مملك ،، ممكن تدخلوا : (

[مشكلتي]

السلام عليكم ورحمة الله

مساكم الله يالخير

والله لم احب ان تبدأ حياتي بأن اشكو .. لكن غصب عني ماقدرت اتحمل ...


الموضوع ومافيه يااحبتي

انا مملك ( عاقد ) على بنت قريبة لي عمرها 17 :icon18:، والبنت اخلاق وطيبه وجمال ووالخ ( اغلب مايتمناهـ المرء

صار لي الأن قرابة 4 شهووووووووور .... وكانت كويسة وكل شي تمام فجأة تغيرررت الى /

اولا \ البنت ماترد الا بطلعة الروح ، واذا ردت تعتذر كان عندي فلانه او وووو الخ وعادي امشي

ثانيا \ وانا اسولف معها فجأة تقول اكلمك شوي ، ثم ماتتصل ولا ترسل ( انام واقعد ألقى رسالة بعد 7 او 8 ساعات ؟؟
فأتصل مااخذ دقيقه على بعضها الا اكلمك شوي ونفس القضية

ثالثا \ عندها حسابات في برامج التواصل الاجتماعي ( تويتر ، استقرام )
قلت لها لا تظيفين رجال ( وانا اعتبرهـ من باب احترام حبي لك ) قالت ماني مقتنعه بس خلاص اللي تبي بسوي حذفت واحد وخلت 2 او 3 ..


ثم شفتها نزلت صووورة بها ((( يدها ))) انا هنا عاااد انفجرت الغيرة لدي لأن اللي يتابعونها واجد والرجال منهم ليسوا بقلييييييييييل يعني متابعيها 1000 ؟؟ يمكن الرجال اذا اقل شئ 50 ؟؟

كلمتها قلت سكري حسابك ترى اغار عليك
بداية رفضت ثم راحت عند قريباتها وكلمتني بعدها وقال بقفل الحساب وكذا

علامات تعجب فوق راسي المهم مدحتها شوي ...

ثم فتحته وكلمتها ليش تفتحينه

قالت خلاص قفلته !! بعد 5 ساعات رجعت فتحته !!

انا صارت بنفسي وبالأخص الاخيرهـ اما عدم احترام او تطنيش اووووو !! ، احس كنها سكتتني

والله اني منقهر مع العلم اني مغرقها حب وهدايا وزياراتي لها كل اسبوعين ومرة شهر كامل ماجيت !!

العرس قررب لكن انا سويت اللي سويته عشان تكون عندها فكره اني من الان ترى ماني راضي


- ارجوكم ردوا ردود تطيب الخاطر والله اني متضايق وعزمت اني ماراح اكلمها فترة اسبوع اثنين
وماراح ارد : ( احسها عاملتني ك طفل في الحركه الاخيرهـ

[مشكلتي]

مع العلم لدي حسابات ماقبلت ولا اضافة للبنات او حتى اضفت بنات ؟؟

[لحن الياسمين]

وعليكم السلام ورحمة الله وبركاته
مبروووك والله يتمم لك على خير
البنت تلاقيها جالسة تسوي بنصايح البنات لها وتحاول تثقل عليك شوي لكن ماعليك الى الان مازالت في بيت ابوها خلها تعيش حريتها شوي لما تكون معك في بيتك بعد الزواج لك الحرية في التعامل معها
يمكن البنت مشغولة بالتجهيز للزواج او مع اهلها بس ماتبي تقولك انها مشغولة خلها براحتتها متى ماكانت فاضيةتكلمك وانت كمان جرب تخفف من اتصالاتك ورسايلك وهي اكيد راح تفتقدك وتتصل فيك ،،
اما بالنسبة لحساباتها دامها محترمة نفسها ولا تتجاوز حدودها مع احد خلها ليش تبيها تقفل حساباتها و دامك تعرف حساباتها وتتابعها على طول معناها مافي خوف يا اخوي منها ولا عليها لانها واضحة معك
لا تضيق عليها الخناق عطها مساحة حرية خاصة شوي
الله يوفقك ويتمم زواجك على خير

[مشكلتي]

الله يجزاك خير على الرد
انا متأكد انا تتثيقل لكن والله مااحب هالطبعع مرررهـ
لمحت لها مررهـ انها ماتسمع لأحد لكن !!
- تقولين مشغوله
انا معك بس مشغوله ٢٤ ساعه بالضبط !!
الفجر مشغوله الصباح مشغوله ( تقول بنام شوي اشوفها تسوي رتويت او لايك !! ) بكل وقت !!

شكيت انها مجبورة علي :( او انها ملت مني او متضايقه مني وصارحتها قالت لا ابد ووالخ !!

لكن بتبع كلامك ( الحريم ادرى ^_^ ( وبنخف )

[معاندة جرح]

انا عن نفسي مابي اشكك فيها لكن تصرفاتها فعلا محيره
انا ما احس انك المفروض تخف عنها لانها بعمر صغير مراهقه
وعندهم البعيد بعد لانه مو مهتم واعتقد انهم يشوفو ان انت لازم اللي تبادر مو هي
انا احس بالعكس كثر زياراتك اطلع معها خلك موجود بكل حساب هي فيه حاول لما تكون موجود انك تكون ميانه معها تطلبها جوالها تدخل اكثر بحياتها وخصوصياتها واسرارها

انتو اللحين بفترة عقد وزاوج رسمي
مو فتره حب عشان تثقل وانت تخف او العكس
المفروض تكونو واضحيين لبعض و تعرفو ادق التفاصيل عن بعض
وطبعا كل هالشي المفروض يكون بطيب خاطر مو شي اجباري اكيد

[جُلَّنار]

اول شي صارحها بكل شي مايعجبك فيهااا ,قلها انتي يافلانه ليش بتسوي كذا وكذا صارحها وقلها ترا هالشي بيضايقني ,اذا طنشت وماسمعت كلامك ولااهتمت لاتجلس انت الي تلحق وراها خلاص طنشها ولاتسال ولاتدق ولا شي ,هيا شويه شويه حتحس بتغيرك المفاجئ وحتجي تكلمك وتعتذر ..امم صدقني ترا والله البنات مررة عقلهم صغير اكثر مما تتصور والتعامل معاهم سهل بس انت اعرفها تماما علشان تقدر تتعامل معاها بالشي التمام..وعلى فكره ترا البنت لمن تحس انو حبيبها بيهتم فيها ويغار عليها تشوف نفسها اكثتر واكثر وتسوي ثقيله ومادري ايش اه بس
وبقلك شي لازم لازم تتأكد منها انها تبغاك شريك حياتها لانو لسع ماسار الزواج وترتبط فيها للأبد,حاليا في مجال للتراجع وكثير من صحباتي ملكوا وفي فتره الملكه مااتفقوا انفصلوا وعادي جدا

الله يوفقكم يارب وان كان فيها خير لك الله يكتبها لك وان كان مافيها خير لك الله يبعدها عنك

[آلمتفائله]

انا اتفق مع الاخت ظلموني

لازم تتعمق بخصوصياتها وتشد عليها

خلاص هي لازم تعرف انها مو مسؤولية اهلها هي مسؤوليتك وواجب عليها تسمع كلامك

انت شد عليها ولاتعطيها الحريه الكامله خصوصا بالحسابات

ونشرت يدها كمان لخلق الله الصراحه احس هالتصررف مو مضبوط ابدا وغير مقبول

لاززم تشد عليها ولاترا بعدين بتنشر حاجات اكبر من كذا

خصوصا انه عمرها 17 وصغيره والمراهقه يبي له انتباه لان كل شي يطلع منه

ويتصرف بشكل جنوووني فأنت من واجبك تحافظ عليها لانها هالحين تعتبر زوجتك ومسئوليتك

وكلن راع ومسئول عن رعيته فأنتبه لها وشد عليها لاتصير مرره حنون وتنفذ لها اللي تبي

خلها من الحين تمسك بيتها وتنشغل فيه بدل ماتنشغل في التصوير والنشر في المواقع


اتمنى لك التوفيق والله يستر عليكم ويتمم لكم على خيير

[مطر الفجر]

اخي مابيا خرب عليك
بس بنات هذا الجيل فيهم استهتار زايد عن حده وكل شي عندهم عادي فري

اطلب منها اذا تبي تويتر وانستغرام وخرابيط
تسوي لها حساب ثاني ولا تضيف الا بنات فقط
واقفل حسابها هذا نهائيا
بصراحه من رايي كل هذه البرامج تجيب المشاكل والمصايب
ماكان له داعي تنزل صوره وايدها باينه هذه عوره والمراه كلها عوره

كون صارم معها واذا ماتعدلت اتركها
لان البنت اللي ماتراعي وتحفظ نفسها وتحتشم وتسمع كلام زوجها
راح تتعب معها من البدايه
لازم تاجل زواجك شوي وتعدلها خلال هذه الايام والاشهر
لاتقول بكره تكبر وتعقل !!
ترى بنات الحين عقولهم اكبر من عمرهم ومافي احد غشيم
الله يكتب لك الخير

[مشكلتي]

ظلموني

كلامك جميل لكن المشكله انها ماترد يعني حاولت اكون قريب
وزي ماقلت لك البنت كانت عسسسل ترد وونسولف ساعه والامور 100٪ ( طبعا هي تستحي ف انا اللي اتكلم )
فجأه تغيرت وقلت لها شكل البنات قالوا لك " اثقلي عليه ومن هالكلام قالت لا والله ماقالوا شئ !!

قلت وش اللي مغيرك قالت : ماتغيرت ولا شي بس مشغوله ؟ قلت اوك بس كل الوقت مشغوله !!

ثم تصرف بأي طريقة وتقول ادق عليك .. وسسسسحبه !!

[^نورهه^]

اكيد وحدهه من صديقاتها قالت لها لاتصيري خفيفه ثقلي عليه شوي بس انت تكلم معاها كل شوي حتى لو حست بالطفش كذا راح تتعلق فيك اكثر وتكلم معها بموضوع الزواج ومن ذي الامور واتصل فتره وانقطع وشوف تتصل تسال واذا ماسالت قل لها وش فيك وامزح معها مزحه ثقيله قل لها من احلى وحده من صديقاتك اذا قالت لا والله يعني تغار عليك واذا قالت لك من احلى طبعا ذي دفشه ههههههه ولسى ماتعودت عليك و^بالتوفيق ^

[مشكلتي]

ايات


انا معك في كلامك الاول وبحاول اني مااتصل عليها وبشوف وش يصير ..


انا سبق قلت لها ان الرجل يفهم الحركات اللي مثل كذا ( ماتردين ووالخ ) انك ماتبينه او مليت منه

قالت لا وش الكلام هذا ( وتقول احبك وو الخ ؟ )

ثم تسحب


آمين
( انا احبها من قبل اخذها وقلت لها ، فلذلك انا متعلق بها وبقوه لكن بجرب اللي قلتوه لعله ينفع

[مشكلتي]

المتفائله

كلامك جميل ، لكن من الصعب اني اشوفها لان العرس قرب
والوها واهلها شوي صعبين من ناحية الزيارة

لما كنت اجيها المرات الماضيه كلها " بالحيل : جايب المهر ، جايب هديه ووالخ "

مطر الفجر

صعب جدا انها تقفل حسسابها ، حلك صعب جداا

انا بينت لها ايش اللي ابيه منها يعني كنت كل اسبوعين اعطيها شئ " جرعة "

ولا ادري لان هذا شئ ماراح اعرفه الا بعد الزواج

[مشكلتي]

نوره

شوووكرا : ) لمرورك


هههه طريقتك حلووهـ .. اما غيرتها علي هههه مااتوقع