تعبت من تحمل مسؤوليه 9 اشخاص

[مشكلتي]

السلام عليكم بنات
انا بنت سعوديه عمري19 سنه اكبر بنت في العايله بس في اكبر مني ولدين
واصغر مني 3 بنات وولد >>ماشاء الله
انا صراحه تعبت وكل يوم قبل انام اظل ابكي تعبت وربي تعبت متحمله مسؤوليه اخواني واخواتي ال 6 وامي وابوي وانا يعني متحمله مسؤوليه 9 اشخاص وال10 بالطريق >>ماشاء الله
تخيلو يومي كله شغل في شغل
يعني اصحى الفجر اسوي لهم فطور واقعدهم يصلون وياكلون يجهزون للمدرسه وبعدين لما يطلعون اشيل الفطور واطلع ملابس اخوي ابوي اكويها لهم عشان يداومون
وهذا غير الحوسه كل واحد يصايح من جهه وين جزمتي وين المشط مريولي مو مكوي عدل اخخخ وكأني خدامه عندهم
طبعا اخواتي مو صغار 17و 12و 11 سنه بس كل شي علي انا
بعدين انام واصحى الساعه 10 اسوي الغداء وافتح لهم الباب وارتب الصاله واروح اسوي لامي حليب وانتظرهم لما يجون واحضره لهم واذا تغدو كلهم ينامون واروح عاد شغل في المطبخ لين الساعه 2 واول ما اطلع يكون ابوي صحى ويبي غدا احط له الغدا واجلس شوي ويجي العصر ارووح اصلي و اقعدهم وتبدا طلبات العصر حليب شاي قهوه خبز جبن ع حسب المزاج وارجع انظف المطبخ واجلس يجي المغررب اسوي العشاء واعشيهم وانظف الصحووون وارتب غرفه اخواني وغرفه امي واذاكر لاخوي الصغير تكون تقريباً الساعه9 او 10 واجلس خلاص لما تجي الساعه 11 يجي ابوي من برا احظر له العشاء
وربي تعبت كل شي فووق راسي امي واخواتي مالهم اي دور في البيت وانا مثل الخدامه هذا من غير التجريح اذا قلت لامي قولي لفلانه او شي تقول انتي هذا شغلك وانتي اصلا طول وقتك جالسه ماتسوين شي
واخوي يقولي انتي هنا بالحياه عشان تخدميني وانتي شغلك هنا خدامه
واحيانا اكوون تعبانه واشتغل تجي وحده من خواتي تطلب شي اقولها لا ابوي يهاوشني يقول انتي وحده اسلوبك خايس
وربي اكتب وانا ابكي

مع العلم اني مداومه ع الاستغفار وسوره البقره الحمدلله

[egy qween]

يا حبيتي ربي يهون عليكي :مبحلق:
أنتي خذي الموضوع على إنك شي كبير و زيدي مكانتك في نظرهم :MonTaseR_4:
وللعلم إذا كنتي تتعبين مع كل هذول ما شاء الله عليكي فما شاء الله كيف لمن تكبري وتتزوجي وتجيبي أولاد ؟؟ :x:
لازم تتعودي على كده لأنك لسه ما شفتي شي :MonTaseR_51:

[جَســـــوُرْ..،]

أولا: خدمه أهلك لك الأجر العظيم فيها و هذا ما يختلف عليها أثنان و لكن ...

ما تبيّن لي أنك تحملتي فوق طاقتك من شغل و إهانات .. لا أعلم من هو صاحب اقوى شخصية في عائلتك ( من له حـيله فل يحتال )

حاول أن تأسري قلب من هو أقوى شخصية في بيتكم لعل الله يرسل في قلبه الرحمه و يجعل له التاثير في ان يخففوا عنك.

و أن ما نجحت هذه الطريقة فما أظن أنك خسرتي شي أكثر من اللي خسرتية من قبل فـ عامليهم بالمقابل طنشي لا تطبخي و لا تسوي شي و اجعليها لحظه انفجار . لكي يعلموا بـ أنك أختهم و لستي خادمه لهم..

هالله هالله بالصبر و الدعاء..

و اسال الله لك الاجر و الخيره في حياتك.

[مطر الفجر]

أولا: خدمه أهلك لك الأجر العظيم فيها و هذا ما يختلف عليها أثنان و لكن ...

ما تبيّن لي أنك تحملتي فوق طاقتك من شغل و إهانات .. لا أعلم من هو صاحب اقوى شخصية في عائلتك ( من له حـيله فل يحتال )

حاول أن تأسري قلب من هو أقوى شخصية في بيتكم لعل الله يرسل في قلبه الرحمه و يجعل له التاثير في ان يخففوا عنك.

و أن ما نجحت هذه الطريقة فما أظن أنك خسرتي شي أكثر من اللي خسرتية من قبل فـ عامليهم بالمقابل طنشي لا تطبخي و لا تسوي شي و اجعليها لحظه انفجار . لكي يعلموا بـ أنك أختهم و لستي خادمه لهم..

هالله هالله بالصبر و الدعاء..

و اسال الله لك الاجر و الخيره في حياتك.

رد رائع جدا من الاخ يهمك
و اضيف تعليقي ايضا
يا اختي العزيزه
كلنا في فترة من فترات حياتنا كنا نشتغل ونخدم من هم اصغر مننا
لا يجب علينا التذمر لان هناك يوجد ناس اسوا منا
صدقيني لا شيئ يدوم ولا راحة في الدنيا

ان شاء الله يكون لك اجر عظيم في كل ماتفعلينه لعائلتك واهلك
تحيتي وتقديري لك

[جُلَّنار]

حبيبتي اعتبري العمل هذا لوجه الله
صح بتلاقي اهانات وعدم تقدير بس منتي دايمتلهم ودوام الحال من المحال
وانتي المستفيده ترا بس تتزوجي ان شاء الله ويحظ زوجك ههههههههه يعني ماشاء الله حتكوني ست بيت درجه اولى مو زي دحينا كل شي يرموه عالشغاله ويجي زوجها من الشغل وهيا حاطه رجل على رجل لا طبيخ ولاتنظيف ولا شي..
والله يسهلك يارب وثقي تمام كل شي احنا نسويه في الدنيا هدي محسوب عند الله سبحانه وتعالى
وربنا يسهلك حبيبتي

[مسكك الغلا]

وين المشكلة. طيب ؟!

شي طبيعي انا زيك واكثر كمان دام فاضيه وعاطله فهذا شي طبيعي جدا

انتي مكبرتها مررررره

احتسبي الاجر ومصيرك راح تتزوجي وتنتقلي لبيت زوجك

[آتم بعيد .!]

وعليكم السلام ورحمة الله وبركاتة

ماشاء الله م قصروا الكرام اللي قبلي.
لكن بقولك من تجربة واقع عشتة مشابهة لك ويمكن يقهر اكثر منك .. !
صدقيني شيء جمييل لما تكوني اهم جزء فالبيت ولكل معتمد عليك .
حطي فـ بالك ان البيت من دونك ضايع و جودك مهم وإنت مثل عامود الخيمة إذا نسحب طاحت .!
تقدرين ترفعين هالخيمة بدون العمود؟! اكيد لا !

انتِ بهدوء حاولي تكلمي امك وتفضفضين لها قولي لازم نتعاون ونتساعد انا تعبت جسديآ ونفسيآ .!

وكمان كلمي اخوانك قولي حرام عليكم انا انسانة مثلكم لازم تساعدوني بشغل البيت وتحضير الاكل بالاشياء الي تقدرون عليها ..
وإذا م رضوا قولي يلا تقاطوا بينكم راتب الخادمة ولازم تجيبونها تساعد وتخفف العبء الثقيل عني .

ولاتبكين ولاتتذمرين هذا مجتمعنا تحمل مسؤولية البيت غالبآ يكون ع البنت الكبيرة والاعتماد الاكبر عليها للاسف
فـ بعض البيوت هـذا حال بناتها .
لاتقولين عن نفسك خادمة , هم أهلك وركزي إنت بتساعدي امك وهـذا يدخل فـ المساعدة والبر والاحسان إليها ..

ولاتنسين نصيحة الرسول صلى الله عليه وسلم لابنته وزوجها :
"فاطمة بنت رسول الله شكت ماتلقى من أثر الرحا فأتى النبي صلى الله عليه وسلم سبي فانطلقت فلم تجده
فوجدت عائشة فأخبرتها فلما جاء النبي صلى الله عليه وسلم أخبرته عائشة بمجيء فاطمة فجاء النبي صلى الله عليه وسلم إلينا وقد أخذنا مضاجعنا فـذهبت لأقوم فقال على مكانكما فقعد بيننا حتى وجدت برد قدميه على صدري وقال ألا أعلمكما خيرآ مما سألتماني إذا أخذتما مضاجعكما تُكبرا أربعاَ وثلاثين وتُسبحاَ ثلاثاً وثلاثين وتحمداَ ثلاثاً وثلاثين فهو خير لكما من خادم )

34تكبير + 33تسبيح + 33تحميد = خير لك من خادم

الله يعينك ويساعدك ويصلح حالهم :رحيق:

بأذن الله لك الاجر احتسبي فيهم الآجر ..

[معاندة جرح]

حالتي تقريبا نفس حالتك لكن الحمد لله انا عندي ابوي وامي بس
وان زادت تزيد اختي وعيالها
نصيحتي لك اصبري
واعرفي اسلوبهم عشان تمشين معه اعرفي وش نقطة الضعف واستغليها
ابدا لا تفكري ان نقطة ضعفهم انهم محتاجينك
وتحاولي تمنعي عنهم الشي ..
لا .. لانهم كذا بيشوفو انتي وش تحبي وبيمنعوه منك
نصيحتي تعلمي اختك اللي اصغر منك وتحمسيها تشتغل بأسلوب حلو ومشجع وليس الامر
وبعدين شغلك ماشا الله مو كثير بس بالنسبه لعمرك كثير عليك
واعرفي ان كذا تقريبا حال كل البنات اللي جالسين بالبيت لا شغل ولا مشغله ولا دراسه ولا اي شي
انا حالي كان كذا اول وامي وابوي رافضين تماما اكمل دراسه جامعيه او اتوظف
وصرت اشتغل بالبيت خياطه ولله الحمد وقادره اوازن وارتب شغل البيت وشغلي الخاص لدرجة ابوي صار يقول لخواتي او امي قومو انتو سوو هالشي وخلوها تخلص طلبيات شغلها هي
والان توظفت بنفس مجالي ابوي هو اللي يقولي اتركي شغل المطبخ وروحي ارتاحي او روحي نامي بدري عشان وراك دوام
الصبر يغير كل شي والاهم انك ما تجلسي بالبيت اكثر لان الوضع مع الوقت اذا ما صديتيه يزيد

[اللورد يحيا]

هذي هي النموذج للبنت المثاليه والتي يرغب أي شاب مقبل على الزواج الإرتباط بها

حقيقتاً أهنيك عزيزتي على حسن تربيتك من والديك

وتأكدي يا أختي بأن الله معك وستلاحظين هذا الشيء مستقبلاً ، ولكن زيدي على ذالك المحافظه على حجابك كاملاً أمام الغرباء

[حكيم زمانه]

باختصار
انتي شخص عظيم ..
واتمنى لك السعادة ..
وكل هذه المعوقات ماهي الا لتربيتك على شيء اسمه سنااعه
وصدقيني ي اختي ان حياتك راح تنجح وراح تكونين شيء كبير ف المستقبل
واهلك من بعد زواجك بيضيعون من دووونك
الله يفك حزنك وهممك

[مشكلتي]

مشكورين كل الي ردو جزاكم الله خير
بس حبيت اوضح نقطه انا مو عاطله انا ادرس جامعه عن بعد وان شاء الله بدرس كمان حاسب يعني مع بعض بدرسهم
اخوي صائد انا الحمدلله انثى سعوديه ملتزمه بالحجاب الاسلامي الكامل والنقاب
:MonTaseR_137:

[Dr.moonee]

ي عيوني هذا اجر انتي متخلينه تخدمينك أمك وأبوك يعني شي جميل
انا دراستي صعبه وفوق كذا بابا مسافر وماما دوام
وعندنا بيبي ❤️وكمان دروس خصوصية يعني ضغط مرا
وكل مسؤلية البيت علي بعد ماما بس انا مقسمتهم يعني كل واحد معطيتوا شغله
حتى اخواني الصغار كل واحد شغله وكل واحد ينظف ورآه
كلمي أمك اذا هما ماسمعواًلك قسمي الشغل بينكم
..
وصدقيني تنحل وخليكي متفائلة وكوني واثقه انو ربي مايضيع عمل احد
وروقي عيوني مافي شي يستاهل
..

[آنثے م̝̚لآئـکﯾھَہّ]

غاليتي اول شي خلي نيتك انها لوجه الله عشان لا يضيع تعبك ع الفاضي ~

وعندك اختين اصغر منك كلميهم باسلوب حلو بوقت جالسين مع بعض مبسوطين

وقوليلهم نبغى نقسم الشغل بينا وكل يوم نسوي قرعه ع شغل البيت ( هذي طريقتي انا واختي قبل ماتزوج )

واجلسي مع امك لو ما ساعدوك وقوليلها هم خلاص كبار احتاج مساعدتهم

وكمان هم يستفيدون لو كتب لهم ربي يتزوجون ( بس كل شي قوليه باسلوب رايق وحلو )

انا حاسه فيك بس الفرق انه انا عندي امي وابويه وبنوته من ذوي الاحتياجات الخاصه ..

الله يسخرلك اهلك ويرزقك بالزوج الصالح ويسعدك ~

:ورد: