سَجِل حَضورَكْ بأجَملْ الأبيآتْ الشَعريَة عَلىْ ذوقَكْ

[ذو مبدأ]

ان شانت الدنيا ترى العمر مقسوم
...محدن حياته جت علـــــى ما يريده
الحـــــزن مهما طــــال لايمكن يدوم
...بعض التجارب فـــــي حياتك مفيده
وان كنت مـــن عذبات الايام محروم
...منت الوحيـــد اللـــــي ظروفه عنيده
مادمــت لاظـــــالم ولانت بمظلوم
...وقلبـــــك بعد لازال ينـبــــض وريده
انفض غبار الهم واصحى من النوم
...اصبر علــــى الشدات لوهي شديده

[ســـارا]

عطانا الزمان من التجاريب مايكفي
دروسن تصحي غافل القلب من نومه
وعرفنا مقابيل الرفاقه من المقفي
وعرفنا الصقور الصيرميه من البومه
..

[نجم ضاوي]

اشوف الحب مع كل الحبايب
خيانه في خيانه في خيانه

عجايب حبهم والله عجايب
نبي نوفي ولا نلقى امانه

خيانت حُب شقران الذوايب
يبيعونك عقب اغلا مكانه

[ســـارا]

إيه طحت وكل طيحاتي دروس
وارجع أوقف ، عزتي هي عزتي
وإن جَرعت الآه من "مُر"الكؤوس
مايغيييير هـ الزمن من ضحكتي

[رويدا محمد]

أنا البسيط الي إذا حّن وأشتاق
يمّر .. حزنه .. ويبتسم . . ويتألم

مسكين قلبي كل ماخاطره ضاق
يموووت فـي حزنه وهو .. ما تكلم

[أماسي]

-



من منطلق لآ للهواجيس بالليل!
ومن مبدأ ( الإنسان يحتاج رآحه)

قوموا نغمض حزن الأيام بالحيل!
والكل يحلم في ( هدايا صبآحه )

[كلآرا]

تقول ( خلْ الهمْ ) وإكفـخ كمآ الطيـر !
.......عطني سمآ يآخوك وإلوي جنآحي ..


جآك الظلآم .. وجآك ربع ومسآييـر ..
.......وجآني الظلآم وكل مآ أحب " رآحي " ,

[نجم ضاوي]

والله لو ادري شيئ في الكون ضايمك
لأقـوم لك من قبـل . . لا تقـول قم لي

الـود ودي . . مـن انفـاسـي اقاسمـك
جـرت نسـم لـك . . وجـرت نسـم لي

[بحه عتب]

تعبنا نرتجي الدنيا ولو لحظه تهنينا*
تعبنا نرتجي جمعه بلا فراق والم واحزان*

تعبنا من ردات الحظ ولو نسلى يبكينا*
تعبنا نتجتمع ساعه ويفرقنا الدهر ازمان

[نجم ضاوي]

اكـتب واسلـي خـاطـري .. بالكتـابه
كود التهي في نظم الابيات وانساه

واثـر القصـايد منـه .. قامـت تشـابه
من وين اقلب .. دفتر أوجاعي القاه

[ســـارا]

الخطوه اللي ماتعزك بممشاك
لاتهتويهاا واقصر الرجل عنها

لا صار ماترفع مقامك بدنياك
احذر تجاملها وترخص ثمنها

[مسكك الغلا]

‏لاتنشد الساكت عن إشفيه مافيه
يغنّي عن إسكاته .. سوالف عيونه

مثل الشجر لحتاج لإنسان يسقيه
ساكت ونعرف حاجته من غصونه

[رويدا محمد]

تدري وش اللي يذبحك عقب الفراق
وتحس كنك في حياتك ...... تكفنت

اليا أتصلت بصاحبك وأنت مشتاق
وتظن كله شوق ..! ويقول : من أنت

[ســـارا]

إيه طحت وكل طيحاتي دروس
وارجع أوقف ، عزتي هي عزتي
وإن جَرعت الآه من "مُر"الكؤوس
مايغيييير هـ الزمن من ضحكتي

[رويدا محمد]

تكلم .. ولا تكتم الهم والضيق!
أصدح فـ صوتك وارتحل ذكرياتك

لو دنيتك ياصاح حظ وتوافيق!
ترا محد غيرك يحدد .. حياتك

[7moOod]

يا سعد من بر بأمه وأبوه
ويآجزاه الخير وزين الليالي

[مرجانة]

كل ما في قلبي ينبض عشانه
أعشقه عشق ، بحر ما يوسع لمامه


لـ مرجانة

[نجم ضاوي]

شفت الرياض يا كبرها وانت موجود
ماهي بعيني شـي . . وانت غايب

[حروف العز]

ياقلبي لا تشكي همومك على الناس

ماكل شخص يعذرك في مصابك

لاتسكب الدمعه على خد حساس

لاتحرق اوراق الزهر في عتابك


....

[الغيد]

كلن على همه يسجل حضورهـ
وانا على همي ادور له ابـيـات

يمكن ذكرني امس لحظه مرورهـ
يمكن ونفسي داخلي تقول هـيـهـات

[توتو الحربي]

تسرّني :
كلمة ألو ،
و جاري الكتابة
و الظهور
و تضرّني ،
لا غبت من بين الحضور
خذني على قد الشعور
و مرّني !!

[الســاهر]

خذني جريح شعور يعشق وصالك...
ينزف جروح العشق وأيامه شهود ...
خذني غريق أحلام عانق خيالك ...
يرجي سحاب ايديك والشوق موجود ..
خذني بقايا إنسان كلي حلالك
واسكن عروق القلب والعشق موجود

[رويدا محمد]

لا تصادق "بخيل" ولا تخاوي "زعول"
ولا تجادل "سفيه" ولا تعاند "خبل"

و إلتزم النزاهه و إحترام العقول
وإن هبت عليك ريح .. خلك جبل

[الســاهر]

طعم الحياة بغيبتك صعب ينطاق
والنوم بعدك ما تذوقه عيوني
أشتاق في بعدك وفي قربك اشتاق
حبك جنوني وأنت كلك جنوني
يامعرض روحي على جمر الأشواق
لارحت عني كيف حالة عيوني ؟

[الغيد]

يـآ عآذليـن [ آلقلـب ] تكفـون خلـوه
مترديٍ حآلـه .. وآنـآ خآبـره "صلـب"
[ آلقلب ] مآ سمّـي عبـث يـوم سمّـوه
لولآ آنقلآب [ آلقلب ] مآ قيل له [ قلب ] !

[كلآرا]

التفت وما لقيت الا انا

في متاهات الخطاوي والدروب

مابه الا ليل يتبع هالعنا

والقمرلونه بهالليله شحوب

وينه الي يشعل الرفقة سنا

خطوته صارت مع الطرقة تذوب

[رويدا محمد]

إَحدن سواَليفہ من ، آلذوق إنتـآج
ترتـاح لا حآكاڳ .. و تحب شوفـہ

وآحدن سواَليفہ تخاريف و ازعاج
والمجلس اللي . يجمعڳ به تعوفـہ

[سآلفـَة قـ لمْ]

آختلف مجمل شعوري دون سبه
وآمتلت أبسط تفاصيلي .. كلافة

كل شي كنت آخافه .. صرت آحبه !
وكل شي كنت آحبه .. صرت آخافة !

[نجم ضاوي]

حان وقت السفر وحانت حزات الوداع
الله يـا الدنيـا صـدق والله مـالك أمـان

شـراعـي وفليتـه فـي بـحـر الـضيـاع
حسبي عليك يا زمـن وشلـون خوان

[حروف العز]

ابتسم اضحك وخل الهم يتكدر

وارسم على خدك ورود لاتقول ما اقدر

:ورده::ورده::ورده:

[مسكك الغلا]

تُطير للُخارج وهي ( تلبس) حجاب
وتهبِط وتلقى (حجابها) مو عليها

هي تحسب ان الله ليا سافرت غاب
او تحسب ان (ذنوبها) ما تجيها!

[أماسي]

_



أحيان الإنسان يضحك من سبب .. جرحه
لاصار حظه فقيـر .. و غص بَ أيامه !
وأحيان بَ أتفه سبب ! ( يتصنع ) الفرحه
ويعيش دوره .. بَ فرحـه تقتل أحلامه !

[سآلفـَة قـ لمْ]

من عرفتك صرت آحاتي وأفكر بك وآخاف
وصرت آدون شطر وآشطب ثلاثمئية شطر

يالمطر يالنصف الآخر ويا آخر المطاف
آنزل من آخر سطر فالسماء وطلع سطر

الطلوع من النزول آكده علم الجفاف
يعني أنا آطلع ليا صرت تنزل يالمطر

[سآلفـَة قـ لمْ]

طعم السوالف من شفاتك يجي غير
سولف علي .. ياحلو منطوقك العذب

لاتلومني لاشفتني عايش بخير
آحد(ن) معه مثلك ولا يعرف يحب

[ســـارا]

القدم تمشي على شف القلوب
والمحبه مثل خيمه تشد اطنابها

ديره لاجيت باطرافهاكنك مغصوب
وديرهه من حب اهلهاتحب اترابها

[كلآرا]

والضربة اللي ما تمـوت { تقـوّي }
للخير خير و / للسرايـا / سرايـا

{ توّي بديت } بعسف الآيام تـوّي
و توّي /عرفت علاج / بعض البرايا

[~Guevara •●]

●
•


وَجه الكلآم . . آكثَر بَرَآءَه من الصَّمْت*
و فـ صَمتي آكثَر . . من كَلآم الـ بَرَآءَه*

أقول أنآ مهموم ؟ نعسآن ؟ مآنمت !*
أقول : أخيط من التوجّس ؛ إضآءه*

على شفاة الفكره المُتعبه . . صِمت*
وكآن النهآر أقصَر , و كنت إرتمآءه

[رويدا محمد]

سجل الشطر الأخير .. بـ دفترك
( النوايا البيض .. جداً : نادره ) !

[توتو الحربي]

كني أبعد من نجوم السما وأقرب من ثيابك
يا عساك ويا عساني ويا عسانا و يا عسى الله

يا عسى الدنيا تموت وما يعيش الا ترابك
يا أحبك واعشقك واهواك وإلا يفتح الله

[رويدا محمد]

ي وانا جامع لك شعـــر وكلام
وسهم الغلا فيني صعــــد ولا نزل

من رقة الاحساس فيكم يا سلام
حتى مساء الخير تحسبها غزل

[~Guevara •●]

●
•


وش آخر هالجروح اللي ألمها يحتضر عقدين ..
من سنين العذاب اللّي تبعثرني وتقراني . . !
أحاول : أنتصر / أجمع شتاتي / أنشطر نصفين ..
أعيش بنصف مايقوى وأرهن نصفي الثاني .. !
تعبت من الحيآه / اللا حياه ولعبة التخمين ..
تعب صدقي يساير هالزمان وتضحك أحزاني . !
أنا : ياأنتِ قصّه من تعب مهما تُدان تبين ..
أنا : على وجه الشحوب اللي سكنّي ليــــن غطّاني .. !

حياتي.. وش حياتي ؟ غير جرح وأنتظار وعين ~
توطّنها السهر في عالم غيابِك وألغاني .... !

.

[رويدا محمد]

آلة ( آلآدمآن ).. لو فيهآ ~/ علآج
وش ( علآجي ) دآمني آدمنت صوتك

تدري لآمن قلت لي ( بآإآي ) بمزآج
كنك تقول لـ خفوقي .. ( حآن موتك )

[توتو الحربي]

لاضقت اضيق ومتى ماتفرح افرح لك
ولاغبت اموت ومتى ماشفتك احيابك
(فهدالمساعد)

[سآلفـَة قـ لمْ]

تدري ليه آليا آبتسمت آنسى العنى
لآنك الــوافـــي وعمره ما جحد

آنت نعمة جات من ربي .. وأنا
في وجودك ماني بحآجة لـ آحد

[~Guevara •●]

●
•




تعبت انا أنثر هم قلبي علـى النـاس ..
وتعبت ادور للحقيقة ....../ حقيقـة !
يلعن ابوه .. شعور .... لابوه إحساس ..
لاجيت أسوي من جراحي / حديقـة !!
شف لي طريقة لاغدى دربنا.. يـاس ..!
تعبت انا ترديد ..( شف لي طريقـة ) !!
ماعاد ياسع للحزن أي ....... كرّاس .!
وماعاد قلبـي يحتمـل ... أي ضيقـة !

.

[سآلفـَة قـ لمْ]

رحت آردد في وداعكـ كلمتين
يا قليل الحظ ضيعت العطا ..!

[رويدا محمد]

نصيحتــي للي يحــب النصيحــه
ان مانفعت الناس لاتوذي النــاس

و ايــاك لاتفــرح بنقــل الفضيحــه
ارفع مقامك من دنافيس الانجاس

[رويدا محمد]

لا تنصــدم بالنــآس يــووم خلــوك
ولاتنصدم لاصأر اقرب الناس يتركك

النــآس الحين مثل حزمت الشــوك
اللي تشيله فــوق راسك يجرحك

[كلآرا]

لآ ضآآق صَدري / شكيْت لٍـ " دفتْر اشعَاره "
ديوَانه اللي جمعّته دون | مَا يدّري ~

[نجم ضاوي]

لامن لقيت إللي يحدك على الطيب
إحـذر تفـرط فـيـه . . لـو كـان هنـدي

ولامن لقيت إللي يحدك على العيب
اشطب علـى رقمـه وما جـاك عندي

الطيب ميزه . . عند راعـي المواجيب
عقيد فـي ربعـه . . و لـو كـان جنـدي

[عناديه]

مشكلتي أنسى كل شئ بسرعه
قبل نتفارق تدري بـ / مايخفى لذا /
على فترات ، عطني جرعه
عشان ماننسى بعضنا تكفى

[أماسي]

-


أعايش مركب الدنيا على متـن القـدر مولـود
أبعرف هو صحيح إنّ القدر بالنـاس دوّامـه ؟

ومن وين الزمن مقبل وإلى وين الليـال تقـود ؟
ومن في هالزمن يقدر يوجّـه خطـوة أقدامـه ؟

[الســاهر]

خذني بحضنك يآآآه مبطي ماغفيت
وأن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
ضمني يمك وضحكني لامن بكيت
ودي أذكر كيف كانت ضحكتي لامن فرحت

[سآلفـَة قـ لمْ]

آنا تولعـت بك مآعاد لي فكه
مدري البلا منك او آني تبليتك .!

ما قلت آحبك عبث ولآ عن الشكه
تبيني آقسم .. قسم بالله حبيتك

[سآلفـَة قـ لمْ]

المرجله في نظرتي بنت الرجال تصونها
لا تسبها في اهلها في شكلها ف لونها

لا تحسب انك خذتها..ما عاد هم يبغونها
اما حياة بالرضا ولا الطلاق اشوالها

[ســـارا]

الخطوه اللي ماتعزك بممشاك
لاتهتويهاا واقصر الرجل عنها

لا صار ماترفع مقامك بدنياك
احذر تجاملها وترخص ثمنها

[رويدا محمد]

برد هذا المسا .. كنه شعورك
وأنت همي وانا صبري طويل

جيت اعاتبك واتعبني غرورك
كني أطلب معاك .. المستحيل

[سآلفـَة قـ لمْ]

لاتبرر اللي صار وتدور أعذار
آنا اللي استاهل ولا تقول [مدري]

آسف أنا الغلطان في كل ما صار
فتحت لك صدري .. وضيقت صدري

[مسكك الغلا]

‏الحظ سيف وضربته في حياتين
أما تعيش بـ ( عز ولا مذله )

ياوقت حنا ضيوف " فتره وماشين
أرفق وسيفك بـ ( الردى لاتسله ) ..


مما راق لي

[سآلفـَة قـ لمْ]

لاتعتبرني جيت وحتى ولو جيت
إذا آيابي ما يبرر ذهآبي

آغيب .. لكني إذا غبت, خليت ..
آشياء تفقدني .. وتغـفـر غيابي

[كلآرا]

لا تخليني على باب الامال اطلب لقاك
كاني معك شخص مجهول
وانا الذي تضرب بي امثال الاجيال
على البساطه ماخذه العرض والطول

[سآلفـَة قـ لمْ]

يمكن آنا آكون آعز آنسان بعيونك
بس آنت والله كل النآس بعيوني

[سآلفـَة قـ لمْ]

ليت حظي ما رمى عمري خلافه
ولا ترك لي تمتمة وينه و ويني ؟

وليت ما بيني وبينه من مسافة
مثل مابين السهر و جفون عيني

[كلآرا]

بعض البشر ياتي على جروحنا شاش
وبعض البشر يخفي عليان دواها
لكن على ما قيل عيني لك فراش
والعين الاخرى للرفاقة غطاها

[سآلفـَة قـ لمْ]

والله مآ آقسى من طوآري غيآبه
آلا آليا من رآح لـ آنســان غــيري

[سآلفـَة قـ لمْ]

آيه آغار من الهوا .. لو عذربوني
وآحترق لا صآفحت [ يـدٍ ] يديك

صآحبك حتى عيونه .. يا عيوني
كل وحده .. تحسد الآخرى عليك

[بوح يتيم]

*

آحتاج قلب ما عرف نبض آلحنين
آحتاج صبح ما يجيب إلآ آلسعد

آحتاج ليل / ما يسهرني حزين
آحتاج إني : ما آحتاج لـ آحد ..!

-

#بوح_يتيم ✍௸

[ســـارا]

صاحبي ودك تعرف الصدق والجد
ودك تعرف خاطري وش طرا به
انا اسالك :هل المطر يوم ينعد؟؟
طبعا تقول لا وهي الاجابه
غلاك عندي مثل المطر يوم يشتد
ماينتهي ما دام وصلك سحابه

[نجم ضاوي]

كان المعـزه عندكم يـوم واسبوع
ثم تنتهي مع دورة الوقت وتضيع

حنا المعـزه عنـدنـا رأس مـرفـوع
لامن شرينا شخص ما نقدر نبيع

[ســـارا]

ولا تكن كالدخان يعلو بنفسه ** الى طبقات الجو وهووضيع

[الســاهر]

علمي بقلبي يوم ودع ضلوعي .
أبسألك بالله . للحين ماجاك ؟؟؟؟

[ســـارا]

علمني جدي معلومة اساسية
أكآرم القوم / تعفـو عن دنآيآها
وعلمني أنسى الردآ وآزين النية

ولا أشـوف الأوآدم من زوآياها !!

[سآلفـَة قـ لمْ]

لآتضن قلبي على وصلك شغوف
شف حيآتك وش بتسوي لك بدوني

ماهوب دمع اللي في عيوني تشوف
هذا قدرك .. ويتناثر في عيوني

[وجع رجع]

سـفـيـنــة الــــــود ودتـــنـــي ... فــي بحـرهـا الخـايـن الـغـدار
ولمـا طغـى الـمـوج سابتـنـي ... قالـت معـاك انتهـى المشـوار


تحياتي

ولا
خلا
ولا
عدم

[الســاهر]

أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير ين داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!

[حروف العز]

أنا لـ جيت بهدي لك .. عيوني لك بهديهاا
واذا ماكفت عيوني ... فداك العين وراعيهااا

:ورده:

[راحل]

لا بغيت تحب حب اللي يحبك
لا تحب انسان قلبه مايبيك

اكذب الاقوال من حبك يسبك
من يحبك صدق مايرضى عليك

[راحل]

يا ضيف انا و ايّاك هالفجـر زوّار
.................... الناس ماله علم بزيارة الدار

هو انت مثلي جيت راجي ودوّار ؟
............... او انّ لك حاجه ولا جيت مختار؟

[راحل]

كثير فيه اشياء تشعرك بالظلم
وهي السبب لآمن تردى مصيرك

اشدّها انك ترآهن على حلم
ويصير واقع، ويتحقق لغيرك

[رويدا محمد]

آلقلب لـو يگتب على بيض آلآورآق
گتب على بيض ... الـدفآتر فـديتگ

جيتگ غـلآ جيتگ وفـآ جيتگ آشوآق
وعفت الخلآيق كل ابوهم وجيتگ

[رويدا محمد]

لآتشتري ميزآن توزن بھ النآس
النآس مـآ يـوزنھآ إلآ الشدآيد

عند الشدآيد ڳل مخلوق ينقآس
ۆتـرجح الڳفآت لٱهـل الـعوآيد

[سآلفـَة قـ لمْ]

المحبه من الله ياصعب المنال
لاتعاتب خفوقي كان ما فز لك

[ســـارا]

إيه طحت وكل طيحاتي دروس
وارجع أوقف ، عزتي هي عزتي
وإن جَرعت الآه من "مُر"الكؤوس
مايغيييير هـ الزمن من ضحكتي

[حنايا الصبح]

مل مافي آلخيال .. أن تعيش عآلمم إفتراضي ..من صنع خيالك ، تسمح بحضُور من تريد .. وتُغفل من يزيدك كدراً

[ســـارا]

صديت بالنفس الجزوعه عن الناس
وفي غيبتي بآلي لـقـى الاستراحه
صعبه اعبرلك عن شعورواحساس
إن الخلو بالنفس للنفس..رآح

[كلآرا]

‏دامك ضويت الله يحييك يا ليل
لو ان ثقلك يشبه جبال حايل

سجه وذكرى وانبساط وغرابيل
انا اشهد ان مالك علينا جمايل

[ســـارا]

كنا بلا جنحان واليوم / طرنا
واثر السما يا صاحبي برد وغبار !!

ياما حلمنا نكبر و من / كبرنا
صارت اعز احلامنا نرجع صغار

[رويدا محمد]

ضيق النفوس وحزنها شي عادي
آصلآ غريبه بعضهم مَ يحسون

بعض العرب حتى ولو كان هآدي
يبكي كذآ لآشاف له ناس يبكون

[رويدا محمد]

الحظ طيب والليالي مشـاهيب
والوقت لغزن يتعب الناس حله

وحنا تحت رحمتك يا عالم الغيب
تغــفــر لنا مــن كــل هفــوه وزلــه

[سآلفـَة قـ لمْ]

آحن وآشتاق وآتعب بيني وبيني
ولا أنت غآفل ولا تدري عن آخبآري

آن جآبك الطاري .. شعوري يعنيني
يا ليت مالي شعور .. آن جآبك الطآري

[ســـارا]

لا بطى رفيقك عنك يا طيب الفال .. لا تقول مالي فيه خله يولي
.قم انحره واشرب من البن فنجال .. فنجال بنٍ مع كلامٍ يسلّي

[ســـارا]

ماينثني عزم على الله مسنود
وماينحني راس على العز معتاد
ولاينكسر منهو له المجد مشهود
عمرك سمعت بسيد فوقه اسياد

[إحساس العالم]

http://www.al2la.com/up/uploads/images/domain-33595eee59.jpg (http://www.al2la.com/up/uploads/images/domain-33595eee59.jpg)

[إحساس العالم]

http://www.al2la.com/up/uploads/images/domain-1ebe392bf6.jpg (http://www.al2la.com/up/uploads/images/domain-1ebe392bf6.jpg)

[رويدا محمد]

تدري وش اللي سبب لـ قلبي إزعاج
إنكـ معـــي قدام ، عينــي ترديــت

جيتكـ و أنا ضايق و خايف و محتاج
و طعنتني بـ سيوف صدكـ و صديت

[سآلفـَة قـ لمْ]

لا صآر ناوي على فرآقي وحيآته
ما عآد تلمح عيوني وجهه البدري

أنا عرفت الوله من قل .. [ جياته ]
وجايز يعرف الوفى لا حس في غدري

[رويدا محمد]

أيقظ شعورك بالمحبة إن غفى
لولا الشعور الناس كانوا كالدمى

أحبب فيغدو الكوخ قصرا نيّرا
وابغض فيُسمى الكون سجناً مظلما

[~Guevara •●]

:




/

.




[ ]



كسرت بخاطري يومي أجيك بلہفتي محــتاج . .
عن العالم تمنيتك بأحزاني مععــــي توقف . .
تحريتك وناديتك وحس قلبــــــي بالإحراج . .
رجعت وخاطري مكسور وحزني فوق مايوصف . .
خلاص أقول من قلبي أنا آسف علـى الإزعاج . .
وآسف منك ياقلبي حطيتك بہـــالموقـف . .




[ :رحيق: ]
.

[رويدا محمد]

هقيت حضي يرتفع ﺑﺎﻟﺳﻣﺎ فوق
و اجاور نجوم .. الجدي والثريا

ﺑس البلا حظ الكفو دايمن عوق
وحظ الردي يمشي علی ﻣﺎ تهيا

[عناديه]

ما يلتفت كل لحظه صوب جواله ..
إلا كثير الظنون اللي فقد غالي ..
وإليا غفى له شوي وفز من حاله ..
أول كلامٍ يقوله : ( وين جوالي ؟ )