المساعد الشخصي الرقمي

مشاهدة النسخة كاملة : تعقدت من حياتي


مشكلتي
08-07-14, 07:58 AM
السلام عليكم ....
يا عرب حسو فيني انا الشهر الجاي بدخل 28 سنه واحس اني عجوز ما حد يبيني الا المتزوج وانا مستحيل اخذ رجل متزوج لو يوصل عمري 50 سنه اتمنى رجل اعزب ان شاء الله ربي يرزقني برجل اعزب بس ادعولي لاني تأخرت في الزواج لااسباب مو بيدي حكمة ربي ..
وانا شايله هم كلام الناس ونظراتهم خصوصا بنات خالتي كلهم تزوجو ولا وحده تاخرت في الزواج حتى الي تطلقت وترملت تزوجو مره ثانيه ما شاء الله وانا مكانك سر الحين بنات خالتي نظراتهم لي كلها شفقه ورحمه وشماته ووحده منهم تضايقني با الكلام تقول ليش للحين اخوانك ما تزوجو مفروض انهم تزوجو وهم اصغر مني بس تبي تقهرني لانها تزوجت مرتين انا ما احقد عليهم ولا احسدهم بس ليش بنظرون لي بنظره هذي كني جبت مصيبه مره اتالم وتتعب نفسيتي ..
ويزيد الطين بله اذا تزوجو اخواني الذكور الاصغر مني بكون حديث مجالسهم ويناظرون فيني بنظره شفقه ما ابي احد ينظر لي بنظرة شفقه ورحمه ابيكم تدعون لي بزوج الصالح المصلح الا عزب ادعولي تكفون وكمان ابوي متوفى لوكان عايش كان حسيت بقوه وامان رحمه الله ..
وكيف اوقف بنات خالتي عند حدهم مررره شايفين انفسهم علي عشانهم تزوجو بدري وصار معهم اولاد كيف اتجنب نظراتهم وشماتتهم ..:MonTaseR_166:
رجاء عدم التجريح ..

اللورد يحيا
08-07-14, 09:05 AM
انتي عقدتي المسأله وهي بسيطه أبسط مما تتخيلين

كل اللي يلزمك تأمنين بقضاء الله وقدره وبأن الخيره فيما إختاره الله ليس مجرد كلام فحسب بل فعل وصبر

لا تهتمين لنظرة الناس لكِ وكلامهم فيك ، فأنتي مازلتي صبية في عز إنوثتك ونصيبك المكتوب لك من الله صيصيبك حتماً سوءً عاجلاً أو آجلاً

وتأكدي لن تأخذين شيئاً لم يكتبه لك خالقكِ ، هو من يرزقك بمن تتمنينه ولكن يجب عليك إعطائه حق العباده

لذا نصيحتي لك : عليك بصلاة الليل وكثرة الإسغفار وقرآن الفجر

آلمتفائله
08-07-14, 02:55 PM
والله عيشي حياتك صدقيني الرجال الاغلب بهالزمان مافيهم خير

واللي حولينك مريضات نفسيا يدعون انهم مبسوطين وتلاقين حياتهم جحيم

يتمنون يكونون زيييك بس مجرد مظاااهر وربي ولا تلقين كل وحده فيهم مشتكيه على زوجها

بموقع نسائي بنك مستعااار بس قدام الناس يعنني العايله السعيده

نعرف حركات البنات حق النص كم لاتزوجن فلايدعون المثاليه احسن لهم

اعرف بنت تقرب لي وصل عمرها 40 او 41 ولاتزوجت للحين وشوفيها عايشه حياتها وربي وفاالتها

ومبسووطه ومدلعه نفسها ماشاء الله عليها الله لايغير عليها شخصيتها تعجبني لانها بنت قويه

خليك واثقه من نفسسك

وان سالوك ليه ماجاك نصيبك قولي والله للحين ماجى اللي يستاهلني

وزي ماقلتو نصصصيييب ..


عيشي حياتك ترا الدنيا ماتوقف ع الزواج وبس ..

مطر الفجر
08-07-14, 05:11 PM
اختي
لاتتعقدين ولا شي
لان الله هو اللي يدبر الامور
انتي عليك ادعي كل يوم قولي ياربي دبر امري
فاني لا احسن التدبير واكتب لي الخير في حياتي
و صدقيني لو زواجك مابه خير ماراح تتزوجين طول عمرك
ولو فيه خير راح يجيك بس بالوقت اللي ربي كاتبه لك
الدنيا ماتوقف على الزواج ولا على نظرات الناس
خلي ثقتك بنفسك اكبر من الدنيا ومشاكلها
وطنشي نظرات وشماتة الناس
اضحكي وقولي لهم وش يضممن لو اني تزوجت هل اعيش سعيده ؟؟
ياكثر الصغار المطلقات
الافضل اكون كبيره ومعززه مكرمه وماعندي مشاكل
ولا اكون صغيره ومتزوجه وحياتي جحيم !
او اكون مطلقه واعيش مآسي مثل الكثير
والله يعوضهم ويسهل لنا
وتكلمي بكل ثقه وهدوء ولا يهزك شي

بالتوفيق

اعشقك بسكات
08-07-14, 05:31 PM
تبين الصراحه احسك حساسه بزياده

توقعت عمرك فوق 35

مادري اذا بينكم مشاكل انتي وبنت خالتك
وانتي مكبرهه السالفه كل شي يتعلق بامر الواج اخذتيه بحساسيه

وشي طيعي يسألون متئ يتزوجون اخوانك ماشوف اي انتقاص او شفقه لك هالسؤال بالذات

المشكله الحقيقيه فيك مع احترامي لك يماما
ارضي بحياتك ولا توقفين عند كل كلمه او نظره هم قصدهم كذا وشفقه علي خذي الامور اذا سئلوك عن الزواج عادي خذي الامور بمزح ردي عليهم عندكم عريس وانا مادري
احسكك جالسه حزينه وشايله هم شي طبيعي يفكرون فيك بشفقه و بس عيشي حياتك سجلي في دورات اشتغلي خليك فرحانه
وبنات خالك لامريضين نفسيين ولاشي عادي هالامور تصير بين بنات الخاللات والعمات اقاربكك ان ماسئلو
عنك ممن بيسئل الغريب مثلا


من تجربه شفتها وحده عمرها اكبر منك ماعمرها تقدم لها احد قرأت البقره يوميا بنيه الزوج الصالح في اسبوع انخطبت وتزوجت وعندها بنتين وعايشه حياتها
شيلي الامور عن بالك واحسني النيه في بنات اقاربك ولا تدخلين في نياتهم
غيري من اسلوب حياتك والتزمي الدعا :MonTaseR_212:

سوري ان طولت عليك :MonTaseR_191:

شموخ الرواسي
08-08-14, 03:18 AM
وعليكم السلام
عزيزتي أنت ِ مازلتي بالعشرين
وانا اتفق تماما مع رأي الأخت بسكات
والله يوفقك ويرزقك الزوج الصالح

مزون قلبي
08-08-14, 03:21 PM
والله عيشي حياتك صدقيني الرجال الاغلب بهالزمان مافيهم خير

واللي حولينك مريضات نفسيا يدعون انهم مبسوطين وتلاقين حياتهم جحيم

يتمنون يكونون زيييك بس مجرد مظاااهر وربي ولا تلقين كل وحده فيهم مشتكيه على زوجها

بموقع نسائي بنك مستعااار بس قدام الناس يعنني العايله السعيده

نعرف حركات البنات حق النص كم لاتزوجن فلايدعون المثاليه احسن لهم

اعرف بنت تقرب لي وصل عمرها 40 او 41 ولاتزوجت للحين وشوفيها عايشه حياتها وربي وفاالتها

ومبسووطه ومدلعه نفسها ماشاء الله عليها الله لايغير عليها شخصيتها تعجبني لانها بنت قويه

خليك واثقه من نفسسك

وان سالوك ليه ماجاك نصيبك قولي والله للحين ماجى اللي يستاهلني

وزي ماقلتو نصصصيييب ..


عيشي حياتك ترا الدنيا ماتوقف ع الزواج وبس ..





والله كلامج ذهب اسمعي نصيحت اختج
وربي الزمن مافيه احد ترتكين وخلي ثقتج بربج قويه

وراح يرزقج بزوج الصالح :5:

شخبار قلبك
08-26-14, 03:29 AM
اتفق مع الجميع بكلامهم بس تراك غلطانه يوم تقولين مستحيل اخذ رجل متزوج ..
ترى كثير تزوجو متزوجين وعايشين حياتهم ومرتاحين ..
الله يرزقك اللي تتمنين ي الغلا ..
ولاتضايقين نفسك ابد ..


SEO by vBSEO 3.6.1