احترت

[مشكلتي]

السلام عليكم ورحمه الله وبركاته


انا متزوجه لي 5 اشهر طبعا انا وزوجي قبل الزواج كنا زي الاخوان ما كنت اتغطى منه
طبعا صارت خطبتي وملكتي بدون ما ادري
وقبل الزواج يمكن ب3 اسابيع جاني الخبر اني انخطبت وتملكت
فبي البدايه ما صدقت قلت يكذبون لانه مستحيللل زي اخوي الولد
وكلمني الولد واكدلي انه صحيح الكلام هنا ما خليت كلمه ما قلتها له
ومر الزواج وكل شي
وبعد الزواج وللحين انا بصوووب وهو بصوب حتى الصاله ما احب اقعد معه فيها
ما اقدر اتقبله الا ك أخو لا غير ما قدرت اتقبله كزوج
تكفوون ساعدوني

[لحن الياسمين]

وعليكم السلام ورحمة الله وبركاته
كيف تتم الخطبة والملكة بدون ان تعلمي شيئآ عنها !!!!!
اين دورك في الموضوع وكيف عملتي تحليل الزواج ان لم تكوني تعلمي بـ امر الزواج ؟؟؟؟

[مسكك الغلا]

تتملكي وانتي ماتدري ! وفي وقتنا هذا شي غريب

المملك مايتم عقد القرآن إلا بعد سماع البنت وموافقتها

ف كيف صار زواجك لان من خمس شهور قريب لو من زمان

اقول تصير لكن كلامك كله محير

[جَســـــوُرْ..،]

الموضوع جدا ســهل..

تــطلقي و اذا ما طلقك أرفعي قضيه ضده و أخلعيه..

و انتــهى الموضوع. و كل واحد يروح بحال سبيــله..# و لآ كان شئ صار









ــــــــــــــــــــــــــ،،ــــــــــــــــــــــ ـ،،ــــــــــــــــــــــــ
الحين أمــوت و اعرف مشاعرك و احساسك يوم قلت لك تطلقــي..#

- اذا مشاعرك و أحساسك و صدرك ضاق من أنك تطلقي فـ بيدك أنتِ} من يصلح الأمـور بأنوثتك تجعلين حياتكم أجمل منها لآ شئ
- أما أذا مشاعرك وأحساسك أتجهت و تؤيد ما قريته بطلب الطــلاق.. فـ أستخيري ربك في الأمر لمــده لا تقل عن شهــر)
و أنتظري الا ما خيــرتك تبين و اذا اردتي فعلا الطلاق فـ أطلبي منه أن يطلقك.

و حـرام تلعبي في مشاعره بما أنه أختارك زوجه بمعـنى أنه يريدك زوجه له.



مسك الغــلآ ..< تصيــر مثل هذه الحــالأت. لآ تستغربــي أبدا..

[Dr.moonee]

حبيبتي الملكه والتحاليل
???

يعني احس مستحيل تصير
..
وضحي اكثر

[يتيم الفرحه]

واضح من ملامح القصه " غموض"
عقد النكاح مايتم الا بالقبول والرضا بين الطرفين ويكون موعد محدد ومسبق متفقين عليه
وبعدها يجي المأذون الشرعي ومعاه كتاب عقد الأنكحه وشي ضروي توقيعك عليه ويسأل
هلي فيه شروط
معقوله كل هالشي هذا معك ماصار ...!
شي لايعقل
مادري كيف أجاوب احس حتى انا احترت اتمنى تفسري مشكلتك بشكل أوضح

[آتم بعيد .!]

"وعليكم السلام ورحمة الله وبركاته"
انتِ من اي دولة ؟!
وكيف ماتتغطين عنه وزي الاخون؟ يعني متربين مع بعض !
خيتي التحليل من سواهـ كيف تم العقد بدونهه؟؟
يعني نقول مثلآ ان اهلك اخذوك المستشفى وسويتي التحليل بس م تدرين انه لزواج ؟!
او احتمال انه وحده غيرك حللت وتم اعتماد تحليلها انه انتِ.. !

يمكن صحيح تصير الملكه لان المأذون يكتفي بكلام الاب ان البنت موافقه !
اما التحليل وش وضعه بالضبط ؟؟
قصتك جدآ غريبة كيف آهلك زوجك بغير رضاك وعلمك !
وإذا انتِ وهو مو قادرين تعيشون مع بعض استخيروا يمكن سبحان الله يتغير رائيكم
من كلامك احتمال تكوني صغيرة بآمكانك تطلبين النصح والمشورة من احد فاهم وكبير سواء من اهلك او اهله

لان الطلاق مو لعبة حتى لو انتِ شايفته زي اخوك وهو شايفك زي اخته ؟؟!
فـ الواقع مانتم باخوان ولا ماكان تم الزواج ,, جلسوا مع بعض تكلموا حاولوا تتفاهموا
يمكن سبحان الله يكون تفكيركم متقارب وترتاحون لـ بعض وتكملون الحياه ..!

الله يكتب لكم إللي فيه الخير ..

[اللورد يحيا]

من الواضح عزيزتي بأنك تعيشين وسط مجتمع يضطهد المرأه بكل ماتعني الكلمات من معاني

أي يعني بأنهم يرون المرأه مجرد ( سد فراغ ) ليس لها أي رأي أو كلمه

وغالباً هذي النوع من الأسر هي الأسر المتحجره التي مازالت تنقاد خلف ( عوائد قديمه ) مبتدأتاً بالأب ومنتهيتاً بالأخ وهم لا يعلمون بأن الاسلام بريئ منهم كبراءه يوسف من أنياب الذئب ..

ولكن دامك قيدتي بهذي الزيجه عليك أن تحافظين على نفسك مع زوجك فهذا نصيبك وقدرك الذي حكمه الله لك من مجتمعك ورضيت به شخصيتك منذ البدايه

فنصيحتي لك لا تفكرين بالطلاق من هذا الشاب لأنك ستعودين الى منزل والدك ( مذلوله ومهانه ) حتى يرزقك الله بزوج آخر لأن نظرت أهلك للمرءه نظرة سلبيه غير سليمه ..

[أمير المدائن]

الموضوع فيه حلقه مفقوده !!
والقصه غير واضحة الملامح

شكراً لكم

[ريم الغلاا]

وعليكم السسلا ورحمة الله وبركاته

اختي بسالك هو كيف وضعه يعني صايم مصلي يخاف ربه يعاملك باحترام

اذا كان كذا فان اقولك حاولي تتاقلمي معه وتعيشين حياتك

غيري نظرتك له كأخ عودي نفسك على انه زوج مو اخ وانتم ببداية حياتكم

وان شاءالله تزبن حياتكم مع العشره


بالنسبه لطريقة زواجهاا للاسف فهي تصير كثير حتى توصل ببعض الاهل يوقعون عنها بدون تدري

[مطر الفجر]

اختي كيف لا تعرفين ؟
خطبة وملكه بدون ما تدرين ؟
مافي شي يجبرك لان الامر كله بيدك
لو صحيح ماتبينه ماكان وافقتي ورحتي المحكمة و وقعتو الاوراق
و بحضرت الماذون
و دامك تقولين انك انتي وياه مثل الاخوان
ليش مااصارحتيه وقلتيه له اتركني مابيك ؟؟
كان انسحب بكرامته ولا عاد جبرك تتزوجينه !!!
انتي هنا تقولين
وكلمني الولد واكدلي انه صحيح الكلام هنا
ما خليت كلمه ما قلتها له
ومر الزواج وكل شي

قلتي له ما ابيك زوج لي هل صارحتيه ؟؟؟
لو قلتي له كذا ماراح يجبرك و بيتركك فورا لان كل رجل له كرامته
والحين بعد الخمسه اشهر تقولين هذا الكلام ؟؟
و انتي بصوب وهو بصوب ؟ و ماتتقبلينه الا كأخ ؟؟
انا لا اصدق ولا اؤمن بالعلاقه بين الرجل والمراه على انها علاقة اخويه
لانها تتغير مع الايام ومع العشرة
صدقيني اختي لو كنتي تتوقعين علاقة حب
او زوج على اختيارك ووفق هواك لن تجدي
اصدق من هذا اللذي تزوجك الان اذا لم يكن هناك شيئ يعيبه
نصيحتي لك احتراميه وقدريه و كوني له نعم الزوجة
هو شاريك ويبيك وانتي اللي ترفسين النعمه برجلينك
وبالاخير هذا كان قرارك انتي و وافقتي عليه وتم الزواج
مافي حل الا انك تطلقين
اتركيه لفتاة اجدر منك وتستاهله وتقدره وتحبه
لا تظلمين الرجال معاك

الله يكتب لك الخير

[السندريلآ]

الموضوع فيه غموض كثييير

بس مع ذلك رح اقلك

ححاولي تغيري نظرة الأخ

انظري له نظرة الحبيب

ومن كلامك هذي صارت عداوة مو اخوه

طيب اوكي مو مشكلة عامليه كأخ

انتي كذا تعاملي اخوانك؟

اجلسي معاه واضحكي وسولفوا وامزحوا

وبيجي من نفسه الحب بعدها
بس انتي اللي مبرمجة نفسك انو زي اخويا خلااص

حبيبتي انتي تزوووجتي خلاص مافي مفر

انظري له نظرة حبيب وبتتغير ككل حياتك

اذا الانسان طيب معاك لاتدمري بيتك بايدك واصنعي السعادة بنفسسك

وشوفي كيف حياتك بتتغيرر

[egy qween]

نعم-نعم!!!
وضحي-شوي-مستحيل-التحايلي-والاشياء-هذه-كلها-وين!!:MonTaseR_201:

[ياسمينا]

مثل ما قالو وضحي اكثر لأن حتى انا إحترت معاك