض يوميه متجدده بتجدينها على نفس الروابط التي طرحتها في ردي عليها

وإذا تريدين المساعده بشيء آخر يخص هذا الجانب نحن في الخدمه

أتمنى اني أفدتك

مشكلتي
07-21-14, 09:15 AM
إيه شفته بس الله يسعدك انا تقدر تقول غبيه ع انعدام طولة البال
يعني حدي أتصفح و ارد بس الكمبيوتر كله بأي نوع
و برامجه مااعرف الا للبوربوينت بس
و صعب أتعلم وقتي مو كافي دراستي صعبه و تأخذ وقت و انا بحاجة الفلوس

~♥ آم رنآ
07-21-14, 09:20 AM
طيب ياقمر اهلك مآيقدرو يحولو لك ؟
حاولي تشتغلي شغلة بسيطة موجودة في مدينتكم او قريتكم

مسك القلم
07-21-14, 12:26 PM
انا أقووول بما انك تمرين بمرحلة وقتيه وراح تنحل المشاكل لما ينزل الراتب فمالك الا ان ترهنين اغراضك لفترة نزول الراتب..

يعني ممكن اذا ما احد سلفك ترهنين جهاز الاستشوار او اي شيء من بيتكم

الله يعيينك وانا اخوك ويفك ازمتك وحسبي الله على هاللي يأخرون مكافئة الطلاب

مشكلتي
07-21-14, 02:11 PM
موقفه المكافأة للأبد عني خلاص مالي الا ادرس إلى ان اتخرج و اشتغل
اهلي عادي زي اي عائله سعوديه عندها فلوس و امي موظفه زياده لكن امي
لو أموت ما تعطينا أبدا و ابوي خيره للناس مو لنا اصلا ما تعود و لا انا
اتعودت أشوفه معطيني كان جدي اللي يعطيني و اتوفى و بعدها جدتي و اتوفت و صرت اصرف
من المكافآه وتكفيني و يبقى معي بس الحين ابي أدبر نفسي بمصروف
عندي احتياجات مهمه ما قدرت اجيبها ووراي دراسه و طلباتها
غير شحن رصيد جوالي اذا وقف ع بداية الشهر ما اعرف كيف أدبره
و تحاليلي موقفتها انتظرها المشكله انقطعت عني فجأة و الا كنت جمعت لي
قبل توقف

مشكلتي
07-21-14, 02:12 PM
كيف ارهن ووين ألاقي مثل كذا
لا مو وقتيه لما ينزل الراتب ابديه لحد
ما اشتغل انا

شخبار قلبك
07-21-14, 02:28 PM
مالك الا الروابط اللي اعطاك الأستاذ صائد ولا من وين بتلاقين مصروف ؟؟
لاصعبه ولا يبغالها ذكاء ..
كل الموضوع حددي ساعتين من وقتك اجلسيها ع المنتدى وصل الهم وبارك ..
بالتوفيق ي الغلا ..

آتم بعيد .!
07-21-14, 11:49 PM
انتي قفلتي الابواب كلها بوجهك ..
م تبغين تطلبين من اخوك وكان بامكانك تاخذين منه وإذ ربي اكرمك بتعطينه وتقدمين له الي انتي م قدرتي تقدمينه له بالوقت الحالي ..
امك وابوك مسئولين عنك خبريهم ان المكآفأة توقفت عنك وم عندك فلوس من وين تجيبين تسرقين مثلآ حطيهم امام الامر الواقع انتم اهلي وملزومين تصرفون علي ،وإذ قالوا لا قولي اجل م عاد ابي الدراسة ...
او اقتراح ثاني إذ عندك ذهب بيعيه او عندك فساتين زواجات > وديها الخياط واعرضيها للبيع بتجيب لك دراهم تسد حاجتك ..
وبامكانك كمان تسوين ابحاث للبنات وتبيعينها عليهم اقل بحث ب 30 ريال ..

هذا الي عندي والافضل تاخذين بكلام الاستاذ صائد ..

مشكلتي
07-22-14, 01:53 AM
عادي عندهم اتركها قلت لهم مكافأتي موقفه امي قالت و انا اللي موقفته مسؤولة من أبوك مو مني و ابوي قالي مكافأتك اللي قبل 4 شهور وينها كلها 1000 ويقول وينها المشكله حتى بأتفه الأشياء ما يجيبون اصلا ميئوس منهم مادري من وين شحنت جوالي و لا جبت ملابس للبيت و لا معجون ومناديل و صابون و دفع المشاريع و الملازم حقت الجامعه ، أخوي مسكين مضغوط مره أجيه انا يحتاج ال100 و لا احد ساعده ، افكر أبيع جوالي و اجيب اقل منه و بحاول أتعلم الأشياء اللي قالها الأخ صائد و بدل البحوث مو من شطارتي فيها بس بحاول اسوي عروض بوربوينت و أبيع أجهزة الاستشوار و بعض قطع أثاث غرفتي لحد ما أتعلم ع الموجود بالروابط
شكرًا لكم جميعا :Dl3:

شخبار قلبك
07-22-14, 02:40 AM
ربي يوفقك :733449542:

اللورد يحيا
07-22-14, 04:38 AM
يا أختي صاحبة الموضوع

لابد يكون عندك ثقة زائده بنفسك عند الإقدام على عملاً ما

لأن من الواضح لازلتي مقيده بمخاوف من عدم وجود خبره في بعض الأمور

المغامره مطلب أساسي حتى لو فشلتي وأعدتي المحاوله ، كلنا فشلنا في البداية لأننا لم نولد متعلمين ولكن بالاصرار والعزيمه ننجح

حاولي تكوني جريئة لعمل أي شيء دام لك هدف وإراده تريدينه يدر عليك دخل مادي يفيدك ويغنيك عن مد يدك لأحد أقربائك ..

للمعلوميه : بإمكاني إساعدك لأي عمل تريدينه من خلال الكمبيوتر متى شئتي ذالك .

مطر الفجر
07-22-14, 05:09 AM
فيه طريقه سهله واعرف بنات شخصيا استفادوا منها
لكن للامانه انا ماجربتها ومالي خلق اشتغل
هي انك تصيرين مندوبه لبعض المواد التجميليه النسائيه
مثل شركة افون
شركة فريدريك إم الفرنسية
شركة e.l.f للتجميل الامريكيه
يعني جربي حظك اسالي في المنتديات النسائيه
وتواصلي معهم واسالي عن كيفية العمل كمندوبه
لكن كوني حذره الاحتياط واجب

رسيل الشهري
07-22-14, 05:28 AM
صاحبة المشكلة ذي بالله كلميني خاص ضروري
انا بساعدك باأذن لله


SEO by vBSEO 3.6.1