المساعد الشخصي الرقمي

مشاهدة النسخة كاملة : تذكرتك بعد موتك بكيتـك وإنكسـر رجـال


ريم الغلاا
04-02-15, 03:20 AM
تذكرتك بعد موتك بكيتـك وإنكسـر رجـال
ونثرت بمجلسك حسره وقصيدة وجد لوصالك

أشيل من الحزن حملٍ تثاقـل تنقلـه أجيـال
وأنا ماينفطر قلبي كثر حزني علـى أمثالـك

أخايل طيفك بعيني وأنزلهـا قـدر وإجـلال
لأنك عايـش بقلبـي ورب الكعبـه لحالـك

ثلاث سنين من لحظةرحلت وحال مامن حال
أشوفك بس بأحلامي وتبكينـي علـى فالـك

غيابك موتي يغيابك كأنه صيف دون ظـلال
أدور لك من الذكرى بقايا رسـوم لأطلالـك

رثيت الطيب من بعدك عسير وصار ماينطال
أحسه مات مع موتك بعـد ماغابـت أفعالـك

أحس الأرض من تحتي تنافض يايبه زلـزال
وأقول الحزن مارافق بهالدنيا سـوى عيالـك

بكت سجادتك فقـدة جبينـك كـل ماينهـال
بسجودٍ طابع الهامه علامه لطيّـب أعمالـك

ليامن صوت نجرٍ دق أحـس بدقتـه مـوال
أجيك أركض أحسب إنك تبي من يغسل دلالك

رحلت وكل ماباقي حكايا تنضـرب بأمثـال
وقصايد كل من حبك حزينه حيـل ترثالـك

تذكرتك كثر نـورٍ يشـع بوجهـك ويختـال
تذكرتك كثر ناسٍ نسـوك وكانـوا رجالـك

تذكرتك كثر نـاسٍ رفعتـه للنجـوم وطـال
وأشوفه من بعد موتك تنكّـر فزعـة عقالـك

لك الله مابكاك إلا يتيم وكنـت راس المـال
بكى لين إنعمت عينه حزن لغياب مرسالـك

لك الله مافقـدك إلا رفيـقٍ ظامـه الترحـال
تحدته الطغاة اللّي بموتـك خانـوا ظلالـك

لك الله يايبه مابه بعد موتـك بقايـا رجـال
أظن المرجله ماتت يتـاج الـراس برحالـك

خذاك المـوت لكـن الوفـا ياسيـدي لازال
بقلبي وجعله الجلطـه إذا هالقلـب موفالـك

كذا سوت بي الدنيا وكـذا سويتنـي تمثـال
لوأدري بدلّتك فرقـا فـلا جرّبـت فنجالـك

الهوى الغايب
04-02-15, 08:25 AM
أخايل طيفك بعيني وأنزلهـا قـدر وإجـلال
لأنك عايـش بقلبـي ورب الكعبـه لحالـك


كلام جميل ورائع

تحياتي

صمتي حكاية
04-02-15, 08:27 AM
إنتقاء ثري بالذائقه
سلمت ودام رقي ذوقك
بإنتظار القادم بشوق
تقبلي مروري ولك أجل احترامي

ريم الغلاا
04-06-15, 05:33 AM
تـوآجدكم الرائــع ونــظره منكم لموآضيعي هو الأبداع بــنفسه ..

يــســعدني ويــشرفني مرووركم الرائع وكلمااتكم الأرووع

لاعــدمت الطلــّـه الـعطرهـ

قيس
04-11-15, 08:22 PM
والله قصيده تدمي العين وتبكي القلب

اللهم ارحم المؤمنين والمؤمنات
الأحياء منهم والاموات

قصيده في قمة الحزن
والعاطفه وصلت الى ابعد حد
عند هاذا الشاعر
وبدأ في رسم مشاعر قبل الكتابه



بكت سجادتك فقـدة جبينـك كـل ماينهـال
بسجودٍ طابع الهامه علامه لطيّـب أعمالـك

:(

ريم الغلاا
05-18-15, 06:58 AM
يــســعدني ويــشرفني مرووركم الرائع
وكلمااتكم الأرووع
لاعــدمت الطلــّـه الـعطرهـ

غَيم!
05-18-15, 07:05 AM
جميييل
صح بوحك
وعوفيتي من كل مكروه ي غاليه

♡المـاســه♡
05-18-15, 12:36 PM
أبيااات حزييينه مررره
تتعب القلب المتعااافي
الله يرحم أمواتنا وأموات
المسلمين ويرحمنا إذا صرنا
إلى ماصارو إليه..
تحيااتي ي عسووله:MonTaseR_1:

مغرم بالهلال ❤
05-19-15, 04:33 AM
سلمت يمنآك ولاهنت

لك ودي وتقييمي

الشيف توتي
05-20-15, 08:16 AM
مؤلمة شكرا


SEO by vBSEO 3.6.1