لم اجد الزوجة المناسبة

[مشكلتي]

السلام عليكم
انا شاب عمري28سنة
اريد ان اتزوج والمشكلة لم اجد زوجة مناسبة انا معي شهادة جامعية وموظف كل شى تمام بس لم اجد زوجة مناسبة
مره خطبت قالوا المهر40الف والله المهر غالي قلت في نفسي ممكن تكون حلوة تستاهل وشفتها شوفة شرعية والصراحة جمالها عادي مو حلوة مرة وتبي مهر40الف وكل مااخطب المهور غالية ومع هذا ماهم جميلات يعني 40الف مهر+القصر+السكن+مصاريف الزواج يعني لازم 200الف
نقطة ابي استشيركم فيها صاحبي يقول لي تزوج اجنبية مهرهم رخيص وجميلات وش رايكم
والله المفروض المهور ماتكون غالية عشان الناس تتزوج وتقل العنوسة بس ابي اعرف وش بستفيد الاب إذا غلا المهر ومحد تزوج بنته
والان في الزمن هذا الحلال صعب صعب صعب صعب والحرام سهل سهل زمن غريب
تحياتي لكم

[آنثے م̝̚لآئـکﯾھَہّ]

يالطيب في عوائل مهرهم اقل هذا مو عذر لك ~

و40 ترى قليله كمان ..

والصراحه احسك شايف نفسك معليش صفي نيتك وتفكيرك ..

[رونق الجوري]

شوف صح ان المهور غاليه بس زي ماقالت اختي انثى ذا قليل
وفي عوائل يشرون الرجال مو بالمهر ولا تقول وين ذولاي مافي بها الزمان< والله يشهد ع كلامي اني اعرف وحده مهرها بس 100 ريال واتزوجت والحمدلله وعندها 2 من العيال
وليش ماتدفع دام ماودك الحرام خلاص خذ بالحلال ادفع الله لايهينك
ولا تكللم عن الزين والشين < خذ ع قدك كانك جميل خذ جميله وكانك شين خذ شينه
حتى البنت عندها مواصفات والرجال نفس الشيء خذ ع قدك
وحتى اختك لو تبي تتزوج اكيد بيكون مهرها غالي صح ؟

[مسكك الغلا]

انت عايش بالزمن والا كيف 40 الف ماتسوي شي ابد

شوف الذهب لحاله يبي ميزانيه وانت بتدفع المبلغ كامل

يعني المهر بتقسم منه ذهب وملابس وغيره وغيره

وفعلا فيه ناس يشرون رجال اهم شي عندهم الستر

وبعدين ياخوي ابي تركز ع شي

في حديث لابي هريرة رضي الله عنه

تنكح المرأة لاربع
مو بحافظته زين لكن الدين فظفر بذات الدين

الجمال اخرته تراب ومع السنوات بيروح

نصيحة صديقك ابد مي حلوه
طيب اخوي

معروف السعوديين الجمال قليل شهبان لهبان

تقبل انه اي وحده من قريباتك تتزوج من برا بس عشان هذا مزيون وخقه

اكيد لا

توكل ع ربك واستخير وتزوج من بنات بلادك

والزين ياخوي مو معيار

امكن انها ملكة جمال والاخلاق زفت

راجع نفسك الغرور وشوفة النفس ابد ماهي بزينه

[مشكلتي]

رونق الجوري لا إلي يجى يخطب اي وحدة خواتي المهر15او20
ووحدة من خواتي تزوجت وكان مهرها15

[جَســـــوُرْ..،]

الله مير يحيييه يا مرحبا يالربع هذا خوينا من كوكب المريخ جانا مسير

يأخي .../ أنت عايش معنا في الكرة الارضية 40 الف غالي في المهر الله يرحم والديك وش خليت للمهورهم 100 او 160 غير الجاه

فيه فئه قي المجتمع الله منعم عليها و مستحيل تتكلم في المواضيع هذه

و فيه فئه الدخل المحدود أنسى الموضوع أن تتزوج من دون ديون او مشقـــه و إنتظار طويل لتجمع الدارهم

هيئ نفسك و ترتب امورك على هذا الجانب ...

40 الف + 5 الف استراحه مو لازم قصر + السكن يعني اذا ما عندك ملك لازم تستأجر نقول 20 الف في السنه غرفتين مو لازم تكشخ مد رجلك على قد لحاف

كم صار المجموع الحين

65 الف مصارف الزواج التمر مع البن و الهيل و الحلويات و الشاي المندايل شف ما نسيت المناديل و الصابون مع 40 كرتون ماء هذي قول 5 الف
صارت الحين 70

10 ذبايح حريات تعشي 270 شخص اذا انهم يحسنوا النعمه الى 300 شخص اذا انهم ماش ما ياكلون

نرفض ان ضيفانك كثار

نحسبها 15 ذبيحه

من 430 الى 450 شخص راح تعشيهم

طيب في ذا الحال نقول العشره ذبايح تكلف مع الطبخ 12500 و حسبت لك الراس يطبخ بـ 250 مبالغ فيه صح ...

و اذا كان 15 ذبيحة تكلفك 18750 بالضبط نقول 19 الف

كم صارت الحين 90 الف ريال كحد أعلى

40 الف تاخذه من بنك التسليف يبقى عليك 50 الف

حرام عليك 50 الف و تتزوج لا بالله مو كثير في زمنّا

يعني لا تبالغ و تقول 200 الف الا اذا كان على قول المثل ( فقير و أخلاقه تجارية...#


و الاقربون اولى بالمعروف :MonTaseR_82:

بدل الاجنبية...!:v:

موفق

[السيده ملعقه]

40 اصلا قليله
يعني الاكثر مهرورهم 50 و فوق.
وماتكفي بعد اصلا كل شي غاالي
وثاني شي لاتقول مهرها غالي ومو حلوه
مثل م قالت الاخت الي قبلي في ملكات جمال بس الاخلاق زفت
وبعدين هي تشتري عشان تكشخ لك مو لنفسها

الا اذا انت تبي اجنبيه من الاساس وتتعذر بالمهر هذا شي ثاني

[مشكلتي]

-1../يهـمِكـ تـعرفِ آمـري
هلابك
1مافي شقة في المدينة ب 20 الملحق الان صار ب 27
2مااظن في احد بيوافق بنته تتزوج بستراحة إلا نادر
40الف مهر بنسبة لراتبي كثيرة لان لو راتبي 17الف تكون 40قليلة لاكن راتبي9لي سنة متوظف يعني 40كثيرة بنسبة لراتبي
صاحبي إلي يقول لي تزوج من الخارج عمه متزوج تركية يارجل عايش في سعادة مشاء الله
لاكن خلها على ربك

[جُلَّنار]

اختي مهرها25
مع العلم اهلي ربنا فاتح عليهم ماشاء الله بس مااهتموا للمهر واحنا عندنا عيب نحدد المهر كم فالعريس هو و ذوقه وكرمه يحدد المهر
لان اهلي يحكموا على الرجال من اخلاقه مش فلوسه

ونصيحتي لاتتزوج اجنبيه والله بنت بلدك غير تماما هي الي تفهمك وهي الي تسعدك
وفي ناس تزوجوا اجانب وعاشوا احلا عيشه
بس انت لاتخش في متاهات زي كذا لانو ممكن سبحان الله الاجنبيه دي ماتناسبك من حيث عادات وتقاليد وفي النهايه ماتتفقوا
ووصدقني بتلاقي بنت اجاويد وجمال وكل شي وبالمهر المناسب

[جَســـــوُرْ..،]

-1../يهـمِكـ تـعرفِ آمـري
هلابك
1مافي شقة في المدينة ب 20 الملحق الان صار ب 27
2مااظن في احد بيوافق بنته تتزوج بستراحة إلا نادر
40الف مهر بنسبة لراتبي كثيرة لان لو راتبي 17الف تكون 40قليلة لاكن راتبي9لي سنة متوظف يعني 40كثيرة بنسبة لراتبي
صاحبي إلي يقول لي تزوج من الخارج عمه متزوج تركية يارجل عايش في سعادة مشاء الله
لاكن خلها على ربك

بخصوص زواج الاجنبيه انا ارفضه البتـــا ..( وجهه نظر يجوز فيها الاتفاق و الانقسام ...#

في المدينة المنورة دور عدل و راح تلاقي .... صدقني




ياخي أنت يبغى لك صاحب عقار
و طباخ ومنسق حفلات و خطابه :MonTaseR_25:

ترى ياخوك ما فيه شي بـ الساهل



:MonTaseR_59:

[مشكلتي]

عارف مافيه شى يجى بسهولة لاكن الله يعين

[عبير الشرقية]

:x12x: كل الناس يتزوجون بأربعين الف و انا بس 25
<<احرد بيت اهلي لين يجيب لي باقي المهر :MonTaseR_25::65:

اول شي ~ من ناحية المهر ..مو كل العوايل او المناطق تطالب بمهر كبير
مثلا بالاحساء مهورهم بين 20 و 30 ألف
و حتى لو كانت الحجة بسبب غلاء الذهب ~
فاشوية من مهرها و شوية قطع ذهبية صغيرة منك في كل مناسبة يتجمع عندها مع الايام

بعض الرجال يشترط ان هو اللي يروح يجهز معاها
عشان ما تاخذ شي ما يعجبه و يضيع عليها خسارة
و يعرف كل ريال وين انصرف ,, و الفواتير تكون بيدها توريهم أهلها و يحسبون لها قد المهر~

من ناحية الجمال ~ :رحيق:
بنات جمالهم عادي لكن بعد الزواج يصيرو حلوين
يزيد وزنها و تصفى لون بشرتها و تصفى من الحبوب و البثور
نوع شعرها يتحسن مع العناية فيه ,, و الصبغ و البلياج:Chulo:
يعني تصير أجمل الجميلات بعينه
إضافة :
البنت كل ما تكون مرتاحة يزيد جمالها و تتجمل بعين زوجها و تحافظ ع وزنها
لكن لما ما تكون مرتاحة ..تزيد ( بشاعة) وتكسب وزن زيادة او نحف زيادة
و شي ثاني ،،
اذا البنت جميلة و بنت عز و تنظر لزوجها نظرة دونية ..البعد عنها غنيمة
فنصيحة ..ابحث عن الاخلاق ( تعرف ع اخوانها و ابوها و اسأل عن أمها , فمعدنها من معدن من قام بتربيتها و البيت اللي تربت فيه

صالات الافراح :
تتفاوت بالسعر ~ و يا كثر المزارع و الاستراحات تفوق الصالات

الذبائح ~ ما اعرف عنهم شي
الاحساء اتجهو للبقر بدل البعير :65:

باقي السكن ~
اهم شي يكون مناسب ~ يفضل مبنى جديد
و التأثيث ,, الضروريات ,, و الباقي شوي شوي
اهم شي غرفة النوم , الصالة , المقلط , المطبخ
باقي الغرف بعدين


و ما ادري وشو بعد
لي عودة ~

[آتم بعيد .!]

وعليكم السلام ورحمة الله وبركاته

اولآ بتكلم لك عن تجربه اخوي الكبير لما تزوووج قال بدفع مهر 30 الف ريال
ابوها رفض قال زيد شوي مهور اخواتها اعلى منها قال ابوي 40 الف
المهر يعتمد ع المتعارف عليه من مهور البنات فـ عائلتهم او القبيلة!
مين يساعد إذا كانت ظروف اهل العروس صعبة !
كل شي صار غالي ومكلف والواحد إذا يبي يتزوج لازم يدفع .!
والله اتكلم لك جججد واحد من اقاربي تسلف 70 الف ريال عشان يكمل تحضير اخته
مهرها كان 20 الف راحت فـ الذهب + 70 الف لاتسال فـايش راحت ..
لكن نقول كل شيء غالي وهـذي لليلة العمر والواحده مب كل شوي بتتزوج !
ذهب + ملابس متنوعه + مجموعه ميكاب عطورات +نقش الحنا + الصالون من جلسات و كريمات ومنضفات وزيوت وحمامات صبغه وقص+ التسريحه + فستان الفرح +تجهيز الكوشه عليهم + شريط الزفه +يدفعون لطقاقه دراهم لاجل تشغل الشريط وبعدها تكمل زفة بنتهم ربع ساعه 500 ريال + المصورة تدري كم يوصل بوم الصور +مستلزمات يـالليل وتقول 40 كثيرة ولابعد يمكن تنقص عليهم واهلها يزيدون
هـذا كله لاجل مين ؟ لاجل آدم
يمكن الامور اللي ذكرتها اغلب العرايس يسونها مثلها مثل غيرها بتجهز نفسها وتفرح هـذا اللي الحاصل وممكن نص المهر ياخذه ولي امرهـا .. لاتستخسر 40 الف

وآخيرآ :
ياخوك اهم شيء تكون بنت حلال واخلاق وتقدر تتحمل مسؤولية
الدين + الخلق اهم شيء فاظفر بالذات الدين تربت يداك
وانت قلت عاديه يعني مب شينه !
ترى الجمال يروووح مع الوقت لكن الاخلاق تبقى وهي اللي تاثر فالنفس وتقربك منها .
ابحث عن الاخلاق والجمال الداخلي + من مجتمعك وتعرف عاداتك وتقاليدك !
وليه تروح تسافر وتتعنى ع بالك مابتخسر مع الوقت ؟!
لا ابشرك بتخسر اكثر كل شوي بتقولك مشتاقه لاهلي سفرني
وطق تذكرة عااد مع الوقت ومع كثرة الابناء كم تذكرة بطق ..
هذا غير الاختلاف بين المجتمعات وممكن ماتعجبها العيشه هنا ولاتناسبها.!

الامور الباقي السكن وتجهيز وتحضير للفرح بورقه وقلم وع رواقه وبسؤال والاستفسار يصير ..

الله يكتب لك إللي فيه الخير ..

[شذى الورد]

هلا انا ما بعرف كيف المهور عندكم بالسعودية
لكن ليه محسسني انه البنت بيزيد مهرها او بنقص على اساس جمالها
يعني الجميلة عادي يكون مهرها ملايين
واللي مو جملة بلا مهر عادي
يا اخي كل الناس خير وبركة
وربنا يرزقك بالزوجة الصالحة

[عاشق عيونك]

أخي الكريم

أولاً

لا تعتقد أن المهر هو قيمة للمرأة يزيد وينقص بقدر جمالها

ثانياً

لا تبحث عن الكمال لأنك غير كامل

الكمال لله وحده


ثالثاً

أبحث عن العوائل الطيبه التي تريد ستر بناتها وسوف تجد مايسرك


رابعاً

وعد النبي صلى الله عليه وسلم من يريد الزواج لإعفاف نفسه بعون الله له

فقال: ثلاثة حق على الله عونهم: المجاهد في سبيل الله، والمكاتب الذي يريد الأداء،

والناكح الذي يريد العفاف .

رواه الترمذي وقال هذا حديث حسن.

فأحسن النية وتوكل على الله وأبحث بنية اعفاف نفسك

أسأل الله أن يرزقك الزوجة الصالحة وأن يبارك في ذريتك


.

[حسان]

يا اخي
الكمال لله وحده
لن تجد شيئ كامل من جميع النواحي
وربما البنت لها وجهة نظر فيك
ان تحتج بغلاء المهر
فهذا من حقك
اما ان كل البنات موحلوات
فانا انصحك ان تراجع افكارك
فالجمال ليس كله جمال الوجه فقط
بل هناك اجمال هو الاهم
وهو جمال النفس والروح
اسال الله ان يوفقك لما فيه خيرك

[الحب ذا غدار]

اطلعت على الموضوع واضن الاجابات اتتك من الاخوان السابقون بالرد في الموضوع

[وردة الاطلس]

هههههههههههه

ضحكتوني والله

احنا في المزايدة ولا ايش هذا


انا وزوجي تزوجنا واحنا لسه ندرس

وبمساعدة عائلتي وعائلته

توفرت لدينا كل الوسائل لكي نخصص عائلة

والان الحمد لله الحمد لله كثيرا كثيرا

احمد الله صباحا ومساءا


والان عندي اولاد ماشاء الله تعليمهم جيد

وكل ما يلزم لاعيش مستورة والحمد لله

وكل اخواتي تزوجوا بدون مناقشة المهر

والدتي واخواني الكبار لان ابي متوفي الله يرحمه

ما يناقشوا المهر

عيب ماناقش المهر كان البنت سلعة

احنا نشوف اخلاق الرجل

والله يكمل كل زيجة بالنية الحسنة

يااخي شوف على قد مستواك حتي لاتجد صعوبة مع الايام

فكل شيئ يبتدا بالقناعة

هذا رايي

[egy qween]

أنا والله مع صديقك لأنه يا ريتها جميلة موت ولا شقراء ولا عيونها زرقاء ولا ملامحها عدلة :MonTaseR_122:
عموما هذه تفاهة روح شوف وحدة المانية أو فرنسية أو بريطانية والله جميلات يجيبون المرض من جمالهم ومهورهم اقل من ما يستاهلوا :x142:

[عبير الشرقية]

بااك ~

واحد تزوج لبنانية
لزمته بدهائها بعد الزواج يشتري لاهلها بيت و سياره لاخوها في لبنان
و بعدها فنش ابوها و اخوها من عملهم و جاو مع امها سكنو عنده بشقته بالسعودية :dunno:

<< سمعت ان طلقها و أخذ العيال
و رجعها مع اهلها لبنان

و واحد متزوج عراقية ~ كل من تشتري عباية
قالت له (اشتري لأمي و أخواتي<<و اضرب العدد بسعر العباية الحالية (300 ريال و فوق

يعني صحيح الاجنبيات يمكن مهرهم قليل
لكن متطلباتهم بعدين كبير

<< الولادة بعد بفلوس :MonTaseR_94:

لي عودة~

[مشكلتي]

egy qween انتي تقولين الجميلات يجبون المرض؟؟؟؟؟بلعكس يفتحون نفس الشخص

[egy qween]

يا حلو ما كملت قراءة :دموع الورد:
المكتوب يجيبون المرض من جمالهم :دموع الورد:

[الحب ذا غدار]

egy qween انتي تقولين الجميلات يجبون المرض؟؟؟؟؟بلعكس يفتحون نفس الشخص

ان استغرب كثيرا من معقوليتك

اريد ان اسئلك

لو وجدة امراءه جميله بمهر اقل من الذي ذكرته بس سيئه الخلق هل ستقبل بها ؟؟

[egy qween]

هذه نقطة مهمة بس لو هي جميلة وصاحبة أخلاق ما فيها مشاكل :MonTaseR_209:

[الحب ذا غدار]

هذه نقطة مهمة بس لو هي جميلة وصاحبة أخلاق ما فيها مشاكل :montaser_209:

وبهذه الطريقه ستهدر عمرك في البحث عن الجمال و الاخلاق معا

صدقني ليس الجمال شئ اساسا كالخلق

واما عن المهور قد تكون بعض الشئ مبالغ فيها

ولاكن ساتكلم من وجهة نظري شخصيا

المرءه اللتي ستدفع فيها مهر ستحس بقيمتها لانك لم تصل اليها الا بعد عناء ...

الشي الذي ستحاول الوصل له او تدفع فيه المال الكثير لن تفرط به بسهوله

مهما كانت الاسباب

لانك لم تصل اليه الا بعد جهد وبعد تعب

الاخلاق و التربيه الجيده قبل الجمال ....


اجعل هذه العباره من الحب ذا غدار معك دائما

لن تجد الجمال و الخلق ما دمت تبحث عنه

واما ستكون اعزب لطول الحياه

واما انك ستتزوج بجميله وستشقيك

[اللورد يحيا]

والان في الزمن هذا الحلال صعب صعب صعب صعب والحرام سهل سهل زمن غريبهذي الجمله من أجمل الجمل وأصدقها التي سمعتها في حياتي

فعلاً وللأسف زمن غريب

تعقيباً على تعليقك أنا حقيقتاً أُئيدك على الزواج من أجنبيه

أذكر في مره من المرات كنت أسولف مع فتاه جنسيتها ( ليبيا ) وسألتها عن المهور عندهم كم تكون بدينار اليبي والريال السعودي

وحقيقتاً إنصدمت بمهورهم لدرجة رديت عليها بأن عندنا في السعوديه بمهر فتاه سعوديه وحده أستطيع أتزوج 30 فتاه ليبيه في آن واحد

والله شيء جداً مؤسف أصبح أولياء الأمور في السعوديه يتاجرون في بناتهم بهذي الطريقة البشعه والتي ستكون حتماً سلبيه على حياة البنت

//

أنصحك عزيزي توكل على الله ولا تتردد من الزواج بأجنبيه إذا كنت تريد تعيش مستقر على قد فلوسك

ولكن قبل الإقدام بالزواج من أجنبيه لابد تكون شروط ( وزارة الداخليه ) منطبقه عليك في حال زواج بأجنبيه

وبعدين تراني حتى أنا شوي وجاي وراك والله يعين وييسر الأمر ^___^

[آلمتفائله]

ياللي تقولون المهر 40 مو غالي

انتو اللي تجمعون الفلوس وتتعبون ولا الرجال ؟؟؟؟
ولاناسين انه وراه قصر وعشا وذبايح وتاثيث بيت وشقه ؟؟؟ عشان يسكن حضراتكم في بيت لحالكم زي ماتشترطون !!

بصراحه مدري كيف تحكمون على قيمة المهر اللي مو مجرب تعب تجميع الفلوس مايحس مع احترامي للجميع


بنت اعرفها تزوجت ب 15 الف مهرها

ودام عارفين انه الجمال مو مهم اهم شي الاخلاق طيب انتو ليه تطالبون بمهر اغلى من 40 دام تشوفونه رخيص
مو تقولون حنا نشتري الرجال باخلاقه مو بفلوسه ؟؟؟ فيه بعض الردود كلامهم متناقض طيب دامه رجال خلو المهر عادي مو مبالغ فيه

وع فكره البعض يفكر انه يغلي سعر المهر عشان الرجال يتعب ويجمع ويعطي البنت قيمه ولايقدر يتزوج عليها لان المهور غاليه

بس حابه اقول الرجال لاحط بباله شي بيسويه يقدر يتزوج مسيااار كمااان ولاحد درى عنه

يعني خلو شغل المهر وهالخرابيط لان هالحركه صارت قدييييمه بيتزوج بيتزوج لو يبي ولاحد يقدر يرده ههههههههههههه

بالنسبه لصاحب المشكله والله لو ماتقدر على هذا المهر خذ اللي يناسبك حتى لو اجنبيه المهم تستر نفسك وتكمل نص دينك ولايهمك ردود الاخرين ...

افرض خذيت بنت بمهر غالي وهي ماتستاهل ؟؟ كثير قصص صارت كذا تزوج واخرتها طلع حرام فيها هالمبلغ
وطلعت بنت ماتقدر العشره الزوجييه ...

خذ اجنبيه وتوكل على الله ^___^

[يتيم الفرحه]

شوف ياغالي ماتضيق الا وتفرج
ودام النيّه زواج وبالحلال صدقني
كل الصعاب تزول ..
/

[مشكلتي]

صائد الطرائد والله كلامك صح افضل شى اجنبية مهرها معقول وتكون صاروخ ارض جو ههههه

[مشكلتي]

كلامك صح100%رد ممتاز

[مشكلتي]

ياخي الشى إلي يقهرر تكون مو حلوة وتطلب مهر40او50هه والله شى يقهر المفروض المهر على حسب الجمال إذا كانت حلوة تجنن تستاهل مهر وإذا كانت تصد النفس المفروض تأخذها مجانا هههههههههههههه

[رونق الجوري]

[quote=صائد الطرائد;543898]
والله شيء جداً مؤسف أصبح أولياء الأمور في السعوديه يتاجرون في بناتهم بهذي الطريقة البشعه والتي ستكون حتماً سلبيه على حياة البنت

quote]

ي اخوي مو قصه متاجره ذا المهر كله للبنت منه تجيب الذهب والذهب ياخذ واجد والباقي ملابسها و... الخ
يعني الفلووس كله مع البنت مو بجيب ابوها مو متاجره زي ماتفضلت

[مسكك الغلا]

ياخي الشى إلي يقهرر تكون مو حلوة وتطلب مهر40او50هه والله شى يقهر المفروض المهر على حسب الجمال إذا كانت حلوة تجنن تستاهل مهر وإذا كانت تصد النفس المفروض تأخذها مجانا هههههههههههههه



المهر هو صداق

يعني مشروع بغض النظر عن كثره وقله

الجمال والله مو مقياس

افرض احدا خواتك مو جميله راح تزوجها مجانا

الجمال جمال الروح

انت بتتزوج عشان تعف نفسك او عشان تتفاخر بجمال زوجتك

وع فكره الجمال الحين كله صناعي

قليل قليل تلاقي وحده جمالها رباني

ادوات تجميل نفخ كولاجين رموش صناعيه

حتى الشفايف فيه صناعي

لا تغرك المظاهر وجمال الممثلات تريه زائف

وع فكرة اغلب الجميلات شايفات نفسهن مغرورات

خلك قنوع ودور الانسانه الصالحه التقيه اللي تحفظك

بكل شي

[جَســـــوُرْ..،]

ياخي الشى إلي يقهرر تكون مو حلوة وتطلب مهر40او50هه والله شى يقهر المفروض المهر على حسب الجمال إذا كانت حلوة تجنن تستاهل مهر وإذا كانت تصد النفس المفروض تأخذها مجانا هههههههههههههه


على حسب الجمال اجل هاه

شف اذا الدين ما همك و الاخلاق ما تهمك فـ من حقك تشترط الجمال

و الله يهديك

بس احب اقولك ترا حتى اللي مو حلوه ع قولك عندها قلب و مشاعر و من حقها تفرح مثلها مثل اي بنت ويكون للعلم ممكن تكون في وجهه نظرك مو حلوه و غيرك يصونها ويشوفها احلى من الف حلوه بعيونك..

[آنثے م̝̚لآئـکﯾھَہّ]

وع نياتكم ترزقون ~

لا اوصيك بالله بعد ماتزوج ع حسب تفكيرك الـ ...

تعال بشرنا بس هاا لا تجي تتشكى

بجد الله يعين الي بتاخذك

[آلمتفائله]

خلوه ياخذ اللي يبي يعني بالغصب ياخذ من بنت البلد ؟!!

وش فيكم عليه ؟؟ كلامه صحيح وماقال شي غلط المهور غاليه

بالنسبه اللي تكلمو عن بنات الاجانب وانه طلباتهم تكثر بعد الزواج

قريبي ماخذ جزائريه وعايش معاها مبسوووط ماشاء الله تبارك الله

ولاطلبت الطلبات اللي تقولون عنها ولاطلبت جيب لامي وجيب لاهلي طلبات بنات البلد اكثررر
< لحد يزعل بس هذا الواقع بحكم اننا مجتمع خليجي

واساسا البنات طبعهم كذا طلباتهم كثيره سواء اجنبيه او بنت البلد

يعني لاتنزهون انفسكم ي بنات البلد هههههههههههه < رحم الله امرئ عرف قدر نفسه

ولاتحكمون على بنات النااس سواء اجانب ولالا رجاء

وبعدين وش حارق رزكم لو اخذ اجنبيه ؟!!!!


عالم غريييييييييييييب مايحب الخير ولايحب احد يترزق ويستر نفسه :138:


انا ماعرف ردي ذا يا رح يتحرر او يستفز ناس كثار هنا بس يلا مو مهم المهم انه الواحد يتقبل واقعه احسن

^___^

[السيده ملعقه]

انا بصراحه ماعندي اعتراض انه يتزوج اجنبيه او من البلد
واصلا الجمال بكل مكان
يعني بنات البلد فيه الحلوه وفيه الشينه وحتى الاجنبيات فيه الحلوه وفيه الشينه
اما يقول المهر على حسب الجمال
مثل ماقال اخوي يهمك تعرف امري
ليش طيب الشينه ع قولتك مالها مشاعر ماتبي تفرح زي الناس
وبعدين الجمال مع الكبر يروووح
بس الاخلاق تبقى سواء اجنبيه او بنت بلد
لافرق بين عربي واعجمي الا بالتقوى
وانا انصحك دامك من الاساس خاطرك باجنبيه اتزوجها والله يكتب لك الي فيه الخير
وانتبه لايجي يوم و ا تتزوج من بنت بلدك تقول شينه او تطلع عيوب فيها
صدقني بتكسر قلبها

[آلمتفائله]

اما عاد المهر ع حسب الجمال ؟؟

حسستني انك براد بيت ولاتوم كروز ع غفله

[آتم بعيد .!]

ياخي الشى إلي يقهرر تكون مو حلوة وتطلب مهر40او50هه والله شى يقهر المفروض المهر على حسب الجمال إذا كانت حلوة تجنن تستاهل مهر وإذا كانت تصد النفس المفروض تأخذها مجانا هههههههههههههه


الجمال امر نسبي وبكل مجتمع فيه الجميله والعاديه
بس الاخلاق والدين بتلقها بكل مكان
العادات والتقاليد تختلف الثقافات متباعده
انت تبي مظهر خارجي طيب هالمظهر نصفك الثاني وام عيالك ؟
انت مافكرت انها ام لعيالك وبتربيهم ؟
افرض جبت لك وحده من الخارج رفضت الحجاب ؟ بحجة حرية شخصية
ومالك حق تتحكم فيها هي ماتزوجت لاجل تحطها بشقه وتغطيها وتقفل عليها الباب .
العيشه بالسعوديه مب عاجبتها م قدرت تتكيف مع العائله وش بتسوي ؟
يابن الناس مب شرط فلان تزوج اجنبيه وحياته سعيده خلاص نطلق ع كل من يتزوج اجنبيه انه سعيد ومرتاح بعض الجنبيات يطلعون عيون الرجال وفيه من بنات البلد صبورات وطيبات.
التوفيق من الله ولكن الاختيار هو الاساس لنجاح الحياة الزوجيه طيب كيف يكون الاختيار ؟؟
مثلك ع اساس الجمال الخارجي ؟ طيب الزواج عباده ونصف الدين كان من باب اولى تختار تقتدم الدين والخلق ..
قدوتنا الرسول صلى الله عليه وسلم :
قال تنكح المراه لاربع واختمها بـ فظفر بذات الدين تربت يداك ..
صدقني لو قلت لامك المواصفات اللي تبيها راح تبحثك لك وتجيبها !
والاهم من هذا كله انها من مجتمعك ومن دينك وحتى لو صار بينكم خلاف او مشاكل ؟
تقدر تتفاهم مع اهلها وتدخل العائله بينكم او لا سمح الله إذا حصل طلاق تعرف ان عيالك
بيتربون قريب من عينك مابيروحون مع امهم والله العالم وش بيشوفون وكيف بيصير تفكيرهم ؟

نصيحة عييد تفكيرك بها الموضوع وفــكر لـ بعيد .! ( بعد الزواج )
وقبل لاتتكلم احسب امورك صح واستخيير ..

الدين اهم صحح نيتك
ولاتقعد تحط اسباب انه بنات البلد مهورهن غاليه
لا مب الكل بس نقول لازم المهر يكون بحدود 40 وفوق البنت وراها تجهيز ..

الاهم إذا بتتزوج سوى من الداخل او الخارج :
قول ابي بنت حلال دينه لعل الله وعسى يرزقك ماتتمنى .
وترى محد م عرضك ألا لانك قدمت الجمال ع الدين والاخلاق
وهـذا امر جديد علينا ونسيت انك بتعيش معها وبتربي عيالك ..
الدراهم بتروح وتجي وإذا طلعت وخسرت كله لاجل نفسك
اما المجان موجود بخيالك لاترضاها ع اختك ولاحد بيقبلها ع بنته ..!

الله يكتب لك اللي فيه الخير ..

[مطر الفجر]

قبل ان اجيبك على موضوعك
اسالك بالله العظيم
كم سعر سيارتك وش نوعها وش موديلها ؟؟؟؟

تقبل تتزوج بنت مو جميله ولا حلوه
تقدر تقول شينه ولا تبي منك فلوس ولا مهر ؟؟؟
ولا حتى ذهب بس تبي الستر مثل ما انت تبي الستر ؟؟
عندي لك عروس ترا ^_^

[آلمتفائله]

^


هههههههههههههههههههههههههههههههههههههههههههههههههه هههههههههههه

[مشكلتي]

سيارتي فورد 2010سعرها 34 تقريبا او اقل

[مشكلتي]

يااخوان انتم فاهمين غلط انا ابي وحدة اخلاقها كويسة وبنت ناس وتكون راعية دين وكمان تكون حلوة صاروخ ارض جو

[عاشق عيونك]

يااخوان انتم فاهمين غلط انا ابي وحدة اخلاقها كويسة وبنت ناس وتكون راعية دين وكمان تكون حلوة صاروخ ارض جو

مثل ماقلت لك ياالغالي انت توكل على الله وخل نيتك اعفاف نفسك بالحلال

والله راح يرزقك الاخلاق والدين والجمال الصاروخي

وما ذلك على الله بعزيز

والجنسية مجرد كرت والمسلمين أخوه

ولم يوصي أي أحد من السلف الصالح بالزواج من جنسية معينة


بس بشرني كيف الفورد معك ؟؟

:SnipeR94:

بعت الفورد حقي قبل سنه ونص :SnipeR94:

.

[مشكلتي]

إنشاء الله الله يرزقني وحدة جمالها صاروخي وانت الله يرزقك
الفورد تمام التمام مريح في كل شى ماعمره خرب مشاء الله إذا تبي تشتري سيارة غير الفورد انصحك بسيارات هواندي اخوي معه هواندي

[اللورد يحيا]

بختصار :

وش الفرق بين بنات الخليج وبنات الدول الأخرى ؟ لماذا لم نسمع عن غلاء المهور في الدول الأخرى خارج دول الخليج العربي ؟

أكثركم يشوفون بنات السعوديه والخليج بنات مقدسات متجاهلين بأن كل البنات سواسيه في جميع أرجاء الأرض

فلذا ليش المهور غاليه ؟

لأن الإسر السعوديه خاصه ودول الخليج عامه داخلين على طمع وجشع لأنه وللأسف تنمى دواخلهم كيان ( الشحاذه ) بطريقة غير مباشره تصل الى الإعتماد على الآخرين و التفاخر

وهذي الطريقه ليست فقط عند الزواج بل عند كل شيء تريده ونقص منك المال مثل ( العلاج لمرض مستعصي أو بيع سياره أو حتى طلب وضيفه ) فكلها تدخل تحت مسمى ( شحاذه ) بطريقة وسيط ..

فغلاء المهور في وطني هو وسيلة للإستغلال بطريقة شحذ قد يراه الأغلبيه ( حلال )

الشحذ أو الشحاذه المقصود به ( الطلب ) والطلب يدخل لدرجة إرضاء الرغبه والرغبه هنا لن ترضى أبداً

ولكن وللأسف ( الشعب الخليجي غبي )

[عاشق عيونك]

إنشاء الله الله يرزقني وحدة جمالها صاروخي وانت الله يرزقك
الفورد تمام التمام مريح في كل شى ماعمره خرب مشاء الله إذا تبي تشتري سيارة غير الفورد انصحك بسيارات هواندي اخوي معه هواندي

ماشاء الله

انا شريت لي كامري والحين أفكر في يوكن >>> قلبناها شريطية ههههههههه

[عاشق عيونك]

بختصار :

وش الفرق بين بنات الخليج وبنات الدول الأخرى ؟ لماذا لم نسمع عن غلاء المهور في الدول الأخرى خارج دول الخليج العربي ؟

أكثركم يشوفون بنات السعوديه والخليج بنات مقدسات متجاهلين بأن كل البنات سواسيه في جميع أرجاء الأرض

فلذا ليش المهور غاليه ؟

لأن الإسر السعوديه خاصه ودول الخليج عامه داخلين على طمع وجشع لأنه وللأسف تنمى دواخلهم كيان ( الشحاذه ) بطريقة غير مباشره تصل الى الإعتماد على الآخرين و التفاخر

وهذي الطريقه ليست فقط عند الزواج بل عند كل شيء تريده ونقص منك المال مثل ( العلاج لمرض مستعصي أو بيع سياره أو حتى طلب وضيفه ) فكلها تدخل تحت مسمى ( شحاذه ) بطريقة وسيط ..

فغلاء المهور في وطني هو وسيلة للإستغلال بطريقة شحذ قد يراه الأغلبيه ( حلال )

الشحذ أو الشحاذه المقصود به ( الطلب ) والطلب يدخل لدرجة إرضاء الرغبه والرغبه هنا لن ترضى أبداً

ولكن وللأسف ( الشعب الخليجي غبي )


أنا معك في مبدأ الشحاته

واخر تقليعات الشحاته الديه الي طايحين فيها

كل واحد ينقتل له ابن قال ابي ثلاثين مليون عشان اسامح

وافتحو له حساب وشغلو تويتر والفيس بوك والمنتديات

وطقو على ابواب الامراء والوجهاء

لين يتجمع المبلغ


لكن مازال في عوائل هدفهم الستر على بناتهم وهدفهم يشترون رجال لبنتهم

والمثل المصري يقول كل فوله ولها كيالها


الي يبغى يدفع يدور للي مهورهم 150 الف والي يبي الستر يدور على الي يبون الستر

والزواج من غير السعوديات مو عيب

واحيان يصير فيه تحسين في الانتاج هههههههه



.

[آڵأمٍۑر]

السلام عليكم

مساء الخير

بداية هذا المهر بالنسبة لباقي المهور يعتبر قليييييل جدا ..
وبالنسبة للجمال .. ترى الجمال مو اهم شي .. انت تبغي زوجة تقاسمك كل شي..
وتكوون نصفك الثآني ..

عموما الأمر إليك ولكن ثق تماما رح تعاني مع الأجنبية من ناحية الإجراءات ..
لك الأمر.

[مشكلتي]

صائد الطرائد والله إنك صادق يارجل مهور غالية قبل شهرين إلي قلتلكم خطبتها يارجل ماهي حلوة جمالها عادي وشعرها سلكة مواعين ههه وتبي 40الف والله حرام فيها ال40

[egy qween]

معك حق ههههههههههههههههههههههههههههههههه :6:

[مشكلتي]

آڵأمٍۑر يارجل اهم شى الجمال تخيل اتزوج وحدة مرعي الفرع النسائي بالله كيف يجيني نفس لها
والاجراءة حقت الجوات عادي عمي نقيب بالجوازات

[مسكك الغلا]

صائد الطرائد والله إنك صادق يارجل مهور غالية قبل شهرين إلي قلتلكم خطبتها يارجل ماهي حلوة جمالها عادي وشعرها سلكة مواعين ههه وتبي 40الف والله حرام فيها ال40

اخوي مع احترامي لك

مو جايز توصف بنت ماعجبتك خلاص

حرام كذا كيف شعرها سلك مواعين

اكتفي قلنا كل شي وانت اساسا مو عاجباتك السعوديات

[egy qween]

اخوي مع احترامي لك

مو جايز توصف بنت ماعجبتك خلاص

حرام كذا كيف شعرها سلك مواعين

اكتفي قلنا كل شي وانت اساسا مو عاجباتك السعوديات

الموضوع يا الغلا أنه صح هو غلط لمن وصفها كذا بس من جد 40 ألف ما تاخذها غير وحدة يا زين جمالها وأخلاقها مو شرط أنه مو عاجبته السعوديات بس من جد في سعوديات يبالغن في المهور مرة ما يصير وبعض الآباء ما يخلي الزوج يشوف مرته إلا يوم زفافها حلوة مو حلوة اخذها بالسلامة :l:

[egy qween]

الأجنبيات ما لهم بالمهر لهم بالحب والأخلاق فما يبالغ آباءهم بطلب المهور إذا لقيوك تحبها من جد :MonTaseR_172:

[مشكلتي]

بلعكس السعوديات على راسي بنات بلدي لاكن إلي قاهرني إن المهور غالية

[egy qween]

ماشي هذا هو مختصر كلامي :MonTaseR_196:

[آتم بعيد .!]

صائد الطرائد والله إنك صادق يارجل مهور غالية قبل شهرين إلي قلتلكم خطبتها يارجل ماهي حلوة جمالها عادي وشعرها سلكة مواعين ههه وتبي 40الف والله حرام فيها ال40

مسك الغلا يسعدك ربي
+

عيب تتكلم بها الطريقه دام كلن راح فحاله وانتهى الموضوع
زينه ولاشينه شعرها ناعم ولاخشن من رجوله ماتتكلم ع بنات الناس
المفروض تقول الله يستر علينا وعليها مب تتكلم عليها فالنت .
انت ترضى احد يشوف اختك ويتكلم عليها ويوصفها والله ماترضاها ,
لاتجيب سيرتها انت قاعد تضحك ع خلقتها مين اللي خلقها الله .!

كلمه وبقولها :
يمكن انها مو جميلة نعمه وخير لها انها افتكت من واحد مثلك من اشباه الرجال
الله يهديك لنفسك ويصلحك وتتبي تتزوج من الخارج توكل ع الله لاتضيع وقتك الله يتمم لكم ع خير .

وترى مب كل الاباء مهورهم غاليه انت تجربه وحده بـ 40 الف وعممت ع الجميع !
راجع نفسك وصدقني لو كل المهور غاليه ومرتفعه ماكان احد تزوج نهائيا فكر بعقلك ..
انت تبي تتزوج من الخارج وقاعد تحط لك اعذار واسباب ياخوك توكل ع الله وسافر والله يوفقك .

[السيده ملعقه]

صراحه احس الموضوع زاد عن حده
يا اخي ماعجبتك البنت لاتسبها وتضحك عليها
تراها خلقه ربي
بعدين انت بعد ما تتزوج مستقبلا مثلا
ويصير عندك بنات ترضى احد يجي يخطبها بعدين يتمصخر عليها مو حلوه شعرها مدري كيف
انتبه لكلامك
ترى الدنيا دواره
حسستني انك انت كامل مافيك، اي عيب ترى محد كامل ،، الكمال لله

[آنثے م̝̚لآئـکﯾھَہّ]

ماقلت لكم مبين مستوى تفكيره ايش يعني حتى مافيه من الرجوله شئ ~

ترى ربي بيأخذ حق البنت الي اتكلمت عنها منك بس اصبر واتذكر كلامي

[مسكك الغلا]

الموضوع يا الغلا أنه صح هو غلط لمن وصفها كذا بس من جد 40 ألف ما تاخذها غير وحدة يا زين جمالها وأخلاقها مو شرط أنه مو عاجبته السعوديات بس من جد في سعوديات يبالغن في المهور مرة ما يصير وبعض الآباء ما يخلي الزوج يشوف مرته إلا يوم زفافها حلوة مو حلوة اخذها بالسلامة :l:

حبيبتي ماختلفنا مو الكل يقدر ع 40 ولا حتى 20

لكن ماشي يدفع الصداق المتعارف عليه 20 الف

والباقي يتفق معاها عليه تري كثير اعرفهم من معارفي المهر 20 وللحين مادفعه مكتوب بعقد النكاح بس

وهي ماخذت منه ولا ريال مشترواتها اهلها جابوها لها لانهم يبون الستر لبنتهم

دور وتلقى


و ع فكره القصمان تري حتى حفلات مايسوون عشا رجال بس وهم يساهمون بزواج بناتهم

وانت حر باللي تبيها

[عزف المشاعر]

قالوا الاولين النيه مطيه
جدد نيتك للزواج
وليس كل شيء في الجمال فجمال الروح
اروع من جمال الوجه والخلقه
لا تكن نظرتك سلبيه
فإمرأة تنثر لك بطنها وتربي بجهدها ابناءك
وتصون بيتك وتحفظ كرامتك
تؤانسك في وحدتك وتحمل معك همومك
وتمرّضك وتخدمك
ولا تبغى تدفع لها مهر
اذا كانت بعض سفراتنا تكلف اكثر من ذلك
اتق الله سبحانه وتوكل على ربك واختصر
في المناسبه قدر الامكان
واعط زوجتك مهرها مهما كان بطيب نيه

واعلم اولاً واخراً بأن نصيبك لم يحن

[مشكلتي]

اول شى انا وصفتها مو سبتها وإلي تقول إني من اشباه الرجال ههه كلن يراء الناس بعين طبعة شكله ابوكي من اشباه الرجال واخوانك فا تفكري إنو كل الرجال مثلهم
وبعدين وش حارق دمكم اوصفها بشى إلي ابي لاني مقهور منها ضحكت علي كانت تسوي فرد شعر وتقول لي إن شعرها ناعم
تحياتي*-*

[مشكلتي]

مشاء الله على الموضوع تفاعل كبير الله يعطيكم العافية
تحياتي لكم

[السيده ملعقه]

اول شى انا وصفتها مو سبتها وإلي تقول إني من اشباه الرجال ههه كلن يراء الناس بعين طبعة شكله ابوكي من اشباه الرجال واخوانك فا تفكري إنو كل الرجال مثلهم
وبعدين وش حارق دمكم اوصفها بشى إلي ابي لاني مقهور منها ضحكت علي كانت تسوي فرد شعر وتقول لي إن شعرها ناعم
تحياتي*-*

اذا انت بنظرك كذا الوصف اجل السب عندك ايش. ؟؟
والي قالت شكلك اشباه الرجال مدري مين ماله داعي تسب ابوها واخوانها ،،،


انا ماعرف البنت الي خطبتها ولا اعرفك عشان ادافع عنها ضدك او شي
بس اسلوبك ينرفز يعني تقول شعرها كنه مدري ايش ومدري ايش مو سب هذا
يا ابن الناس ما اعجبتك اسكت وكلن يروح ف طريقه
وبعدين عادي اذا شعرها خشن فيه فرد وفي كيراتين وفيه حنه سوداء في اشياء كثير تخليه ناعم حرير




انت اصلا من الاساس تبي اجنبيه يا ابن الناس رووح تزوج اجنبيه والله يوفقك واترك بنت الناس ف حالها م حد جابرك عليها
وهي الله يعوضها واحد يقدرها ويصونها

[مسكك الغلا]

اول شى انا وصفتها مو سبتها وإلي تقول إني من اشباه الرجال ههه كلن يراء الناس بعين طبعة شكله ابوكي من اشباه الرجال واخوانك فا تفكري إنو كل الرجال مثلهم
وبعدين وش حارق دمكم اوصفها بشى إلي ابي لاني مقهور منها ضحكت علي كانت تسوي فرد شعر وتقول لي إن شعرها ناعم
تحياتي*-*

من شروط الشوفه الشرعيه ان كل شي طبيعي

ايش تبي تخدعك وتجي بشعر ناعم

وتري في بنات شعورهم ناعمه اساسا ويكدشووو

زي الشباب بالضبط يجيك الواحد شعره لظهره وناعم تحسبه زينب العسكري ولشفت الوجه

ياحيف شنبه مالي وجهه


اخوي تبي الكلام اللي يجمد على الشارب

بنات عمومتك وتزوج منهم بنات اعمامك او بنات خوالك

منك وفيك


ملاحظه // اغلب الاباء يرفظون الشوفه عارف ليش

لان فيه من يقول ماعجبتني شكلها كذا وكذا زيك بالضبط


وانا ك بنت ارفض الشوفه الشرعية تماما اللي بيتزوج اهلا وسهلا

واللي بيتفرج يروح برا


اكتفينا من الرد عليك


بحفظ الرحمن

[مشكلتي]

انا لما قلت شعرها كأنه سلكت مواعين هههه لاني مقهور منها لان قالت لي إنو شعرها ناعم خلقة وثم طلع تسوي له فرد فا يحق لي اطقطق عليها لان الرسول نهى عن الغش وإلي سوتة معي غش بس الاخوات على طول قالوا انت منت رجال انت اشباه الرجال الحمدلله واثق من نفسي والناس كلن يراء الناس بعين طبعة وانتم فاهميني غلط تحسبون إني ابي وحدة حلوة بس خطأ ابي وحدة بنت ناس وراعة دين وخلق وتكون جميلة عشان قلت ابي وحدة حلوة وحدة قالت إن الحلوات مغرورات وحدة قالت اخلاقهم زفت وهذا موسب
لاكن الله يسامح الجميع*-*واشكركم على التفاعل في الموضوع

[Dr.moonee]

خُف ي ملك الجمال
..
الحين انا مهري ٤٠الف وحتى كنت ابي أغلى لاني حلوه هع
بس جد احنا الملكة علينا وفي الخطبه أعطى بابا خمسه
وتدري بابا زود فوق العشرين الف
يعني شي يقهر بس الوعد الزواج أطلعها
..
بعدين ي اخوي صدقوا خذ وحده ع قد جمالك
..
اعرف واحد متزوج بكستانيه بناتها مزز مشاء الله مثل جمال الممثلات
وللحين مانخطبوا ليه عشان أمها مو سعودية
وخالي خطب بنت مغربيه طلبات طلبات لين هون ورجع على بنت خالته
انا معك انو لازم تأخذ وحدده تتقبلها
بس مثل ماقلت لك خذ وحده مثلك نفس الدرجه
..

[آنثے م̝̚لآئـکﯾھَہّ]

اول شى انا وصفتها مو سبتها وإلي تقول إني من اشباه الرجال ههه كلن يراء الناس بعين طبعة شكله ابوكي من اشباه الرجال واخوانك فا تفكري إنو كل الرجال مثلهم
وبعدين وش حارق دمكم اوصفها بشى إلي ابي لاني مقهور منها ضحكت علي كانت تسوي فرد شعر وتقول لي إن شعرها ناعم
تحياتي*-*

انا لما قلت شعرها كأنه سلكت مواعين هههه لاني مقهور منها لان قالت لي إنو شعرها ناعم خلقة وثم طلع تسوي له فرد فا يحق لي اطقطق عليها لان الرسول نهى عن الغش وإلي سوتة معي غش بس الاخوات على طول قالوا انت منت رجال انت اشباه الرجال الحمدلله واثق من نفسي والناس كلن يراء الناس بعين طبعة وانتم فاهميني غلط تحسبون إني ابي وحدة حلوة بس خطأ ابي وحدة بنت ناس وراعة دين وخلق وتكون جميلة عشان قلت ابي وحدة حلوة وحدة قالت إن الحلوات مغرورات وحدة قالت اخلاقهم زفت وهذا موسب
لاكن الله يسامح الجميع*-*واشكركم على التفاعل في الموضوع


جبت لنفسك الكلام وبكيفه صائد لو يحرر ردي بس انت تعال ومتع عيونك بالرد
انا قلت انت مو رجال عاجبك اوك مو عاجبك ارجع اقرا ردودك وشوف تفكيرك كيف
وعادي ارجع اقولها لك انت مو رجال
ماتسوى ظفر ابويه واخواني ياشاطر فاهم ابويه شيخ بقبيلته واخواني ينرفع فيهم الراس
رجال وبقمة رجولتهم

اما انت لا تفكير صاحي زي الرجال ولا كلام ورد فيه رجوله احس بزر الي يتكلم
الرجال يابطل لما يشوف بنت بنظره شرعيه وماعجبته يقول ماارتحت والله يستر عليها
مو زي البزر جاي تضحك وتوصف فيها بطريقة سيئه وقال " ايش مقهور ضحكت علي وقالت لي ..."
تدري ايش معنى كلامك انك لعاب وراعي بنات فهمت ركز بكلامك ثاني مره

ونصيحه روح اتعلم الرجاله قبل تتزوج خلي الحرمه تحس برجال يصونها ويحميها وترفع راسها فيه

اخر رد لي من البدايه وانا محترمتك بس لا وصلت عند اهلي انسفك

[اللورد يحيا]

نكتفي بهذا القدر بالمشاركه في الموضوع لخروج اغلبية المشاركين عن المحتوى

ومن أراد يناقش أكثر في موضوع ( غلاء المهور ) بإمكانه يفتح موضوع في قسم الحوار والنقاش

يغلق إدارياً هذا الطرح