ايه احبك دام عندي انتهت كل الوصوف

[الســاهر]

لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق و غرام

شفت لو مجنون ليلى يرجع و حبي يشوف
اشهد انه يعترفلي حبه من حبي ظلام

لو انا بسابقه بالحب والله اني اطوف
هذا لو انه تحدى ادري بيطلب سلام

لانه عارف ان حبي ماسكن في وسط جوف
لابشر لاجن قبلي ولابعد مليون عام

طيفك اللي لالفاني قلت ياحي الطيوف
يابعد ربعي و خلاني وبعد كل الانام

انت ساكن وسط قلبي و البشر كلهم ضيوف
انت في عيني وربي احلى من بدر التمام

احلف بخالق جبل..وادي .. سهل..ويا كهوف
اني والله كل ماشفتك عيوني ماتنام

سهر اتخيل عيونك وارتجف ماهو بخوف
ولا هو برد (ن) ياحبيبي رجفتي حب و هيام

واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام

تدري لو الناس كلهم وقفوا ضدي وقوف
والله اني ماتركتك يوم ولو زاد الملام

جيت برتب غرامي وصفت اشواقي وصوف
من كثرها ياحبيبي فيني اختل النظام

روف في قلب (ن) يحبك يابعد خلاني روف
تكفى لاتقسى على قلبي انا بعدك حطام

في النهايه لي كلمة وكلها اربع حروف
بس والله انه معانيها ماتعدي أي كلام

ايه احبك دام عندي انتهت كل الوصوف
مالقيت الا أحبك شفتها احلى ختام

[شموخ عزي]

شلال ابداعك مازال منهمر...
دمت ودام نبض قلمك الرائع...
وننتظر جديدك بشووق...
مجهود رائع تشكر عليه...

[الســاهر]

الغاليه شموخ عزي
اسعدني تواجدك العذب هنا
فشكرا لك من القلب على مرورك الرائع
وسلمت يمينك على الرد والتعقيب
لك مودتي وتقديري

[جُلَّنار]

الله يسعدك

جميله الكلمات

الله يديك الف عافيه

وماننحرم ان شاء الله

[الحب ذا غدار]

ايه احبك
دام عندي انتهت كل الوصوف
مالقيت الا أحبك شفتها احلى ختام

وكان ختامها مسك جميله هي اطروحتك

والجميل لا نتوقعه منه الا

كل الجمال

فكن كما انت عليه الان دائما

كي نمتع أعيننا بما تسطره يداك

الى الامام

[الســاهر]

الغاليه اياااااااات
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري

[الســاهر]

الاخ الكريم الحب
شكرا لك على الاطراء
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري