ابيك تحس في همي وتلمــس" رعشة الكفين"

[ألانـــَْيــُٰقے ‏،]

كئيبه ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي
عبث منها بدون اسباب " تشلع " مهجتي نصفين
وانا في عشقــــهآ حتى حرمت العين غفواتي
رجاء لا تشيلين "العتب " كان الهدف حرفين
اذا ما تعرفيها مو خطايه اسمعــــي الاتي
على ذاك الطريق "المنتمي" للشك والتخمين
مشيت وياكثر ما بعثــرت فالناس نظرآتي
اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي
اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي
رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي
وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي
ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي
لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي
لقيتك للأسف "لاهي" ولا تدري وصلت منين
وقسوة قلبــك اسقتني جفاك المجحف العاتي
"فمان الله" برحل والجروح تعانــق السكين
بســافر بالالم من شان ما ارضخ لاجل رغباتي
ابرحل عنك واترك لك "حكايه" داخل {..القوسين..}
تمتع بعدها باللي تطــــــــوله من معاناتي
مصير "الشـــوق" يعثى في حنايا مهجتك وتلين
بوقت فيه يا بعـــــدي عليك وصعب جياتي
انا يوم اشتكيت من "الولــع" ومن السهر والبين
ظننت انك تحس بثورة اوجاعـــــي ولوعاتي
اثاري "الشـــوق " ما يرحم ونار الصد عن نارين
كواني جمرها الحــــارق وانا في غمرة اسكاتي
عشان اني صبرت اتزيد" جرحك " في الحشا جرحين
وانا ما كنت اظــــن الصبر يخلف فيك هقواتي
ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي
على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي
ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي

[خـ,الخالدي,ـالد]

دائما متميزه في الانتقاء
سلمتِ على روعه طرحك
نترقب المزيد من جديدك الرائع
دمتِ ودام لنا روعه مواضيعك

لكِـ خالص احترامي

[(قيثار الحب)]

الانيق

الله عليك كلمات رائعه ومميزه

تسلم على احساسك الذوق

مانحرم

[شموخ عزي]

بوح َرآئع وَحرْف بآذْخ
فيٍ سطٌورْك نطًق كٌل تمٍيز وإبِداًع
لَك ذآئقَه منفَرْده علًى َعرْش الجَمآل الحَرْفيِ
جُورْيِه حمَراَء لِ رٌوًحْك ~|

[شخبار قلبك]

صح لسآن قآيلهآ ..
ويعطيكك آلف عآفيه ع آلنقل ..
لآخلآ ولآعدمم ..
ننتظر آلمزيد .. http://www.al2la.com/vb/images/al2la%20Smiles/MonTaseR_1.gif