مشكلتي مع دبلة خطوبة صاحبي :(

[اللورد يحيا]

من كم يوم وجدت دبلة خطوبة أحد أصحابي على رف في غرفته داخل منزله

ومن باب الفضول ولإعجابي بشكلها وضعتها في إصبعي كتجربة المقاس ( أمام عيونه )

المصيبه بعد تجربتها في إصبعي حاولت إخراجها حتى أردها له ولكن كل المحاولات بآئت بالفشل

فإقترحت عليه إقتراح بأن أقصها بجلمبوا أو زراديه أو إبلغ الدفاع المدني يقصونها بمعرفتهم

ولكنه رفض هذي الفكره بحجة يريدني أن أقطع إصبعي بدون أن يتأثر الخاتم


أنتم ماذا تقترحون أن أفعل علماً بأن ( الدبله ) صار لها في إصبعي يومين تقريباً وكل شوي يتصل علي ويسأل عنها ؟

ملاحظه : من كثر محاولاتي لإخراجها صار لون إصبعي أسود وأعتقد الدم توقف نسبياً تدفقه للإصبع

أفيدوني بإقتراحاتكم


-

[لحن الياسمين]

هههههههههههه الله يعينك موقف محرج شوي
حط لها فازلين او صابون على اصبعك و راح تطلع ان شاءالله
او اذا مرررة عجزت منها ماطلعت روح لمحلات الذهب وهم يطلعونها لك ان شاءالله

[لحن الياسمين]

او كمان ممكن تجرب تحط لها زيت لو مانفع الفازلين والصابون

[مسكك الغلا]

شامبو وتزلق بسهوله > كذا نلبس الغوايش

[في صمتي شموخ]

ادهب الى اقرب مركزلدفاع المدني
هههههههه

[مسكك الغلا]

:nosweat: مدري كيف اشرح الاصبع مو بحجم اليد

[أسيره القلوب]

ههههههههههههههههههههههههههههههههههههههه

مبروك الخطبه :112:عقبال ماتعزمنافي زواجك:0005:

استخدم شامبو من غيرماء ولفهايمين ويساروراح تطلع اشوى اشوى:MonTaseR_49:

[أسيره القلوب]

ترا ثوبي جاهزها:MonTaseR_21:

[آلمتفائله]

ههههههههههه صائد من جدك تجرب دبلة صغيره ؟! بس بما انها نشبت فـ مبروك مقدما بتتزوج قريبا ^__^

اسمع حط فازلين وكريم وان شاء الله تضبط معك

تمنياتي لك باصبع سليمه وخاليه من المشاكل الخواتميه

[مطر الفجر]

يا ربي
والله ضحكت من قلب
اعذرني اخي الكريم صائد
حط عليه سمن ودلكه بشكل دائري مو فوق وتحت
ان شاء الله تطلع اصبعك سليمه
تمنياتي لك بحياة زوجيه سعيده خخخخخ :MonTaseR_151:

[السيده ملعقه]

مثل ماقالو الي قبلي
صابوون و بتطلع ان شاء الله

[سكوت]

ههههههههههههههههه قسم موقف محرج
أنا يوم كنت صغيره نشبت بيدي غوايش وطريت أقصها
أنت شوف جرب الصبون وجرب الفزلين
وإذا مايضبط قصه الشكوى لله أصبعگ أهم
وفيه عند محلات الذهب ممكن يرجعونه
زي قبل حق تلحيم وشي زي كذا
عاد مدري هو عندكم زيه والله بس بالقصيم عندنا هههههههه


مع أنگ ملقووف لكن درس لك علشان ماتعودها هههههههه

[عبير الشرقية]

زين مستحمل ضيقها يومين
<< انا وحدة ما اتحمل الضيق نهائيا ~ ما اقدر انام:wallbash:

استخدم احدى الطرق التالية,

استخدام شيء الزلقة. الكثير من العناصر المنزلية الامنة على الجلد ,يمكن استخدام مواد التشحيم للحصول لاخراج الخاتم وبأقل ضرر على الجلد. استخدام كمية سخية من :
فازلين
جل غسل اليد
زبدة
البلسم / شامبو
الفازلين أو مرهم مضاد حيوي
رذاذ الطبخ ، زبدة لينة، أو زيت الطهي
زبدة الفول السوداني الناعم
الصابون والماء
زيت الاطفال

الطريقة الثانية :
وضع اليد في حوض ماء بارد، و ليس الجليد, وتركها هناك لبضع دقائق.
ثم انزع الخاتم عندما تبدأ بالتحرك << جلد اليد ينكمش

و ما عليك شر ي رب

[شذى الورد]

هههه
الف مبروك صائد
احكي له ما بشيلها الاا لا زوجتني اخت خطيبتك هه


فازلين او شامبو او زيت
او اطبخ وخلي اصابعك يصيروا لينين من البخار هه
وبتشيلها

ربنا يرزقك بدبلة لك هالمرة

[اللورد يحيا]

أولاً / مشكورين كل اللي أفادوني بحلول

ثانياً / بعد معاناه إستمرت يومين ونصف مع هذا الخاتم الحمد لله إستطعت إخرجه بعد الإستعانه بمشورة أحد الاصدقاء

الطريقة اللي إستخدمتها هي :

ذهبت لصيدليه وإشتريت مرهم إسمه ( كي واي ) لزج بدرجه عاليه خاص للعمليات الجراحيه ، وحطيت منه على الإصبع

وفي ثانيه طلع الخاتم بكل سهوله من إصبعي ، وحرمت معاد ألبس خواتم مره ثانيه ..

أتمنى البنات اللي يعانون من لبس الذهب أو إزالته يستخدمون هذا المرهم لأنه أفضل من الفازلين والشامبو والكريمات التقليديه

[دروب الحب]

الحمدلله انه طلع بدون مايذي اصبعك والحمدلله ع سلامتك]

[السيده ملعقه]

يلا الحمدلله طلع عقبال ماتلبس دبله لك :MonTaseR_205:

[Dr.moonee]

كنت بتفلسف في الحل
..
بس انشغلت بالمذاكرة
..
يلا حلو طلعتها
..

[حكيم رغم الألم]

استعن بالله وخذلك كيس وحاول تدخله من تحت الخاتم ثم ضع زيت زيتون على الكيس وابدأ بالسحب حتى يخرج فإن لم يخرج خذ من الخيط واربط طرف بالباب وطرف بالخاتم من جهة وخيط أخر بطرف المروحة مثلا او باب أخر او شئ ثقيل اهم شئ والطرف الثاني بالخاتم وحاول بعدها بإخراج الخاتم وسيخرج بإذن الله أو ضع المفتاح داخل الخاتم وحاول اخراجه بالمفتاح أو الحل الأخير الدفاع المدني

[آتم بعيد .!]

الحمدلله ع السلامة الرجهه لها دور > :x30:

وانا اختك قبل فترة صار فيني وضع مشابه لك بس انا شفت المسد الي تحت غطاء عصير سن كويك > اللي كانه خاتم عرفته > الله لايوريكم دخلته بـ اصبعي ونشب وم قدرت اطلعه وم طلع لمدة ايام وكانت ايام عيد الفطر الناس تعييد وتكشخ بالذهب والاكسسورات وانا كاشخه بخاتم سن كويك كنت متفشلة و اخوي قلت له وحاول يطلعه وكان بيكسر اصبعي >>>بس م قدر

وم طلع ألا بوضع زيت وبرم الخاتم ومحاولة تحريكه من الاعلى للاسفل والعكس ..
والحمدلله انه طلع :MonTaseR_224:

[لحن الياسمين]

الحمدلله على السلامة
الا وينه صاحبك ذا من زمان :MonTaseR_212:
خلاك تطرح المشكلة واحنا نكتب ردود وتاليها يكون الحل عنده :(

[مسك الجراح]

أن شاء الله اذهب إلي بائع الذهب وان شاء الله يخرجها
الله يعننك
تحياتي
مسك الجراح

[شليويح ~]

حط صمغ وب تشكرني كثير > يورطه


ي أخوي حاول تدور ل صآحبك دبله مثل اللي بيدك واشترها له
واللي ب أصبعك أكسرها
مالها إلآ تسذآ أو انك تطير أصبعك

أمآ سالفة الأخوان ( صآبون , فآزلين , زيت ) بعد حلوه لكن تجيب أفكآر غريبه

الله يعينك خيوو

[ـأمير ـالذوقـ]

في موضوع باليوتيوب يعلمك كيف تشيل الدبله بسهولة

تاخذ سيم مرن وخفيف وتدخله بالدبله وتلفه على صبعه ثم تسحب السيم من الخلف وتطلع الدبله

ادري ماراح تفهم علي ولكن ادخل اليوتيوب وراح تشوف المقطع

[عزف المشاعر]

فيه طريقه لاخراج الخاتم رهيبه وسريعه وسهله
بخيط صغير تلفه على اصبعك من قدام واخره تدخله
من تحت الخاتم وترجع تفكه ويطلع الخاتم
راجعها ع اليوتيوب
شكلك يا صائد حنيت لخواتم الخطوبه
ههههههه

[جَســـــوُرْ..،]

مثل ما دخل يطلع حاول ...#

[نقاء]

ههههههههههههه وربى جانى فضول اعرف وش صار
طلع الدبله ولا ؟؟

[إحساس طفله]

هههههههههههه ..
طيب حاول ب زيت او صابون او فازلين او اي شي
انا اعرف الصاحب م يطلب طلب مثل كذا .. تقص اصبعكك علشان حديد ..
ويمكن تلاقيهه حقد عليك بس م بين لك وقال لك قص اصبعكك

[نقاء]

هههههههههههه احساس السالفه قديمه

[شهوده المزيونه]

ههههههههه الموضوع قديم ياخواتي
:MonTaseR_122:

[نقاء]

ياااا متى بيدخل المدير ويجاوب ابى اعرف شو استوى:MonTaseR_135::MonTaseR_135:

[الساحرة]

^^
اعرس الرجال يا نعوم والخاتم في خبر كان توك تردين
ههههههههههههه

[غيرمهتم]

صابون اذا مانفع راح اقرب مستوصف

دبله يجي بدلها ام الاصبع لا راح مايجي بدلها

[شهوده المزيونه]

أولاً / مشكورين كل اللي أفادوني بحلول

ثانياً / بعد معاناه إستمرت يومين ونصف مع هذا الخاتم الحمد لله إستطعت إخرجه بعد الإستعانه بمشورة أحد الاصدقاء

الطريقة اللي إستخدمتها هي :

ذهبت لصيدليه وإشتريت مرهم إسمه ( كي واي ) لزج بدرجه عاليه خاص للعمليات الجراحيه ، وحطيت منه على الإصبع

وفي ثانيه طلع الخاتم بكل سهوله من إصبعي ، وحرمت معاد ألبس خواتم مره ثانيه ..

أتمنى البنات اللي يعانون من لبس الذهب أو إزالته يستخدمون هذا المرهم لأنه أفضل من الفازلين والشامبو والكريمات التقليديه

نعوم شوفي رده في الصفحه 3
اقتبسته
:MonTaseR_212:

[keny]

الله يعينكك عاد انا مني المخدر
ووشف لنا كذا واحد يمسكونك لجل م تتالم :( هههههههههه

[نقاء]

نعوم شوفي رده في الصفحه 3
اقتبسته
:montaser_212:

اااي شفته خخخخ
ظنيت الدبله صارت بخبر كان خخخ

[اللورد يحيا]

يمنع رفع المواضيع القديمه

يغلق