مشكلتي مع عمتي ..!

[سآرهه بنت سعود]

آلسسلام عليكم
طبعا مو عادتي آهرج عن مشآكلي بس لان بجد مو عآرفة وش اسوي


مشكلتي :

نحن عندنا بثنويتنا بطاقات ف صناديق هالصناديق مخلايات بداية كل قسم
وكل بنت تجي تاخذ بطاقتها قبل لا تدخل صفها

ف يوم انا كنت متأخره ولمآ جيت بشوف بطآقتي ماحصلتها وكنت مستعجله لان اول حصه يبدا امتحاني ف قلت ف بالي ان اكيد وحده من صاحباتي أخذتها لي لاني تأخرت

ودخلت ع طول امتحن ونسيت موضوع البطاقه

ف نفس اليوم انمسكت بنت كآن تهرب
بالباكر لمآ دآومت جتني الوكيلة اني مطلوبه بالاداره
انا طبعا استغربت يعني دحين دآخله المدرسسه وهي ع طول شافتني كآنهآ كانت تنتظرني


المديره تكون عمتي ف قالت لي والوكيلة معنا انتي هربتي من المدرسسه ومع مين كنتي !
يعني والله اني انصدمت اانا كنت طول اليوم بالصصف مع صاحباتي
وحلفت لها ع القرآن بس مدري وش فيها ماتصدق مع انها عمتي يعمي عارفه تربيتي
ف طلعت البنت مآخذه بطآقتي ولما سالوها اسمك كذا قالت اي اسمي ( حرر لمصلحة العضوه )
معرفشش بتفكيرها بس ليه أخذت بطاقتي اصلا او قالت اي انه اسمهآ انا ؟

الوكيلة حاولة مع المديره ان هي البنت متربيه وانا من صدمتي بس واقفه
عمتي قالت للوكيلة اطلعي برا واقفلي الباب
انا قلت خلاص بتعلمني من هي يلي عملت كذا
لان مارضت تقولي اسم البنت حتى

ف لما بدت تتكلم تبين لي ان نيتها شر علي
مع اني بنت اخوها

قالت لي تبين الستر ؟ قلت لها اكييد بس انا والله ماعملت شي
قالت انا كنت طالبه ايدك لولدي وانتي رفضتي
قلت لي اي ؟
قالت اذا وافقتي عليه مابعلم ابوتس بالموضوع
قلت لها اني والله مو انا واسالي معلماتي و صاحباتي
هي عيت تسال احد
طلعت من عندها ورحت لصاحباتي و المعلمات طلبت شهادتهم معي كلهم راحوا لها وكانواا راج يحلفو لها
بس هي عيت تسمع احد


اذا رفضضت طلبها بتتهمني بزور وابوي اكييد بيسمع منها
واذا قبلت بولدها حكمت ع حياتي بالتعاسسه

قسم مو عارفه وش اسوي كل ماشوفها جت لبيتنا يوقف قلبي من الخوف لا تسوي لي سمعه مع اهلي
ونظرآتها تخوف

[شذى الورد]

يا سكرة اذا هيك عمتك من البداية بدها تضغط عليك لتوافقي
يمكن هي اللي خلت هذيك البنت تاخذ بطاقتك
احسن شي تروحي انتي لابوك وتحكي له الحقيقة او احكيها لامك او لاخوانك اي حد ممكن يتصرف
لا تتركي عمتك في هالطريقة تضغط عليك لتتاخذي ابنها
ولا تخلي اي انسان يقرر مستقبلك ولا يجبرك على شي ما بدك اياه
ابوك مهما حكالك ومهما عمل رح يكون احسن وافضل من انك تتجوزي واحد ما بدك اياه
وما في ظلم بدوم وربنا يكون معاكي

[مسكك الغلا]

ي قلبي سارونه واضح انها خطه عشان تقبلي ولدها


الله يهديها

[آنثے م̝̚لآئـکﯾھَہّ]

ياقلبي روحي علمي ابوك " وخلي الي يصير يصير "
مدام الوكيله عارفه الحقيقه وصاحباتك شهود خلاص لا تهمك
وانتبهي منها لانه مبين ماهي ثقه ما استبعد بكره تورطك بشئ ثاني مدام هذي بدايتها
الله يحميك ويبعد عنك كل من اراد فيك سوء

:رحيق:

[ريم الغلاا]

الله يعينك

وكلي امرك لله عزوجل

آخذي ارقام معلماتك اللي شهدوا معاك ثم خبري ابوك انتي يسمع منك أحسن من يسمع من غيرك

وباسلوبك أحسن من اُسلوب غيرك وقولي ليه اذا مو مصدق اتصل على معلماتي وأسالهم وخليك واثقه من نفسك

ولاتنسين الدعاء

[يتيم الفرحه]

وعليكم السلام ورحمة الله وبركاته
القصه واضح انها مرتبه من قبل
وواضح انك انتِ بالذات مقصوده فيها :

قالت لي تبين الستر
بتمسكك بـ ايدك اللي توجعك

قالت انا كنت طالبه ايدك لولدي وانتي رفضتي

هنا بتحطك تحت رحمتها بـ ذنب انتي مالك يد فيه

قالت اذا وافقتي عليه مابعلم ابوتس بالموضوع


اسبقيها روحي لـ ابوك واشرحي له الموضوع
وحطيها قدام الأمر الواقع
نصيحتي لاتضعفين وتتحملين شي مالك ذنب فيه

[آتم بعيد .!]

,
,
" وعليكم السلام ورحمة الله وبركاته "

الله يكون بعونك حبيبي

بقترح عليك حلين :
الاول :

بآمكانك تفهمين آبوك الموضوع وقولي مستعده آخلي صاحبآتي يكلمونك وتتاكد منهم انا تربيتك يابوي مستحيل اسوي هـ الشيء ولا بجازف بـ سمعتي .
و قولي آنا بآكد لك بـ اتصال ع عمتي واحط آسبيكر وافتح الموضوع معها
وإنت اسمع وش تقول ( وسحبيها بالكلام وخليها تعترف ) ..
لاتخلينها تكسرك وتضعفك وتجبرك ع شيء إنتِ ماتبينه , إذا هذا تعاملها الحين بعد الزواج كيف بتعاملك .
والله معاك لاتخافي من شيء آبدآ . ادعي ربك فكل وقت وحين ..


الثاني :
إذا إنتِ مستعده تشهدين انتِ وصاحباتك وتجيبين البنت الي اخذت بطاقتك فـ انا مستعده آكبر الموضوع وآشغل عمتك
بـتحقيق وآطول السالفه وآنها استغلت منصبها لغرض شخصي وحتى لو آحد قالك شيء قولي انا م عرف آحد فـ التعليم ولا لي علاقه .. وبكذا راح تنكشف نواياها لاخوها وتاخذ جزاها ..


بـ انتظار رائيك عزيزتي ..

[سآرهه بنت سعود]

كل ارائكم جميله ومممكن اعملها
لكن ابوي متعصب مره
ممكن اعلم اخوي الكبير

اتم بعيد
الظفر مآيطلع من اللحم
اما حلك الثاني مره مناسبب

[ألانـــَْيــُٰقے ‏،]

هالامور مافيها لعب
لان هذي فيها تشويه لسمعتك وشرفك واخلاقك بالباطل
ولو كبرت ممكن تروح السجن
والمشكله فيه شهود ضدها
الله يهديها بس
مافي حل الا انك
تخبري ابوك وامك بالموضوع ولا تعطيها اي فرصه وخلي امك تروح معك للمدرسه وتتاكد بنفسها بعد

[آتم بعيد .!]

كل ارائكم جميله ومممكن اعملها
لكن ابوي متعصب مره
ممكن اعلم اخوي الكبير

اتم بعيد
الظفر مآيطلع من اللحم
اما حلك الثاني مره مناسبب

حاولي كلمي اخوك الليله واشرحي له الموضوع ..
عمتك م عليها فـ احد وممكن مو بس تسويها فيك تسويها في غيرك إذا جاءت لها فرصه
طيب اووك صلي استخاره وبكره قولي لي وش وصلتِ له وبعدها بإذن الله تعالى استشير خالتوووه وم راح تقصر معانا .
والله معانا لاتخافي من شيء هـي مستحيل تقدر تتكلم ولاتفتح فـمها حتى ممكن تنكر ضياع البطاقة .

الله يحفظك ويستر عليك دنيا وآخره ومن قال آمين .

[سآرهه بنت سعود]

حاولي كلمي اخوك الليله واشرحي له الموضوع ..
عمتك م عليها فـ احد وممكن مو بس تسويها فيك تسويها في غيرك إذا جاءت لها فرصه
طيب اووك صلي استخاره وبكره قولي لي وش وصلتِ له وبعدها بإذن الله تعالى استشير خالتوووه وم راح تقصر معانا .
والله معانا لاتخافي من شيء هـي مستحيل تقدر تتكلم ولاتفتح فـمها حتى ممكن تنكر ضياع البطاقة .

الله يحفظك ويستر عليك دنيا وآخره ومن قال آمين .



إن ششاء الله مايصير إلا كل خييير



شكرا لكم

[آتم بعيد .!]

هالامور مافيها لعب
لان هذي فيها تشويه لسمعتك وشرفك واخلاقك بالباطل
ولو كبرت ممكن تروح السجن
والمشكله فيه شهود ضدها
الله يهديها بس
مافي حل الا انك
تخبري ابوك وامك بالموضوع ولا تعطيها اي فرصه وخلي امك تروح معك للمدرسه وتتاكد بنفسها بعد


اتفق معاك 100%
تكلم اخوهـا إذا ابوها عصبي وتشوف وش تكون ردة فعله .
وممكن بعد تتتصل فـ عمتها وتخليه يسمع السالفه كلها .

+
لكن إذا مافي حل ثاني مافي الا تقديم شكوى لتعليم
ولي فيها فيها هي الي جابتها ع راسها

[سآرهه بنت سعود]

اتفق معاك 100%
تكلم اخوهـا إذا ابوها عصبي وتشوف وش تكون ردة فعله .
وممكن بعد تتتصل فـ عمتها وتخليه يسمع السالفه كلها .

+
لكن إذا مافي حل ثاني مافي الا تقديم شكوى لتعليم
ولي فيها فيها هي الي جابتها ع راسها



ذا الفكرة تقديم الشكوى مستحيل لان اصلا زوجها يشغل هناك

[آتم بعيد .!]

ذا الفكرة تقديم الشكوى مستحيل لان اصلا زوجها يشغل هناك

يابنت الناس آصبري
الحين خالتوووه مشرفه تروح للمدارس تمام بمعنى (موجهه ) ممكن تساعد
إنت فكري الليله تكلمين آخوك او بكره ..
آستخيري والخيرهـ فيما ختاره الله .. إذا موافقه اكلمها بكلمها لك .
وآشوف وش ممكن تنصحنا او تساعدنا بالي تقدر عليه بقول ياخاله اعتبري ساره بنتك .
ولي تشوفيه مناسب راح تسويه ..

لاتخافي ادعي ربي يسر ويسهل :67:

[مطر الفجر]

قولي لابوك كل شي
افضل من انه يسمع كذباتها منها هي
وقولي له ان السبب هو رفضك لابنها
هذا افضل شي تسوينه وافضل من السكوت
لان بالسكوت هنا في هذا الموقف
راح تخلينهم يصدقون انك مذنبه لانك خايفه
ولا تبين لها خوفك منها ومن تهديداتها لك بابوك
قولي لها انك علمتي ابوك بكل شي تسويه
الله يسهل امورك

[غدق]

الموضوع كم مر عليه من الزمن؟
اذا جديد كلمي امك واخوك واختك الكبيره وممكن خالتك
يعني كل واحد ممكن يوقف بوجه عمتك بقوة

[معزوفة ڪلآسيڪية]

صح والله كلامهم وانا بعد اقول لك رووحي وعلمي امك او ابوك وفهميهم القصه من اولها لحد السلام عليكم
واتفقي مع اهلك ع خطه تكشف حقيقه عمتك قدامهم الله يسعدك يارب وبالثلث الاخير من اليل الله يستر عليكم ويعطيك خيرها غناتي انتبهي لنفسك ودمتي بحفظ الرحمن

[أحساس خالد]

اتفق مع الاخوان والاخوات دامتس واثقة من حالتس
وعندتس شهود كلمي ابوتس واحكي له كل شي
لان سكوتس راح يقوي موقفها والا بيقولون ليه سكتت
الموضوع مو هين وانا خوتس تسكتين عليه
توكلي على الله وكلمي على الاقل اختس اخوتس خالتس اي احد تثقين فيه
وممكن يساعدتس بالمووضوع
الله معتس اختي وتاكدي ان عمر الباطل ما انتصر على الحق

[خفوق]

احسن شيء خبري ابوك قبل لايسمع من غيرك ويفهم غلط
والمشكله اخته بيصدقها
فانصيحتي لك خبري ابوك بكل شيء واذا مو متاكد من تربيته خليه يسال الاستاذات ويشوف بنفسو
الله يعينك اختي الكريمه ويسهل عليك مشكلتك
ولاتنسي ان في رب للعباد ياخذ حق كل مظلوم ومثل راح تطلع عليك كلام زور راح تلف الدنيا وياجي ع بناتها

[سآرهه بنت سعود]

آشكركم كلم على النصائح ووقفتكم معي

الحمدلله انحل الموضوع

اتصلت ع خالي وعلمته بكل شي وقالي انتظري للعصر وانا بجي معك لجل تعلميه

لما جيت بعلمه قالي اعرف كل شي
الوكيلة و معملمتين راحن عنده المكتب وعلمنه كل شي ونواي عمتي معي
بس هو كان ينتظر انا اعلمه لحالي بالموضوع

وهو قالي بيتصرف وأذكره طالع لبيت جدي والله يستر وش بيصير


بس بجد شكرا لانكم شجعتوني


ودي لكم

[معزوفة ڪلآسيڪية]

العفوو ي قلبي بجد اسعدتيني
ونصيحتي لتس لاتجعلي خوفتس من اهلتس يدمرتس بالعكس اجعلي من امتس صديقة لتس

دمتي بود وحفظ الرحمن :ورد:

[سآرهه بنت سعود]

العفوو ي قلبي بجد اسعدتيني
ونصيحتي لتس لاتجعلي خوفتس من اهلتس يدمرتس بالعكس اجعلي من امتس صديقة لتس

دمتي بود وحفظ الرحمن :ورد:



تسلمي ي حوبي ع النصيحةة

آميمتي الله يرحمهآ ي رب

[معزوفة ڪلآسيڪية]

الله يرحمها ويغمد بروحها الجنه
وابوتس مايوجد اي اشكاليه لو جعلتيه صديق لتس وافتحي له قلبتس لان هو عزوتك في الحياه

اعذريني ي خيه

[شليويح ~]

فعلآ كلآم الإخوه ف محله ..
لآزم تتشجعين وتمسكين زِمآم الأمور وتعلمين أبوك ب كلّ شي


الله يعينك ~