مشكلتي مع جدتي

[مشكلتي]

السلام عليكم ورحمه الله وبركاته

انا عمري 19

وحبيت اقول لكم مشكلتي

المشكله ان

جدتي ام امي تكره امي تحبها بس عشان الفلوس وتحب خالي اكثر من امي وتحب عياله وانا وامي وإخواني ماتحبنا

وتكرهنا ومره من المرات سمعت جدتي تسب امي قدام الحريم عمركم شفتو ام ماتحب بنتها هي بس كل شي لخالي وبناته وعياله وجدتي تموت على الحش في الناس وانا احس اني اكره خالي وبناته والحين ماقمت اروح لهم زي اول حتى اخواني بس امي الي تروح هي جدتي تفرق بين خالي وامي وانا تعبت واحس اني اكره جدتي

عطوني الحل

[Dr.moonee]

حبيبتي مافي ام بالدنيا تكره اولادها خوذيها قاعده
يعني انا ماما تنتقدني عادي وأحيان اذا سويت شي غلط تضربني قدام خالاتي والحين عمري٢٠ماقالت كبرت يعني عادي
حتى بنت خالتي متزوجة وعندها ولد وربي ي أمها ماتعتبرها متزوجة تهاوشها وتوضح اغلاطها يعني انا اشوف عادي
وهيا كبيره في السن يعني ماعليها شرهه تفكيرها مو مثلنا انتي انصحيها بعدين بقولك شي دايم الأمهات يميلوا للأولاد
يعني يفضلوهممم اكثر
اشوف جدتي تحب خالي الكبير وماما تحب اخوي الكبير
صح كلهم يحبونا بس في تفضيل شوي :in_love:
يعني لاتشيلي ببالك انصحيها تبين شي قوليه قدامها أفضل من انو تكرهيها بدون سبب
وحيصير قطع رحم يعني كبري عقلك بكل شي
خليكي انتي العاقله مو شرط احد يحبك انتي حبي نفسك حبي الأجر لنفسك
ولا أمك
يعني لاتحطي ببالك وتعوذي مِمن الشيطان
صدقيني الدنيا مره صغيره حنموت وراح نندم على كل لحظه فوتناها احنا نعمل عشان جنه مو عشان فلان وعلان


..

[مطر الفجر]

و عليكم السلام ورحمة الله وبركاته
غاليتي نصيحه لك انتي توك صغيره
ماشفتي شي من الدنيا ومشاكلها
هذه ما اعتبرها مشكله كون انها الام تفضل ابنها
يعني جدتك تفضل خالك على امك
خليكي بعيد ولا تدخلي بين الام وبنتها !!!
جدتك وامك هم يحلون مشاكلهم بنفسهم
لا تدخلين بين مشاكل الكبار
وبالنسبه لخالك وبناته
ماشفتي شي منهم ليش تكرهينهم ؟
اما لو انتي شفتي منهم شي ضايقك مو لازم تروحين لهم
خلي علاقاتك رسميه معهم و طنشي اي امر لا يعجبك
وليس بالضروره ان تحبينهم
ولكن احرصي على عدم اثارت المشاكل او مواضيع التفرقه
تمنياتي لك بحياة سعيده
الله يصلح الامور
تحيتي

[شليويح ~]

دآيم كبار السن يحسون أن م عاد لهم فايده
وإنهم وصلوا ل نهايتهم
وبالتأكيد بعتقدون ان المجتمع ينتظر رحيلهم
وهذا يسبب لهم ضغوطات نفسيه تنتج عنها مثل هالسلوك

يمكن جدتك إعتقدت انكم م تبونها عشانها كبيره ب السن
من مجرد شئ بسيط شافته من أمك وفسرته ب مزاجها

ل ذلك انا مع كلام مطر الفجر
خل المواضيع بين الكبار .. انت قدامك عمر ان شاء الله
وفرّ نشآطك واندفاعك ل قدام ..

موفق :MonTaseR_218:

[آتم بعيد .!]

وعليكم السلام ورحمة الله وبركاته
انتِ عارفه البعض من مجتمعنا الشرقي يفضل الولد ع البنت !
وهـذا لايعني ان البنت محد يحبها ونقول بين قوسين (يكرهونها )
الولد هو الي يحمل اسم العائلة هو الي يتحمل المسؤولية ويُعتمد عليه سواء في حياة والدها او بعد وفاته !
الولد هو سند اهله وعزوتهم وهو الي يدافع عن شرف اهله وسمعتهم .
لكن لاتنسي ان الابن و البنت كلهم غالين و مافي فرق بالمكانة في القلب .
الفرق في التعامل من باب التفضيل لان هو رجُل ولازم نحترمه ونقدره لاجل يكون له مكانه بين اهله ومحد يسطى عليه ..
جدتك صورة من اصول كثير من الامهات والجدات فـ مجتمعنا !
لكن انتِ لازم تراعي كبر سنها وتحترميها ..
وحتى لو تكلمت وقالت وغلطت انتِ طنشي ولا كانك تسمعي ولاتنقلي كلامها لامك ..
وهي اكيد تحب امك وتغليها وكلامها مب سب ولاحش لكن بعض كبار السن إذا تكلموا ع احد بناتهم عند الغرباء
صدقيني لايخلو من الحالتين اما فضفضه وقصدها انه تبي احد يهتم بها والاهتمام مايُطلب
او غصبن عنها بمعنى لسانها فلت منها وهي م تقصد تغلط او تسبها قلتها سواليف والسالفه تجر سالفه
آنا مثال عندك ازور جدتي ام ابوي ارفع صوتي اتهاوش مع اخواني اسوي الي ابيه م تقول لي شيء ابد
غير كلمة البيت بيتك ياشيخه :in_love:
لكن بنات عمتي اي تصرف يطلع منهن يُعتبر غلط وعيب وقلة حياء ..

ليه ؟؟
-لاني قريبه منها وفي عمارة وحده ودايم ازورها اخدمها فـ تتحملني لانها تعودت عليه بس هذا لايعني انها تكرهـ بنات عمتي المحبه فـالقلب فالدعاء لك ,التعامل له دووور بس صدقيني حنا يالحفيدات نقدر نكسب قلوب جداتنا بـ بوسه على الراس بقول الله يخليك لي يالغاليه باهداء :قطعة قماش ,,ي اختي حتى لو تهدين عليها سجاده ومعها شرشف صلاة فرحت فيها وكل ماجاءها احد قالت فلانه بنت بنتي جابتها لي الله يسعدها .
واخيرآ :
والله انا اختك ان اكثر الاشخاص الي يصبرون ع تعامل كبار السن ويقومون بخدمتهم
والاهتمام بهم راح يصيرون اجمل ناس فـ عيونهم ويذكرونهم بالخير ..

الاهتمام يالغالية ماينطلب ابد (الشيء إذا ماجاء من طيب خاطر الله الغني عنه ) اهتموا فيها اسئلوا عنها زوروها اعزموها ع احد الوجبات اخذوها عندكم تغيير جو كم يوم ومنها تتقربون من بعض اكثر ..؟

ونصيحة مثل م قالوا الاعضاء اللي قبلي
:لاتدخلين نفسك بمشاكل الكبار إذا ماكنتِ محضر خير اسكتِ وخليك بحالك لاجل مايكرهونك فعلآ :رحيق:

[اللورد يحيا]

هي فقط تحسست بأنكم عديمين جدوى معها لدرجة السفاهية لأنها لم تجد فيكم تقبل لأفكارها

عاملوها برسميه داخل المنتزل وأنا متأكد ستظطر تغير وضع تعاملها معكم للأفضل

[شموخ عزي]

صحيح مافي ام تكره بنتها حطيها قاعده في راسج
ممكن تفضل خالج على امج بس هذا مودليل على انها تكره امج
وعلى فكره تر محد احن على جدتج من امج
الواحد لما يكبر في السن يبيله معامله مثل مانعامل الطفل الصغير
جدتج تحتاج منكم اهتمام اكثر من قبل
خليج بعيده عن الموضوع وخلي الكبار يتفاهمون مع بعضهم البعض
وبلآش تكبرين الموضووووع

الله يهدي الجميع ،،، ويصلح الحآل

[آنثے م̝̚لآئـکﯾھَہّ]

الاعضاء كفو ماشاء الله عليهم ~

بس بقولك شي لا تكبري راس امك وتعييها ع امها ..

ترى طبيعي تعاملها مع بنتها خاصة كبار السن عليهم كلام وحركات تطلع من نيه صافيه لكن جات بطريقه غلط ..

وع فكره انتي بنعمه عندك جده تجمعكم وتحسو بوجودها حولينكم ولا تنسى كبار السن هم بركة البيت ..

ليت جداني عايش واحس بشعوركم ..

الله يهدي الامور بينكم ويصلحكم لها .

[آنثے م̝̚لآئـکﯾھَہّ]

الاعضاء كفو ماشاء الله عليهم ~

بس بقولك شي لا تكبري راس امك وتعبيها ع امها ..

ترى طبيعي تعاملها مع بنتها خاصة كبار السن عليهم كلام وحركات تطلع من نيه صافيه لكن جات بطريقه غلط ..

وع فكره انتي بنعمه عندك جده تجمعكم وتحسو بوجودها حولينكم ولا تنسى كبار السن هم بركة البيت ..

ليت جداني عايش واحس بشعوركم ..

الله يهدي الامور بينكم ويصلحكم لها .