امي وابوي وقفو في مستقبلي !

[مشكلتي]

_





عمري 12 سنه..
انا عايشه بقريه قريبة من الطايف..
وسكانها كلهم من نفس القبيله..وكلنا نعرف بعض..وشبابهم يعرفون بعض..يعني جماعتنا وحده..
انا ابوي معروف ومن كبار شخصيات القريه..كان ابوي جاه لابتوب من البلديه..كان عمري وقتها 8 سنوات..
انا اخذت الابتوب وشغلت الواي فاي وهكذا..وبديت شوي..وبعدين لما قربت المدرسه على الإنتهاء كنت محترفه جداً..
بالابتوب..اعرف اطبع واعرف كل حاجه تخص الابتوب يعني ماتقدرين تضحكين علي فيه..
نكمل..لما صار عمري وقتها 10 سنوات..كنت مؤسسة منتدى كبير وشبه معروف..يعني الاعضاء حوالي الـ 100000..
بس طبعا كل هذا عائلي..يعني صديقاتي بنات خالي بنات عمي..الخ..ولا وحده تعرف كل هذا ابد ابد ابد..
الحين عمري 11 سنه..انضميت لعـالم"التويتر,البيبي,الواتس"صار الكل يقول عمرك 18 16 17 مستحيل يكون 11 سنه..
ومشكلتي باديه من هنا..
- التوتير : انا عندي حساب بالتويتر ادخليه ماتلاقيني اتابع غير"معلومات قد تدهشك،حقائق ومعلومات،عالم غريب،علم النفس،تحليل الشخصيات،العلماء.."الخ من هالنوع،يعني فلانه وعلانه ماتابعهم..وحسابي ماحد يتابعني فيه ابد ابد ابد..
في يوم من الايام قريت إن في علم النفس"في حاله نفسيه،إنه يتذكر كل حاجه صارت له بالتفصيل"..انا قلت ابوي متخصص بـ علم النفس لازم اكلمه واحاكيه لاني مو مصدقه ولما كنا مسافرين كلمت ابوي عارفين وش قـال هو وامي بالسياره..
" والله لو عرفت يا ريم إنـك داخلـه التـويتـر والا عـلم النـفس بسحب جوالك " انا هجدت وقتها إنقهرت إنحرقت! امي وابوي وخواتي يعرفون إني احب علم النفس واعشقه،وطبيبة نفسية فيه ! لما خواتي فيهم شىء يعلموني لانهم يثقون فيني،اختي الكبيره بعد ! امي عارفه هالشىء كيف تمنعني من حياتي واشياء احبها ماتضر احد ، سكت وصبرت قلت امي وابوي فاهميني غلط وماقلت شىء..
- كبرت وانا ساحبه على التويتر ومرات انحرق وابكي من القهر ! ابيه ابي ادخله ابي اتعلم واطور واتثقف .
الحين عمري 12 سنه وهي حياتي الحاليه .. دخلت المتوسط .. بنات المدرسه ي ك ر ه و ن ي ! انا انسانه وحيده لوحدي ..
لما امشي نظرات من فوق لتحت .. ولما تعرفت على بنت قالت تبين اعلمك ليش يكرهونك ؟ قلت بحماس ايوه ليش ..
قالت والله يا ريم بصراحه انتي تنرفزين مشيتك وثقتك بنفسك ترفع الضغط حركاتك تنرفز مع إنها عاديه ..
انصدمت .. قلت جد ؟ انا مانرفز والله .. قالت والكل يقول إنك مغرور .. انا جد كل مامشي مع احد او نتهاوش او يمشي جنبي لازم يقولون مغرور ! .. المهم رجعت البيت بعد عناء ووحده بالمدرسه .. كلمت اختي قالت اقولك الصراحه ؟ قلت اي ..
قالت : ريم انتي اختي وكل حاجه فيك قطعه مني .. بس الصراحه انا وصاحبتي نكره حركاتك وتصرفاتك يعني حتى لو انتي بس جالسه تنرفزيني انا وانا اختك وصاحباتي قالو لي انا قلت ايوه .. بس لاتاخذين بخاطرك هذي الصراحه وبس ..
سكتت انا .. وماقلت اي حاجه كتمت غصتي وإبتسمت وقلت : احسن خل اقهرهم وقعدت اضحك ضحكه مقهوره ..
قالت اختي وانا عارفه إنك كذابه : احسن والله .. وراحت اختي ! اه يا قلبي .. يعني وحيده عشان تصرفاتي صليت وقعدت ادعي وانا ابكي امي كم مره تصارخ بوجههي وتقول : روحي يالمكروه .. ماقول اي حاجه واسكت واكتم دمعتي .. كل ماتهاوش مع اختي تصارخ علي وتقول : انتي مكروه وترا كنت اكذب .. اصلا محد يحبك لانك غبيه ودلخه .. يا مغرور وشايله نفسك على ايش مدري .. يا دلخه يا غبيه .. والابلات يكرهونك بس يسبونك مانطيـقك والله مانحبك .. اه يا قلبي ! .. والله إنقهرت إنجرحت .. حطيت حرتي بمخدتي واكتم غصتي اكره ابكي اكره والله مابي ابكي ! مع اني مو مغرور انا لما اغلط اتاسف اناظر الناس كويس .. إبتسم واصبح عليهم يطنشوني ويحتقروني .. وكلهم نفس الكلام"مغرور،وتنرفزين"المهم اكمل قصتي .. مره كنت احلل شخصيتي بالنت وكذا - من الطفش - امي نادتني وقلت يمه الشبكه طفت خلي نارمين تشغلها قالت وش تدخلين ؟ قلت بس تحليل شخصيات وكذا عصبت وصارخت علي : يا وصخه وش تحليل وش دخلك بالشخصيات .. قلت شخصتي .. نافخت علي وقالت ياويلك تدخلينه سكتت وماقلت شىء : انا شاطره ومتفوقه .. وادب وإحترم ولا مره وقفت عند باب الإداره .. والمدح من المعلمات ومن كل شىء .. المديره تحبني وتقول بنتك شاطره ! امي تروح للمدرسه وتسئل عني .. اخلاقي عاليه و شاطره .. تسئل عن اختي .. صاحبه مشاكل ومشاغبه و هروب من الحصص .. تهزئها بس تبقى تمدحها كثير كثير ! .. وانا ؟ لدرجه احياناء لو انقص درجه تضربني ضرب مبرح ! انا احب اجلس لوحدي بالمدرسه .. صرت اعشق الهدوء .. احب افكر واحلل شخصيات واعرف نقاط ضعف الناس .. صايره اكره اقول لخواتي شىء والا لامي حاجه .. احس ودي ابكي .. احياناء اجلس احس عندي كلام كلام كلام كثير ! مو عارفه اقوله .. مو عارفه كيف اتصرف .. بس مره من المرات بقيت بالبيت لوحدي ابي افرغ الي بداخلي ماقدر ابكي ! والله ماقدرت .. مشكلتي ثانيه بعد .. التنفس ! اه يالتنفس تعذبت معك .. انا احياناء ادوخ وماقدر اتنفس اقول لامي بروح اراجع للمستشفى تقول لا تستاهلين .. عيني مره التهبت وصار كل شىء مشوش بروح للدكتور ابي نظري يرجع قالت لا .. بس اخذت طريقه من النت وخلت عيني كويسه الحمدلله .. بس الحين ؟ تنفسي وكل حاجه تضايقني .. بنات المدرسه ؟ .. اختي .. امي .. ابوي ! اه يا بوي اه يا عزوتي .. ابوي عصبي عصبي عصبي .. بس يهاوشني وعلى كل غلط لو سخيف يمسكه سنين ودنين .. يقعد يهزئني لين ماموت .. بس والله إني رافعه راسه قدام الرياجيل .. عارفين اعمالهم وكل حاجه تخص المكاتب من - طباعه واوراق - انا الي اسويه .. وابوي وش يقول يقول بنتي الكبيره ! - انا الثانيه - وكلهم يمدحون بإختي الكبيره .. طيب مو شرط ! مو لازم تقول بنتي .. يعني تعبي على الفاضي ! .. اه والله ارتفع ضغطي .. والإ كل جمعه اسوي 13 خطبه .. لـ 13 رجال .. وماقول شىء .. ويتشرط وكل حاجه .. بس الجانب الطيب في ابوي .. إنه يشتري جوالات بس مو كل شهر .. لا يعني نزل جوال جديد يشتريلي .. الحين معاي : جالكسي , ايبود , ايباد , لابتوب .. هذا الجانب الطيب .. واحياناء يوقف ضد امي عشاني وعشان خواتي إذ امي عصبت على الصغار .. بس ابوي دايم مسافر مانشوفه بالاسبوع الإ ثلاث مـرات .. وهي الايام المفضله بالنسبه لي .. بنات ؟ مابي إهانات وامك وامك .. انا ابي حل وحيد .. وش أسوي وش اسوي ! تعبت من حياتي .. كل حاجه ضدي اقول معلومه ومتحمسه او اكتشف شىء جديد يحطموني بكل دم بـارد .. بذكر لكم موقف يبين لكم وقاحتهم .. إحنا جانا عم جديد من الرضاعه ومن هالامور .. وانا فاهمه فيها خوالي وخالاتي متجمعين .. و المهم كان في عقده مدري إيش وحليتها انا امي كرشتني وبقوه ! عارفين بعدين إيش قالو لقينا الحل وش هو الحل ! ايوه حلي انا .. وقالت امي انا الي جبته .. لحظه يا ست ؟ وانا .. اخ يا قهري ! يعني كم مره اعلم امي حاجه وماتشكرني .. تبي شىء تناديني اعلمها وتقول انقلعي يلا .. طيب شكر .. او روحي او خلاص .. مو شرط انقلعي روحي توكلي ! .. بنات شايفين كيف الوقاحه ؟ .. والا اختي كل ماعلمها اشياء جديده تعلم صاحباتها وتناديني تسئلني وماتقول ريم علمتني ؟ لا تقول ماغر انا ناسيه ! .. وحاطتني عند صاحباتها امعه .. غبيه .. اكتب ودمعتي بعيني ! .. مقهوره واجد واجد واجد .. يا قهري يا حرقة قلبي .. وخوالي منقطعين عنهم بسبب امي .. واعمامي متهاوشه معهم - بسببهم - هم ناس منافقيه ولاننا بعيد عنهم لازم يقلبون - طبيعه مخلوقه فيهم - .. بس ابوي لازم يودينا عندهم .. ولو قلت لامي بتهاوشني للعلم انا واختي نارمين - الكبيره - متهاوشين معهم ..

[egy qween]

لا لا لا لا لا لا لا لا لا لا لا لا حرام تقولين عليهم شدي حاولي تتفاهمين معاهم ولا تحطيهم فرأسك على أنهم ناس سيئين :x:
حاولي تكوني بارة بيهم حتى لو كانوا يضرونك :x59:
يعني باختصار أحتسبي الأجر عند ربك :m:

[مشكلتي]

_



اختي الي فوق قريتي المشكله كويس عشان ماقول شدي؟

[egy qween]

طيب الحين مشكلتك إنك ماشاء الله أبوك و أمك يشترولك كل شيء وما عندك حساب تويتر وعليه أصدقاء؟
غلاتي أنا عمري 14 سنة وما عندي حتى جوال نوكيا ...
و لا فيسبوك و لا تويتر و لا حتى الكمبيوتر خاص بي...
يعني هذه مو مشكلة...
و لو أبوك يهاوشك على كل صغيرة و كبيرة فأنا كمان أبوي شدي ...
يعني مو مشكلة كمان...
فحاولي تقلبيها في راسك زين هم ما يبون غير إنك تكوني أجمل إنسانة في العالم...
:MonTaseR_65::MonTaseR_65::MonTaseR_65::MonTaseR_6 5::MonTaseR_65::MonTaseR_65::MonTaseR_65::MonTaseR _65::MonTaseR_65::MonTaseR_65::MonTaseR_65::MonTas eR_65:

[مسكك الغلا]

لي عوده. باذن الله

[اللورد يحيا]

عمري 12 سنه..

الحين عمري 11 سنه

الحين عمري 12 سنه

طيب آخر كلام كم عمرك ؟

واضح عزيزتي بأنك في طغيان مراهقتك

لما صار عمري وقتها 10 سنوات..مؤسسة منتدى كبير وشبه معروف..يعني الاعضاء حوالي الـ 100000

أنا صار لي في عالم البرمجه والمنتديات مايقارب 13 سنه أدير فيها المنتديات بنسبة تزيد عن 90 % ، لم أسمع يوماً ما عن صاحب منتدى أشهر وطور موقعه في سنتين ووصل عدد أعضاءه 100 ألف عضو أو حتى 10 ألف عضو ، أعتقد هذا يدخل في عالم الخرافه من أوسع الأبواب ..

منتدانا صار عمره أكثر من أربع سنوات وعدد أعضائه 7 ألف يزيدون قليلاً :200:

فلهذا عزيزتي الكتاب واضح من عنوانه حتى تكوني محبوبه لدى صاحباتك ومجتمعك وكل معارفك ، عليك بإتباع التالي :

1 - طاعة الله أولاً ثم والديك ..

2 - الكبرياء لله وحده وليس من صفات بني البشر فلذا عليك الإبتعاد عنه ..

3 - الإستغناء عن الإستطراق في الكذب أو النفاق بشكل عام ..

4 - الابتعاد عن التفاخر أمام صاحباتك بأي شيء تمتلكينه ..

5 - لا بد تحترمين النعم التي أنعم بها الله عليك حتى لا تنقلب على رأسك نقمه ..

6 - عليك أن تؤمنين بأن عقول الآخرين ليس مثل عقلك عند مخاطبتهم ، فالعقل درجات أدناه هو الغباء وأعلاه هو الذكاء ..

أنا متأكد كلامي سيكون صادم وجارح لك عزيزتي ، ولكن إذا لم أتكلم ستضلين كما أنتي دون أدنى وعي من أحد مفكرتاً بأن الحياه تمشي كما تريدين وترغبين ..

تمنياتي لك بالتوفيق والنجاح في حياتك

[مطر الفجر]

اذا تبين حل لمشكلتك اتبعي اللي اقوله لك
يمكن مايعجبك بس القرار بيدك وحدك
اول شي ابتعدي عن المبالغات في ردود الافعال
او التهويل بالوصف
ثاني شي
اذا عندك معلومات وحلول ذكيه ماشاء الله
وقلتيها لهم لاتنتظرين منهم ثناء ومدح
حتى لو جحدوك وقالو انهم هم اللي اوجدو الحلول
انتي عليك تساعدينهم وبس
مو تساعدينهم عشان يثنون عليك ويمدحونك ويمدحون ذكائك !
ثالثا
انتي صغيره جدا على دراسة علم النفس
ويحتاج لتجارب كثيره في هذه الحياة
انا درست علم النفس واعلم مدى صعوبته وتشعبه وتفرعه
ولم اكمله بسبب الظروف
يعني استحاله تستمرين في دراسة شخصيات الناس
و انتي بهذا العمر الصغير جدا
اتركي العالم وشانه لن تستفيدي شيئ
من تحليل شخصيات الناس عليك بنفسك انتي فقط
طوري نفسك باشياء تتنفعك تعلمي اشياء خارجيه
بعيدا عن عالم الانترنت
ركزي في دراستك والتقرب الى صديقاتك
واساليهم لماذا تكرهوني واجهيهم
واعرفي هل يكرهونك حقا ام انها مجرد اشاعات
تناقلتها بعض الفتيات وانتي صدقتي
البنت اللي قالت لك نكرهك ؟
اسالي زميلتك اللتي تجلس بجانبك في الفصل
هل علاقتك جيده معها ؟
صادقيها امشي معها لاتجلسين وحيده
رابعا
لماذا انتي كاتبه في عنوان الموضوع
امي وابوي وقفو في مستقبلي ؟؟؟
هل تظنين ان مستقبلك هو علم النفس وتويتر وفيس بوك ؟؟
هذا اكبر دليل على التهويل والمبالغه ؟
يعني اهلك وقفوا مستقبلك مره وحده ؟؟!!!!!
يا عزيزتي انتي الان على وشك التعمق اكثر
في عمر المراهقه
سوف ترين العجائب والتجارب في هذه الحياه الصعبة
لازلتي غضه و نقية و لينة القلب
ولكن كوني متاكده ان امك وابوك يفعلون كل الصواب
رغم عدم موافقتك وزعلك وبكائك
وكلامهم وانتقادهم لك ماهو الا طريقه لكي تغيرين من تصرفاتك
هم لا يكرهونك فعلا بل يكرهون الطريقه
اللتي تمارسينها عليهم بانك تفهمين كل شي
وتفكرين اكبر من عمرك وهذا خطا

اخيرا
اتركي علم النفس نهائيا
لانك لست مخوله لدخول هذا المجال حاليا
واكرر لك انك مخطئه جدا لذا تقبلي كلامي
واعملي بالنصيحه حتى وان لم تعجبك
فكري كثيرا غاليتي والا سوف تشغلين عقلك باشياء كثيره
تفقدك تركيزك على الاشاء الاهم في حياتك

تمنياتي لك بالنجاح
تحيتي لكِ

[مسكك الغلا]

ماشاء الله تبارك الله

صائط الطرائد

و

مطر الفجر

ابدو بالمفيد

في وجود. ماقالوه اتنحى جانبا

[عالي المرقاب]

كل اللي ذكريته ليست مشكله بل تصرفان من طفله صغير في اعتقادها بانها قفزت مراحل من النضوج او تقارن نفسها بمن مرو بمراحل كثيره من تجارب الحياه
طفلتي العزيزه
كل تصرفاتك وما يحصل لك في هذا العمر ليس للوالدين دخل فيها هذا طريق اخترتيه واستعجلتي بالحكم عليه بانه مشكله
بمعنى مثل الشخص العطشان ولم يجد الا ماء البحر
والحل
ياطفلتي العزيزه كبري الوساده وعيشي جو الاطفال اللي في سنك واسمعي كلام والديك هم اعرف بمصلحتك واكثر حب لك وخوف عليك واتركي الوسوسه والشخمطه والمبالغه في التصفح والقراءه في مواضيع اكبر من سنك وتفكير وجع راس ومرض

[حكيم زمانه]

انا اقوول اهتمي لدراستك وتركي ذا الخرابيط عنك
توك صغيره وتقولين اهلي واقفين بطريقي
الله يهديك بس
عمرك 12 وعندك كل هذي الأجهزه انا عمري يزيد عن عمرك الضعفين ولا املك ايباد
انتي المفروض حتى المنتديات ما تدخلينها للمعلوميه

[egy qween]

حقانييين و الله ما تقولون إلا الصدق.. :3sr35:

[‏§صغيره لكن خطيره‏§‏]

أولا السلام عليكم ثانيا حبيبتي أنا يعني نص ونص مثل مشكلتك إنتي إذا ما إستطعتي تكسبين أهلك وصحباتك وأبوك وكل أهلك من إنتي صغيره يمكن هذا رح يأثر على حياتك ومستقبلك يعني أنا أعتبر هذا أصعب شئ ممكن البنت تتحملوا بس تعرفين إني مرات أبكي وأبكي وأبكي وحدي مرات نص اليل أضل هيك أبكي وتصير عندي خطط شيطانيه على إلي يعاملوني هيك وأضل أبكي يعني مرات أضل لساعات وحدي بس أبكي بس بالأخير تعرفين شو يصير أقول إنو أنا لازم ما أبكي وأبدا صفحه جديده مليانه أمل وطموح وأعفي عن الناس أنا أصلا كتومه والضاهر إنك كمان هيك المهم هسه إلي أريده منك إنك تصيرين قويه وأختك إذا حكت معك هيك فهي من قهره منك تريد تغيرك وأنا أبي منك تتجاهلينه وتنسجمين مع زميلاتك بالمدرسه أول مره ما رح يتقبلونك بس بعدين صدقيني رح تكونين أكثر وحده محبوبه إنسجمي مع المعلمات خلي شخصيتك بالمدرسه القويه المحبوبه والفكاهيه صيري هيك بس جربي وصدقيني النتائج رح تكون للأفضل أما أمك فهي يمكن تريد تبعدك عن هذه الطريق مال النفسيه وما نفسيه بس إذا إنتي تعلقتي بحلمك رح تبدعين فيه تعلقي بحلمك لا تعوفينه وإذا ضاع منك لاحكي وإركضي وراه حتى تحصليه أو بعدين أبوكي أنا أحسه إنو هو يعني حاس فيكي ويبي إقويكي أما إلما يقول إنو هو أختك الكبيره هي إلي تشتغل يمكن إنو مو صحيح إلا البنت الكبيره يعني تصلح بس إنتي تشوفينه عدله إنو أبوكي يقول أنا بنتي الصغيره وبنتي الصغيره بس حل مشكلتك هي الصبر والأمل أوبس مهما بكيتي تذكري هذي الجمله من عندي إنك لازم تكونين قويه مهما إيش صار لك وأتمنى إني أكون فدتك بشئ