محتاره اتمنى تساعدوني رجال ونساء

[مشكلتي]

صبااااح الخير ..
اخواني انا فتاة في العشرين تقدم لخطبتي شاب في نفس عمري انا مرتاااحه له بس فيه شي واحد انه يركب دباب يعني هوايه المهم اخواني الشباب خوفوني قالو ﻻ توافقين على الي يركب الدبابات تراهم حقين مغازل وبلاوي ويضايقون خلق الله الصراحه حزنت وتضايقت ومرره محتاره اخاف يكون كﻻم اخواني صح معني اشوفه عادي هوايه .يعني فعلا كل شاب معه دباب انه داشر وحق بنات ومغازل ساعدوني احس انه حرام احكم على كل شاب يركب دباب موسواء جدا محتاره ساعدوني وجزيتم خيرا.:ah11::26:

[قصة عشق]

شوفي يا قلبي
وعليكم السلام ورحمة الله وبركاته
صبااااح لنور

اممممممممممممم
النصيب يا قلبي مايعرف راكب دباب ولا مرسيدس
وانتي وش عليكي كان حق بنات قبل لا يتزوجك ولا الاهم بعد الزواج مافي رجل في الحياة مالو ماضي بس اهم شي الحاضر
يا ما رجال من البيت للمسجد وطلع فيهم العبر
انتي استخيري ربك وشوفي واهم شي العباده والدين اما راكب دباب مو مصيبه انا ولدي كمان يركب دباب يعني مغزلجي لا كلام مو صحيح
استخيري ربك واسالو عن دينه ومعاملته مع اهله والجيران اهم شي اهم شي مايكون يعصب ويضضرب او يكون يتعطي
غير كده كل شي يهون
وهدا رائي عزيزتي.

[ريم الغلاا]

وعليكم السسلام ورحمة الله وبركاته

بنصحك انك تستخيري مره و اثنين وثلاث

اذا ارتحتي له فوافقي والدباب مو عيب او سبب علشان ترفضي

واذا على المغازل والبنات الشباب كذا قبل الزواج والله الهادي

[آنثے م̝̚لآئـکﯾھَہّ]

مساء النور

شو فيها حق دباب !! صعب نحكم ع شخص بسبب هوايه
الدبابات هوايه زي الرسم زي الكتابه زي التصميم زي اي شئ

طيب بسألك تثقي بشيخ يتقدم لك !! تضمني مو حق بنات !! قبل فتره قريت وحده
تشتكي من زوجها شيخ معروف بس طلع حق بنات ومصايب

يالغاليه هذا الشئ بعلم الغيب مدام مافي اي دليل او اثبات عليه
وبصفه عامه استشيري الله سواء بخطيبك او باي شخص يتقدم لك حتى لو راعي مسجد
استخيري اكثر من مره حتى لو تمت الخطبه ظلي استخيري مو خسرانه شئ
ولا تحكمين ع الشخص من مجرد هوايه

ربي يسعدك

:رحيق:

[مطر الفجر]

وعليكم السلام
اختي مع احترامي وبكل صراحه
عقل اخوانك وتفكيرهم محدود جدا جدا
كم اعمارهم ؟؟؟؟ وكيف حكموا على هذا الشاب بانه داشر ؟؟
قد يكون افضل من اخوانك جميعهم ؟؟؟
كلن يرى الناس بعين طبعه
واخوانك من وين عندهم هذه المعلومه ؟؟
اي شخص يركب دباب يعني شخص يغازل ؟
خلاص قولي لهم اي رجال يشرب دخان يعني منتهي ؟
اي رجال يلعب بلايستيشن يعني مجنون ؟
اي رجال يتابع كرة القدم يعني عقله رايح فيها ؟
اي رجال يحب السيارات يعني يتفاخر امام الفتيات !!!
لو رح نحكم من الهوايات فقط لقلنا الكثير والكثير
من السلبيات على الناس
اجل لو انتي نفسك تجربين تركبين الدبابات
وهو مجرد تفكير فقط
ماذا سيكون حكم اخوانك عليك ؟؟ ياساتر لا يطلعونك كافره بعد !!!
لا يحق لهم الطعن في شرف هذا الشاب
ولا القذف له بانه يغازل ومو انسان مضبوط
ان هذا ذنب عظيم ان لم يروا شيئا باعينهم
فلماذا يتكلمون ويطعنون في الشاب واخلاقه وادابه العامه ؟؟
انتي تعرفي عليه اكثر وكلميه اكثر
واذا انتي مرتاحه لهذا الشخص وافقي عليه
والله يسهل لك امورك وحياتك ويبارك لك في زواجك
على اساس ان اخوانك هم الملائكة ولم يخطئوا ؟؟؟؟؟
لاتزعلي من كلامي ولكن اخوانك صغيري العقول
ومن ذوي التفكير المحدود
عقول كهذه لن تنفعك في المستقبل ابدا
ولن يساعدوك في حل اي مشكلة تواجهك
لانهم لن ينظروا بمنظور عقلاني ابدا
واخشى عليك ان يتقدم بك العمر ولا تاتيك فرصة الزواج مره اخرى
او ان يوافقوا على شخص مثلهم ويوافق تفكيرهم السطحي
وتتورطين انتي او ان تبقي بدون زواج
وحبيسه لهم ولافكارهم المريضة
لذا عزيزتي نصيحه استخيري وتواصلي اكثر مع هذا الشاب
اللذي تقدم لك
ولابد ان يكون بينكم مكالمات ومحاورات لتتعرفوا على بعض اكثر
طبعا بعلم الاهل وموافقتهم

تحيتي لك ....

[نقاء]

انزين ليه ما تستفسرون عن اخلاقه وكذا :y2o01875:

[LoOoRaNs]

شوفي حاله واسالي عن فكرة زواجه هل ابتدى فيها وطلب من اهله هالشي ولاالامر كان مبادرة من اهله من شان يعقل ولالااسباب اخرى
ان كان قام بها هو واراد الزواج ان شاء الله اموره طيبه ووقتها شوفي حاله مع الله والمحيطين به والاستخارة تنهي الموضوع ان شاء الله
اما ان كانت رغبة اهله وهو مجرد مزهريه ماله راي فاحذري مانت للتجارب والتخمين هذا زواج لاتتعجلي وتندمين
لاانه الامر المهم بعد الزواج بالتعامل والاحتواء امر الزواج بيتم على كل حال في الاصل وهو عقد وزواج وامور سطحية وراح تتم
الاشكال يبان الهدف من الزواج بالبيت الجديد وهو عدم الانسجام وياكثر الجفاف العاطفي اللي يعانون منه المتزوجين والسبب عدم الملائمه من البدايه لكن اصرار البنت وزواجها من اي كان يوقعها بامر ماله حل ان تطلقت عيبوها وان صبرت حرقت اعصابها وتلفت فتقعد بعذاب دائم
فالرجال يختلفون برغبتهم بالزواج
ومسالة الدباب اخوانك معهم حق كثير منهم ماهم طيبين بس فيهم خير مثل باقي الخلق من مختلف الفئات يحتاجون ينضبطون ويحتاجون صبر بالتعامل ومثل مايقولون اصابع يدك ماهي سوى قد يكون فيهم الخير ولطالح ويتفاوتون
فالمهم ارجعي لااهم شي وهو سبب زواجه من قام به هل هي رغبته ولارغبت اهله وتابعي باقي الامور اللي ذكرتها ربي يوفقك

[رج ــــل ش ــــرقي]

الله يكتبلي اللي فيه الخير ..

الرجال شاريك وتقدملك على سنة الله ورسوله ^^

وأنتي ان شاء الله تقدرين تكسبينه وتخلينه مايشوف غيرك ..

كم من ناش أعرفهم شخصيا راعين بلاوي

وبعد ماتزوج سبحان الله تغيرت حاله وأخلاقه حتى ماعاد ينشااف هههههههههههه

الله يوفقك ويسعدك في حايامك المقبله ^^

[egy qween]

احم احم احم:x38:!!
مع احترامي واحترامي واحترامي...
أخوانك ما شفت تفكير سطحي أكثر من تفكيرهم...
أنا أركب دباب في المواقف مع الشباب وصاحباتي كلهم وما يصير أي شي!!...المسألة أنه الإنسان لمن يركب دباب يحس بأنه فراغ الوقت عندي أتملا...:MonTaseR_173: لكن مسألة داشر وما داشر فهاد شي يعتمد على تصرفاته اللي تشوفينها إنتي...وليس له علاقة بالمرة بموضوع الدبابات وما الدبابات...:m:
وبعدين يا بنت الحلال إذا أتبين لك أنه كلام أخوانك صح أخلعي زوجك وأنهي السالفة وعيشي حياتك...لكن ما دام إنتي شايفتيه إبن حلال ووالدينك موافقين عليه تزوجيه الله يسعدكم ولا تاخذي بكلام أخوانك طالما إنتي مو بشايفتيه داشر أو حق مغازل...الله يسعدك وياه...:MonTaseR_61:

[شهوده المزيونه]

مطر الفجر كفت ووفت بالرد
اوافقها في الراي بشدهه :29:

[خفوق]

شوفي يااختي الشباب مو مثل بعض
وانا ماعرف ليه حكمو ع الرجال كذا
يعني مع احترامي الشديد اخوانك معقدين
يعني كل شاب بذا السن يطّلع ويلعب ويحب الخرجات والدبابات
وكل شخص لو ماضي مافي شخص سليم من عيوب
استخيري اختي
وربي يوفقك ويرزقك بكل ماتتمنيه

[إحساس طفله]

السلامم عليكمم حبيبتي ..
لا تشغلين بالكك ارجعي صلي ان ارتحتي معاناااه انه نصيبكك فهمتي ..
ولا تحكمين ع الشاب بكلامم اخوانكك ي قلبي ..
مو كل واحد هواية الدبابات صايع وضايع لا ي روحهاا .. قفلي اذنكك حتى عن اخوانكك .
دامك صليتي وارتحتي .. ربي يوفقكك يقلبي انتي فديتكك ..