محتاجتكم ضروري مشكلة كبيرة

[مشكلتي]

السلام عليكم ورحمة الله وبركاته

انا اكبر وحدة بالبيت ماما توفت من 8 شهور
ومابقي لي الا خواتي الصغار وابوي ( انا ماعندي اخوان )
ابوي رجل كبير في السن ومايقدر يصرف علينا علشان كذا انا صرت اشتغل وخلاني وعماني مايقصرون
يعني خالي يجيب لنا حاجات وعمي وكلهم يساعدوني المهم بعد فترة خالي جاب لكل وحدة فينا جوال وشريحة طبعاً خواتي صغار وعندهم جوالات
يعني اعمارهم 18 ماقلنا شيء كبيرة لكن الباقي 14 12 10 اعمارهم كلهم يدرسون انا كنت بقول لخالي انه حرام يجيب لهم ويكلف على نفسه
لكن خفت يزعل وماعاد يكلمنا بعد فترة صرت اخاف على خواتي صرت امسك جوالتهم وافتش في واشوف فتحت جوال اختي اللي عمرها 10 سنوات
وهي بالمدرسة فتحته لقيتها مسجلة بمنتديات وتعرط على الناس انه عمرها 16 سنة وخريجة من المدرسة ومادري ايه انا انصعقت بقيت افتش
لقيت اختي عندها انستقرام وفيس بوك وتويتر وقناة في اليوتيوب ومو بأسمها بأسآمي اخرى انا لما شفت كذا ماعرفت ايش اسوي
اختي اللي عمرها 12 هاذي عاقلة شوي فتحت جوالها لقيت عندها بس واتس مو كاتبة شيء في الواتس يعني من فترة لفترة تدخل
اختي اللي عمرها 14 كانت كل ماتنزل موقع او برنامج تقلي او لاختي اللي عمرها 18 سنة وفتشت جوالها مالقيت شيء
انا خفت على اختي اللي عمرها 10 سنوات بعدين يوم رجعو من المدرسةكلمت اختي اللي عمرها 18 سنة اختي قالت الحين احاول اخذ جوالها واوصل لمعلومات اكثر اختي اللي عمرها 18 سنة مسكتها وقالت لها اعطيني جوالك لحظة بس بشوف كم شيء اختي اللي عمرها 10 سنوات قالت ماراح اعطيك هو انا قلت لاختي بكرة لما يروحو المدرسة اسحبه واشوف بعدين حاولت ادخل عالفيس حقها ماقدرت رحت دخلت على بريدها لقيتها تتواصل مع شخص اكبر منها 8 سنين وبينهم قصص خرافية < اتوقع فهمتوني
انا قلت لخالي وخالي قال انا اوريها خالي سحب منها الجوال بعدين هي صارت تدخل من جوالتنا انا قلت لاخواتي كل وحدة تحط رقم سري
اختي صارت تبكي وماعاد تجلس معنا ابدا ومستواها الدراسي انخفض وخالي يقول لو رجعنا لها الجوال ممكن تدخلنا بمشاكل
اختي صارت تحلف والله ماراح اسوي شي وانا قلت لخالي طنشها
بعد ايام اختي صارت ماتكلمنا وماتاكل معنا وتبقى سهرانة انا رحت لها وقلت لها فضفضي لي مارضيت قلتلها اوعدك احل للك المشكلة
وصارت تقولي ان هاذا الولد اللي يكلمها قال لها ابعثي صورك وان مابعثتيهم راح اجيب خبرك انا قلت لها شوفي مادام انك اعطيتيه كل المعلومات غلط ماراح يسوي لك شيء قالت لي يعرف عننا كل شيء وكمان يعرف بيتنا انا انصدمت بعد يوم انا ماخليت اختي تروح المدرسة
بعدين اختي قالت لا برووح ماابغى اغيب خليناها تروح بس مع خالي المشكلة خالي بالصرفة تاخر عليها واختي جائت وجهها احمر ويدها قلت لها ايش فيك
قالت لي خطفني ضربني رجعني قلت لها مستحيل بكم دقيقة يخطفك ويرجع وفوق كذا يضربك قالت لي بيته قدام المدرسة انا قلت لخالي يسحب ملفها من المدرسة وسحب ملفها والان هي جالسة بالبيت وماني عارفة ايش اسوي ؟

[معاندة جرح]

ياقلبي وش ذا ...!
الله يساعدك صراحه مسؤوليه كبيره
انا من رأيي انكم تحتفظو بالجوال وكل شي فيه
وتقترحي ع خالك انه يبلغ الاماره او الشرطه بشكل سري ما يفضح البنت واهلها
ومستحيل الشرطه يتركوه بحاله
هي اكيد تعرف شكله وبيته
وغير كذا تأكدي من البنت انه ما سوا شي لما خطفها ...
ومش الحل انك تجلسيها بالبيت ابدا كذا ح يضيع مستقبلها
الحل انكم تشتكو هالمريض وياخذ عقابه
وحاولي تقربي منها اكثر دلعيها اكثر وحده بخواتك
وسجلوها بمدرسه ثانيه وباص موثوق ياخذها ويجيبها ف أوقاتها
ومع الوقت ح ينحل كل شي وترجع الظروف طبيعيه
وحاولي تفهميها ان النت له وجهين وان المرضى النفسيين فيه كثير وان هذا نتيجه اللي كانت تسويه من قبل
حاولي تربيها هاذي لسى صغيره ومحتاجتك
والجوال ممكن ترجعيه بعد فتره وتشترطي عليها ان اي شي تسويه تبلغك فيه وتاخذ رايك
وان تخليه مفتوح بأيدي الكل يشوفوه
ولا تتعاملي معها كـ كبيره ومختلفه عن جيلها لان كذا ما ح ترتاح لك ..
الله يكون بعونك والله

[~♥ آم رنآ]

وعليكم السلام
الله يعينك والله مشكلة صعبة
لكن حاولي انك تدخلي عالفيس حق اختك علشان تشوفي وتعرفي معلومآته
بعدين انا فهمت من كلآمك انه بيتهم عند المدرسة اللي تدرس فيها اختك
الحين اكيد اختك عارفة هم ساكنين بأي طابق وين شقتهم انتي اسألي
اختك كمان بلغو على الرجال حتى تتخطي هذه المشكلة بسهولة لكن
زي ماقآل اخي ظلموني بلغو عليه بسرية تامة وخلي اختك ترجع
لدراستها لانها بحاجة لها ثاني شيء يجب انك تخففي الالم على اختك
يعني قولي لها ان ماصار شيء وان شاء الله كل شيء يمر على خير
يعني بآختصآر حآولي تخففي عنهآ وبآلنسبة للجوآل لآ تعطوهآ آيآه ،
الآ لمآ تتأكدو ان كل شيء انتهى وكمان لآتنسي تدعي ان الله يفرجها
عليكم واختك انقليهآ لمدرسة تآنية لآنهآ بحآجة للدرآسة وربي يفرجها عليكم ~

[اللورد يحيا]

لابد تكونون صارمين في تعاملكم مع أختك ذات الـ 10 سنوات وتنتبهون من تصرفاتها لأنها وقعت ضحية لمبتز مستسلمتاً لعواطفها وهي لا تعلم

ومن المؤكد ستخترع لكم أقاويل وحجج لأن سنها صغير ووسيلتها لدفاع عن نفسها وتبرير مواقفها هي ( الكذب )

ولو تستمر مع هذا الشاب سيحاول أن يقودها يوماً بعد يوم ساحباً منها أدق التفاصيل التي توصله لمبتغاه ، لأن من الواضح مازال مراهقاً أهدافه قذره..

أولاً : حاولو تنصحونها بالهداوه بأن الطريق الذي تمشي فيه طريق خاطئ قد يقودها للمتاعب ..

ثانياً : من الأفضل ترجعون لها جوالها ولكن تحت رقابه مشدده منكم لها مع شروط صارمه بأنكم ستصادرون جوالها إذا تكرر منها الخطأ ..

ثالثاً : لا تصدقون كلامها لأنها من المؤكد ستكذب عليكم وتخترع قصص وأقاويل ، لذا حاولوا تتبينون الحقائق بأنفسكم بتحايل عليها ..

[وردة الاطلس]

السلام عليكم

ربي يكون في عونك مع عائلتك

مشكلة اختك هي صغيرة جدا وما تفهم في امور الحياة

اظن ان اختك كانت تعرف هذا الشاب شخصيا ولما اشتريت لها الهاتف بدات تتواصل معه

اذهبي انت وخالك الى بيته واشكيه لابيه اوامه هم يعرفوا يتصرفوا معه اكثر

ولاتحرمي اختك من التعليم او الهاتف بل راقبيها جيدا

رافقيها وانتظريها عند باب المدرسة كل يوم

راقبيها دائما لما تتاكد انها مراقبه من طرفكم ستخاف

والهيها باي شيء اعمال اضافية اخرى اشغلي وقتها اكثر

ربي معكم

[^نورهه^]

بصراحه ذي مساوليه وايد صعبه لكن تعاملي معاها زي اختي الي عمرها 18 عشان ماتحس انها اصغر منكم وانها على اساس صغيره ماتفهم فضفضي لها عن همو الدنيا يمكن تحس اجلسو كلكم مع بعض وتكلمو وتفرجو واشتغلو مع بعض عشان مايكون في نقص عليها انتبهو لها حاولو تتقربو منها وتشوفون هي مع من تمشي ترى صديقات السوء كثار اعطوها جوالها اذا كان عمرها 14 يمكن وقتها تعرف تميز بين الصح والغلط وبرضو انتبهو لها واهم شي تحسسونها انكم تبونها وكل صغير يبيي احد يحس فيه وحنان وحتى الكبار لاتحسسونها بغياب امها موني لها الام الي تخاف عليها كوني لها الاخت الي تهتم لها وكوني الاب الي يخاف عليها ^بالتوفيق^

[آتم بعيد .!]

" وعليكم السلام ورحمة الله وبركاته "
اول شي الله يرحم امك ويسكنها الفردوس الاعلى ~
ثانياً : تصرفك عين العقل لما كلمتي خالك , وسحب الجوال منها..
نصيحتي لك : البنت عقلها صغيير وتفكيرها محدود ماراح تفهم عليكم بسهوله ..
امك رحمها الله تركت فراغ كبير وكون اختك اصغر شيء فـ هي اكثر وحده راح تحس انها وحيده ومحتاجه حب ووعطف , ودخلت عالم النت لانه هو الوسيلة المتاحه والمتوفرة ’ فيه من مختلف الاعمار وحبت تستكشف وتعيش مغامرته وبـ عمر أكبر من سنها وان كانت خطاء ألا انها جاهلة .!
تعليق ع جزء من كلامك :

دخلت على بريدها لقيتها تتواصل مع شخص اكبر منها 8 سنين وبينهم قصص خرافية < اتوقع فهمتوني


وش نوع القصص الخُرافية كم قالت له عمرها ؟!
هنا جزء من الحلقة المفقودة شوفي الرسائل وإذا لقيتِ مافي ولا معلومه صحيحة نقول الحمدلله !

وتعليق ع نقطة ثانية من كلامك :

وصارت تقولي ان هاذا الولد اللي يكلمها قال لها ابعثي صورك وان مابعثتيهم راح اجيب خبرك انا قلت لها شوفي مادام انك اعطيتيه كل المعلومات غلط ماراح يسوي لك شيء قالت لي يعرف عننا كل شيء وكمان يعرف بيتنا

اختك اظن انها بكاشة دام انه يعرفها وش يبي بصورها ؟! لو كانت فعلآ صادقة راح تلقين التاكيد بـ رسائل البريد ,,
شكلها متاثرة بقصص تسمعها ويمكن تكذب عشان ترجعون لها الجوال
وكذبت مرة ثانية لما قالت انه ساحبها وضربها ..!
الاطفال تفكيرهم محدود ويمكن تبغى تخوفكـم ألفت قصه ومثلت عليكم الدور ..
ع بالها وحسب تفكيرها انكـم بتخافون عليها وبترجعون لها الجوال عشان مايأذيها ..
مادرت انكـم بتسحبون ملفها من المدرسة وبتجلسونها فالبيت ..

عشان تتاكدين :
انا بقولك كيف تقدرين تسحبين منها الكلام ومن اخواتك كلهم وكمان تتقربين منهن أكثر :
طريقة انا كنت اسويها مع اخواتي الصغار وخصوصآ اختي 14 سنه > عساها ماتشوف الموضوع :(
اناديها تجي تجلس معي امشط شعرها اسوالف معها سالفة تسحب سالفه اكلمها عن نفسي لما كنت صغيرة
وكيف كنا انا وصاحباتي ايام المدرسة وبكذا كانت تحس براحة كـ بداية وتتكلم وتسوالف وتقول إلي فخاطرهـا بصدق وبصراحة لدرجة كانت تعترف لـي بأشياء عن صاحباتها وبلاوي بـ صور
قبل كان ماعندها جوال ع جوالي وكنت معطيتها الثقه كانت تجي تقولي شوفي صاحبتي وش تقول شوفي صورة إلي تكلمه تقول تحبه ~ كلام يخوف كانت تقوله لي
وانا كنت انصحها بس ماقولها ابعدي عنها لانها هـي بالمدرسة معها مادري عنها إذا تركتها او لا فكنت انصحها واقولها قصص بنات وش نهاية هالطريق انصحي صاحبتك فهميها وتقول طيب ,,
الآن طلعنا لها جوال ومايحتاج اراقبها لان هي تجيب جوالها وتاخذ راي توريني كلامهم وتسألني ويارب تحفظها لي ويحفظك لك خواتك يارب ~

المهم إذا اكدت لك انه فعلآ ضربها او اعتداء عليها بلغوا عليه ولاتسكتون
وياليت يكون الموضوع سري بمعنى بينك وبين اختك الصغيرة وخالك ~
اخواتك الباقيات لايعرفون وش صار عشان ماتصير بصمة عار لها ويعايرونها ويذكرونهها به ..

اختـك ترى بيضيع مستقبلها الحين بتحس بفراغ اكثـر بسبب الجلسة بالبيت ,, إذا تقدرين تاخذين ملفها وتنقلينها مدرسة ثانية وانتِ تودينها لين تدخل المدرسة وقت الصرفة تنتظرك تدخلين تطلعينها من المدرسة .!
تحملي مسألة وقت وحاولي تعوديها ع الحجاب وتحببيها فيه ..
المهم حاولي تشغلينها معاكم وتكلفينها بمهام تغسل معاك تطبخ تكنس حاولي ماتتركينها لحالها فهميها انها للحين صغيرة وهالتصرفات بيزعل ماما منها اسئليها انتِ بتحي ماما ؟ اجل لاعاد تكررين هالتصرفات ~
والجوال لاترجعونـه لها نهائياً البنت صغيـــــــــررره وقولي لخالك يفهمها انه باع الجوال وماعنده فلوس .
إذا الله رزقه وجاءه فلوس بيشتري لها احسن جواال ..
واذ طلبت جوال وحده فيكن اعطوها وقدام عيونكن شوفوا وش تدخل وش تسوي انتبهوا لها
اما تاخذ الجوال وتروح لغرفة لوحدها لااااا ,,
قولـي نشتري لك إلي تبين العاب عرايس بس جوال غالي مانقدر عليه خصوصاً هالفترة
وهـي طفلة بتمشي عليها ,,
ونصيحتي لك :
تسجلين لها بتحفيظ قرآن بتنشغل وممكن سبحان الله يتغير تفكيرها
وتعلق بكلام الله وتحب الله اكثر وتحاول تحفظ القرآن وتعرف ان هالعلاقات حرام وتنسى كل هالخرابيط ..

اعطفي عليها حسسيها انك مثل امها وانها مهمه عندكم بوسيها ضميها حافظي عليها وقولي لاخواتك كلهن يعاملونها برفق وحنيه اكثر وقد ماتقدرين انتبهي لهن ذي امانه والله يعينك عليها ..
ربي يحفظها ويحفظكن من كل سوء ويسعدكن ويوفقكن يارب :رحيق:

[مطر الفجر]

اختي الغاليه ترى اختك اذكى مما تتصورين
وعقلها ليس صغيرا
ومحتاله جدا في تلفيق الاكاذيب
انتبهوا عليها
لان عقلها فوق مستوى ال 10 سنوات
لاتصدقين اي كلمة منها
ركزي على الكلام اللي احدده لك
انتي ذكرتي انها تقول
صارت تقولي ان هاذا الولد اللي يكلمها قال لها ابعثي صورك
وان مابعثتيهم راح اجيب خبرك
واذا بعثت صورها وش يعني ؟؟؟؟
هي عمرها 10 سنوات يعني طفله وعادي
بس تفكيرها اكبر من عمرها تراها مو على نياتها انتبهي
وهل حقا بعثت صورها ام لا ؟؟؟؟

ثاني نقطه وهي الاهم انتي ذكرتي في كلامك
جائت وجهها احمر ويدها قلت لها ايش فيك
قالت لي خطفني ضربني رجعني
قلت لها مستحيل بكم دقيقة يخطفك ويرجع
وفوق كذا يضربك قالت لي بيته قدام المدرسة
اولا الكذابه الصغيره هذي مافي شاب يخطف عشان يضرب
ويرجعها عادي وبس !
الا اكيد يبي اشياء ثانيه وانتي فاهمه قصدي
كيف خطفها والحارس حق المدرسة ماشاف ولا سمع ؟؟؟
ثاني شي هي كيف عرفت انه بيت الولد قدام المدرسة ؟
يعني الا هو شكله قال لها واتفق معها !!
والاهم هل الولد يعرف شكلها ؟ كيف يعرفها هي من بين البنات كلهم
اذا مابعثت له صورها ؟
لعلمك ترى المراهق يخاف و مستحيل يسوي شي من راسه
اذا مافي اتفاق من الطرف الاخر
ثاني شي انتي تقولين هي تكذب على الناس
وعلى اساس عمرها 16 والولد تواصل معها
على اساس عمرها 16 وكذبت عليه
طيب هنا السؤال المهم كيف عرف انها طفله 10 سنوات وخطفها ؟؟
وعرف مدرستها ؟
يعني اختك خطيره ومحتاله وانتبهي منها وانتبهي عليها
لا تصدقين اي كلمة منها كوني صارمة
فاجأتني جدا بصراحه لو هذي اختي احرمها نهائيا من الذهاب للمدرسه
واخليها تدرس منازل وانا اروح معها شخصيا وقت الاختبارات
او عسى عمرها مادرست احسن من تجيب لنا فضايح
وتاكدي البنت اذا مشت في هذا الطريق من بدري وعمر صغير
مارح تقدر تترك هذا الطريق يبي لها ملاحظه طول العمر
وانصحك تاخذينها عند طبيبه نسائيه وتكشفي عليها
وقولي للطبيبه مشتبهين في حالة تحرش او اعتداء
واذا صار شي لا سمح الله تقدرون تخلونها تستمر تتواصل مع هذا الشاب
الى ان تستدرجونه وتمسكونه وياخذ عقابه اللازم
لانه استغل طفله وممكن يستغل كثار غيرها
واقول لك ملاحظه
اسحبي الجوالات من خواتك الباقيات لسه صغار ومراهقات
وفي عمر خطير حتى لو كانوا عاقلات ترى الشيطان شاطر
واذا خالك بيزعل مشكلته ترى سمعتكم اهم من زعل خالك
لو هو حريص عليهم ماكان جاب لهم الجوالات هدايا !
اسمحي لي بس كان فيه كثار هدايا انسب لاعمارهم
يمكن هو حسن نية وظن ويبي يفرحهم بس كذا غلط ومفروض انتي
من البداية تنبهينه انك خايفه على خواتك وتقولين له
ما نقدر نقبل هذه الهديه لان خواتي صغار
وانا مسؤله عنهم مثل امهم

الله يستر عليكم وعلى الجميع