المساعد الشخصي الرقمي

مشاهدة النسخة كاملة : اكذب عليك ان قلت ماني بمشتاق...


الســاهر
10-29-14, 01:52 PM
اكذب عليك ان قلت ماني بمشتاق...
واكذب عليك ان قلت حبك نسيته

خل الكلام اللي طعن صمت الاوراق...
يحكي لك اللي ما نطقت وحكيته

ناظر عيوني شوف تاثير الاشواق...
شوف الفرح وشلون بعدك جفيته

كتفي يشيل من الزمن فوق ما طاق...
والضيق يرضابي وانا مارضيته

الى متى وانا انتظر لحظه اشراق...
الى متى والحزن هالقلب بيته

الى متى والهم ينحت بالاعماق...
واسقيه من فراقك دمع بكيته

ياصاحبي شف خاطري ما بعد راق...
بنفس الطريق اللي انتهى وابتديته

ضاق الزمان وكل شي بعدك ضاق...
حتى القصيد اللي بصدري احتويته

عمر الشعر ما ضيق صدور الاوراق...
الضيق ضيقي لاكتبت وقريته

تعبت اجمع ما بقالي من اشوااق...
واقول ليت الوقت يفهم ياليته

ياقو قلبك وانت محرقني احراق
ارفق بحال اللي ذكرك ونسيته

تدري عزاي ان حدك القلب تشتاق...
دور علي بكل درب مشيته

يمكن تلاقي درب بدروب الفراق...
يجوز ربي كاتبه واهتديته

ومدام ربي في يده قسم الارزاق
انا اقتنعت بما كتب لي ورضيته

قشعريرهَ| ~
10-29-14, 09:05 PM
،


إنتقآء موُفق خييّ :نبض:
يعطيك آلعآفيهَ :رحيق:

الســاهر
10-30-14, 01:55 PM
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري

اول السطر
10-30-14, 03:37 PM
حدائق من ورود الأمتنان
و جنائن أزهار من الأمنيات
أنثرها أمام دربك لـ علها تسعدك كما أسعدتنا
بـ هذه الابيات الاكثر من رائعه
ورود تقديري
و جل حروف احترآمي

الســاهر
10-30-14, 10:58 PM
الغاليه زعفراااااااانه
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري


SEO by vBSEO 3.6.1