لحظه وداع / وكنها سكرة الموت

[الســاهر]

رفعت كفي .. ماقدرت ارفع الصوت
لو كان فالخاطر .. كلام كتمته

لحظه وداع / وكنها سكرة الموت
ضاع الطريق .. اللي من اول رسمته

ضاع الطريق وصرت في الدرب مبهوت
مدري وش اللي فاتني ما اغتنمته !

العمر مرّ .. وراح مع فايت الفوت
صحيح ضعت .. وضاع حلم حلمته

الا انت ياللي قربك لروحي القوت
لو غبت / يبقى وسمك اللي وسمته

يبقى كما نقش على الصخر منحوت
حفظته .. بشكله ولونه وسمتّه

مهما الفراق اوجاع والبعد ممقوت
اصبح مصير من غلاك / احترمته

دمع النصر لو طاح من ( عين جالوت )
( عين العقل ) دمع تكنّه / حشمته

ذخرت لك يافرحة العمر .. تابوت
فيه الغرام اللي بديته / ختمته

يبقى الغصن لو مابقى فالغصن توت
تحرك انسام الذعاذيع .. صمته

سكّت .. وانا من موادعك مكبوت
شي تجاهلته .. وشي فهمته !

حبل الرجاء من جور الايام مفلوت
ياليت قلبي عن غرامك عصمته

[شموخ عزي]

كل الشكـــر لك على هاالطرح الأكثــر من رااائــــع ..
الله يعطيييك العااافيه
لا عدمنا هالتمييز والابدااع ,,
بأنتظااار جديدك الجذاب والمميز..
تقــــديري وآحتــرآمي

[الســاهر]

الغاليه شموخ عزي ....
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري