انا لامن نسيت الحمد قلي ويش اصلي به؟

[الســاهر]

خطا منك تصدقني ليا من قلت لك بنساك
انا وشلون ابنسى اللي طوال الوقت اهذريبه؟؟


انا منساك لاواللي خلقك وكملك وانشاك

غريبه تسأل المشتاق وانت القلب تدري به


علامك ليه؟ تجهل شعري اللي ليا زعلت ارضاك

علامك تجهله من عقب منت اللي تماري به


تعال و ان ماعجبك اللي كتبته اتركه و يفداك

تعال اجلس بعلمك بقصيد توني بادي به


لك الله لوسكبت الشعرفي كاس الغرام أرواك

يبكي عيونك الخدرات ولسانك يغني به


هلا بك ياهوى نفسي هلا حتى الهوى يهواك

هلا يالفتنه اللي غار كل الطيب من طيبه


اغار من الكلام اللي ليا قلته يحـــوش شفاك

واغار من الهدب لاحب خدك يوم تغضي به


واغار من الجديل اللي ليا منه انطلق غطاك
احسده واعشقه محتار مدري ويش اسوي به


عطاك الله اوصاف الحواري كلها واغناك

اظنه لو يجي لك زين يوسف قلت مالي به


ابوك الله يبيحه جاد باسمك يوم هو سماك

الآياعين حر تدمي الصيده مخالي به


حبيبي خافقي ماراح لامنا ولامناك

ندهله سحر عينك وقلت طاعه يامطالي به


الاوقلبي اللي كل ماتسري سرى مسراك

ماغير الحزن في صدري ونبضه وأنت غادي به


حبيبي كل مامنك ضحكت ولوحت يمناك

اقول الله و اكبر عاض قلبي ويش اجازي به


خطاك أنك تصدقني ليا من قلت لك بنساك

انا لامن نسيت الحمد قلي ويش اصلي به؟

[بيلسان]

$



قصيده رائعه

[دروب الحب]

احاسييس رائعه وقلم مبدع

قصيده متميزه منك اخوي^^^الساهر&^^

لقلبك السعاده

[شموخ عزي]

سلمت أنــآآملكـ ع الطرح الرائع
دامت..صفحاتكـ بهذا الرُقي
بانتظــآآرقـآآدمِكـ اﻷ‌جمل
كــــــل الـــوود لك

[الســاهر]

من القلب لكم الشكر على مروركم الرائع
وسلمت يمينكم على الرد والتعقيب
لكم مودتي وتقديري