وش تفسيركم لمشكلتي ؟

[مشكلتي]

بسم الله الرحمن الرحيم

السلام عليكم ورحمة الله وبركاته


اخواني انا شاب خليجي من ام آسيوية وحاليا اكمل دراستي الجامعيه... يوم كنت صغير كنت حنطي بملامح امي نفس الصينيين والآن يوم كبرت تغير لون بشرة ويهي بشكل مب طبيعي ! يعني انا يوم اشوف نفسي القا من الوجه الى الرقبه كله حروق وسواد غريب ! اما باقي جسمي فمثل لون بشرتي يوم كنت صغير ! مادري يعني شو اللي غير هذا الشي ؟ انا كنت اطلع من البيت واآيد وتأثرت من الشمس لان في فترة من الفترات حسيت بحروق وحكه في ويهي الى ان خربت كل شي في ويهي الا الملامح الآسيوية هي اللي باقيه ... اذكر واحد عيّب علي وقالي صيني زنجي وبعض الاهالي يعيبون على شكلي وللأسف انا في بيئه بعض الناس فيها عنصريين لدرجة اني صرت ما اثق بنفسي واشك حتى في نفسي ومريت في فترات كلها احس بالتوتر والخوف ...شعرت اني ضعيف شخصية وتأثرت بكلام الناس والعياذ بالله حتى اهلي مستغربين بعضهم قالو هذي عين وصابت وبعضهم قالو مشكلتك ليش تطلع من البيت ؟ .... الحين مادري شو الحل لأني ملاحظ ان هالأيام يهمهم الشكل ! وعندي سوال ... هل اذا تزوجت العيال يطلعون بمثل بشرتي الحاليه ؟ يعني يطلعون سود ؟ يتأثرون باللي انا تأثرت به ولا يطلعون وياخذون لون بشرتي يوم كنت صغير ؟ علما بأني بتزوج آسيوية . يزاكم الله خير والسموحه

[اللورد يحيا]

أعتقد عزيزي بأن الذي حل بوجهك هو مرض ( بهاق ) ، وهو شبيه للحروق جزء منه أبيض ناصع وجزء آخر شديد السمار ويصيب الجميع بشكل عادي بإرادة الله

وبإمكانك علاجه في أي مستوصف خاص وبعد عدة جلسات تعود بشرتك لما كانت عليه سابقاً ، ومن ضمن هذي المستشفيات في السعوديه مستشفى السعودي الألماني ومستشفى التخصصي ومستشفى القوات المسلحه ومستشفى الحرس الوطني ..

أما من ناحية نظرة الآخرين لك فلا تلقي لهم بال لأنه هذا هو المجتمع يوجد فيه من ينتقد كل شيء يصادفه لهدف التباهي بأنهم كاملين خالين من العيوب

وهم في الأصل لا يعلمون بأن كلامهم وعباراتهم الجارحه تكون محسوبه عليهم عند رب العالمين بكبر وتعالي ، وهذا لا يجوز شرعاً وعرفاً .

أتمنى إني أفدتك ولو بجزء بسيط

[مطر الفجر]

وعليكم السلام ورحمة الله وبركاته

اخي الكريم راجع مستشفيات خاصه للبشره
واعرف سبب هذه البقع
اما من ناحية التفكير في اولادك مستقبلا
المهم هو حسن الخلقه والتمام والكمال
الله الكامل سبحانه

كل ما يكتبه الله فهو خير
هذه ليست مشكله كبيره تستحق ان تلقي لها بالا لانها شكليات
توكل على الله ولا يهمك احد حتى لو انت كنت في كامل شكلك
ومن اجمل البشر لن تسلم من كلام الناس
وبما انك قلت سوف تتزوج فتاة اسيويه
الحمد لله هي وافقت عليك وانت بهذا اللون وهذه البشره
فلا تلقي بال لكلام الناس
ولا تلقي بال لاولاد المستقبل لان الله يفعل مايشاء
فان كانوا بلون بشره غير متناسق
افضل بكثير من ان يكونوا بهم اعاقه فكريه او تخلف ذهني
عيش حياتك ولا تفكر في المستقبل

الله يكتب لك الخير

[عالي المرقاب]

انت طالب جامعي واترك الناس منك لا تتأثر منهم خلك قوي بالله ولا يهمك الناس
وتأكد من حالتك الصحية اذا هي وراثيه وطبعيه لا يهمونك ولا تشيل في خاطرك شيء

[هدوء ملكة]

راجع مستشفى خاص
ولا عليك من كلام
الناس انت طالب
جامعى خليك
واثق من نفسك
وتعالج

[3lOoSh.A.]

اسمعني اخوي كلام الناس كثير والي يعيبك تأكد أنه ناقص ,,, أول شي أهدأ و خلك متوكل ع الله وروح المستشفى وشوف وش وضع حالتك ,, خلك واثق بنفسك ,,, أما عن أولادك فكل شي في علم الغيب عند ربي لا تتعجل الحين ركز بنفسك وشوف الطبيب وأن شاء الله خير ,, ومهما كان تذكر الشخص باخلاقه مو بشكله ,,

[قشعريرهَ| ~]

/



اذكر واحد عيّب علي وقالي صيني زنجي وبعض الاهالي يعيبون على شكلي وللأسف انا في بيئه بعض الناس فيها عنصريين لدرجة اني صرت ما اثق بنفسي واشك حتى في نفسي ومريت في فترات كلها احس بالتوتر والخوف ...شعرت اني ضعيف شخصية وتأثرت بكلام الناس والعياذ بالله حتى اهلي مستغربين بعضهم قالو هذي عين وصابت وبعضهم قالو مشكلتك ليش تطلع من البيت ؟ .... الحين مادري شو الحل لأني ملاحظ ان هالأيام يهمهم الشكل !




يَ خوي آلله يهدَآك . وليشّ شآيل همْ آلنآس و كَلآمهم ،
وربي مَ تآخذ منهَ إلآ آلتعبْ و آلهم . هذي حيَآتك ولآ حيآةْ آلنآس ؟!

خل آلليّ يقوُل يقوُل .. وآللي يّعيّب يَعيّب .. وآللي يلوُم يلوُم !
مآرآح ينقص منك شِي . أو تتغير مكَآن عيوُنك . أو يموُت قلبكْ *

ترآ هذي فئهَ فآضيهَ ومآعنده شغلْ وتقزر علىَ غيرههآ .
إنتقآد و تحطيّم و غيّره و لآ يحبوُآ آلخيِر ،
ويآليّت هـ آلفئه فيهَآ شِي من آلكمآلْ .. كلهآ علىَ بعضهآ عيوُب ،
بس للأسفْ مَ تشوف نفسهَآ إلآ كآمله و غيرههَآ نآقصّ ..

دآم مَ تلقىَ فيّ كلآمهم فآئِده لك أوُ حبْ .
أبداً ولآ تفكر فيّ حيآتكْ .. تشيلهَ بقلبكْ أو تهتم فيهْ ..

عيشّ لنفسكْ و خلكْ وآثق من نفسسّك .
كوُن قدوهَ ل أولآدك . لأنهُم بيآخذ من أفعآلك قبلْ شكلكْ :2:

وآللي يقوُل و ينتقد . أسمعْ وطنشّ وأنسىَ فِي وقتهَآ ‘
وآللي يقوُل أنت صيّني و زنجيّ .. قوُل : آيه صيني زنجيّ وش عندكْ !؟
منوُ أنت آللي تجيّ تعترض أو مآيجبكْ خلقة ربكْْ ..

/

يوم كنت صغير كنت حنطي بملامح امي نفس الصينيين والآن يوم كبرت تغير لون بشرة ويهي بشكل مب طبيعي ! يعني انا يوم اشوف نفسي القا من الوجه الى الرقبه كله حروق وسواد غريب ! اما باقي جسمي فمثل لون بشرتي يوم كنت صغير ! مادري يعني شو اللي غير هذا الشي ؟ انا كنت اطلع من البيت واآيد وتأثرت من الشمس لان في فترة من الفترات حسيت بحروق وحكه في ويهي الى ان خربت كل شي في ويهي الا الملامح الآسيوية هي اللي باقيه


رَآجع مُستشفىَ مُتخصص .



/


وعندي سوال ... هل اذا تزوجت العيال يطلعون بمثل بشرتي الحاليه ؟ يعني يطلعون سود ؟ يتأثرون باللي انا تأثرت به ولا يطلعون وياخذون لون بشرتي يوم كنت صغير ؟ علما بأني بتزوج آسيوية . يزاكم الله خير والسموحه



آللهُ أعلمْ . رآجع مثل مَ قلتلكْ
رُبمآ تتضح بعض آلأموُر هنآك .



أسآل آلله آلتوُفيق لكَ و آلسدَآدْ






:ورد:

[آتم بعيد .!]

وعليكم السلام ورحمة الله وبركاته
انت تعرضت لاشعة الشمس لوقت طويل ولي حدث لك مضاعفات وتأثير الاشعة الفوق بنفسجية احرقت لك بعض البشرة وتغير لونها .

ذكرتني باخوي عبدالله عمره 18 سنه لما كان صغير كأنه افغاني > شديد الابيض
المهم مع الوقت وطلوع الشارع والملعب > طلع له حبوب فالبشرة والرقبة وحتى الكتفين وحكه ويحك بقوه والبشرة حساسة وهالشيء اثر ع لون بشرته وصار كأن بها حروق > وذي حساسية .. ومع تهاون بها
زادت اخوي ماسوى شيء بس استخدم نيفا حطيته بالثلاجه حتى بردت وحط منها .. وكأنها خفت مع انها واضحه..

المهم وانا اختك :
1- رح لاخصائي بشرة او جلدية واعرض عليه مشكلتك وإذا اعطاك مراهم وكريمات لاتسخدمها حتى تقرا الورقه إلي معها بالعلبة ,واطلب من الطبيب يكتب لك بعض المرطبات المناسبة لنوع بشرتك ,,
2- وجهك اغسله بالماء الدافئ او البارد وكمان أكثر من شرب الماء فهو مفيد لنظارة البشرة واكثر من الفواكه والخضروات والحاله النفسية لها دووور كبير حاول ماتخلي هالموضوع يأثر ع نفسيتك ..
ودي اقولك سوي اقنعه بس اخاف ان بشرتك حساسة بزياده وممكن تأثر عليك أكثر ,, الافضل لك انك تستشير الطبيب .بعدهـا جرب :ماسك الزبادي، 3ثلاث ملاعق لبن زبادي و ملعقتين عسل، وبضع قطرات عصير ليمون، ثم يترك هذا القناع على الوجه لمدة ربع ساعة ويطبق مرة في الأسبوع أو بعد التعرض للشمس وبعدها مرر قطنه فيها ماء ورد عشان تتقفل المسامات .. كمان بأمكان تسوي قناع الزبادي والخيار..!

اما موضوع الزواج فـهذا مب مشكلة انت حاول تعالج بشرتك وكمل دراستك وخلـي كل شيء بوقته
لاتسبق الاحداث وكلن مايأخذ ألا نصيبة ..! ربك الرزاق ومايظلم احد "

أمــا كلام الناس عاادي فهالـ شيء طبيعـي هم فكلا الحالتين راح يتكلمون :nosweat:
وعاد إذا انت اهتميت لكلامهم بيجـي يوم وتحبس نفسك بين اربع جدران يمكن يرضون عليك .!
إذا قالوا لك صيني قولي أيه صيني واحلى صيني
تقبل كلامهم واخذه بروح مرحه ,, ومع الوقت راح يسكتون لأنهم ماقدروا يأثرون فيك ..!
إلي يسمعك يقول الناس بيفيدونك او يضرونك او ع اساس انت مخلوق عشان ترضيهم .!
اقول احمدالله إلي فيك حساسية وبأمكانك تعالجها لاتكبر الموضوع
وتفتح باب الوساوس والله تتعب نفسك ع الفاضي ,, انت انسان عاقل وفاهم لاتخلي هالكلام يأاثر عليك ولايهزك ,
ياخوك به ناس بهم عاهات وحروق وعايشين حياتهم ,, انت تقدر تأثر بالناس بتعاملك واخلاقك جمال الروح الاخلاق وانت تفرض احترامك بالاحترام اهم من كل شيء ..وع اساسه بيتقبلونك الناس ويحترمونك أي كان شكلك ,, اعيد واقول إلي فيك حساسية ويمكن علاجها الطب تطور ..