اجامل وابتسم واضحك وانا في داخلي مقهور

[الســاهر]

بصراحة قراءت هذه الابيات واعجبتني وحبيت انقلها

لكم ............

اجامل وابتسم واضحك وانا في داخلي مقهور
احاول اكتم احزاني ورى صدري وأخبيها

أحاول اكتم همومي واخبيها وأنا مجبور
واحاول قد ما أقدر أبعد عن حراويها

لو اني كنت بنطقها مع انها واقفة بالزور
... ولكن لازم اكتمها ولا ابين معانيها

ولو بعض البشر تدري وتكشف خافي المستور
أببلش في شماتتها وابتعب من حكاويها

طبيعه ماتفارقهم طبيعة من قديم عصور
ورا حكي القفى تطرد وتنبش في خوافيها

واذا طاح الرجل مرة وصار من الزمن مكسور
.. تجيله طعنه بظهره تفاجأ مادرى فيها

تفاجئ مادرى باللي بيصير ومن وراه يدور
وخابت هقوته فيهم بعد ماكان هاقيها

لجل هذا كتمت الهم في صدري وانا معذور
.. همومي في وسط قلبي أخبيها واخليها

واذا زاد الحزن فيني كني وحيد بعالم مهجور
كأني بدنيتي وحدي وكل الناس جافيها

واذا ودي أبوح بهم أبد ما اكتبه بسطور
.. همومي بس في نفسي الحنها واغنيها

مصير الهم يترحل وأعيش بدنيتي مسرور
..مصير الهم ينساني ونفسي ما يعنيها

مصير القلب لو يظلم يجي يوم ويشوف النور
...مصير الناس تتبدل وتتغير مماشيها

اذا صار الذي ودي أبيح خافي المستور
واخلي الناس تدري بي وبهمومي أبكيها

ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

[اصيلة الاحساس]

حزينه بس جميله
تسلم ع الطرح
تحياتي اصوله ..~

[حسان]

كلمات معبرة
سلمت يمينك

[آتم بعيد .!]

كلمات رائعه سمعتها من قبل بصوت المنشد سمير البشري
يعطيك العافية
.

[الســاهر]

من القلب لكم الشكر على مروركم الرائع
وسلمت الايادي على الرد والتعقيب
لكم مودتي وتقديري

[الحب ذا غدار]

دائما تنتقي المميز لأنك مميز

هذه القصيده رائعه جدا كما أنها لها داخل القلب مواقف ومكانه

وخاصه أنها بصوت المنشد الجميل سمير البشيري

[الســاهر]

من القلب لك الشكر على مرورك الرائع
وسلمت الايادي على الرد والتعقيب
لك مودتي وتقديري