اختي

[ادريبوه يحبن ~!]

السلام عليكم ورحمة الله وبركاته

بنات طلبتكم تساعدوني انا جننت اهلي بالبيت بعصبيتي حتى ابوي مليون مره يغضب علي
واختي الصغيره دايم اضربها حتى لو مالها ذنب اذا تهاوشت مع امي اروح اضربها اهئ وتبكي وربي اندم على كل لحظه سويتها وش اسوي بنات وربي ماني راضيه عن تصرفاتي مع اهلي واختي الصغيره تكفون لاتزيدوني هم وعتاب اختي الصغيره صارت الله يكرمكم تبول على نفسها بالنوم وهالشي صار مرتين وبعدها لا حالتها تمام انا خايفه اني انا السبب وش اسوي وربي وربي ان قلبي يتقطع :eh_s(11):

[جُلَّنار]

طيب السبب اختي؟
ليش تضربي اختك وليش بابتك يعصب عليكي؟

[ادريبوه يحبن ~!]

انا اذا عصبت من اهلي احط حرتي بالصغيره ذي وربي من اليوم العبها ندمانه حيل اهئ واكيد ابوي يعصب لاني جننته بالبيت كل شوي اصارخ

[جُلَّنار]

انا اذا عصبت من اهلي احط حرتي بالصغيره ذي وربي من اليوم العبها ندمانه حيل اهئ واكيد ابوي يعصب لاني جننته بالبيت كل شوي اصارخ


ممكن ياعسولتي اعرف عمرك ادا مافي مانع؟

[لحن أندلسي]

ياحبيبتي أنا ماراح آدخل عليك عشان أعاتبك
بس لازم نفهمك الي تسويه خطأ أسمه غضب
والغضب نهى عنه الرسول عليه الصلاة والسلام
حاولي ياأختي تمسكي نفسك وتعوذي من الشيطان
مجرد ماتحسين بغضب روحي توضي وصلي ركعتين
وربك بيطفي لحظة الغضب

والشيء الثاني هاذي آختك صغيره نعمه من ربك
أحسن من الي ماله أخ أو أخت جوفي أنا أكلمك
ومالي أخ أو أخت ولو كان عندي كنت كون سعيده
حاولي ياختي تحني عليها وترحميها خلي بقلبك رحمه
ربنا رؤوف رحيم ومن احنا يالبشر عشان نقسى
حني عليها خذيها بحضنك وضميها واحكي وياها

[ادريبوه يحبن ~!]

ان شاء الله بس انا خايفه تكبر ويصير لها نفسيه واخذ ذنبها بس وربي خلاص انا ندمانه
والحلوه اللي تسال كم عمري تراني 18 سنه وشكرا على مروركم

[جُلَّنار]

ان شاء الله بس انا خايفه تكبر ويصير لها نفسيه واخذ ذنبها بس وربي خلاص انا ندمانه
والحلوه اللي تسال كم عمري تراني 18 سنه وشكرا على مروركم

شوفي ياعسولتي انا سألت عن العمر علشان اعرف اوصلك
اممم شوفي انا احيانا اول كنت لمن اعصب انفس غضبي بطرق خاطئه جدا مررة وتضايق الي حولي بس قدرت امسك نفسي وسرت اتعوذ من الشيطان كل ماحسيت اني عصبت والحمد الله قدرت اسيطر على نفسي وانتي كمانا ياقلبي حاولي مرة عن مرة تهدي نفسك وتتعوذي وتصلي ركعتين وحتسيري احسن باذن الله

ياربي يسعدك ياقلبي ويوفقك وانا اختك عندك بالي تامريني فيه

[ادريبوه يحبن ~!]

ان شاء احاول امسك نفسي بس وش الحل لان ابوي دايم بكل مشكله تصير يقول الله لايوفقك وانا غاضب عليك وبعد ايام يهرجني وبعدين يقلب علي اذا سويت طبعا مشكله بالبيت وطيب اختي لو صارلها حاله نفسيه انا بكسب ذنبها وكيف اعوض هالشي

[جُلَّنار]

ان شاء احاول امسك نفسي بس وش الحل لان ابوي دايم بكل مشكله تصير يقول الله لايوفقك وانا غاضب عليك وبعد ايام يهرجني وبعدين يقلب علي اذا سويت طبعا مشكله بالبيت وطيب اختي لو صارلها حاله نفسيه انا بكسب ذنبها وكيف اعوض هالشي

مافي مشكله الا ولها حل
اولا:بابتك اكسبي رضاه وعوضيه عن الي فات وخليكي دايما جنبه وااضبطي اعصابك وحسسيه انك اتغيرتي
تانيا:اختك صغنونه ولسع تقدري تصلحي معاملتك معاها وصدقيني مح يسرلها الا كل خير ادا عدلتي معاملتك معاها واحتويتيها
بس الاهم من دا كلو انك تعزمي وتعقدي النيه الصادقه مع نفسك انو معاد ترجعي لهدي الأفعال تاني
وكل شي باذن الله حيتعدل ولاتشيلي هم حبيبتي

[ادريبوه يحبن ~!]

ايوا بس انا لما شفت اختي تتبول على نفسها وقت النوم كرمتي حملت نفسي الذنب

[جُلَّنار]

مو شرط انو السبب انتي عادي اكثر الاطفال الي في سنها يمروا بكذا
انتي المهم تغيري من نفسك وربنا يعينك ان شاء الله

[شخبار قلبك]

حاولي اول ماتعصبين تحطين حرتك بأي شي قريب منك طبعا جماد ..
وتعوذي من ابليس ..
وترى فيه حركة انا بنفسي مجربتها اول ماتحسين انك بتعصبين خذي نفس وعدي بينك وبين نفسك
من الواحد الى العشره وصدقيني راح تهدين ..

الله يبعد عنك هالعصبيه ي الغلا ..

[مطر الفجر]

اختي
انتي يبي لك دكتور نفسي
لان اذا تطور هذا الامر بيكون عندك نزعه اجرامية
وعنف ضد الكل مع مرور الوقت
شفتي كيف الشغالات ؟؟؟ انتبهي لاتصيري مثلهم
الحل الوحيد انك اذا عصبتي تروحين تتوضاين
وتصلين لك ركعتين او تقراين قران
اشغلي نفسك في شي غير اختك الصغيرة !
على فكره ترى عمر 18 سنه مو صغيره
فيه مثل عمرك واصغر متزوجات وعندهم عيال

الله يعينك ويشفيك ان شاء الله

[اللورد يحيا]

قال رسول الله صلى الله عليه وسلم : (( ليس الشديد بالصرعة إنما الشديد الذي يملك نفسه عند الغضب ))

اتمنى تراجعين نفسك وتحكمين أعصابك فهذي الأمور تحصل معك وأنتي مازلتي ( آنسه ) فستتعبين نفسياً لاحقاً بعد زواجك إذا إستمرت فيك عصبيتك ..

[ادريبوه يحبن ~!]

اختي
انتي يبي لك دكتور نفسي
لان اذا تطور هذا الامر بيكون عندك نزعه اجرامية
وعنف ضد الكل مع مرور الوقت
شفتي كيف الشغالات ؟؟؟ انتبهي لاتصيري مثلهم
الحل الوحيد انك اذا عصبتي تروحين تتوضاين
وتصلين لك ركعتين او تقراين قران
اشغلي نفسك في شي غير اختك الصغيرة !
على فكره ترى عمر 18 سنه مو صغيره
فيه مثل عمرك واصغر متزوجات وعندهم عيال

الله يعينك ويشفيك ان شاء الله










اوكي اختي كلامكم على عيني وراسي بس وش دخل الشغالات؟
انا قلت بمشكلتي أني ضربتها ماقتلتها وكل انسان يعصب انا وانتي والكل
وبخصوص اللي بعمري متزوجين ؟ انا ماشكيت العنوسه هنا وحتى لو عندي اطفال اكيد
بحن عليهم مو لهالدرجه مجرمه صحيح اعصب وارضى واحن:MonTaseR_209: والله يشفيك ؟ اش قصدك بهالكلمه يعني العصبيه صارت مرض ؟

[مطر الفجر]

اوكي اختي كلامكم على عيني وراسي بس وش دخل الشغالات؟
انا قلت بمشكلتي أني ضربتها ماقتلتها وكل انسان يعصب انا وانتي والكل
وبخصوص اللي بعمري متزوجين ؟ انا ماشكيت العنوسه هنا وحتى لو عندي اطفال اكيد
بحن عليهم مو لهالدرجه مجرمه صحيح اعصب وارضى واحن:montaser_209: والله يشفيك ؟ اش قصدك بهالكلمه يعني العصبيه صارت مرض ؟

اختي لاتتحسسين من ردي
انا قصدت بالشغالات انهم يتحول سلوكهم الى عنف
وهذا سوف ينعكس عليك مستقبلا
عنف اسري وسوف تضربين اولادك
ثانيا اعلم انك لم تشكي العنوسه انا ردي عليك من اجل
ان تحسبي حساب المستقبل وكيف سوف تصبحين
بعد الزواج وانجاب الاطفال
لاتقولي اطفالي سوف احن عليهم
اسالك بالله كم خبر قراتي بالجرائد
عن حالات اهل قتلوا اطفالهم من الضرب ؟؟
او تسببوا لهم في عاهات مستديمه حيث لاينفع الندم لاحقا
وكله بسبب العصبيه
كلامي لمصلحتك راجعي نفسك
دعوتي لك بالشفاء لك وللجميع واكررها
الله يشفيك من عصبيتك لان في نظري العصبيه مرض
حيث انه يدفع الانسان الى فعل اشياء لاتحمد عقباها
بدون وعي عندما تكونين في قمة الغضب
ترتكبين اشياء لا تقصدينها فعلا ثم بعد ذلك تندمين
اكرر واقول لك نعم العصبيه مرض نفسي
يتولد من كثر ضغوطات الحياة
والله يشفيك و جميع المسلمين ويهدئ اعصابهم