روائع خالد الفيصل ♡

[بيلسان]

؛











السلام عليكم ورحمه الله

كثيرا تمر لحظات في حياتنا نعشق بعض الكتب حتى الثمالة ونتمسك بها الى اخر صفحه منه وفي احيان كثيره قد تتمزق هذه الكتب وترمى لكن سطورها لا تزال محفوره ومطمورة في دواخلنا

عشقي الابدي الشعر واحب اقتناء كتب الشعر
سوف اخصص هذا الموضوع لقصائد الامير خالد الفيصل وسوف تكون هذه القصائد من كتاب ( روائع من قصائد الامير خالد الفيصل )


يسعدني حضوركم

دمتم بود


:0741:

[بيلسان]

كل مانسنس

كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..




خالد الفيصل

[آجاذبك الهوى]

https://fbcdn-photos-h-a.akamaihd.net/hphotos-ak-xfa1/v/t1.0-0/s280x280/268861_190752207649466_1072973_n.jpg?oh=6f0b91aad6 663715d5471a12cb6a935f&oe=55441E1C&__gda__=1430247660_320da3639e5412ec5fe5eec3898a41b 6

من بادي الوقت وهذا طبع الايـــامـي
عذبات الايام مـا تــــمـدي لــياليهــــــا

حلو الليالي تــــوارى مثل الاحلامــــي
مخطور عني عجاج الوقت يخفيهـــــــا

أسري مع الهاجس اللي ما بعد نامي
و أصوّر الماضي لنفسي و أسليـــهـا

أخالف العمر أراجع سالف أعوامي
و أنوخ ركاب فكري عند داعيهــــــا

تدفا على جال ضوّه بارد عظامــــــي
و الماء يسوق بـمعاليقي و يرويــها

إلى صفالك زمانك علّ يـا ظامـــــي
اشرب قبل لا يحوس الطين صافيها

الوقت لو زان لك يا صاح ما دامي
يا سرع ما تعترض دربك بلاويهـــا

حتى وليفك و لو هيّم بــــك هيامـي
سيّور الأيّام تجنـح بـه عواديهـــــا

[دروب الحب]

ابداع باابداع الله يعطيكم العافيه

لقلوبككم السعاده

[آجاذبك الهوى]

http://cdn.sabq.org/files/news-image/268122.jpg?492660


قالت من انت وقلت مجموعة انسان
من كل ضد وضد تلقين فيني
فيني نهار وليل وافراح واحزان
اضحك ودمعي حاير وسط عيني
فيني بداية وقت ونهاية أزمان
اشتاق باكر واعطي أمسي حنيني
واسقي قلوب الناس عشق وضميان
واهدي حيارى الدرب واحتار ويني
واحاوم طيور السما حوم نشوان
واسيل الوديان دمعي حزيني
في عيني اليمنى من الورد بستان
وفي عيني اليسرى عجاج السنينِ
تهزمني النجلا وانا ند فرسان
واخفي طعوني والمحبة تبيني
ان ما عرفتيني فلاني بزعلان
حتى انا تراني احترت فيني

[هنودا]

روعههه

[بيلسان]

ابتعد عني


إبتعد عني ماحبك وش تبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لاتذكر ،لاتذكر ماجرى

يوم هفت شمس حبك للمغيب

استرحت وعاد لي طيف الكرى

[بيلسان]

لك حق تزعل ثم لك حق نرضيك

مأقوى زعل حبيب فلبى وعينى

مادام قلبى ياأريش العين مغليك

اطلب ولك روحى ومافى يدينى

لاتنشغل مالك وزين يضاهيك

أبيك أنا لوكان غيري يبيبني

يوم الله احسن صورتك خصني فيك

فيك الجمال وصادق الود فيني

خالد الفيصل

[بيلسان]

لو نسيت

لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع




خالد الفيصل

[بيلسان]

لو نسيت

لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع




خالد الفيصل

[آجاذبك الهوى]

http://www.ksacam.com/wp-content/uploads/خالد-الفيصل-بن-عبد-العزيز-آل-سعود.jpg


يا ضايق الصدر بالله وسع الخاطر

دنياك يازين ما تستاهل الضيقه

الله على ما يفرج كربتك قادر

والله له الحكم في دبرة مخاليقه

حلو العيون استهانت دمعها الحادر

كف العباير حزين الدمع ما طيقه

حسايف الحزن يغشى وجهك الطاهر

والورد في وجنتك حرام تغريقه

يفداك قلب على ما تشتهي حاضر

يفداك باللي بقى لي من معاليقه

ما فات خله ولا تهتم من باكر

وأغنم من اليوم ما ساقت توافيقه

[عاشق عيونك]

http://vid.alarabiya.net/images/2013/06/23/f8e2a2ec-3426-4b8b-935c-930d61bd15b7/f8e2a2ec-3426-4b8b-935c-930d61bd15b7_16x9_600x338.jpg


ياللي حياتي كلها منك تجريح
مامر يوم سالم ماجرحته

والمشكل إنك واجد اللوم وتصيح
وإنت الذي طفل الموده ذبحته

ما انت تعرف تريح النفس وتريح
كم منظر حلو بكفك مسحته

لو حت بي في ليل الأحزان تلويح
هذا عطاك وربحي اللي ربحته

إبيك تبرالي على هبة الريح
وتناصح القلب الذي بك نصحته

أثرك تدور عثرتي وين أبا اطيح
وش ينفعك لاقلت..خلك طرحته

..

[بيلسان]

أجاذبك الهوى
الأمير خالد الفيصل





اجاذبك الهوى واطــرب واغني
وابادلك الغرام بكــــــــل فنّي

واشاهد صنعة الله فـــي جمالك
وحكمه الذي فيـــــك امتحنّي

واشوف الودّ فـي عيونك ولكن
يردّ الودّ خوفٍ فيــــــــك منّي

ولا ادري وش يخيفك ياحبيبــي
وانا بك مغرمٍ جــــــاك متعنّي

ولو انك تلاحظ شفت عينــــــي
وهي تروي حديث الحب عنّي

تنعّم دام تــــــوك فـــــي شبابك
ليال العمر ماقــــــــط امهلنّي

تعال اسقيك من جدول غرامي
شراب فيه للعاشـــــــق تهنّي

واهيم بك بسمــــاوات المحـبه
الين انّك بعــــــــــد مثلي تغنّي

[بيلسان]

لله عليها عودت وانا احسب الغالي نسى



الله عليها لي بغت ما يطفي الشمس المسا



هلت سحابة وصلها على حياتي وازهرت



واهتز قلبي من نبات الحب زهرٍ واكتسى



يا وصلها الغالي هلا حييت ياعز الطلب



لا خير في قلبٍ على مغليه بالدنيا قسا



وش خانة الحب البعيد إن كان عشاقه يموت



يخيل براقه وهو ما ذاق طعمه واحتسى



ياحلم الايام الشداد ياحلم الايام الليان



ابطيت اقول الله كريم أبطيت والكلمه عسى



من عقب وحشة ليلتي هلت تباشير الصباح



عادت وليفة هاجسي عادت مزعلة النسا

[آجاذبك الهوى]

http://static.mubasher.info/File.Story_Image/3286445.jpg

(ايــــــــوه)...

ايوه قلبى عليك التاع
مايحتمل غيبتك ليله

وعساه عساه مايرتاع
عليك يانافل ٍ جيله

لبيه يابو عيون وساع
ماغيرك أحد ألبي له

معذور لو صرت بك طماع
من حبكم مالنا حيله

القلب من يمكم نزاع
لوحاولو صعب تحويله

مانيب من عاذلى سماع
والله ماقطع مواصيله

من لام راعى الهوى خداع
سيور الايام تبدى له

ماضاع عمرى معك لو ضاع
مانوح لالا واغني له

سلمت لك خافق ٍ جزاع
عساك يازين تاوي له

[ريماس علي]

سلمت يداك على هذا الابداع
جزاك الله خيرا على هذا الانتقاء الراقي

[الحب ذا غدار]

من يقول الزين

من يقول الزين مايكمل حلاه كل شي(ن) في حبيبي اكتمل
الله اللي كمله والله عطاه مابقى للزين في خلّي محل
العيون أحلى من عيون المهاه شافها قلبي و صفّق و احتفل
نظرته من فتنته شعلة حياه والجفون من الحيا فيها كسل
ساهم(ن) رمشه على الخد وسناه كن لمعة وجنته ورد(ن)وطل
الشفايا كنها جمر الغضاه تحرس الريق المحلّى بالعسل
والشعر ليل(ن) نقل حمرة مساه أجعد(ن) حوّل على صدره همل
مايج من فوق متنه ماطواه لون شلال(ن) مع المغرب نزل
وأنطلق جيده يماري في بهاه فوق مياس(ن) تعزّل واعتدل
بالرشاقه فيه من ظبي الفلاه لي مشى كنّه على الروح انتقل
ريحته من كل زهر(ن) منتقاه والزياده للخزامى والنفل
صافي(ن) مثل المطر فوق الصفاه باسم مثل البشاير بالأمل
جامع(ن) من كل زين منتهاه مستحيل الوصف في خلي سهل
كايد(ن) ماهو يلين لمن بغاه يرتفع عن كل سقطات الزلل

[الحب ذا غدار]

كفاني عذاب

كفاني عذاب الله يجازيك بافعالك
جرحت الضمير ولا طرالك تداويني
مريض المحبه داه ودواه بوصالك
ألا كيف تبخل وانت نظرتك تشفيني
ألا عذابي كيف ما عاد يهنالك
سوى انك تشوف الموت بيديه يطويني
انا يوم احبك ماتذكرت غربالك
ولا قد خطر في بالي انك تجافيني
تفرغت لك يا ساكن القلب بحالك
تقل غيرك من الناس ماهم بحيين
أنا قام يطرا لي بلاحلام مرسالك
وطيفك حبيبي بي الاحلام ناسيني

[الحب ذا غدار]

إرفعي سهم المنايا

مابقى فينـي مكـانٍ للطعـون
و الذي شقّوا خفوقي يشتكـون
كبرت اللّي باوّل ايامـي تهـون
ردّت الايـام دمعـي بالجفـون
و أستبدّت بي مواجيع الظنـون
كيف يستهوي هل العشق المُنُون
في زمانٍ ماعرف يـومٍ حنـون
و اصدق التعبير نظرات العيون

[أسيره القلوب]

بالتوفيق الجميع وانثروبالقصايد

هنا:y2o01875:

[بيلسان]

ليتك معي ساهر

ليتك معي ساهرٍ ليل الهـوى كلَّـه ..
ما انوم أنا وإنت لأجل الحبِ سهراني

ترى السَّهر مع حبيبك يبري العلَّـه ..
لي صرت شفقٍ وهو عليك شفقـانِ

كلِّش طراته إلى وافق علـى حلَّـه ..
وإلا ترى كل شيٍ يالغضـي فـانِ

لاعاش خلٍ تنكَّر عن هـوا خلَّـه ..
يومٍ حبيبٍ ويـوم صـار قومانـي

وش فيك دايم تعسر القلب وتتلَّـه ..
أخاف يـومٍ يجـي ماعـاد تلقانـي


كلمات: خالد الفيصل
ألحان: محمد عبده
مقام: بياتي
تاريخ: 1985

[بيلسان]

اواه يا قلب

أواه يا قلبٍ عليل تعلَّقت
في حب منهو بالنواعس فتني

حاولت عيني تمتنع ما تملكت
حبه مَلك قلبي وفكري وظني
ليلة لقانا يا ضميري تلوعت
هاجت شجوني والعيون أهملني

عز الله اني بالموده تحملت
محدٍ فزعلي وخفف الحمل عني
حبه ذبحني ليتني ما تولعت
منه العذاب و زايد الشوق مني

لى قلت أبسلى رغبتي ما تمكنت
انا الذي في حبه ابكي و اغنيّ
لو إني من اول للغرابيل ثمَّنت
ما جيت حد حماه ولا طعني


كلمات: خالد الفيصل
ألحان: محمد عبده
مقام: بياتي
تاريخ: 1975

[بيلسان]

اواه يا قلب

أواه يا قلبٍ عليل تعلَّقت
في حب منهو بالنواعس فتني

حاولت عيني تمتنع ما تملكت
حبه مَلك قلبي وفكري وظني
ليلة لقانا يا ضميري تلوعت
هاجت شجوني والعيون أهملني

عز الله اني بالموده تحملت
محدٍ فزعلي وخفف الحمل عني
حبه ذبحني ليتني ما تولعت
منه العذاب و زايد الشوق مني

لى قلت أبسلى رغبتي ما تمكنت
انا الذي في حبه ابكي و اغنيّ
لو إني من اول للغرابيل ثمَّنت
ما جيت حد حماه ولا طعني


كلمات: خالد الفيصل
ألحان: محمد عبده
مقام: بياتي
تاريخ: 1975

[بيلسان]

غريب الدار

غريب الدار ومناي التسلي ** أسلي خاطري عن حب خلي
سمعت الشور من قاصر معرفه ** يحسب البعد عن داره يسلي

أسافر عنه من ديره لديره ** عساي اسلاه لكن ما حصلي
أهوجس فيه وأنسى إني نسيته ** وأفكر في ليالي(ن) قد مضن لي

وأنا لاجيت أبنساه إلتوابي ** خياله وأنهمر دمعي يهلي
وأشوفه واقف(ن) من دون دمعي ** حبيب القلب في عيني يهلي

دعاني ياغريب الدار عوّد ** ترى مالك محل إلا محلي
مكانك في عيوني ياعيوني ** وقلبي من غرامك مايملي

[الحب ذا غدار]

ما هو صحيح القلب للقلب شاهد



لو هو صحيح أصبحت مفتون فيني



بيني و بينك حب من قلب واحد



ليته يجيك من الهوى مايجيني



و ليتك تعرف الشوق لى صار واجد



و ليتك تعرف أوجاع كثر الحنين



ما قد شكيت الحر و الجو بارد



ولا سهرت بليل طول السنين



ولا مشيت العمر و الحظ قاعد



ولا تحديت الألم و الونين



أضحك و انا لجروح الاحباب جاحد



أداري المكنون عن كل عين



ما ودي أفرّح على القلب حاسد



و الا عذابي في عيوني يبين



شيٍ يهون و شي بالحيل كايد



ياكود تجريح الخفوق الحزين



من عانده وقته و قلبه يعاند



مالت به الدنيا يسار و يمين



غرني امثال العرب بالشواهد



يبيك قلبي و احسب انك تبيني

[الحب ذا غدار]

والله إنـي يـا أحـب النـاس.. أحـبـك


والله إن الـروح لـو ترضـيـك.. فــدوة


واللـي إنـي تـارك غيـرك .. وجيـتـك

مـزعـل الـزعــلان والـعــذال عـنــوة


كـل دقـة قلـب فينـي لــك قصـيـدة

تكـفـى الدنـيـا مــع الأحـبـاب غـنـوة


وكـل هـاجـس ما يجـيـب إلا خيـالـك

سلوتي بالعمر .. في صحوة وغفوة


أجمع إحسـاسي وأشواقـي وأجيلـك

وألبس ثياب الهوى والعشق كسوة


وانتـقـي مــن سواليـفـي حسـنـهـا

والقصـايـد مــن غزلـهـا كــل حــروة


وأنثـر العـبـرات والضحـكـات عـنـدك

وأقـول أنـي أحــق الـنـاس فـضـوة


أدري أنـــي عـــادي مـا فـيـه مـيــزة

وأدري انــي كــادح مـا حـاش كــروة


وأدري إني في خريف العمر ماضي

ما بقـي بينـي وبـيـن القـبـر خـطـوة


لكـن إنـي صــادق فــي مــا أقـولـه

وأطلـب مـن الله عـن الـزلات عـفـوة

[شموخ عزي]

ساري
ساري وأصوّت لك أبيك
النظرة في عيوني تبيك
والرعشة في قلبي تبيك
ساري
شعوري ذا الليلة غريب
كيف الحبيب يشكي حبيب
أنا ملكتك
وأنا فقدتك
ليتني لمّا عرفتك
ما تركتك
ساري
لمّا عيوني عانقوك
في غمضة وحده ضيّعوك
اسأل زماني و المكان
واجمع سواليف الحنان
أنا ملكتك
وأنا فقدتك
ليتني لمّا عرفتك
ما تركتك
ساري
قلبي و ليلي به سرى
واللي جرى لي ما جرى
أمشي وأدور في الوجوه
تايه عيونك توّهوه
ساري

[شموخ عزي]

لاتملين الشعر وأنا القصيده
.................... صاغها من لوعة أيامي زماني
المعاني من غرابيلي جديده
.................... من عذابي لحنوا حلو الأغاني
كل ما ونيت ردوها نشيده
.................... واسمع جروحي تصيح بصوت ثاني
حرفي المجروح سامرهم يعيده
.................... كل ماودعت موجوع لفاني
مع جميع الناس وأفكاري وحيده
.................... شالوا ألحاني وأنا شلت المعاني
زلت الايام وأحلامي بعيده
.................... والغريب يعذبه طول الثواني
الحزن لاضاق في صدري شديده
.................... ابتسم لين يغبطني من لقاني
ياحبيبة شعري وغالي أريـــده
.................... يااشتياق الروح ياداعي حناني
ياعروس في خيالاتي فريده
.................... زفها ركب الغرام الى مكاني
انتي والايام في وجهي عنيده
.................... والليالي سارية والعمر فاني

[شموخ عزي]

لايطول غيابك... ثم اخذ عليه



لو تخليت عنى ... عنك قلبي ماتخلى



العذر والتعلل والحكي ... مانبيه



من تحرك فؤاده ... بالهوى ماتخلى



طبعي الصبر لكن وش عليه ارتجيه



من طويل الصبر يعقوب وايوب ملا



دامني حي عطني وش بقي نحتريه



مابي دموعك ...اللي عقب موتي تهلا



مابقي بالعمر مقدار ماراح فيه



كل مازل يومٍ ... يوم بالعمر ولى



مايعرف الجمر مثل الذي يكتويه



احد يدفا بناره ... واحد فيه يتصلى



يامن القلب حطيته براحة يديه



مارضى له مكان غير كفك محلا



كم تعذر وعيا عن هوى محتويه



لين طاح بيمينك بالغرام وتجلى

[بيلسان]

فدوة عيونك لو غدت روح مغليك

وش عاد لو راحت لعينك عشاير

أبيع ما يغلى على الكون وأشريك

وأسوق لَى جتني علومك بشاير

وأزعّل جميع الناس بالحيل وأرضيك

واصبر ولو دارت علَيّ الدّواير

وآخذ من أيّامي لك أيام وأعطيك

وان راح عمري لك فلا هو خساير

أحب أنا شوفك وصوتك وطاريك

دايم وفكري فيك هايم وحاير

بالصمت أهوجس بك وبالصوت أناديك

والله عليم البيّنة والسّراير

أنا وقلبي والهوى بين أياديك

عندك مفاتيح الهنا للضماير

من روحي أحبك ومن روحي أفديك

يا من غرامه والحسن فيه ثاير ..

[بيلسان]

استطيع امنع لساني لايقول

و استطيع امنع عيوني لاترى
و استطيع امنع يديني لا تنول

و امنع اذني عن سواليف الورى
لكن المشكله أنا وش لون أحول

دون فكري لو خيالي به سرى
شارد افكاري على رغمي تجول

كلما عن الهوى والا طرى
كل نجم للخيال اصبح ذلول

بالفلك طواف لا ضاق الثرى
شاغلي يا راعي الطرف الخجول

باع حبك في خفوقي و اشترى
يا ربيع القلب في كل الفصول

ورد حبك فاح عطره و ازهرا
مرني طيفك على العادة عجول

عز طيفك مثلما عز الكرى
مانفع تحذيري القلب الجفول

يرقد الخالي و عيني تسهرا
باسألك قل لي ولو فيها فضول

كيف تذبح من يشوفك ما درى

[بيلسان]

استطيع امنع لساني لايقول

و استطيع امنع عيوني لاترى
و استطيع امنع يديني لا تنول

و امنع اذني عن سواليف الورى
لكن المشكله أنا وش لون أحول

دون فكري لو خيالي به سرى
شارد افكاري على رغمي تجول

كلما عن الهوى والا طرى
كل نجم للخيال اصبح ذلول

بالفلك طواف لا ضاق الثرى
شاغلي يا راعي الطرف الخجول

باع حبك في خفوقي و اشترى
يا ربيع القلب في كل الفصول

ورد حبك فاح عطره و ازهرا
مرني طيفك على العادة عجول

عز طيفك مثلما عز الكرى
مانفع تحذيري القلب الجفول

يرقد الخالي و عيني تسهرا
باسألك قل لي ولو فيها فضول

كيف تذبح من يشوفك ما درى

[بيلسان]

يا غالي الاثمان

ياغالي الأثمان غلوك بالحيل
من يوم سمو بك جميل المحيا

شخص تمنيته على العدل والميل
والحمد لله يوم خلي تهيا

أشبهه باللي عسيف من الخيل
يلعب وأنا حبل الرسن في يديا

أورق غرامه مثل غرس على سيل
مشهات قلبي يوم جالي شهيا

أعن له عنة هل الكيف للهيل
ماذاق راعي الكيف ذقته هنيا

حبه سرابي سرية الغيم بالليل
نسيم شوقه قال للشوق هيا

[farouq231]

شكرا لك على الموضوع المميز

[بيلسان]

نوى القلب

نوى القلب نيَّه مانواهـا لاحـد غيـرك
نوى القلب يمشي لك على السَّمع والطَّاعه
مع الشَّك والغيره وهجـرك وتقصيـرك
أحبَّك وأقول أمرك له الـرَّوح خضَّاعـه
جمعنا طريـق الحـب وأنـور بتنويـرك
على صدفةٍ لقلـوب الاحبـاب جمَّاعـه
ملكني هـواك وقادنـي بأمـر تدبيـرك
أمانه معك روحي مـن البعـد ملتاعـه
تغزَّلت بك والشِّعر مـن بعـض تعبيـرك
كلامك سحر يخلـف موازيـن سمَّاعـه
تقول الغزل منِّي شغـل كـل تفكيـرك
عسى واعسى والنَّفس بالـزَّود طمَّاعـه

[بيلسان]

مــرتــاح احــبـــك ولا عـلَّــمــت
حـتَّـى انـــت عـيّــت أبـيّــن لـــك
و البـارحـه يـــوم انـــا سـلـمـت
شـكّـيــت لــــو عـيــنــي تــدلـــك
بـرقٍ لمـع فـي العيـون و خفـت
مـواجــع الـقـلـب تـوصــل لــــك
عسـاك فـي نـاظـري مــا شـفـت
كـيــف المعـالـيـق يـومــنّ لـــك
مـن خوفـتـي لا احـتـرق جنَّـبـت
هـربــت مـــن شـمـسـك لـظـلّـك
اخشى عليـك الهـوَى لـو طحـت
مـــــا تــلّــنــي يـــمّـــك يــتــلّــك
أبـــــي قـلـيــلــك ولا حــصّــلــت
بـعـضــك تـركـنــي مــــع كــلّــك
ما ادري صواب او خطأ ما قلت
إنــــك حـبـيـبـي و انــــا خــلّـــك

[بيلسان]

أسابق الساعة و تسبقتي الساعة



تقضي وانا توني باوَل ثوانيها



ابشتري و قت وين اسواق بياعه



يااللي تبيع الدقايق حد و اشريها



قلبي يبي وقت لو الوقت ما طاعه



و عيني تبي شمس لو الشمس تعميها



و نفسي مثل باقي الاجواد طماعه



أبي أجدد على الفرحة لياليها



لاشك الايام للفرحات مناعة



لفو نورت ليلةٍ عشرين تطفيها



يظهر ثبات الفتى و النفس مرتاعة



خوف على اللي نحبه من بلاويها



لو ان كلٍ ينال مناه بذراعه



خذيت حقي من اقصاها و دانيها



المشكلة انك يابو لحظين بتاعه



تاخذ سلاحي من الكفين و اعطيها



و انا ادري ان العيون السود خداعة



لاشك ودي أصدق منك داعيها



و المهتوي لا اهتوى ما يطوي شراعه



يمشي على النار كنه ما وطى فيها

[بيلسان]

في غير الزّمان في نفس المكان

مَرّتني الذّكرَى وأنا واقف في نفس المكان

في غير الزّمان في ذا ضحكت أيّام لكنّي بكيت

في ذا حلمت أحلام لكنّي صحيت منها أبتديت

وفيها أنتهيت إلاّ من الذّكرَى

في نفس المكان في غير الزّمان

قالت لي الذّكرَى كلام عنّي كلام واللّه بغيت أنساه

وصاحت ربابة شوق واثر النّغم منّي .. يشكي وانا شكواه

وغنَّى صوت في ليلة فرح

وهلّت عين وقلب أنجرح في صوتها جرح وْتعب

وفي عينها نظرة عتب وشفت إبتسامه عليها هلّت الدمعه

ونظرة ملامه من الماضي علَى ربعه وانا مع الذّكرَى

في نفس المكان في غير الزّمان

تعطيني الذّكرَى ولا تاخذ أبد تحكي لي الذّكرَى ولا تسمع لأحد

وانا عندي كلام ممنوع حتّى عن الخاطر لا ياخذه أمسي ولا يقبلـه باكر

ما اقدر أوضّح غايم الصّوره ولا أزوّد للمسا نوره

اللّه يا ذكرَى ياما فهمتيني خطا ياما قدم رجلي علَى جمرك وطا

واليوم هيّضني هواي أشكي ولا أدري وش بلاي

هو من شقاي الّلي مضَى والاّ هناي

وانا مع الذّكرَىفي نفس المكان

في غير الزّمان

[بيلسان]

إرفعـي سهـم المنايـا يالعيـون

مابقى فينـي مكـان(ن) للطعـون
كل شبر(ن) فـي حياتـي إنجـرح

و الذي شقّـوا خفوقـي يشتكـون
يا العيون الطاغيـه خفّـي علـي

كبرت اللّـي بـاوّل ايامـي تهـون
فـي عيونـي دمعتيـن واقـفـه

ردّت الايـام دمـعـي بالجـفـون
بالغَـت فينـي تباريـح الـهـوَى

و أستبدّت بي المواجيـع الظنـون
خبّرينـي يـا غـرام العاشقـيـن

كيف يستهوي هل العشق المُنُـون
إرحمي قلـب(ن) تجاريبـه قسـت

في زمان(ن) ماعرف يوم(ن) حنون
اللسان يخـون و البسمـه كُـذُوب

و اصدق التعبير نظـرات العيـون

[بيلسان]

كفاني عذاب الله يجازيك بأفعالك ..
جرحت الضمير ولا طرى لك تداويني ..

مريض المحبة داه و دواه بوصالك ..
ألا كيف تبخل وأنت نظرتك تكفيني ..

ألا وعذابي كيف ما عاد يهنا لك ..
سوى أنك تشوف الموت بيديه يطويني ..

أنا يوم أحبك ما تذكرت غربالك ..
ولا قد حطيت في بالي أنك تجافيني ..

تفرغت لك يا ساكن القلب لحالك ..
تقل غيرك من الناس ما هم بجايين ..

أنا قام يطرى لي بالأحلام مرسالك ..
وطيفك حبيبي بين الأحلام ناسيني ..

[صقر]

لِسٌطوركْ بوحٌ مختلف قد أمتلئ روعةً وجمال
بوحٌ مٌنفَرْد بِعَذبْ الَكَلامْ وَسٌمُو الَمعَانٍي
حُروفكْ ليلْ ومَشاعركْ قمرُها
وهُنَا تَنفسنَا أعذب الهَواء وأرقهَ
نَصْ ثَريِ مِنْ شَخصيَة رآقيَة
تمَلٌكْ ذَائقِةً عَذْبَة