المساعد الشخصي الرقمي

مشاهدة النسخة كاملة : زوج اختي واهانته لها


مشكلتي
10-26-14, 09:41 AM
السلام عليكم ورحمة الله وبركاته
عندي اخت متزوجة من6 شهور في البداية كان معها تمام وسفرها شهر العسل خارج المملكة
بس الحين بداء يمد يده عليها ويلعن أمها يقوللها الله يلعن أمك والله لا اخليك تلحقين أبوك وابوي متوفي رحمة الله عليه المهم أمس اتصلت على وتبكي منه ومن اذلا له لها وتهميشها ويغار منها يعني ما يبيها تكمل دراستها أو تأخذ دورات واحناء شارطين عليه وانا اكلمها أمس سحبها مع شعرها ويقول ليش تتصلين علي اختك وانا قمت اعصب عليه في الجوال وقوله ترى بنات الناس مو لعبه وترى وراها ظهر وهو يخاف من اخواني رحت كلمت اخوي وقلت له علي كل شي عصب وراح للمطار يدور حجز ما لقي المهم اختي قالت لزوجها ترى اخواني جايين في الطريق بغي ينجن وراح كلم أمه من الخوف وأمه كلمت اخوي وتفاهمت معاه قالها اخوي ما لقيت حجز ولا والله علاجه عندي قالت أمه تكفي وقاعدة تبرر قال لها اخوي هاذي اختي ورواه رجال والله ما أحلى حق اختي يروح وكلام طويل دار بينهم الحين زوجها يوم عرف أن اختي بترجع عندنا البيت رفض يعطيها البوم الصور حق زواجها لأن احنا إلى دفعنا فيه وكيف نأخذه منه واخوي اليوم رايح لها الرياض قام زوجها يراضيها ويحب رأسها ورجولها ووداها أمس المطعم كل هاذا خايف من اخواني لأنه في الأساس ضعيف شخصيه وولد أمه وهذا مواول مره يمد يده عليها أو يتلفظ عليها كثير وكانت ساكته بس المره هاذي ما سكتت قالت لي وقلت لاخوي اشرايكم تطلب الطلاق
وكيف نوقفه عند حده حتى مايهين اختي وادعولها تكفون :(:(

شموخ عزي
10-26-14, 10:32 AM
وعليكم السلآم ورحمه الله وبركآته
آبغض الحلآل عند الله الطلآق
همآ توهم بادين حيآتهم الزوجيه
حرآم يطلقون....
الآفضل آن خوآنج يقعدون معآه ويتفآهمون
خليهم يشفون ويعرفون سبب تصرفآته
ومن كلآمج عنه انه ولد آمه يعني ضعيف الشخصيه
وآعتقد ان أختج سآكنه مع آهل زوجهآ
وانآ ىشوف ان انسب حل للمشكله هو الآستقلآليه
يعني تطلع اختج وزوجهآ لمنزل مستقل لحآلهم
وبكذا تنحل المشكله
والله يسعدهم ويهدي سرهم يآرب
آتمنى آكون سآعدتج في الحل
دمتِ بحفظ الرحمن

مطر الفجر
10-26-14, 08:29 PM
بصراحه وبدون زعل
انا اشوف ان انتي تدخلتي في حياة اختك
ورحتي اشتكيتي لاخوانك على زوجها ! ؟؟
مفروض ماتدخلين وهي تحل مشاكلها بنفسها
لو عندها خلاف او مشكله هي تحلها وهي تجيكم وتشكي لكم
مو انتي تروحين تقولين لاخوانك وتكبرين الموضوع
لو تبين تساعدينها اساليها عن سبب المشكله
اللي خلت زوجها يضربها او يقول لها هذه الالفاظ
يمكن اختك عنيده وطويلة لسان وترد على زوجها وتتحداه ؟
مانعرف الطرف الثاني وش هو
مع احترامي لا اظن انه يوجد رجل متوحش بهذا الشكل
مهما بلغ من قوة
المراه هي اللتي تسايس الرجل وتعرف كيف تهديه وتمتص غضبه
اما حركات البوم الصور هذي بصراحه اشوفها حركات بزارين
لو هي صحيح تبي تسوي كل شي وتاخذ صورها وتطلق
كان تسوي بهدوء وبسكات مو تروح تطلبه وتحدي وصراخ
لان اكيد مستحيل ان اختك تطلبه بهدوء منهم
انا كونت فكره على شخصية اختك
من خلال كتاباتك سوف اقتبس واعلق على كل جزء
النقطة الاولى
أمس اتصلت على وتبكي منه ومن اذلاله لها وتهميشها
ويغار منها يعني ما يبيها تكمل دراستها أو تأخذ دورات
كيف عرفتي انه يغار منها ؟؟؟ اختك مغتره بنفسها هذا اولا
وتنظر من جانب واحد ليش قالت يغار منها ؟؟
ليش ماقالت ممكن انه مايحب زوجته تكون خارج البيت
وهو بالدوام ويجي يبي يلقى غدى جاهز وبيت مرتب و و الخ !
النقطة الثانيه
أمس سحبها مع شعرها ويقول ليش تتصلين علي اختك
وانا قمت اعصب عليه في الجوال
وقوله ترى بنات الناس مو لعبه

اختك ليش تنشر غسيلها واسرار بيتها لك انتي ؟
ليش مو هي تعالج مشكلتها مع نفسها ؟
ترى الرجل مايحب احد يتدخل في حياته
وانتي ليش تردين وتعصبين على رجال غريب عنك وتكلمينه ؟
انتي مو امها انتي اختها وترى الرجال مايحب اسلوب التهديد
البنات مو لعبه والبنت وراها ظهر و و و
مفروض كان انتي تهدين الامور وتسالينه لو بغيتي تساعدينها
ليش سويت لها كذا وش السبب
ترى الامور تنحل بالعقل مو بالعاطفه
النقطة الثالثة
رحت كلمت اخوي وقلت له علي كل شي
؟؟ اعذريني احسها لقافه منك انك تروحين توصلينها كذا
مفروض اختك هي اللي تتصل على اخوانها وتعلمهم السالفه

النقطة الرابعة
زوجها يوم عرف أن اختي بترجع عندنا البيت
رفض يعطيها البوم الصور حق زواجها
لأن احنا إلى دفعنا فيه وكيف نأخذه منه

زوجها وش عرفه ان اختك تبي تاخذ البوم الصور ؟؟
الا اكيد هي قالت له جيب الصور حقي والالبوم
واحنا دافعين فيه و و و من هالكلام وتعصب وتصارخ
والا ماكان زوجها بيعرف شي لو هي اخذته بسكات
و ماله داعي تحسسونه ان انتم الي دفعتوا فلوسكم في الالبوم
وتبون تاخذونه بالقوة

النقطة الرابعة
زوجها يراضيها ويحب رأسها ورجولها ووداها أمس المطعم
كل هاذا خايف من اخواني لأنه في الأساس ضعيف شخصيه
وولد أمه وهذا مو اول مره يمد يده عليها أو يتلفظ عليه

طيب دامه هو زوجها وحب راسها ويراضيها
ووداها مطعم و و و انتم وش دخلكم ؟
يبي يصلح الامور بينه وبين زوجته
وهذا دليل انه رجل طيب ولكنه عصبي واختك تستفز عصبيته بزياده
ترى ماسوا كذا لانه خايف من اخوانك
لان الرجال اذا عصب واتخذ قرار بيصير وحش ومايردعه احد
وكيف انتي حكمتي عليه انه ضعيف شخصيه ؟
انتي اللي عاشرتيه ولا اختك ؟
ودامك عارفه انه ضعيف شخصية وولد امه
ليش قبلتوا فيه وتزوجونه بنتكم ؟
يعني اخوانك ماسالوا عنه ؟
مو هم رجال والرجال يعرف اطباع الرجال ؟

النقطة الخامسة
اشرايكم تطلب الطلاق
وكيف نوقفه عند حده حتى مايهين اختي وادعولها تكفون

لو انتي متزوجه مارح تشجعين اختك على طلب الطلاق
راح تشجعينها انها تصبر وتعرف اطباعه اكثر مع مرور الوقت
وتنصحينها انها تسكت وقت الخلاف
وماترد على زوجها ولا تعانده ولا تشوف نفسها عليه
او تحسسه انها اعلى مستوى منه
واي شي يضايقه تبعد عنه وماتسويه مو تعاند وتسوي الي براسها
حتى موضوع الدراسه اختك تقدر تاجله الى ان يجي وقت مناسب
وتكمل دراستها العمر كله قدامها
وهي مو بحاجة تكمل دراسة وتحصل وظيفه
دامها في ظهر رجال مسؤل عنها

اخيرا عذرا على الاطالة
ارجوا ان لا يكون كلامي يضايقك
لكني اعرف ان ماذكرته انا سابقا صحيح بنسبة كبيرة جدا
تمنياتي للجميع بحياة سعيدة بعيده عن المشاكل

اللورد يحيا
10-27-14, 02:53 AM
من ناحية الطلاق لا أنصحها بطلبه لأنها مازالت في بداية حياتها معه وقد تجهله كثير

ولكن هناك بدائل ومن أهمها : يجب أن تكون مثلاً لزوجه المطيعه لزوجها ملبيتاً جميع إحتياجاته على أكمل وجه

لأن وللأسف أكثر فتيات هذا الزمن تريد وتريد وزوجها مجرد ملبي طلبات ، وهذا أكبر خطأ قد تكترفه الفتاه في حق نفسها مع زوجها ..

بإمكانك تقولين لأختك ( تكون فتاه حيويه مع زوجها ومراعيتاً له في كل أموره ، وبلاش منه الكسل والخمول والعناد لأنه من أسباب إختلاق المشاكل بين الزوجين )

زوجها عدائي عليها لأنه لاحظ فيها شيء لم يعجبه فلذا قولي لها تبحث عن هذا الشيء فيها وتقوم بإصلاحه حتى تعيش معه في سعاده وسلام ..

تمنياتي لك ولها حياه سعيده

(قيثار الحب)
10-27-14, 03:06 AM
وعليكم السلام ورحمه الله وبركاته

اذ زوجك الحين مايقدر زوجها ولا عنده اهتمام ويهينها اساس محد يقدر يعيش م شخص وكله مشاكل واهانات

عطوه فرصه وتنبيه اخير ولا خذو اختكم للبيت تعيش بكرم ولا اهانه مع رجل مايعرف قيمه البنت

وراح يجي نصيبها ان كاتبه ربي

دومتم بسعاده


SEO by vBSEO 3.6.1