استخدم حبوب نفسيه وتقدم لي خاطب

[مشكلتي]

تقدم لي رجل ذو اخلاق عاليه وصراحه ارتحت له وابيه بس فيه حاجه موترتني مرره الي هي اني استخدم حبوب لرهاب اﻻجتماعي وانا ما امدح نفسي حنونه وطباخه وذكيه بس ذبحني الخوف من الناس والرهاب اﻻجتماعي ومشكلتي اني مو اجتماعيه وﻻعندي ثقه بنفسي وصراحه مرتاحه لرجال وابيه بس يأنبني ضمير اقول ﻻزم اعترف له اني اروح عياده نفسيه واخذ حبوب لرهاب والخوف واخاف اذا قلت له يرفضني ويتركني ﻻزم اخلي واحد من اهلي يخبره بس كيف وكيف اقوله تكفون ساعدوني مرره مهمومه ومتضايقه 😢وماراح ارتاح نفسيأ اﻻ لما اخبره ما ابي اغشه وشرايكم ....

[رج ــــل ش ــــرقي]

الله يوفقك ويسعدك اختي ..

مهما كان لازم تشوفين حياتك وان شاء الله انه بيحطك بعيونه وبتنسين الرهاب وبيقدر يغيرك ان شاء الله

خلك واثقه بنقسك بس ^^

[دروب الحب]

وعليكم السلام قولي لاابوك يعلمه انك تستخدمي حبوب نفسيه

مافيهاشي حتى انااعرف واحده تستخدمهاومتزوجه وماعندهااي مشكله لان اخوها

قال لزوجهاوسلامتك

[أسير الود]

الحياة الزوجيه حياة اجتماعية . يعني راح تكون مضاد لما تعانينه ..

وهذا الشي راح يساعدك كثير ..

واذا حابه تقولين له يكون افضل عشان يقدر يتعامل معك ويقدر وضعك

[السندريلآ]

الزواج رح يساعد في العلاج كثيييركثير من البنات يتغيرون 180% بعد الزواج
لازم تصارحيه وتشوفي هو متقبلك بكل حالاتك والا لأ
هو مصيره بيعرف بيعرف
اما لو عرف الموضوع بعد الزواج وماتقبلك هنا المصيبة
انتي لسا ع البر ولو صارحتيه من الحين ممكن يوقف معاك ويساندك


واهم شي استخيري ربنا قبل البشر
وادعيه ان كان هو خير لك يتمم موضوعكم ع خير


اتممنى لك التوفيق

[آنثے م̝̚لآئـکﯾھَہّ]

والله ياغاليه الي اعرفه لازم تقولين ليه وافضل لك كمان ولو شاريك بيرضى بكل مافيك ويوقف جنبك ويساعدك
افضل من انه لما يعرف بعد الزواج ويسويها سالفه خاصة بعض الناس مايفهمون المرض النفسي

,’

وبعدين ماشاء الله عليك اسلوبك مره حلو يبين انك اجتماعيه وتجيدين الكلام مع الناس
يمكن الي فيك مجرد خجل .. عالجي نفسك بنفسك اطلعي للناس ارسلي مسجات لعقلك الباطن
انه انتي مافيك شئ واجتماعيه ولك اسلوبك ومميزه والناس تحبك لا تظلي اسيره للعلاجات
ربي يسهلك امورك ويتمم لك ع خير ويسعدك يارب

:ورد:

[يتيم الفرحه]

اختي خوفك هذا يزيد المسأله تعقيد وانتي بخصوص وضعك الصحي سويتي الصح
وهو العلاج هذا مافيه شك انتي طالعه من مرحله ومقبله على مرحله جديده
وان بــ رأيي المصارحه بعد الزواج أفضل يكون فيه أخذ وعطاء وتبادل لأطراف الحديث
اما الآن ماينفع لو وصلته معلومه بيكون قصة علاجك بالنسبه له غامضه وحولها علامات
استفهام كثيره ..!
اتكلي على الله والف مبروك مقدماً

[ريم الغلاا]

اولا وقبل كل شي استخيري

ثانيا لازم تصارحيه والا بيعتبر غش

وماتدري يمكن اذا عرف يتمسك فيك اكثر ويكون هو سبب علاجك

اما اذا تركتك فااعرفي انه خيره لك والخيرة فيما اختاره الله

والله يتمم لك بخير

[معاندة جرح]

انا اشجعك تقوليله او تتركي اخوك يخبره بشكل مرتب ومو تضخمي
لان مشكلتك عاديه وتحصل كثير
يخبره انك تعانين رهاب اجتماعي ماتحبي تختلطي مع الناس وانك تتعالجي عشان هالشي
واذا هو ذو اخلاق بجد ماراح يرفضك عشان هالشي
ولوو رفضك لا سمح الله بيكون ما يستاهلك ومو نصيبك حبيبتي

وألف مبروككك مقدمما

[بنت أبوظبي]

صارحيه اهم شي والله يسعدج في حياتج اليديده خيتي

[متغطرسَ]

اول شي الزواج قسم ونصيب
ثاني ششي بالاول والاخير راح يعرف

فاعترفي له وصدقيني ي آختي آذآ فيه نصيب بيآخذك

وانتي كلام ذا ماشاء الله حلو

يمكن مثل ماقالت الاخت انثى
يمكن خجل
وان شاء الله تتيسر امورك وتعدي على خير


الله يوفقكك ي رب

[اللورد يحيا]

يا أختي بعيداً عن مشكلتك إبتعدي عن علاج ( الرهاب الإجتماعي ) لأنها إدمان يزيد في حالة الرهبه والخوف فيك مع الوقت

انتي علاجك هو الإختلاط بالآخرين ومجاراتهم في حياتهم حتى تحسين معهم بالأمان والطمئنينه

لأن داخلك إراده قويه في الكلام والتعبير والدفاع عن نفسك ولكن إذا جت لحظة المواجهه تخافين وترتعبين ثم تتراجعين

إذا حاولتي تكسرين حاجز الرهبه بالثقه وإحساس الأمان تأكدي وقتها بأنك تستطيعين تتغلبين على هذا المرض

فلذا حاولي تحتكين بالآخرين أقربائك وصديقاتك ومجتمعك من حولك ، اخرجي السوق وأمشي لوحدك في أزقة الاسواق وإذهبي لمناسبات حتى لو لعبتي دور المستمع عندما يحادثك شخص وتأكدي ستتعودين مع الأيام وتعودين لحالتك الطبيعيه ..

انا أعرف شخص كان فيه رهاب إجتماعي ، ونصحته سابقاً بالصلاة في المسجد بصفة مستمره والجلوس مع الجماعه بعد خروجهم من المسجد وفعلاً طبق هذي النظريه وإكتشفت مع الايام أنه في تحسن مستمر ، لأن بحد ذاته الاحتكاك بالاخرين هو العلاج لهذا المرض ..

عموماً رددي في مشكلتك هذه ( الخيرة فيما إختاره الله ) وتأكدي لن يردك الله خائباً دام إيمانك به قوي

وألف مبروك لك الخطوبه والله يتممها لك على الف خير

[موجوعة وقلبي محطم]

الله يعين ،،

[قلبي دليلي]

والله أنا احييييييك ع جرائتك
صراحه لوأنا مكان الي تقدم لك وانتي من بدايتها كنتي صادقه والله اتزوجك
لانه هالزمن نااااااااااااااااااادرماتشوف من يصدق بكلامه يادافع البلا
أنا اقووولتس توكلي ع الله وصارحيه من البدايه وانا اشوفها مومشكله كبيره يعني احسها مشكلة هالعصر
ويارب نسوفتس عروستن جالستن ع الكووووشه وولاتنسين عزمينننننننننننني ع عرسك البنت شطحتتتتت مره هههههه



كل الود/ قلبي دليلي

[hajar]

السلام عليكم
والله يا أختي أنا رأيي من رأي الإخوة، ما في شي يريحك مثل الصراحة ، صارحيه و إذا ما تقبل الموضوع يعني ما يستاهلك.
إستخيري الله هو يرشدك و في النهاية كل شيء قسمة و نصيب
أعانك الله