المساعد الشخصي الرقمي

مشاهدة النسخة كاملة : اكذب عليك ان قلت ماني بمشتاق..


الســاهر
12-06-14, 09:45 PM
اكذب عليك ان قلت ماني بمشتاق...
واكذب عليك ان قلت حبك نسيته

خل الكلام اللي طعن صمت الاوراق...
يحكي لك اللي ما نطقت وحكيته

ناظر عيوني شوف تاثير الاشواق...
شوف الفرح وشلون بعدك جفيته

كتفي يشيل من الزمن فوق ما طاق...
والضيق يرضابي وانا مارضيته

الى متى وانا انتظر لحظه اشراق...
الى متى والحزن هالقلب بيته

الى متى والهم ينحت بالاعماق...
واسقيه من فراقك دمع بكيته

ياصاحبي شف خاطري ما بعد راق...
بنفس الطريق اللي انتهى وابتديته

ضاق الزمان وكل شي بعدك ضاق...
حتى القصيد اللي بصدري احتويته

عمر الشعر ما ضيق صدور الاوراق...
الضيق ضيقي لاكتبت وقريته

تعبت اجمع ما بقالي من اشوااق...
واقول ليت الوقت يفهم ياليته

ياقو قلبك وانت محرقني احراق
ارفق بحال اللي ذكرك ونسيته

تدري عزاي ان حدك القلب تشتاق...
دور علي بكل درب مشيته

يمكن تلاقي درب بدروب الفراق...
يجوز ربي كاتبه واهتديته

ومدام ربي في يده قسم الارزاق
انا اقتنعت بما كتب لي ورضيته

شموخ عزي
12-06-14, 09:48 PM
طرح رآآئع ومفعم بالجمآل والرقي
سلمت يمنآآآآكـ
موضوعكـ راقني جدآ
ما ننحرم من روعة جديدكـ
تحيآتي لسموكـ ..

في صمتي شموخ
12-06-14, 09:49 PM
دآآآم قلمك ينبض ويترف حبـــآآ وشوقــآآ

تحيـــآآتي لك ولقلمك وآبدآآآعك الذي لآيتوقف

دروب الحب
12-06-14, 09:51 PM
ادام الله عليك الابدااع


تميزبالطرح والانتقاءيسلم قلبك من الالم


اختك شهد

صياد واحب اصطاد
12-06-14, 10:12 PM
سلمت يداك وصح لسان
كلمات رووووعه اعجبتني
وعدوك والله ما يستاهلها
عادلك بعد خيبة آمل وفشيلة

الســاهر
12-06-14, 10:30 PM
الغاليه شموخ عزي ....
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري

الســاهر
12-06-14, 10:31 PM
الاخ الكريم في صمتي شموخ ....
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري

الســاهر
12-06-14, 10:34 PM
الغاليه الفل والياسمين ....
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري

الســاهر
12-06-14, 10:34 PM
الاخ العزيز صياد ....
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري


SEO by vBSEO 3.6.1