زوجتي سيئة مرة ووسخة ماتعرف النظافة ابي حل

[مشكلتي]

السلام عليكم ورحمة الله وبركاتة
عندي مشكلة مع زوجتي
اول مشكلة إنو مايعجبها شى والله اجيب لها كل شى من احسن الاماكن ومايعجبها مثال انا اشتري عشى من البيك البيك معروف مطعم فخم تاكل هي من الاكل كله وبعدين تقول مو حلو الاكل . موقف ثاني سويت عشاء عند الطباخ والله طبخ رووووووعة الكل قال الاكل حلووو واخواتي قالوا اغرف لنا بصحن شوي لان الاكل مرة حلوو وإلاهي تقول الاكل مو حلو والمشكلة إنها تاكل من الاكل ماادري هي قصدها تقهرني ولاكيف اي شى اجيبة تقول ماهو حلو ولازم تطلع فيه عيب والله تحمد ربها والله لو هي في بيت ابوها كان اكلها تراب ابوها مرة بخيل موقف ثاني شريت لها والله هدايا ب1000ريال عبارة عن طقم كامل فيه3ساعات وفيه خاتم واساور طيب تقولي مو حلو لو ماعجبني لو ماجبته احسن والله وقتها ياقهرتني قهرر واخواتي شافوا الطقم يقلون حلو ويبون يشترون مثلة ومواقف كثير بالله وش الحل معاها
المشكلة الثانية حرمة وسخة ماتنظف بيتها والله تقطع الدجاج وترمي جلد الدجاج في الارض والله يقعد ايام تقشر بطاطس ترمي القشر في الارض ماتنظف البيت كله وسخ وتقولي مريضة انا وهي كذابة مافيها شى وتتكلم علي عند الناس والله اعطيتها كل حقوقها اي شى تبي اعطيها احترمها ماعمري قسيت عليها وهي مافي احترام وش الحل هذا المشكلتين بختصار
وش الحل معها انا والله ودي اضربها ضرب بس عيب رجل يتقوى على حرمة
والله يناس غرفة النوم حقتنا توسخها هي وتقول انا موسخها حرمة وسخة موقف حصل كنت مسافر انا وهي اخذت فندق ونمت قمت لقيتها مبولة في سطل النفيات والله عصبت وخربت جويي يناس مقولة في ناس وسخة كذا

[Dr.moonee]

اقولك شي تراك نرفزتني ماحب احد يشتكي من زوجته
طيب انا اصعب وحده في بيتنا ماحب اكل اكل اي مطعم الوحيدة اللي ذوقي شاطح
يمكن المساله ذوق وهي ماتعرف تجامل خذها من الباب ذَا
او دفشه شوي
..
يعني لو قلت لها بينك وبينه
وثانيا لاتقعد تمنمن مافي زي الاب
..
وبالنسبه لنظافة يعني صدمتني الصراحه ماحس في حريم كذا
او يمكن كانت دلوعه في بيت اَهلها او انها مراهقه
يعني انت وهيا مثلا ادخل ساعدها كلمها ب أدب اعزمها ووضح لها الاشياء اللي ماتحبها فيها
اوما تضربها في خمسين الف هع تخوفه لا جد مو رجاله
يعني الأنثى والله لو واجهتها راح تستحي او مثلا اذا مانفع الشي ذَا غير ماعملتك معها
اسحب عليها شوي لين تحس
وتتعدل وانا رايي انت جرب
ومثل ماقلت لك يمكن اذواقكم مو مثل بعض يعني لاتتحسس واذا تبي تهدي جيب ورد وفلوس معو مثلا
او نزلها المول اذا مره او سافروا وغيروا
جو
وكمان لاتدخلوا احد بينكم حلوها بينكم

[أحساس خالد]

الله يكون بعونك اخوي
انا رايئ انك تجلس معها وتكلمها وتقولها عن اللي تسويه
يمكن اهي مو شايفه انها غلطانه
عطها فرصه يمكن الكلام ينفع معها وتصير مره سنعه
وان ما تغير الحال صك عليها بالثانيه راح تعرف ان الله حق
بس لا تطلقها لقوله تعالى ان ابغض الحلال عند الله الطلاق .
وهم بعد قال الله تعالى
مثنى وثلاث ورباع
شي ما يعجبها امره هين ولو انه يقهر
والوساخة ليه الله سبحانه امر بالنظافة دام موفر لها كل شي
والله يصلح الحال ان شاء الله

[غيرمهتم]

عطها كف خلها تنقلع بنت اهلها مع نفسيه حقتها

قالها ي انها تتعدل ولا طلقها >>كثر الله بنات

خذ ثانيه :2:

لو انا منك خليها تطبخ تاكل هواء بعد اعلمها كيف النظاقه:MonTaseR_112:

[آنثے م̝̚لآئـکﯾھَہّ]

وعليكم السلام ورحمة الله وبركاته

والله يـ اخوي الجزئيه الاولى دورت لها اعذار " تغار من اخواتك .. الاذواق تختلف .. تتغلى .. ماعندها اسلوب "

لكن اخر جزء خربطت كل شئ ماعاد ادري ايش اقولك ..

انت اجلس معاها لحالكم وقولها كل شئ داخلك وايش بخاطرك ..

لو مانفع هددها انك بتتزوج وحده نظيفه ومرتبه تسعدك داخل البيت بمنظرها وبمنظر البيت ..

ولو مانفع كمان الله يعينك خوفها وديها لاهلها عاقبها فتره شبه طويله ..

واخر حل تتزوج بعد فشل كل الحلول ..

لانه كل شئ يتحمل وندور له اعذار الا مسألة النظافه خاصة لـ وصلت للدرجه هذي ..

كيف لو صار عندها اولاد " حسب مافهمت ماعندكم اطفال "

وانت كمان خاف ربك فيها مهما كان لا تتكلم عن ابوها حتى لو كل عيوب الدنيا فيه ..

الله يهدي الامور بينكم ويسخركم لبعض ~

يسعدك ربي ..

[جُلَّنار]

اول شي انت كيف متحمل انسانه بهالشكل

لازم تكون حازم معاها
وتقلها كلام في العظم
ونبهها وقلها لو تكرر هالشي بوديك بيت ابوك وسخي فيه زي ماتبغي
معليش عزيزي الواحد يتزوج علشان يرتاح وينبسط مش علشان يتنكد
ولاتمد يدك ايش ماسار
خليك انسان حكيم وشد شويه عليها وبطل دلع وصدقني بتتغير
وقبل كل دا اجلس معاها بالهداوه وقلها يافلانه انا يضايقني ويضايقني وان شاء الله تتعدل

بالتوفيق عزيزي

[مشكلتي]

الاخوة والاخوات إلي قالوا كلمها يناس كلمتها مانفع معها شى يعني اشوف الحل معها الطلاق تأيدوني ولا لا

[أحساس خالد]

انا ما اؤيد بالطلاق خلها عادي لو رضت تبقى معك
بس انصح تتزوج الثانية ولو تقدر على الثالثه والرابعة لا تقصر :رجل خجول::
يمكن تتعدل وعادي اهم شي تكون عادل بينهم كلهم ولو بالقليل
لانك راح تتحاسب لو ما عدلت
لا تطلق لا تطلق لا تطلق
الا لو اهي تبي هالشي

[غيرمهتم]

لا تطلقها:w:
خذ ثانيه

[جُلَّنار]

لا تتزوج عليها
والي خلقني ترا حتتعب
صعب ترضي اكثر من حرمه وصعب تتعامل مع اكثر من حرمه

قلها تبي تتعدلي ولا اطلقك ادا قالت طلقني
فطلقها والله وياها
امكن مغصوبه عليك وماتبغاك
وبتسوي هالحركات علشان تبغاك تكرهها لانو مافي حرمه طبيعيه تسوي هالحركات
فخلاص ادا ماتبغ تعيش معاك الله وياها وديك الساعه تزوج غيرها

[غيرمهتم]

اذا عندكم عيال لا تطلقها ولا ترد ع احد اذا قالك طلقها خالها :MonTaseR_196:

وخذ ثانيه :MonTaseR_196:

[مسكك الغلا]

لالا ماصدق

ترفض الاكل ممكن نقول اذواق

لكن الجزئية الثانيه ماقدر استوعبها

ي انك تبالغ يانها تعاني مشكله نفسيه

هذا لا يطاق ابدا

يعني حتى لو كانت مدلعه بيت اهلها راح تقرف من الوسخ


صراحه ماني مستوعبه للحين شي يصدم في ان في الموضوع

[معزوفة ڪلآسيڪية]

وعليكم السلام والرحمه
هي ثلاث اشياء اخي الفاضل ومختصر حديثي
اول شي وقبل كل شي ذكرها بالله عز وجل ومخافه الله لعل الله يهديها
ثانيا اهجرها في المضجع
ثالثا اضربها ضرب غير مبرح (ليش بشده)
وختاما اختم كلامي الطلاق ابغضها الى الله اذا مانفع صارحها لعلها تستحي وتخجل من نفسها والله ولي التوفيق
اتمنى لكم حياه سعيده والله يصلح مابينكم
دمت بحفظ الرحمن

[Dr.moonee]

خير ي تزوج الثانيه
وربي حاجه تحرق القلب
لا لا لا
اسمع مني وانا اختك وربي راح تندم شوف انت كلمها ب اُسلوب
ودلع مثلا جهز البيت ودها عند اَهلها طيب
وجيب شغالات باليوميه
واشتري كيك وسو جو يعني وصارحها صدقني صدقني راح تسمع منك
انت سو كل الحلول بس زواج لا
اذا مره مامنها فايده ودها ل اَهلها شهر شهرين بينحرق قلبها او قعدها معك بالبيت ولا كأنها
موجودة ذي مره تحرق القلب اذا حقرتها
و يرب يسر لكم ويصلح بينكم
ذكرتني بوحده اعرفها الله يستر عليها كانت كذا في بداية الزواج يعني تحب تنام وع الجوال
وساحبه ع الصلاه شوفها الحين
مافي انظف منها وربي مشاء الله ليش لان زوجها عدلها
انت سو كل الحلول

[آنثے م̝̚لآئـکﯾھَہّ]

انا ضد الشغالات وهي ماعندها اطفال ~
راح يزيد حالها لانها لقيت دلع ..
وبتحسه شبه راضي ماراح يستغني عنها فـ تبدئ تسوي اشياء اكثر ..
زي الي حسته ضعيف شخصيه عندها ..

[Dr.moonee]

حبيتي مو شغالات دايم باليوميه نهاية الإسبوع مثلا
يعني اش فيها أذا الزوج ريح زوجته هيا بتستحي
منو
بعدين انتو سامعين من طرف واحد يعني محد يدري بين الزوجين غير ربي

[آنثے م̝̚لآئـکﯾھَہّ]

الشغالات لو كانت هي تبذل جهد وتحتاج فعلا ترتاح ~
لكن اخاف الشغالات يرفضون لانه الحال بيزيد ..

وانا ضد الطلاق والزواج الثاني ~
قبل مايجرب كل الحلول ويعرف وين الخلل وليه ..

[أحساس خالد]

فعلا ما حد يدري ايش بين الزوجين ويمكن يكون العكس صحيح
بس حنا نتكلم من خلال كلام الاخ
وانا بعد اعترض عن الشغالات لان الشغالة ما راح تحل الاشكال
بالعكس يمكن يزيد لانها بتكون عندها فراغ اكثر وما راح تحس بالمسؤليه
اشوف تنشغل ببيتها وتنظف اهم شي اهو الاول والاخير بيتها
وما فيها شي يدلعها وحتى يساعدها بالبيت عادي
بس ياليت ينفع
بس الزواج بالثانية امر طبيعي مو شرط انه يطلق
ولو منه قسم بالله واهي بهالشكل خاصة في امور النظافة لا اجيب عليها ثلاث

[Dr.moonee]

انتو فهمتوا حلي غلط يعني انا اقصد كيف يوصل لها المعلومة
انو هيا خطاء اللي تسويه يسوي لها سبرايز عشان تتقبل الانتقاد
يعني مثلا
يؤديها ل اَهلها يوم أو يومين يجيب شغاله ترتب
ويسوي لها مفاجاه ورد مثلا شموع كيك
هديه مثلا يعني عاد كل واحد وخبرته ي كلمها ب أدب
والله تتخرفن وتسمع كلامه انا بنت واعرف اش يطخخ البنات
واذا م فاد يحقرها
..
والشغالات لو تعدلت اش فيها يجيب نهاية الاسبوع او الشهر وحده تنظف مع زوجته
ترا ألقوه والزواج مو حل
في بنات فاهمين الزواج غلط انو بس طلعات تماشي وشكلو عريس او تو ماله فتره متزوج
وهيا يمكن صغيره مشغوله ب ددراسة او موظفه يعني ماتدروا اش حالتها

[شليويح ~]

لديك من الصبر مَ لآ يملكه غيرك !
وهذي نقطة جميله فيك ..

الوآضح من تصرفآتهآ إنهآ مَ تبيك !
ربمآ لم تتقبلك أو أُجبرت على الزوآج منك !

إسألهآ إن أرآدت الطلآق فـ طلّقهـآ ..
وإنّ لم تُرد ذَلك فَ أهجُرهَآ ولآ تتحدث معهآ
وأيضاً لآ تأتي ب الهدآيآ ل أجلها
حتى تُلآحظ أنك وصلت إلى مَ لآ طآقة لك به

تلك اللحظه ربمآ تتغير زوجتك
وإن لم ينفع ( عليك ب قول : لآحول ولآ قوة إلآ ب الله ) و صبراً جميل ~

[مطر الفجر]

اخي الكريم
ممكن اتغاضى عن جميع ماذكرته انت من دلع واهمال ولكن !!
هذه الجزئية من الموضوع خربطت لي حساباتي
انت تقول :
موقف حصل كنت مسافر انا وهي اخذت فندق
ونمت قمت لقيتها مبولة في سطل النفيات

اعتقد بانها انسانه غير سوية
اما مسحورة او بها شيئ من المس اعوذ بالله
لا يمكن ان يفعل ذلك انسان سوي
ماهي الاسباب اللتي دفعتها للتبول في سطل النفايات ؟؟؟؟
من المعروف ان الفنادق لديهم دورات مياه
ومزوده بكل احتياجات النزلاء
هذه الجزئية من الموضوع اهم شيئ من وجهة نظري !!!
لاتتسرع في الطلاق و تابعها وبرايي احضر شيخ يقرا عليها
هذه تصرفات المسحورين واللذين مسهم الشيطان
يحبون الوسخ والقذارة

[عزف المشاعر]

اعتقد هذا مرض
عالجها عند طبيب نفسي
او إقرأ عليها انت او ودها عند شيخ
الله يعينك على بلواك

[روح الـآنوثه]

مرحبــآ ، صبآحكم ورد وكادي


بالاول : مشى معي الــوضــع ، قلت دلع يمكن م كانت تشتغل عند اهلها


الثاني : انفجعت بجد وخصوصا باللي سوته بالفندق

بس احب اقول لك شغله ، جيب شغاله نظف البيت

وسو لها سبرايس غير من شكلك .... الخ ، جيب لك لبس جديد وعطرر وتعطر

وزين البيت بالشموع والورد وحتى غرفة النوم جيب كيكه اكتب فيها عباره حلووه

هيك بتستحي من نفسها بقوووه وخصوصا اذا شمت ريحتك نظيف بصير يوضح ريحتها ع ماقلت


صدقني البنات يضعفون بالاهتمام اهتم لها ،

ترى البنيه تغلبها عواطفها كثيررررر

بس طلاق لا لا لا وزواج بـ ثانيه لا لا لا لا


اسألها اذا تبيك او لا يمكن مجبوره عليك

لانو الشي اللي سوته مو شي هين

اقرا عليها او جيب شيخ يقرا ، مستحيل لو تكرهك بنت تسوي هالشي وهي م فيها شي


شغل سورة البقره بالبيت

يمكن م حسستها بـ آنوثتها ، يمكن كانت تحلم وتحلم م جاءها اللي تحلم بوه


بس بقول لك شغله البنيه لو انها مجبوره عليك بس تشوف ردت فعلك وعاطفتك لها واهتمامك


يغلبها قلبها


فـ من شأنن هيك لاتتسرررع لاتسررع


بليززززززز


ومثل هالمواضيع م تنكتب لانها تقهرر وترفع الضغط

بس ع كل حال ( الله يصبرك )


تقبل مروري واسفه اذا جرحك كلامي

[رج ــــل ش ــــرقي]

شيء غريب صراحه ..

طيب ليش تزوجتها من أول وفيها العيوب هذي ..!!

وكيف تعاملك انت معاها ..؟

يعني الاحظ انك تركز على تغار من خواتي وماني عارف ايش ..؟

ووش السبب اللي دفعها انها تسوي اللي سوته في الفندق ..؟

موضوع غامض جدا برأيي

[يتيم الفرحه]

خيّرها تعدّل وضعها والا تروح لأهلها مانفع الوضع معها
كلم ابوها وانتهى الموضوع "

[روح الـآنوثه]

شيء غريب صراحه ..

طيب ليش تزوجتها من أول وفيها العيوب هذي ..!!

وكيف تعاملك انت معاها ..؟

يعني الاحظ انك تركز على تغار من خواتي وماني عارف ايش ..؟

ووش السبب اللي دفعها انها تسوي اللي سوته في الفندق ..؟

موضوع غامض جدا برأيي



آنـا نفس ما حكى رجل شرقي


احس الموضوع فيه غموض وبقوووووووه

[آتم بعيد .!]

,
,


روح لابوها واخوانها وجيبهم لـ بيتك وخلهم يشوفون حال بنتهم كيف صاير وخلهم هم يحكمون ؟
يااهل يتفاهمون مع بنتهم وينصحونها ويفهمونها او إذا مريضه يتعاونون معاك وتعالجونها .

والله يشفيها ويعافيها ويصلح حالها ..

[رج ــــل ش ــــرقي]

انا ضد تدخل الأهل في حياة الزوجين ^^

مشاكلهم بينهم وهم يحلونها حب مع تفاهم مع ضحكه مع تغاضي مع شوية حزم .. تمشي الأمور ^^

وجهة نظر

[الموعود]

بسم الله الرحمن الرحيم

اسمحلى اخى الكريم ان اقول لك ان ماذكرته فى مشكلتك لايمت للمنطق باى صلة ,

فاما المشكلة هى من وحى الخيال , واسمحلى بهذا القول , او ان زوجتك لاتريد الاستمرار معك وممكن تكون مغصوبة على الزواج , مسألة الذوق مع انها بالزيادة فممكن ان نقول اختلاف الاذواق , اما مسألة عدم النظافة او الطامة الكبرى مافعلته بالفندق , ان لم يكن هذا من الخيال فاعتقد انهتصريح واضح وجلى منها بعدم الرغبة بالاستمرار كزوجة لك !!

ما اعتقد فى حل وسط لما ذكرت فى مشكلتك !!

الله المستعان !!

[آتم بعيد .!]

انا ضد تدخل الأهل في حياة الزوجين ^^

مشاكلهم بينهم وهم يحلونها حب مع تفاهم مع ضحكه مع تغاضي مع شوية حزم .. تمشي الأمور ^^

وجهة نظر


طيب الاخ الفاضل يقول كلمها ومافاد معاها الكلام
وناوي يطلق بـ احد ردوده ؟
وش الحل الافضل : ان يتدخلون الاهل ويحاولون يفهمون بنتهم وينصحونها .
هم آهلها بـ النهايه م يبغون غير سعادة بنتهم .. ويمكن تكون صغيره او محد فهمها ؟!
الموضوع يحتاج تدخل آهلها ولا بيقعد ع حاله معها هذا إذا م طفش وطلقها ..

اسمع كلامي ياصاحب المشكله وم راح تندم بإذن الله تعالى .

[خفوق]

شكلو زوجتك تعاني من حاله نفسيه
كم عمر زوجنك .....,,,<<<<< ماعليش ع السوال بس لازم اعرف
ترا ذي كثير من البنات يمرو كذا يعني الاغلب يعانوا من حاله نفسيه
وهي البنت اكيد عرفت انك رجل مقتدر وتقدر تجيب شغاله وتدلعها
فقالت اعمل كذا ويمكن تسمع نصايح صديقاتها واقاربها سوي كذا عشان يحبك زوجك ويدلعك
وان الرجل يحب البنت المدلعه وتكون طفله ترا غلط ذي المعلوميه كثير بنظرهم ان الرجل يحب البنت الصغيره الدلوعه
نصيحتي لك اعرضها ع دكتور نفساني لان زوجتك حالتها صعبه
او اجلس معاها وتفاهمو يمكن هي تحب واحد ومغصوبه عليك
بس لاتطلق لان ابغض الحلال عند الله الطلاق

[بلسم جروح]

شو بدها اكثر من هيك
مقدم لها كل شي وهي مو عاجبها العجب
وسخه كمان
هذه مو زوجه لان اولا النظافه شي اساسي عند كل ست
وثانيا هي بهالطريقه ماتحترمك

ومثل ما قالوا الاخوان والاخوات الي قبلي هددها بالطلاق والزواج بثانيه غيرها
واذا ما تعدل حالها طلقها ولا تتردد
مثل ههيك ستات ما يجوا الا بالعين الحمرا
بعدين في شي ثاني يمكن ماتحبك وتحب حد تاني وتعمل هالاشياء عمدا حتى تطلقها وتتزوج غيرك والله اعلم ما بدنا نظلمها
لكن اذا كانت زوجه عاقله طبيعيه مستحيل يكون هذا تصرفها

[LoOoRaNs]

الردود ركزت على الزوجة ووضعت اللوم عليها ولم تتطرق لسؤال الزوج عن سوابقه معها المراءة مجروحه بقوة وواضح من تصرفها متضايقة لااخر حد الظاهر جرحتها بكلام او فعل فعلته فلاتظن ان جرح المراءة يعدي بسهولة وانت ذكرت ابوها بالسوء بكل اريحيه ولاكانه يعني لك شي ابد ولاتجمعكم صله نسب فمااستبعد تحدثها وتنتقص من قدر ابوها او قدرها بكلامك وجه لوجه او اتهمتها بفعل كبير ماعملته جعلها تنفر منك وتبي الخلاص لو كانت المشكلة منها كانت ظهرت المشاكل اثناء فترة الخطوبه قبل اقامة مراسيم الزواج انت مادري ايش فعلت حتى تصرف مثل هالتصرفات فشوف حالك واهلك واهلها ابعدهم حاليا عنكم قدر المستطاع ومسالة الضرب ترى ماهو من حقك تضربها ان ضربتها بتضرب والله من اهلها الدنيا ماهي فوضه مانت اخذها عبده ومااحتاج اذكرك انت فاهم وعاقل الحياة الزوجية شراكه بين طرفين في حقوق وواجبات ان كان فيها صفة مو حلوة اكيد في صفات اخرى جميلة ابحث عنها ولاتركز بالجانب السلبي وان ماصار توافق بينكم ناقشها راح يتضح حالها
ان كانت زعلانه منك بامر فعلته فاعتذر لها وارضيها وترى تحتاج مده حتى ترضى ويضبط حالكم
اما ان كانت مسالة كبر ومكابرة وهذه اشوفها مستحيله بس على العموم ارجعها لبيت ابوها بقصد تاديبها وكشف حالها مدة اسبوعين ولاترد عليها ولاتكلمها ولاتخلي احد من اهلك يتدخل بشانكم ان كانت ترغبك وتبغاك بتقوم بيت ابوها حالة استنفار حتى اهلها راح يضبطون معك بعد وهي بتكون ممتازة وترجع وترتاح وتعمل ماتبيه منها لكن كون منصف معها ولاتمنن عليها بشي ابد
وان ماتبيك بتوضح الامور لك وذاك الوقت تصرف بعقلانيه وعدل واهم شي العدل وانا اخوك

وتذكر قولة عليه الصلاة والسلام
« لا يفرك مؤمن مؤمنة :

إن كره منها خلقا رضي منها آخر » .
الله يصلح شانكم ويحفظكم من كل سوء

[رج ــــل ش ــــرقي]

ياأخوان الطلاق مو شيء هين .. هذا أخر الحلووول أو الحل ( المنسي )

لو كل ماصارت مشكله فكرتو بالطلاق ماأستمر ولا زوجين على وجه الأرض ..

لكل شيء سبب وعلاج ..

أيضا وجهة نظر ..

[اللورد يحيا]

في مثل قديم يقول ( جوع الكلب يتبعك )

وهذي النوعية من الحريم مايمشي معها إلا الإهمال لأنك أصبحت في نظرها مسخره وصلت لسفاهيه

سخرت منك وسفهتك لأنك جائر بالعنايه والدلع بها وكذالك عودتها على أنك ترضيها إذا زعلت منك متناسياً بأن ( إذا زاد الشيء على حده إنقلب ضده )

فلذا عزيزي حاول بأنك تبادلها نفس ماتبادلك جوعها وأهمل طلباتها و إحرمها من بعض حقوقها ولا ترضيها في الجنس عند مضاجعتها

وكذالك حاول التوضيح لها بأن هناك عدة فتيات معجبات بك تتمنى الإرتباط بإحداهن

وحتماً ستلاحظ مع الوقت بأن معاملتها لك ستتغير لإهتمام وعنايه ونظافه بك وبنفسها وبشؤون المنزل

ولكن بعيداً عن التفكير بالطلاق لا تلومها على تقصيرها إذا كان هناك تقصير لذا حاول تتجاهل وتتغاضى عن الكثير حتى لو على حساب نفسك لان من الواضح بأنها لا تعي شيئاً عن المسؤوليه الزوجيه

[الســاهر]

في البداية مثل الامور هذي تتطلب الحكمة والصبر من الرجل
والطلاق او الضرب ماهو حل بالعكس يزيد المشكلة تعقيد
لذلك اقترح عليك
بالنسبة للاكل اذا كان قصدها تقهرك
لما تقول لك مثل هذا الكلام قل لها الناس اذواق
واللي مايعجبك انتي ممكن يعجب الاخرين
واللي يعجبك ممكن مايعجب الاخرين
وبعدها اسكت لاتعطيها مجال للمناقشة ساعتها هي اللي تنقهر
ومثل ماقال المثل (( الخصران يقطع المصران ))

اما المشكلة الثانيه اقترح عليك استخدام الغيره
مثلا حاول تمدح نظافة بيت اخوانك او اصداقائك
وتوضح لها ان نظافة بيوتهم من نظافة زوجاتهم
وامدح نظافة اولاد اخوانك واخواتك
ولما تذهب معها لبيت اخوك او اختك حاول تلفت نظرها الى نظافة البيت
وساعتها لابد للغيره من انها تشتعل عندها
وتكلم معها لما تكون في لحظة صفاء حول الموضوع هذا
واخر الطب الكي
اذا مانمفع توديها لاهلها تجلس عندهم كم يوم وتهددها بالزواج من زوجة ثانيه
وقل لها انا ابغى اتزوج وحدة نظيفه ومرتبه وانتي خليك في بيتك او اجلسي عند اهلك
لغاية ماتشوفين نظافافة زوجتي الجديده وتتعلمين منها
والله يوفقك اخي الكريم

[شهوده المزيونه]

السلام عليكم ورحمه الله وبركاته
المشكلة الاولى
نقدر نقول انها اذواق حاول انك ساله وش تحب وش تاكل
ومستحيل البنت ترضى انك تغلط على ابوها مع احترامي لك
اما سالفه الفندق المفروض انك تناقشت معها فدا الموضوع او شفت حالتها يمكن زي ماقال البعض مَس
حاول انك تساعدها في الترتيب المنزل لانه من واجبك مساعدتها
اما الخدامه لا الا اذا كان بيتك كبير او عندك عيال او حرمتك متزوجة
اذا مانفع معها عاملها بالعين الحمرا يعني قبل لاتروح الدوام قول لها مابي ارجع وإلا البيت يلمع
بس لاتطلقها نصيحه مني لكل مشكله حل :Silbando: اما انك تعلم اَهلها انا أبدا مااوافق انه يوصل لاهلها
واحنا بعد مانحكم من الغلطان لانه احنا سمعنا من طرف واحد فقط :670:
الله يسعدك ويوفقك مع حرمتك ويخليها لك

[همسة الروح]

آصعب المشاكل ماتحصل بين الزوجين
لانها تحمل الخصوصيه كثيرآ
وكل طرف يقول أنا الصح ..
ومن موضوعك أنت ركزت على أنه مافيه شيء يعجبها خاصه الاكل + النظافه
وطبعآ النظافه أهم شيء وكل شيء بالحياه
والاكل ممكن من خبرتك تعرف وش تحب وش تكرهه
او تجيب اللي هي تبي وانت اللي تبي عادي ،،
وهنا يجي دورك
الكلام الطيب مع شوي صبر
ومو عيب تقولها عن تصرفاتها اللي ماتعجبك
وأنه مايجوز ترك البيت بهالشكل والشخص المسلم يكون نظيف بكل شيء
وقول بساعدك قد مقدر ..
وعدة أحتمالات كثيره لتصرفاتها :
قد يكون تربيتها في بيت أهل كذا
ومافيه توجيه مسبق من الاهل
أو أنه طبيعتها كذا فوضويه وماتهتم لشيء /
الاحتمالات كثيره
وأذا مانفع معها شيء
روح ل أمها _ لاتروح لا أي شخص ثاني
الام أحرص شخص على بنتها
البقيه ياخذون السالفه حديث المجلس وتنتشر القصه !
وتكلم مع أمها ب أسلوبك وملاحظاتك وأنه أذا ماتغيرت تصرفاتها
بتشوف لك حل يريحك

والله يسر أموركم

[3lOoSh.A.]

م عليش بس من ادب الزوج لزوجته م يقول عنها وسخه , اسمحلي مهما كان عيوب الدنيا فيها لاتتكلم فيها للناس تكلم بينك وبينها يمكن كلامك يدخل قلبها وتتغير ,, للاسف بعدين حتى لو ابوها بخيل تراها تركت الأمان عنده ودلعها وجات عندك بدال م تحافظ ع سرها تذمها لنا ,, ياخي بينك وبين نفسك, ع فكره من حق الزوجه انك تناصحها بلين ورفق وحنيه وبينك وبينها مو تنشر غسيلها عندنا ,, للاسف م عندي حل لمشكلتك لأن هذا شيء بينكم والمفروض ذي الالفاظ وسخه وغيرها م تقولها للناس ,, كامل احترامي لك ,,

[الساحرة]

حالة كسيفة…
بالعادة اسمع من الطرفين قبل أن ابدي رأيي
طالما أمامي شخص ينوي الطلاق سأتحدث
والواضح يا أخي الكريم غياب البهجة عن روح زوجتك
فهي بكل تأكيد تعاني من اكتئاب و قديم
ولدا لديها التعب النفسي وعدم الاكتراث لأي شيء وان كان مبهج
فهي تأكل لمجرد أن تعيش ترتدي ملابسها لأجل أن تستر نفسها وهكذا ...
لا ترى كما ترى أنت الدنيا بوجهين
جانب مشرق وجانب لا أشراقة فيه فهي ترى بوجه واحد
لا شيء جميل بحياتها لذا هي لا تكترث
وهذا واضح أمامي كما وصفة أنت حال زوجتك
*
تحدث معها مرة اخرى بعقل وهدوء
دون صوت عالي وأن أصبح صوتها عالي
أخبرها عن انزعاجك
وقس ما مدى عدم اكتراثها بما تقول
واخبرني …..

[سآرهه بنت سعود]

:19::19::19::19:

اخي العزيز انت لانك اديتها وجهه كثر وتشوفك سآكت عنها
فصآرت تتصرف زي كذا


وديهآ لبيت آهلهآ بس مو طلاق طبعآ آو آترك لهآ البيت كم يوم
يمكن تتغير

سوي نفسك تكلم وحده غيرهآ ومن تجي اغلق الخط
أقهرهآ زي مآتقهرك واذا مافادها هددها بالطلاق ولا اشكيهآ لاأهلهآ


او علم احد من خوآتك يتسي معها

واذا مافاد شي هالحلول

خذ مره ع رآسهآ قسسم لتتسنع


وودئ لك

[جَســـــوُرْ..،]

اذا ما انجيت منها عيال انصحك .../


خلها تروح بحال سبيلها وحط في بالك شلون راح تربي عيالك ع هذه الوساخه...#

اما اذا عندك منها عيال... فالله يعينك.. لكن لازم تاخذ موقف صارم تجاهها..

لكن انتبه ترفع يدك عليها او تتلفظ عليها بعبارات سىئيه ثم تندم

[حرفٌ شامخ]

اولاً : من غير اللائق ان تتحدث عن رفيقة وشريكة الحياة بهذا الأسلوب لانها مهما فعلت ومهما حصل منها فأنها بنت ناس لم تأخذها من سوق او شارع ..
ثانياً : إن لم تعاني زوجتك من أي أمراض نفسية أو عقلية فسمح لي بانك لم تجيد التعامل معها كمرأة ..فالحياة الزوجية مودةٌ ورحمة ..!
فالمرأة كائن لطيف يجب ان تتعامل معها برقة وحنان واحترام فالمرأة تحتاج الى من يفهم متطلباتها النفسية والعاطفية قبل متطلباتها المادية ..
فقد لايعنى لها شي عندما تقدم لها هدية بملغ ١٠٠ ريال او ماشابه ذلك ..
ولكن عندما تقدم لها وردة لا تتجاوز قيمتها ٥ ريال اوربما اقل فهي تعني لها الكثير ..!
عزيزي التمس حوائجها العاطفية والنفسية اولاً ..
اقترب منها قلباً وقالباً ..
ولكن لفت انتباهي بانك تاخذ رأي من حولك في أمور حياتك الخاصة .. هذا النقطة يجب اعادت النظر فيها .. ويجب ان لاتخلط بين ارضاء اهله وزوجتك .. يجب ان تدرك بان لاهله مسار خاص .. وزوجتك لها مسار خاص آخر ..!
وفي النهاية اسال الله لكما التوفيق وان يؤلف بين قلوبكما ..!

[نقاء]

ونمت قمت لقيتها مبولة في سطل النفيات والله عصبت وخربت جويي يناس مقولة في ناس وسخة كذا

صدمه ... انت كيف تتحملها انت رجال مفروض ثبت مقامتك بس بعد ما قريت اخر شي
ما بقول غير الله يعينك