مشكلتي ويا اخواتي

[مشكلتي]

بسم الله الرحمن الرحيم

السلام عليكم ورحمة الله وبركاته ..اشكر جهود المنتدى على هذه العضوية التي تخفف عنا همومنا وتجعلنا نفتح قلوبنا وهذا من تميزكم ..

بداية انا الاكبر في العايله ولي اخ اصغر مني من ذوي الاحتياجات الشخصية والباقين خواتي .. مشكلتي اني ما القا احترام من بعض اخواتي .. انا احترمهم والبي لهم كل اللي يبغونه ولا اردهم واستر عليهم ان شفت زله منهم او غلطه او تجازوز للحدود ... لكني ما القا المعاملة اللي تريحني منهم دوم يلوموني ويسخرون مني وحتى ما يخلوني اسوي اللي ابغيه على راحتي .. دايما لو يعاملوني يسوون عمارهم انهم هم الاكبر مني وانا الاصغر ! احس اني في قفص والمفتاح عندهم ! ... تمشكلت مع اختي اللي اصغر مني بثلاث سنوات وهي معاملتها وياي اقذر معامله " عفوا على الكلمه " كانت مختلفه من قبل كانت غييير وياي دووم كنا نبادل اسرار بعض ونكتمها ونضحك ونسولف الى ان تخاصمنا على مشكلة بسيطه وثم رجعنا لكن ما كنا مثل اول ...كنت صابر عليها وايد واعاملها باحترام قلت ببالغ في احترامي لها شوية عسى تعقل وتعرف ان اللي هي تسويه غلط لكن ماشي فايده .. كانت ماعرف كيف اقولكم .. تتكبر علي بأسلوبها الخايس ولا تحترمني ابدا من كلام من نظرة حقاره وو..الخ . في الاونه الاخيره حسيت بغضب شديد حتى كل ما اشوفها اغضب لانها " لا تبالي " بما تسويه ولا ترضى حد يتدخل في شؤونها ولو في شي بسيط مثل صراخها على امي ويوم رحت عندها وقلتلها سيري حبي راسها قالتلي اطلع برا ... طلعت وانا ساكت وكاتم غضبي ويوم من الايام اشتريت ماوس من فلوس الوالده فقالتلي ليش اشتريته ؟ قلتلها كيفي ! فردت عليه وقالتلي عقب يوم يخترب اللاب شو بتسوي ؟! .. سكت وطلعت ضحكه خايسه من قلبي متعمد اطلعها ... هي الوحيده اللي زاد كرهي لها وحتى وصلت الدرجه ان غيرتي عليها احترقت عقب ما كنت احترق غيرة عليها ... يعني استغفرالله العظيم اعذروني على الكلام السيء لكن والله ماقدرت اتحمل فقلت لازم اخاصمها لاني مب مرتاح ابدا ! لا آخذ راحتي حتى يوم اشوف التلفزيون ولا اخذ راحتي حتى في كلامي ! السالفه لو فيها بنت مثلا ما يخلوني اتكلم عنها او اسمعها .. حتى يوم تشاورني امي تقولي اشتريت مثلا المخور هذا من السوق شرايك فيه اقولها ذوقج حلو يمه ..الخ تقولي اختي يالله متى بتطلع وتأفف وتطلع اصوات كن الوضع مب عاجبنها ! ... وصلت لمرحلة خلاص اكتفيت مليت انا من هالحبسه خلاص انا لي كلمتي وبفرضها مب هم اللي يحركوني وين ما يبغون ! مانيب لعبة شطرنج عندهم ! فكنت يالس ويا امي نطالع مسلسل تركي فظهرت فتاة لابسة فستان العرس فقالتلي اختي لا تطالع قلتلها شو ؟ قالتلي لا تطالع وعطيتها الكلمه اللي طلعت من خاطري قلتلها " ما يخصج " ومن هالوقت ليومكم ما بينا لا نظره ولا سلام ولا كلام .. ارتحت انا من عقب ما قلتلها هالشي وخذيت راحتي في كلامي وصرت اقول اللي اقوله واسوي اللي اسويه .... دخلنا رمضان واستمرينا على هالحاله انا قلت انا ما ودي اعتذرلها هي المفروض تعتذر وتعرف خطاها ان ما عرفت خطاها فمشكلتها ولا انا مب راضي اعتذرلها الغلطان يسوي نفسه زعلان ما يمشي عندي ..... مرتاح لكني اشكي ... ما اشكي لو اختي تكلمني ولا ما تكلمني .. لا انا ما يهمني... لكن اللي يهمني صيامي ..... مادري يعني ابغي نصيحتكم شو اسوي وربي تعبت ما ودي اكلمها ولا ودي اصلا اشوفها شوفتها تجيب الكآبه والهم ..... وفي داخلي اسبها سب ويرتاح ضميري ... عندي اشياء كثيره ودي اقولها لكن والله ماودي اطول عليكم واحتراما لهذا المكان ولكم ..... والسموحه عالاطاله

[لحن الياسمين]

وعليكم السلام ورحمة الله وبركاته
من الواضح من كلامك عنك وعن اخواتك انكم مازالتم في مقتبل العمر ولم تنضجوا النضوج الكافي الذي يجعلكم تبتعدون عن هذة المشاكل والتصرفات الصبيانية الصادارة من اخواتك
انت شاب وبأمكانك فرض احترامك وحبك وتقديرك على اخواتك بالمعاملة الطيبة والحسنة ولكن بحدود لا تسمح لهن بالسيطرة عليك واضطهادك ومحو شخصيتك ولا تقف عند كل كلمة تقال لك من هن
ارى ان تحتك بالوالد اكثر و تخالط الشباب امثالك لتكون اكثر صلابة لا تظل حابس نفسك في نطاق اخواتك فقط حتى لا تظل سجين لفرض سيطرتهن عليك

[اللورد يحيا]

يا أخي العزيز من الواضح بأنك شخص ( ذكي جداً وعاطفي وفهمان في إمور الحياه ) ولكن المشكله هنا تكمن فيك أنت وليس في أخواتك

أنت طيب وعلى نياتك بزياده لدرجة أصبحت داخل البيت ( مَرجع ) لأخواتك وقت الحاجه ( يعني يستغلون طيبتك )

لأنك تركت ثغره مفتوحه بينك وبينهم عرفوا عنك كل نقاط ضعفك

الحل هو : إصنع لك شخصيه بأن تكتم عواطفك وتحافظ على أسرارك إتجاههم وإترك سوالفك معهم بحدود ، وليس ضرورياً كل شيء يحصل معك تقوله لهم ..

لا تتدخل في خصوصياتهم وكذالك إمنعهم من التدخل في خصوصياتك

حاول تكون شخص غامض مع الإكثار من كلمة ( لا ) أمامهم حتى يضربون لك ألف حساب عند تقربهم منك

راجع نفسك وعدلها فبإستطاعتك تعديلها

اتمنى لك التوفيق

[كيان انسانه]

هلا والله يالغلا
كلام اخواني الي قبلي بحد ذاته يكفي انك تحل مشكلتك
بس يالغلا من الغلط انك تستر على امور غلط لانه بالاصل وبصراحه اغلب البنات ما ينفع معهم كذا
لانه يفسرونه انك عديم شخصيه وهم لهم السيطره الكافيه عليك عشان كذا ابداء في بناء شخصيه قويه لك
تفرض احترامك عليهم و لا تستر على الامور الغلط بلعكس خذ الاجراء المناسب حتى لو كان صارم لانه بنهايه في مصلحتهم

[آتم بعيد .!]

وعليكم السلام ورحمة الله وبركاته

م قصروا الكرام الي قبلـي :
لكن بضيف شيء بسيط ترى الطيبة الزاايدة م تنفع بها الزمن وخصوصآ مع البنات
لانهن راح يستغلنها لصالحهن وبمزاجهن .. انت عطيت المفتاح لهن وعرفوا نقطة ضعك
واستغلوهـا وللاسف شفت رد احداهن عليك وبخط ايدك قلت مانفع معها شيء "
المطلوب اخي الفاضل :
راجــع نفسك وصصح اخطائك وعدل من شخصيتك
البنت الي م تحترمك لاتسمع كلامها قولها عدلي اسلوبك واحترميني وابشري بالي تبين ..
كلمة " لا " لابد منها ولا بتعيش ضعيف مالك شخصية بينهن.. لازم يكون لك راي . "وشخصية مستقلة ."
وازن بين قول كلمة لا ونعم وطبعآ ع حسب تعاملهم معاك ممكن تكون قول " لا " سلاحك الاول وهـي السبب التغير تعاملهم معاك للافـــــضل .
صعب الولد م يكون عنده شخصيه والبنات يمشنه ع كيفهن هــذي النقطة إذ م حاولت تعدلها من الحين
راح تأثر عليك إذ تزوجت وممكن بكرة النهار زوجتك تعاييرك وتعاملك بنفس اسلوب اخواتك واخسس ..
فكــر بنفسك ترى طيبتك الزايده خلتك بنظرهم ضعيف شخصية >
من الآن حاول ان تتغـير :
طبعآ مو للاسوء للافضـل بمعنى ان اخلاقك م راح تتغير تعاملك الي بيتغيرك
مثلآ قول لهن :
انتن اخواتـي وانا احبكـن واسمع كلامكم وابد م قصرت معكن , بس انتن تتعمدن تغلطن عليه
وتفرضن شخصياتكن عليه ليه انا استاهل وهذا جزاي ؟
وين احترامـي وين تقديري ؟

_ قل لهن اسئلن صاحباتكن اخوانهم يسمعون كلامهم ؟
صاحباتكن يعاملون اخوانهم مثل ماتعاملوني ؟
تخيلوا تفقدونــي كيف بتكون حياتكم ؟ مين بيلي طلباتكم ؟

اضرب لهم الامثلة :
انك تعرف شباب معقدين اخواتهن وحارمينهم من ابسط حقوقهم تبغوني اصير مثلهم
عشان تعرفون أن الله حق ؟!

اطلب منهن يحددون طريقه لتعامل معامهم تناسبهم وتناسبك ؟
وضح لهم انكم بالاول والاخير اخوان وكل الي تريد توصله لمصلحتنا يالاخوان ولاجل م يصير كرهه وعداوة بينكم

تعليق ع نقطة " انت وامك تتابعون مسلسل تركي وكان به عرض لصورة عروس وطلبت منك اختك لاتطالع ؟!
طيب اسال نفسك كيف كانت هاذي العروس ممكن لاباسها عاري ؟ واختك من باب حرام تناظر وغض بصرك
اخــذها من باب النصيحة وعدي هالسالفه .!

_ وتعليق ع نقطه ثانية من كلامك "السالفه لو فيها بنت مثلا ما يخلوني اتكلم عنها او اسمعها ."
سلامااات وش تبـي بسواليف البنات هاذي اعراض ناس ومالك خص فيهن ..

كبــر عقلك وبطل فضول ولقافة وبلا من هالحساسية الزايدة , وعيش حياتك مثل ماتبي
الكلام الي يزعلك انظر له من جانب ايجابي إذ كان نصيحه ومنه فائده تقبله بإبتسامة وشكر .
وإذ كان غير مفيد ترفع عنه ..

اخواتكـ ابدا من الآن بتغيير اسلوبك معهن:
لاتقولهن اسرارك ولاتطيح الميانة معاهن بقوووه..
تعلم قول " لا " فانها مفيده لتأديب وبيراجعن انفسهن ليه رفض مو بالعاده يرفض وبيبحثون عن الاسباب وبيحاولون يحسـنون علاقتهم معاك .
الاخت الي تحترمكـ حطها بعيونك ولي م تحترم جزاهـ واقل من جزاهـ انك م تلبي طلباتها ألا بعد محاولات وتترجاك بعد
عشان تعقل وتحسب حساب كلامها قبل لاتقوله .
واخير اً :
خليك ف تعاملك وسط وخير الامور اوسطها :
" لاتكن ليناً فتعصر ولاتكن قاسياً فتكسر "

وربي يصلح حالك وحال اخواتك ويحنن قلوبكم ع بعض
دمت بسعاده ورضى وراحة بال ..

[مشكلتي]

وعليكم السلام ورحمة الله وبركاته

م قصروا الكرام الي قبلـي :
لكن بضيف شيء بسيط ترى الطيبة الزاايدة م تنفع بها الزمن وخصوصآ مع البنات
لانهن راح يستغلنها لصالحهن وبمزاجهن .. انت عطيت المفتاح لهن وعرفوا نقطة ضعك
واستغلوهـا وللاسف شفت رد احداهن عليك وبخط ايدك قلت مانفع معها شيء "
المطلوب اخي الفاضل :
راجــع نفسك وصصح اخطائك وعدل من شخصيتك
البنت الي م تحترمك لاتسمع كلامها قولها عدلي اسلوبك واحترميني وابشري بالي تبين ..
كلمة " لا " لابد منها ولا بتعيش ضعيف مالك شخصية بينهن.. لازم يكون لك راي . "وشخصية مستقلة ."
وازن بين قول كلمة لا ونعم وطبعآ ع حسب تعاملهم معاك ممكن تكون قول " لا " سلاحك الاول وهـي السبب التغير تعاملهم معاك للافـــــضل .
صعب الولد م يكون عنده شخصيه والبنات يمشنه ع كيفهن هــذي النقطة إذ م حاولت تعدلها من الحين
راح تأثر عليك إذ تزوجت وممكن بكرة النهار زوجتك تعاييرك وتعاملك بنفس اسلوب اخواتك واخسس ..
فكــر بنفسك ترى طيبتك الزايده خلتك بنظرهم ضعيف شخصية >
من الآن حاول ان تتغـير :
طبعآ مو للاسوء للافضـل بمعنى ان اخلاقك م راح تتغير تعاملك الي بيتغيرك
مثلآ قول لهن :
انتن اخواتـي وانا احبكـن واسمع كلامكم وابد م قصرت معكن , بس انتن تتعمدن تغلطن عليه
وتفرضن شخصياتكن عليه ليه انا استاهل وهذا جزاي ؟
وين احترامـي وين تقديري ؟

_ قل لهن اسئلن صاحباتكن اخوانهم يسمعون كلامهم ؟
صاحباتكن يعاملون اخوانهم مثل ماتعاملوني ؟
تخيلوا تفقدونــي كيف بتكون حياتكم ؟ مين بيلي طلباتكم ؟

اضرب لهم الامثلة :
انك تعرف شباب معقدين اخواتهن وحارمينهم من ابسط حقوقهم تبغوني اصير مثلهم
عشان تعرفون أن الله حق ؟!

اطلب منهن يحددون طريقه لتعامل معامهم تناسبهم وتناسبك ؟
وضح لهم انكم بالاول والاخير اخوان وكل الي تريد توصله لمصلحتنا يالاخوان ولاجل م يصير كرهه وعداوة بينكم

تعليق ع نقطة " انت وامك تتابعون مسلسل تركي وكان به عرض لصورة عروس وطلبت منك اختك لاتطالع ؟!
طيب اسال نفسك كيف كانت هاذي العروس ممكن لاباسها عاري ؟ واختك من باب حرام تناظر وغض بصرك
اخــذها من باب النصيحة وعدي هالسالفه .!

_ وتعليق ع نقطه ثانية من كلامك "السالفه لو فيها بنت مثلا ما يخلوني اتكلم عنها او اسمعها ."
سلامااات وش تبـي بسواليف البنات هاذي اعراض ناس ومالك خص فيهن ..

كبــر عقلك وبطل فضول ولقافة وبلا من هالحساسية الزايدة , وعيش حياتك مثل ماتبي
الكلام الي يزعلك انظر له من جانب ايجابي إذ كان نصيحه ومنه فائده تقبله بإبتسامة وشكر .
وإذ كان غير مفيد ترفع عنه ..

اخواتكـ ابدا من الآن بتغيير اسلوبك معهن:
لاتقولهن اسرارك ولاتطيح الميانة معاهن بقوووه..
تعلم قول " لا " فانها مفيده لتأديب وبيراجعن انفسهن ليه رفض مو بالعاده يرفض وبيبحثون عن الاسباب وبيحاولون يحسـنون علاقتهم معاك .
الاخت الي تحترمكـ حطها بعيونك ولي م تحترم جزاهـ واقل من جزاهـ انك م تلبي طلباتها ألا بعد محاولات وتترجاك بعد
عشان تعقل وتحسب حساب كلامها قبل لاتقوله .
واخير اً :
خليك ف تعاملك وسط وخير الامور اوسطها :
" لاتكن ليناً فتعصر ولاتكن قاسياً فتكسر "

وربي يصلح حالك وحال اخواتك ويحنن قلوبكم ع بعض
دمت بسعاده ورضى وراحة بال ..



تسلمون كلكم وما قصرتو في الردود ومن الحين اتخذت اجراء لازم لاسلوبي ..... سلمتي اختي على اللي قلتيه وبالفعل استفدت من ردج ولكن لي ملاحظه وانا ما وضحت مقصودي من خلال كلامي " السالفه لو فيها بنت مثلا ما يخلوني اتكلم عنها او اسمعها ." كان قصدي مثلا كمثال ربيعي تزوج بنت عمه اول امس وكان فرحان .... هنا يقطعون عني ... مثلا انا بسافر عقب الجامعه اشوف الدنيا احسن من هالكتمه .. تقوم القيامه عليه .. ليش وشو بتسوي ...وتروح الافكار لمحطة القطار .. هذا كان مقصودي طال عمرج ... وسلمتو جميعا عالمرور والله يحفظنا وياكم ويهدينا ويثبتنا .

[آتم بعيد .!]

تسلمون كلكم وما قصرتو في الردود ومن الحين اتخذت اجراء لازم لاسلوبي ..... سلمتي اختي على اللي قلتيه وبالفعل استفدت من ردج ولكن لي ملاحظه وانا ما وضحت مقصودي من خلال كلامي " السالفه لو فيها بنت مثلا ما يخلوني اتكلم عنها او اسمعها ." كان قصدي مثلا كمثال ربيعي تزوج بنت عمه اول امس وكان فرحان .... هنا يقطعون عني ... مثلا انا بسافر عقب الجامعه اشوف الدنيا احسن من هالكتمه .. تقوم القيامه عليه .. ليش وشو بتسوي ...وتروح الافكار لمحطة القطار .. هذا كان مقصودي طال عمرج ... وسلمتو جميعا عالمرور والله يحفظنا وياكم ويهدينا ويثبتنا .


يسلمك ربي من عذابـه "
ومثل م قلنا التغيير للافضل وفـ تعامل فقط ..
واما قولكـ : " قصدي مثلا كمثال ربيعي تزوج بنت عمه اول امس وكان فرحان .. هنا يقطعون عني "
صدقني قطع خواتك لسالفه بمصلحتك اولآ : من باب غيره ع اعراض ناس مو من محارمك .
وثانياً : مامن هالسالفه فائده وخير ومصلحه تعود لك .

وانت حط نفسك وتخيل ان عائلة قريبة منكم تتكلم باختك او حتى بـ زوجتك واحد من اخوانهم يشاركهم الحديث او حتى يسمع .! أكــيد ماترضــاهـ
حتى لو صاحب أخلاق عالية بيظل هالشيء خطأ ومانرضاه ع انفسنا ولا محارمنا فكيف ع محارم الأخرين ..

_ وأما بخصوص سفرتك وتبي تتمشى " كل شيء بتفاهم والحوار يصير بس انت لاتكبرها "
تبــي تسافر تغيير جوو بالاول استخيير ربك قبل لاتتكلم وبعدها استئذن من الوالد او الوالدة ..
حاول فيهم مرة ثنتين ثلاث ... وإذ ربي ماكتب لك عادي ماصار شيء شف لك الاماكن سياحية بدوالتك ورح لها .. المهم انك غيرت جو وانبسطت " لاتكبر الامور واخذ كل شي ببساطة وخيرهه "
والعمر قدامك بتسافر وتلف العالم بالمستقبل .
وربي يحفظك ويخليك لاهلك ويثبتنا وياك ع طاعته ..

[مطر الفجر]

وعليكم السلام اخي
تبي نصيحه باختصار
احقرهن وطنشهن ولا تكلمهن ولا حتى تعطيهم وجه
ولا ترد على اي تعليق لهم
هذا انسب حل لهم عشان يعرفون مع مين يتكلمون
انت اخوهم وكبر منهم وهم يعاملونك كذا ؟؟
اذا مافي مشكله تكتب اعماركم كلكم بيكون الحل اسهل
لكن بصراحه انت السبب اخوي لاتزعل بس الصراحه احيانا تفيدك
مارح اجامل اصنع شخصيتك بنفسك
وافرض افعالك مو اقوالك لان هم تعودو على كلامك معاهم
لازم يشوفون افعال وهي اللي تخليهم يعرفون قيمتك عندهم
مثلا طلبات او شيئ للمنزل
او جرب يوم من الايام خذ الوالده وحدها بس وروحو تعشوا
او جيب عشاء لشخصين فقط انت والوالده والوالد وطنشهم
واذا زعلو او قالو ليش ماجبت لنا قول لهم ليش مين انتم ؟
ومن متى تحسبون الف حساب لي عشان احسب حساب لكم
تعلم انك ماتراعي مشاعر الناس اذا ماراعوا مشاعرك