ابوي همجي [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : ابوي همجي


مشكلتي
03-22-15, 03:02 PM
السلام عليكم ورحمه الله وبركاته
انا ابويي همجي وعصبي واشياء كثيرهه حتى احيانا احس انه يبخل علينا في اشياء كثير يمكن الي يشوفني انا وخواتي يقول ماشاء الله ابوي ماقصر في حقنا انا عندي جوالين حتى خواتي البثران عندهم اجهزه وكل شي الحمد لله لك يارب لكن ماحسه انه ابوي اطلع دونز شورهه وماعنده رايي ودايم هواش مع امي واذا رحنا السوق ينزلنا ويروح !! ليش عشان مايدفع ويخلي امي الي تدفع استقل امي استقلال من اول ماتوظفت وهي الي تدفع وتشتري لنا كل شي هو بس عليه الاكل حتى اذا رحنا المطعم امي تدفع الحساب دايم يقول انا بموت ولما يعصب يصير يسوق بسرعه ويصارخ ويطق بالدرسكون اختي الي في الابتدائي تبكي وتصارخ واخوي الصغير يضحك يفكر احنا في سباق سيارات حتى احيانا اخاف على اخوي يصير مثله اختي الكبيره م تبي تتزوج ليشش ؟؟ عشان خايفه تتزوج واحد زي ابويي احيانا اتمنى اصير ولد عشان احمي خواتي من هالمجنون مره قلت حق امي كيف متحملته اكثر من 19 سنه ومع ذالك امي صابره عليه اختي الكبيره لما تزوجت هو مادفع غير 3 الاف وش تسوي والباقي كله على امي حتى احيانا اتمنى انه يموت ويفكنا ومع ذالك لما احد يتكلم عنه بالسوء مارضى وادافع عنه :(

LoOoRaNs
03-22-15, 04:26 PM
ابوك يمكن يتصرف كذا بسبب ضغوطات الحياة عليه وان ماصرف عليكم ترى ما هوبخل منه بس يمكن بسبب حالته الماديه فطبيعي يصير عصبي ودمه ثائر بس مهما عمل ترى يحبكم و كل واحد منا يصير له مثل حاله مده من الزمن وتروح فانتم واجبكم تطيعونه وتتمثلو لااوامره قدر ماتستطيعون ولاتعصونه ولاتبدون له اي اعتراض وناقشوه وابدو انكم بحاجته وبحاجة نصحه وارشاده بيعتدل معكم ان شاء الله

لحن الحياة
03-22-15, 04:35 PM
السلام عليكم ورحمه الله وبركاته

وعليكم السلام ورحمة الله وبركاته !

انا ابويي همجي وعصبي واشياء كثيرهه حتى احيانا احس انه يبخل علينا في اشياء كثير يمكن الي يشوفني انا وخواتي يقول ماشاء الله ابوي ماقصر في حقنا انا عندي جوالين حتى خواتي البثران عندهم اجهزه وكل شي الحمد لله لك يارب


مين اشتراها لكم ؟؟؟ اذا ابوك مثل ما تقولي بخيل !


لكن ماحسه انه ابوي اطلع دونز شورهه

تطلعي بدون شوره !
كيف يعني ! هيك بدون اي استأذان ! او انك من شدة تقليلك لقدر ابوك ما تهتمي لرأيه !


وماعنده رايي

يا اختي هو خليتي له رأي في حياتك اذا انتي بالاساس تطلعي بدون شوره !
اعطيتيه مره فرصة !


ودايم هواش مع امي

سبحان الله هل يضربها ؟ يأذيها ! والا بس يصرخ عليها ؟؟؟
اذا يضربها فمن حقك شوي انك تتضايقي من ابوك لكن اذا كان مجرد صراخ
انتي ايش دخلك بين امك وابوك اذا كان ابوك العصبية هي جزء من شخصيته !


واذا رحنا السوق ينزلنا ويروح !! ليش عشان مايدفع ويخلي امي الي تدفع

ايش دراك انه السبب كذا ! فيه رجال كثير ما يحبون الاسواق
واقسم بالله اعذرهم انا بنت واكره السوق ! تعرفي ليه !
انتي ما تحسي بحالك لما تكوني بالسوق ! تراهم بشر يتعبون يزهقون !
اذا انتي تحسي انه السوق مكان جميل هم ما يشوفونه كذا !
يعني مو الاكيد يكون السبب هو بخل وعلشان امك الي تدفع !


استقل امي استقلال من اول ماتوظفت وهي الي تدفع وتشتري لنا كل شي

حتى المسكن امك شاريته لكم ؟ اقصد البيت الي انتم فيه او المكان الي انتم فيه ؟


هو بس عليه الاكل

انتي تعرفي كم تكلف عزبة البيت في الشهر ؟؟؟
تعرفي قد ايش انه ابوك يتعب اذا بيروح يشتري لكم اغراض البيت !!
انتي ماراح تعرفي هالشيء ! لما لا قدر الله تفقدي ابوك الله يحفظه ويطول بعمره
راح تبكي ندم على كلامك هذا عنه بعد ! حتى ولو كنت مقهورة من بعض تصرفاته هذا
الشي ما يتيح لك توصفي ابوك بمثل هالصفات !
اغلب الرجال فيهم من العصبيه ! وكره للسوق هالشيء طبيعي !
مايعني ذلك انه ابوك يستغل امك علشان تدفع كل شيء
وبعدين ايش دراك اذا ابوك اعطى امك شيء او لا !

بأعطيك بس معلومة صغيرة : الامهات ما يقولون لعيالهم كل شيء يحصل معها !



حتى اذا رحنا المطعم امي تدفع الحساب

طيب يمكن امك هي الي حابه تدفع ! او انه متفقين انهم يتقاسموا بالمصرف !
صح والا لا ؟ مو ممكن ابوك وامك متفقين على طريقة الصرف عليكم !!
هذا شيء جميل لما تشوفي امك تعاون ابوك هذا ما يعني انه ابوك بخيل ويستغلها !


دايم يقول انا بموت

صراحة ما ألومه اذا قال هالكلمة ! تعرفي ليه ! اذا انتي الان تظني بأبوك بمثل هذي الظنون
انتي تفكري ابوك مايحس ! ما يشعر بمشاعركم اتجاهه ! تراه بشر يحس والله
يعني انتي ما فكرتي يوم تكسبي ابوك تكسبيه اب تكسبيه صديق لك !


ولما يعصب يصير يسوق بسرعه ويصارخ ويطق بالدرسكون اختي الي في الابتدائي تبكي وتصارخ واخوي الصغير يضحك يفكر احنا في سباق سيارات

لا تعصبوه هذا هو الحل يعني مستحيل يعصب عبث الواحد مايعصب كذا بس بدون سبب ! وخصوصاً وهو يسوق لا تعصبوه ! هذا الشيء مو بس سلبي على صحة ابوك !
لانه ممكن يرتفع ضغطه ! هو بعد عليكم سلبي لا قدر الله صار شيء معه وهو يسوق
انتم وقتها ايش بيصير معكم ؟؟
وبعدين الله يصلحك ما فكرتي الا بهالي تصيح تراهي طفله طبيعي بتخاف انه ابوها معصب !
ولا فكرتي بأبوك انه ممكن تتسببون بمرض له !

واذا تظني انه ما في سبب لعصبيته !
صدقيني انتي لو عشتي حياة ابوك راح تفهميه
ماتعرفي كل شيء يصير معه بيومه صح والا لا !

حتى احيانا اخاف على اخوي يصير مثله اختي الكبيره م تبي تتزوج ليشش ؟؟ عشان خايفه تتزوج واحد زي ابويي

خليها تلاقي سبب غير كذا ! قولي الحمد لله ابوك عايش ومعيشكم حياة كثير ناس تتمناها !


احيانا اتمنى اصير ولد عشان احمي خواتي من هالمجنون

شفتي كيف انه الغلط مو من ابوك بس وان كان يحمل صفات تخليك تتضايقي
هذا وانتي بنته تقولي عنه مثل هالكلمات شنو مجنون !
اقسم بالله اقسم بالله لو فقدتي ابوك راح تفقدي الامان راح تفهمي ايش
هو الاب ومن كان ابوك ! وقتها الندم هو الي بيتملكك طول حياتك كل ما تذكرتيه
اكسبيه قبل لا يفوت الاوان اكسبيه !


مره قلت حق امي كيف متحملته اكثر من 19 سنه

سؤال ايش ردت عليك امك وقتها ؟؟ اذا شفتي كلامي ردي علي


ومع ذالك امي صابره عليه اختي الكبيره لما تزوجت هو مادفع غير 3 الاف


انا الي اعرف ان زوجها هو الي يدفع المهر ويدفع لها كل شيء بتحتاجه يعني
اختك تقول الحمد لله انه ابوها اعطاها اصلن هالـ 3 الي منزعجة جداً منها !
وبعدين مو ممكن تكون هذي إمكانيات ابوك بالدفع ؟؟؟


وش تسوي والباقي كله على امي حتى احيانا اتمنى انه يموت ويفكنا ومع ذالك لما احد يتكلم عنه بالسوء مارضى وادافع عنه


جزاها الله الفردوس الاعلى امك
لانه هي المتفهمه لزوجة ولو كانت غير ذلك وكانت لها شخصية مثل شخصيتك
ما بقت مع زوجها !

تتمني يموت واذا احد تكلم عنه بسوء ما ترضين وتدافعي عنه ! عجيب
و عذراً ارى ان هذا تناقض تام !!


انتي الى الان مو فاهمة مشاعرك تجاه ابوك
انتي تبي منه شيء لانك مو عارفة شنو !
كل بنت تتمنى اب يفهمها تقدر تكلمه يضحك معها يمزح معها !
وكل أبن او ابنه امنيتهم رضى والديهم !

لكن تعرفي شيء انتي بعدك ما فهمتي نفسك هذا اولاً
ثانياً ما فهمتي ابوك ابد ، تبيه يتغير ؟ اكسبيه اعيد لك هالكلمة واكررها
أكسبي ابوك تقربي منه ! هذا ابوك لاهو بأنسان مجنون ولا هو بخيل ولا هو بالي تقولي عنه !

هذا أب اقسم بالله انه الاب نعمة نعمة نعمة عظيييمة جداً !!
اكتب لك هالجملة وانا متأكدة من صحتها لاني فقدت هالنعمة
فقدت أب للاسف اني ما كنت كثير قريب منه
احبه كثير احبه كنت احترمه ولازلت اذا ذكرته وحتى وهو مو بهالحياة
اذكره بكل احترام ! عمري ما قلت كلمة سيئة مثل كلماتك هذي عن ابوك !

ابوي الله يجعل الفردوس مثواه كان احيان يعصب لدرجة انه بالطريق ممكن
انه يوقف السيارة ويضربنا كلنا بس ما ألومه كنا مزعجين !
لانه كنا اطفال وانتي اخوانك اطفال تصرفات البعض منكم ممكن تزعجة !

والله فقد الاب معناتها فقد الامان
احمدي الله انه يوجد لك سند بهالحياة باقي جنبك رجل
لو لا قدر الله صار معك او مع اي وحده من خواتك موقف ! بتلاقيه واقف جنبك بصفك يساعدك

ما يعني صدق فقدي لابي انه ما عندي اخوان رجال بلى عندي
والحمد لله ، لكن الاب محد يقدر ياخذ مكانه محد يقدر يصير ابد مكانه !
لذلك انصحك تسحبي كل كلامك عن ابوك الان !
وتستغفري الله لذنبك هذا وتحمديه !

وتعملي بنصيحتي لك !
هداكِ الله واصلحك الله !

نقية الحرف
03-22-15, 05:18 PM
استغفر الله والله لو شغال ضرب بالعقال

كيف تقولي عن ابوتس همجي استغفر الله العظيم من كل ذنب عظيم


ابوك انتي فاهمه وس معني ابووو عارفه وش الابووو

احمدي ربك انه موجود وعايش


خلي مشاكله مع امك هذي مالها خص اتركيها زوجين بينهم ولا تدخلي فيها

اما تطلعين بدون شوره المفروض ماتطلعين اي مكان برا البيت الا هو عارف


اختي استغرب كلامك الاب وجوده فخر الاب عز الاب كل شي للبنت


ماني عارفه كيف تكتبين عن ابوك سبب وجودك بالحياه بعد الله

لا حول ولا قوة الا بالله

آنثے م̝̚لآئـکﯾھَہّ
03-22-15, 06:08 PM
كيف قلبك يديك تتكلمين عن ابوك كذا !!
ترى مهما قال ومهما سوى هذا ابوك
كمية عقوق بموضوعك وربي شئ يخوف مدري كيف ماخفتي من ربي
وبعدين احسك تفسرين تصرفاته ع كيفك !
ابويه ماينزل معانا السوق لكن معروف الرجال مايحب السوق ولا الرجه والزحمه .. ماجلست افسرها بطريقتك ..
ابويه عصبي لدرجة صرت اخاف من اي شخص عصبي لكن احط له اعذار " هموم الدنيا وتعبها حولته لشخص عصبي "
راجعي نفسك .. صراحه مدري كيف بتكوني بيوم زوجه او ام وهذا كلامك عن ابوك
الله يهديك ~

الايام الحلوة
03-22-15, 07:03 PM
الله يكون بعونكم
فقط حبيت اعقب ع بعض الردود ..
يعني تركوا صلب الموضوع والمشكلة الاساسية وعلقوا ع كلام الاخت لوصفها الاب ب(الهمجي )
كان المفترض ايجاد حل او كلمه طيبة او مواساة الاخت بدل هذا الكلام
..

معزوفة ڪلآسيڪية
03-22-15, 07:15 PM
وعليكم السلام والرحمه

سلامات وانا اختك ش تحسين بوه ؟؟؟ واضح انك تدافعين عنه لاتزعلين من ردي
لان كلمة همجي نرفزتني عقوق بالوالدين بنهايه ابوووك لولا الله ثم والديك ماجيتي ع هالدنيا
مهما كان ذا ابوك وتحبيه بكل عيوووبه
ي خيه ابوك دام انه يأكلك وموفر لك السكن وماجعلك تحتاجي احد احمدي ربك غيرك ماعندهم اب
وبعدين الي بين امك وابوك يظل بينهم وش عرفتس انه مايعطيها فلوس ويوصيها عليكم
واذا هو بخيل اادعي له بالهدايه
لاتتمني له الموت لان هو مايتمنى لك الموت يعطيك عمره ولايبعد عن بنته
تقربي منه وغيريه ترا الرجال بداخلهم طفل بكلمه وحده تكسبيه وتغيريه
الله يصلحك ويهديك بنهايه ذا عزوتك ع هالدنيا ودمتي سالمهـ

عمراا
03-22-15, 07:23 PM
يابنت عيب تقولي على ابوكي همجي بلا قلت ادب وقوق والله بعض الناس ابوها ميت تتمنى يرجع عشان يحبون رجل ابوهم من تحت وانتي تقولي ابوي همجي عيب قلت ادب والله انا مااسب ابوي لو يسوي فيني اي شى لابد احترام الاب تأدبي مع ابوكي

عمراا
03-22-15, 07:26 PM
ماافي اب يبخل على عيالة ممكن يجمع الفلوس عشان مصلحتكم يشتري لكم بيت او يبي يزوج احد خوانك انا ابوي سنتين اطلب منه سيارة ماجابها وعادي احب تحت رجلة وانا تحت رجولة واعيد واكرر احترمي ابوكي بلا قلت ادب

أركان الرحيل
03-22-15, 09:19 PM
السلام عليكم ورحمة الله وبركاته

حفظك الله
مهما كانت سلبيات الأب علينا أن نحترمه ونقدره لأنه أوسط أبواب الجنة كما قال الرسول صلى الله عليه وسلم

(( الوالد أوسط أبواب الجنة ))


عليك بالصبر ثم الدعاء ثم الدعاء ثم الدعاء


دمت بحفظ الله

اللورد يحيا
03-22-15, 09:32 PM
والله يا أختي العزيزه الأب دائماً يتحمل الكثير من المشاق في حياته وخصوصاً من جهة التربيه التي يريدها لأبنائه مستقبلاً

ودائماً مع تقدم السن به تجدينه عصبي ومتقلب المزاج وكثير الهروب والتفكير وربما قليل جداً في دفع الفلوس مثل ماذكرتي

ولكن يا أختي لا تعلمين شيئاً عن نواياه التي يريد ان يتركها لكم

لو تعودين بتفكيرك للخلف الى أساسات والدك ستلاحظين بأنه يريد أن يبني ويؤمن لكم مستقبلكم بعد عمر طويل بإذن الله إذا مات

فهو أئمن شخص في الحياه عليك أنتي واخواتك ومنزلكم ، فلو فقدتم مصدر هذا الأمان يوماً ستحسون حينها بالمعنى الحقيقي للإبوه

فلهذا لابد تتقبلينه بخيره وشره فهو باب من أبواب جنتك ونارك

إسألي نفسك هذا السؤال ثم جاوبي عليه : لو فقدت أبي اليوم كيف سأعيش غداً بدونه ؟

دروب الحب
03-22-15, 09:51 PM
احمدي ربك تن عندك اب حتى لوبخيل والله اتمنى ان ابوي موجود ودوم يضربني


انتي مابتعرفي قيمه ابوك حتى تفقديه الله يخليه لكم

صدقيني الاب مايتعوض ارق تحيه

شذى الورد
03-22-15, 10:52 PM
بصراحة مش عارفة كيف هيك بتحكي عن ابوك في هالاسلوب

انتي لو جربتي فقدان الاب كنتي ما حكيتي هيك عنه

لو بتعرفي ايش يعني تعيشي بدون اب ما حكيتي هيك

لك يا اختي حس الاب ومجرد وجوده بالحياة نعمة من ربنا

ومهما حصل ما بيصير تحكي عن ابوك هيك ولا في هالاسلوب


ربنا يهدي احوالكم

إحساس شاعر
03-23-15, 12:58 AM
صباح الخير

لم يبق لدي ما أقوله بعد هذه الردود المباركة التي جسدت معنى الأبوة والغيرة على مكانة الوالدين من نفوسنا

ولكن لدي تعقيب بسيط حول هذه المشكلة التي خلقت مشكلة أخرى .
فمهما كان إيماننا بحرية الرأي وتقبل قول الآخر إلا أننا ننكر وبقوة أن تمس كرامة الوالدين أو يتفوه بعقوقهم أحد كائناً من كان .
وإيماننا بمنزلتهم ووجوب نزاهة اللفظ في وصفهم والتأدب معهم في الحديث أكبر من تقبل رأي أو الاستماع لشكوى ضدهم ,
وعلى حد علمي أن هذا القسم وضعته الإدارة للتنفيس عن هموم الأعضاء وبث شكواهم إلى أخوتهم هنا للوصول إلى حل لا لخلق مشكلة أعظم وتعدي صريح ومخالف نهج التأدب مع الوالدين كما قال سبحانه وتعالى (( فلا تقل لهما أفٍ ولا تنهرهما وقل لهما قولاً كريماً ))

أهذا من كرم القول ؟
أبوك؟
آواك في بيته وغذاك من خيره وحملك على أكتافه حين كنت لا تدركين وربما بكى لمرضك عندما تمرضين وفرح بضحكتك عندما تستيقظين وأشغل تفكيره ملياً كيف ستكافئينه عندما تكبرين ..
وها أنت كبرت فجعلتيه همجياً ومتخلفاً ومجنوناً وفي النهاية تتمنين موته !!

لله العجب !
ما الذي أوصلك إلى هذا المستوى من القساوة وأنت بنت وقد عرف عن كل بنت حبها لأبيها وتولعها به .

لمجرد أن يعصب أو يرتفع صوته وربما كان لسبب مرض أخفاه عنك وعن اخوتك حتى لا تتكدر نفوسكم ولا تدمع أعينكم .

لست هنا في صدد سرد فضل الوالدين ..

ولكنني أطالب من إدارة الموقع إعادة النظر في عدم بقاء هذا الموضوع على صفحات المنتدى حتى لا يستمرى مثل هذه الألفاظ ضد أكرم الناس وأحبهم وحتى لا تكون ألفاظ العقوق مسطرة ضمن أوراقه ..

مع دعائي ورجائي لأختي بالهداية والرجوع إلى الطريق الصحيح ويمتلئ قلبها بحب أبيها وأمها وأن يوفق الله لبرهم وطاعتهم وتعود صفو الحياة من جديد في منزلهم من غير صخب ولا وصب ..
إنهم آباؤنا وأمهاتنا ..

تحيتي

مطر الفجر
03-23-15, 01:17 AM
اختي انتي صغيرة
وما ابي اجيب العيد فيك :x38:
بس بقول لك كلمة من اخت محبه لك
يا الله ترى مو كلنا عندنا صبر ايوب
وانا ماعندي صبر ايوب على الكلام اللي انتي قلتيه
ولا انتي عندك صبر ايوب لكي تتحملين ابوك
لكن يوجد شي اسمه يارب صبرنا
يارب افتح علينا
يارب لا تجعلنا من العاقين
يارب ارضى عننا و اجعلنا من الصابرين الشاكرين
ساتركك تفكرين فيما كتبتي
لان بدا ينفذ صبري
والله يعينني على نفسي ويعينني على الصبر
و يكتبني مع الصابرين
لكي اصبر على مالا يستطاع الصبر عليه ^_^ :icon17:

ألانـــَْيــُٰقے ‏،
03-23-15, 01:31 AM
ماقريت موضوعك ولا راح اقراه
لكن اللي دخلني عنوان موضوعك
والله ليجي يوم وتندمين
ياليت الادار تغير عنوان الموضوع او تحذفه بالكامل

آح ــمــد
03-23-15, 09:28 AM
لا يمـكن ان احـكم لا لـ صـالحـج او صـالح ابـوج وللبـيوت اسـرار وانتـي لـم تجعـلي لهـا الا اخبـارنا ولكــن ان كـان صـحيح مـا تقـولين فـ عليـج بـ ( العـوده إلى الله اولاً ) ومـن ثـم ( الـدعاء بالاصـلاح لـ ابـوج ) كثـفي الـدعاء حاولي تعـطينه مـواعظ وتذكـرينه بـ الـوعيـد وبمـا يغـضب الله فقـد يكـون اصـلاحه على يـدج او اصـلاحج علـى يـده ..

واعتـذر ان اخطـأت ..

مشكلتي
03-24-15, 07:19 PM
السلام عليكم ورحمه الله وبركاته
شكرا لكم ال همس على الردود الجميله :22:
لكن نسيت اقولكم نقطه مهمه
الموضوع موضوع صديقتي يعني مشكلتها مو مشكلتي
وبعد م ارسلت لها كل الردود هي ممتنه لكم جميعا
وتحسن امرها ورجعت المياه لمجاريها بعد ما فكرت هي واخواتها
بحفله صغيره ل ابيها وفعلا نفذتها
وتعتذر لكم جميعا على الوقت الذي اضاعته منكم
وكانت تريد ان تسجل في هذا المنتدى الرائع لولا منع ابويها لها من دخول المنتديات
كل الشكر لكم ال مسك

اللورد يحيا
03-24-15, 07:22 PM
يغلق الموضوع لإنتهائه

//


SEO by vBSEO 3.6.1