ابي حل قبل ماتكبر مشكلتي

[جنات]

حبيت اطرح مشكلتي في المنتدى بعد ماتعبت اولاًعندي مشكله متعبتني هي كرهي ل اهل زوجي وبدون سبب او بسبب اني حساسه مره حاولت اكون طبيعيه ماقدرت وحالتي النفسيه تتعب من اسمع طاريهم رغم انهم يقربون لي وكنت معهم طبيعيه قبل الزواج ومشكلتي اني مجموعة من التناقضات وعلاقتي مع الناس كلهم رسميه يعني عندي مشكله كبيره مع التواصل مع الناس وكرهت حياتي لهذا السبب وصرت ازعل على اي شي من زوجي واحط حرتي فيه وهو كذلك له عالمه الخاص يعني مشغل نفسه بقوه عني بدوامه في اشياء تشغله في البيت وكذا طبعا تجيني اوقات اعاند فيها زوجي غصب عنني مثلا كنت ابطلع مكان في وقت محدد وعاندني والا يكسر كلامي وقال مو الحين طبعا من باب فرض الراءي واذا تبين او بكيفك بعدها يحاول يرضيني لاءنه ماسارع بتلبية طلبي رغم انه يكره اللي يعانده ويطالبني بعدم عناده ووصلت معي مره ثانيه وصارت مشاده بينا واضطريت اني اعاند من حركاته ويزعل لسبب تافه مثلا اقول له بنتي بتنام لا تاخذها ل اهلك اليوم ويكونو شايفينها قبل ثلاث ايام ويقو ل عادي جهزيها وهي نايمه بعدها وصلت معي وقلت مافي والبنت ماراح تاخذها وبتنام طبعا زوجي هنا يهدد بعدها وارسل لي بعد ماتجاهلت الموضوع وكلمته عادي قال لي احفظي ماء وجهك والحديث ماراح يكون معك يقصد مع ابوي وابوي. شخص غريب وعصبي ومايتفهم ابدا وراح يجرحني بالكلام ويقلل من قيمتي عند زوجي وطبعا بتكبر المشكله. كيف اخليه يفهم انه ابوي لايدخل والمشكله انه الاءن بعيد عند اهله لاءننا نجي من منطقة شغله لمنطقة اهلنا وكل واحد ينام عند اهله وزياده على ذلك ابوي صحته تتعب مع المشاكل لاءنه فيه قلب

[ألانـــَْيــُٰقے ‏،]

والله ان اللي مثل ما تستاهل ولا تستحق غير الطلاق
لو اني مكان زوجك .. والله لو معي منك عشر عيال ..لا اطلق
قال اكره اهل زوجي بسبب او بدون سبب ونفسيتي تتعب لا شفتهم
ايش معنى زوجك تحبينه مو لدهم طيب
ولا تحبينه عشان اخر الليل
مالت عليك وعلى حرمه مثلك تحاول تفرق الزوج عن اهله

[جنات]

معقوله مافي تجاوب

[جنات]

والله ان اللي مثل ما تستاهل ولا تستحق غير الطلاق
لو اني مكان زوجك .. والله لو معي منك عشر عيال ..لا اطلق
قال اكره اهل زوجي بسبب او بدون سبب ونفسيتي تتعب لا شفتهم
ايش معنى زوجك تحبينه مو لدهم طيب
ولا تحبينه عشان اخر الليل
مالت عليك وعلى حرمه مثلك تحاول تفرق الزوج عن اهله
ههههه اعصابك بعدين انا ابحث عن حل مدركه لمشكلتي وهدي ووش دخل اخ اخر الليل تخلف انا كاتبه عن حاله نفسيه ما اتحكم فيها يامتعلم

[ألانـــَْيــُٰقے ‏،]

انا كاتبه عن حاله نفسيه ما اتحكم فيها

حل حالتك النفسيه هذي بنضري انا .. هو الطلاق
عشان ترتاح نفسيتك للابد
لعد تشوفينهم ولاعاد يشوفونك
الله يهديك بس

[آتم بعيد .!]

جابها الآنيــق > :icon10:
الطلاق هو الحل إلي بريحك والنتيجة إلي راح توصلين لها إذا ستمريتي ع حالك هـذا ..
بلا من الحساسية الزايده وتصغير العقل كبري عقلك وحاولي تتقربين منهم أكثر ممكن هالحساسية تزول .
أهــل زوجك مثل اهلك واكيد هم إلي ختاروك زوجه لـ ولدهم ..
احسني لهم وعامليهم مثل اهلك حطي نفسك مكان زوجك ترضين يكره اهلك ويعاملهم بجفاء يحاول يمنع احفادهم من زيارتهم ؟
وعاادي خلي اطفالك يروحون لهم ولو قال كل يوم وش فيها ! وش راح يصير ؟ ,اهلهم وبيشوفونهم .!

وتعليق ع كلامك
اولاًعندي مشكله متعبتني هي كرهي ل اهل زوجي وبدون سبب او بسبب اني حساسه مره حاولت اكون طبيعيه ماقدرت وحالتي النفسيه تتعب من اسمع طاريهم رغم انهم يقربون لي وكنت معهم طبيعيه قبل الزواج ..

هـنا المشكلة مايتغيير اكثركن إلا بعـد الزواج تظهر ع حقيقتها :(
اقعدي مع نفسك وتذكري تعاملهم معاك ؟ قد اسئو لك ضروك بشيء ؟
حاولوا يفرقون بينك وبين وزوجك ؟!
تدخلو في حياتك ؟؟ اعتدوا عليك بالضرب ؟ اتهموك بـ سرقة ؟ اظلموك بشيء ؟
الكرهه مب من الباب لشباك >
جلسي مع نفسك وراجعي حسابتك ؟!
وترى الرجل إذا شاف المراة ماتبي اهله فـ بيقول اكيد ماتبغني والدليل ماتبي اهلي و يستغني عنك ؟
اما سالفة انك حساسة ؟
ليه الحساسية الزايدة وهم اقاربك ؟ المفروض الزواج يقربك منهم أكثر ..!
حاولي تتقربين منهم وتكسبينهم تبادلوا الزيارات روحي لهم واعزميهم عندك ممكن نظرتك لهم تتغير وتحبينهم ,,
لاتكسبين عداوتهم وتكرهينهم فيك بكرة النهار راح تندمين إذا انفصلتِ وتربوا عليك بعيد عنك ..

وكلمة انا حساسه > انسيها
تعاملي مع البشر ع حسب اعمارهم وعقلياتهم وتصرفاتهم .!

اما تعاملك مع زوجك ترى بطفشينه بـ تعاملك , حاولي تتفاهمين معه ولاتدخلين اهلك.
هـي حياتك حاولي تحكمين عقلك وتحسنين التصرف وتتفاهمين معه !
ترى مو صعب التفاهم مع الرجال خليه يهددي واعتذري منه وحاولي توضحين له وش الشيء إلي ضايقك وتناقشي معه ممكن توصلين معه لـ حل يرضيكم .!
لاتتعبين ابوك معاك وتدخلونه بتفاهاتكم ..
انتِ متزوجة وام اطفال !
حطي نفسك مكان اهل زوجك
ترضين بكره النهار إذا تزوجوا عيالك زوجاتهم يمنعونهم عنك,
ويمنعون احفادك من زيارتك , الدنيا سلف ودين
احمدي ربي ع النعمه إلي انتِ فيها وحافظي عليها ,,
وادعي ربك فـ صلاتك انه يغير من حالك للأحسن ..

الله يهديك ويصلحك ويسعدك ويوفقك بحياتك

جبت لك مواضيع نزلتها قبل فتره بقسم علم النفس جدآ مفيده اطلعي عليها :0741:

قواعد معالجة الأخطاء
http://www.al2la.com/vb/t47924.html

حياة بلا قلق وتوتر :
http://www.al2la.com/vb/t48190.html

هل نظرتك سوداء؟
http://www.al2la.com/vb/t48292.html

:رحيق:

[معاندة جرح]

بصراحه انا مع اخي الانيق واختي أتم بعيد
مشكلتك انتي عارفتها وعارفه وش الحل لكن تتجاهليها تحت مسمى انا كذا وانا شخصيتي كذا وانا حساسه وش اسوي المفروض الناس تفهمني وتغير شخصياتها عشان تناسب شخصيتي !
وانا بصراحه مع زوجك في قراره انه يدخل الوالد يسنعك
حتى لو الوالد عصبي وتعبان
بالعكس المفروض تحمدي ربك ع اللي عندك
كثير بنات يكونو ابائهم عصبيين و ما يقدروهم بالكلام لكن ربي يرزقهم بزوج طيب يعوضهم
وانتي باين من كلامك ان زوجك الله يحفظه لك متفهم وطيب ومتحملك ومتحمل نفسياتك وتناقضاتك
المفروض انتي تكلميه بهدوء انا اعرف مشكلاتي واعرف اني كذا وكذا وبحاول اتغير اوعدك
وتحاولي تغيري من نفسك لا تكابري ترا الاعتراف بالخطأ والمشكله بالنفس هي نصف علاجها

والله يهديك ويسخرك لزوجك واهله لان اللي اعرفه من واقع حياتي مع زوجات اخواني
معاملة اهل زوجك لك يحددها اسلوبك واخلاقك وتعاملك معهم .. لو شنووو يكون اسلوبهم معصب واصحاب مشاكل والله يتغيرون جدا للافضل اذا عاملتيهم بحسن نيه و طيبة قلب وتفهم



تحياتي :MonTaseR_148:

[مطر الفجر]

كان تعالجتي نفسيا اول وبعدين تزوجتي وخلفتي !!!
انا ماعرف صراحه انتي تطقطقين علينا ولا من جد ؟
ليش نفسيتك ماكانت تعبانه اول ماتزوجتي زوجك ؟
يعني زمان كنتي تمام والحين ترفسين النعمه برجلينك ؟
ترى مارح اجاملك اذا تبغين حل لمشكلتك لازم تغيرين نفسك
الحل بيدك انتي وحدك
وش تستفيدين من عناد الزوج او كره اهله ؟؟
لو تشوفين حالات بنات ثانيات مسكينات راح تحمدين ربك
على النعمه الي انتي عايشتها
ناس بدون اهل وبدون زواج وبدون عيال
وبدون بيت و بدون صحه و و و الخ
وانتي كل هذه النعمه موجوده عندك ومو عاجبك ؟
خلاص قولي لزوجك يتزوج عليكي وهو يرتاح وانتي ترتاحين
عشان ماتتشتتين انتي وبنتك خليك في ذمت زوجك
ويجيك مصروفك انتي وبنتك
لكن هو يشوف حياته ويتزوج عليكي
ويعيش وينبسط لانه حرام مسكين يحتاج رعايه ومحبه
ويكون مع انثى رقيقة وتحبه هو واهله وتستاهل النعمه !!
هذا هو الحل قولي له يتزوج عليكي
واثنينكم ترتاحون من بعض !

[اللورد يحيا]

واضح عزيزتي بأنك من النوع الغيور جداً على زوجك

وهذا سبب كافي بأن تكوني أنانيه عليه أمام أهله وطلباتهم وصولاً بكِ الى أنكِ تكرهينهم

عزيزتي إذا إستمريتي بهذا الإسلوب ستعرضين نفسك لكره الآخرين لكِ وخصوصاً أهل زوجك

من المفترض تقولين في نفسك : الحمد لله أن زوجي مازال يحبني ويراعيني ، لأن لو كرهك من إسلوبك سيبحث عن غيرك وربما يطلقك

فنصيحتي لكِ لا تستهينين بوضعك الحالي فأنتي تسيرين في طريق خاطئ فيجب عليك وبنفسك تصححينه قبل فوات الأوان ..