بخطب قريب ابغة مساعدة الله يسعدكم

[عمراا]

السلام عليكم ورحمة الله وبركاتة
كيفكم
أنا إنشاء الله بخطب بنت عمتي قريب يمكن الشهر الجاي فأنا ابي اعرف وش هي الاشياء إلي اسويها لها عشان تحبني وش هي الاشياء إلي لازم ابتعد عنها عشان ماتكرهني وهل النساء يفضلن الرجل بدقن ولابدون لان مدري احلق دقني يوم الملكة ولا لا واتمنى يشباب إلي مملكين يعطوني نصايح وشكرا ودعواتكم ليه

[مطر الفجر]

اخوي تبي نصيحتي
كون مثل ما انت بشخصيتك وطبيعتك وشكلك واخلاقك وكلامك
لا تحاول تغير شي من نفسك لاجل اي شخص مهما كان
ولا تتصنع خليك على طبيعتك
لان لو هي اعجبت فيك وبشخصيتك
و اطباعك وصراحتك مثل ما انت
تاكد انها راح يعجبها كل شي فيك حتى لو انك اكبر شين
و الاشياء اللي عليك انك تبتعد عنها هي التهور والتسرع
و الالفاظ البذيئة والمزح الثقيل لان مافي انسان يتحمله
والاهم عليك ان ترضي الله قبل ان ترضي اي شخص اخر
وذلك يكون بالمحافظة على الصلاة والاستغفار
والتحصين وقراءة القران
اما سالفة الذقن تحلقها او لا هذي حرية شخصية لك انت
ولو تاخذ بكلامي تراها شرعا اللحية الافضل تكون ظاهرة
مايكون الرجال املس مثل الحريم وبدون لحيه
ولو تمت الخطوبه بيكون هناك فتره اكيد تتكلمون مع بعض
وتعرفوا بعض اكثر
ومن خلال هذه الفتره انت وياها اسئلها
واعرفوا وش تحبون و وش تكرهون
لا تستبق الامور وتفكر في يوم الملكة قبل يوم الخطوبة !!!
بالتوفيق ان شاء الله

[معاندة جرح]

ههههه مدري ليه سبحان الله من اقرأ مواضيعك اضحك غصب
مو استهزاء والله
بس احسك كذا سعيد بها ومستعجل ما شاء الله واسأل ربي يوفقك معها
بالنسبه لاسئلتك انا مع اختي مطر خليك ع طبيعتك بكل شي
ولا تتوتر ولا تفكر كثير لانك بتخربها اذا توترت وخططت
خليك ع طبيعتك
بس انتبه في معاملتك معها انها انثى مو واحد من الربع :56b889:
يعني هيك خليك حنون وافهمها ودلعها كنك تتعامل مع بنوته صغيرونه
اسمعها لما تقول رايها واهتم به
ولو ماعجبك ناقشها
لا تخضع لرايها كليا ,,, لكن حاولو تتفاهمو لو ماعجبك رايها مثلا في شي مععين
ثانيا البنت عموما تحب كشخه الولد تكون مرتبه وانيقه
طبعا مو لدرجة يكون شكله كنه بنت
ولا مبهدل
خليك مرتب وانيق وواثق من نفسك
حاول تحسسها انك تحبها بجد لكن مو لدرجة تحسسها انك ضعيف قدامها
خلي شخصيتك شوي قويه
شخصيا اعتقد البنت يجذبها الرجل اكثر لما تكون في شخصيته شوية قوه عليها ع الاقل حتى لو يحبها
وبالنسبه للبسك يوم الخطوبه او الملكه
انتبه يكون متناسق
ولا تلبس حاجه قديمه او متبهدله
وبهالشي اراء الرجال المملكين افضل

لكن بالنسبه للذقن ههههه ولان لسى من فتره
قريب لي كانت ملكته وكانت ذقنه كااامله اللي يسموها عوارض
واظن حتى مو محددها
ف كان شكله جدا كبير ومو مرتب ومو مريح
انا مع ان اطلاق اللحيه محبب شرعا
لكن الترتيب حلو بعد ولما تحلق منها ما ح تكفر
بيكون شكلك جدا مرتب بها ورزه لكن اذا مرتبه بشكل حلو
مثلا عوارض لكن مرتبه وخفيفه
او من انواع السكسوكه لكن شكلها حلو ومناسب لوجهك
تذكر هذي بتكون تقريبا النظره الاولى منها لك ف لازم يكون شكلك انيق ومرتب :ah11:
وبالتوفيق يارب :MonTaseR_134:

[عمراا]

اختي مطر الفجر أشكرك الله يوفقك ويسعدك

[عمراا]

اختي معاندة الجرح الله يوفقك والله يسعدك اشكرك

[جُلَّنار]

رايي من راي مطر الفجر


وربي يسعدك ويكتبلك الخير والسعاده معاها

وينقل للقسم المناسب

[المنفلوطي]

سوي نص لحية ههههههههههههه

ليش كل هذا التكلف والحمل الثقيل على قلبك بسبب شريكة حياتك

خذ الامور بكل بساطة وتعامل مع زوجتك بشكل طبيعي بدون تكلف أو تصنع

الاخلاق تأتي في المقام الاول

إن كان لديك سلبيات حاول تعديلها إلى الافضل

اما قضية الشكل هي امور ثانوية

لاتدقق فيها كثير

والله يسعدكم

[عمراا]

اسوي نص لحيه هههههههههههههههههههههههههههههههه الله يسعدك

[تهااويل]

مساء الخير اول مشاركه لي هوون ،
بما أنك تقول بنت عمك أكيد تعرف شكلك زين لو تغير يكون أفضل يعني يوم تدخل عنده يكون فيك شيء متغير ،

أما شغلت النصايح وما ادري ايش افضل نصيحه مني لك ،،

حاول تبعد عن العصبيه و التسرع في الحكم هدي الاشياء تهدم بيوت والله ،


والله يتمم لك على خير ويكتب لكم السعاده يارب:ah11:

[اللورد يحيا]

مثل ماتريد دائماً أن تراها أنيقه أمام عيونك ولبقه ومتفهمه في تعاملها معك

فلها الحق أن تراك كذالك أنيقاً بعيونها ولبقاً ومتفهماً لها

أولاً : حاول تعتني بظهرك بشكل دائم .

ثانياً : متقبلاً لجميع عيوبها التي تتحسسها فيها بكل صمت .

ثالثاً : محترماً لآرائها .

رابعاً : لبقاً ومتفهماً في التعامل الدائم معها .

خامساً : ملتزماً بمسؤوليتك كرجل متزوج أمامها .

وتأكد ستكون الزوج المثالي

[عمراا]

تهاويل شكرا الله يسعدك

[عمراا]

صائد اشكرك الله يسعدك