لولاه حتى طاري الشعر مابيه..

[دروب الحب]

[قالو حبيبك يسمع الشعر قلت ايه

]
يقراه بعيوني قبل تسمعونه


لولاه حتى طاري الشعر مابيه

مير أكتبه من شان خاطر عيونه





هو روح شعري ومنياته وماضيه

جذع الشجر وش كان لولا غصونه





اكتب لغيره والقصايد تجي فيه

كن القصايد حالفه ماتخونه





هذاك لاامنه زعل قمت اهاديه

حتى وهو مخطي تعذرت دونه





يمكن لوانه يلمس الجرح بيديه

يستغرب ان اللي لمسها طعونه





ابطى وهو غايب وزلت حراويه

وانا من العام اتحرى مزونه





هو مادرى اني في غيابه محاتيه

ليته نشد عن حالى اللي يجونه





واقلبي اللي توه افلت عراويه

كيف انسرق .. وظلوع قلبي حصونه





عجزت ارده كن ماني براعيه

يوم انتثر شوقه وهاضة شجونه





يبسن عروقه لكن اللي يعزيه

أن اكثر العالم تردد لحونه





خافو من الله لا تجيبون طاريه

لاصرت انا موجود لا تذكرونه





لو كل غالي جابه الله لغاليه

ماشفت لك مخلوق تبكي عيونه





للشاعر متعب التركي

[جُلَّنار]

لولاه حتى طاري الشعر مابيه

مير أكتبه من شان خاطر عيونه











يديكي العافيه ياسكره

[حسان]

خافو من الله لا تجيبون طاريه

لاصرت انا موجود لا تذكرونه





لو كل غالي جابه الله لغاليه

ماشفت لك مخلوق تبكي عيونه






كلمات راقيه
شكرا لذوقك الراقي

[شليويح ~]

الله عليك وعلى ذآئقتك ..
متعب التركي صآحب حرف وقلم غني عن التعريف ..

شكراً لك .. أريد المزيد .