حزينه ومنهاره

[مشكلتي]

سﻻم كيف حالكم

انا منهاره وحزينه ﻻني حساسه مرره اول شي انا بنت عمري 28 سنه عندي اخو اصغر مني عمره 26 سنه بيتزوج الله يوفقه انا صح انخطب بس مافيه نصيب الحمد لله .المهم يا اخواني انا ما ابي اخوي الي اصغر مني يتزوج قبلي مو حسد وﻻ غيره ربي يعلم .انا خايفه انه اذا تزوج اخوي الي اصغر مني ينقطع نصيبي او ما يتقدم لي اﻻ المتزوجين .وبعدين تعرفون ليش انا حزينه وما ابي اخوي يتزوج قبلي بسبب اقاربي يقولون لي عانس وقد جرحوني كم مرره ونظراتهم لي تبكيني فاكيد بيحظرون زواج اخوي وبيقولون شوفو اخواها اصغر منها تزوج وهي باقي مرره خايفه من نظرتهم.وعادي الولد الي اصغر من اخته يتزوج قبلها عادي وﻻﻻ تكفون ادعولي بزوج الصالح معن بعمري هذا ماراح يجيني احد على قولت اقاربي عجوز مين يبيها معن ما ينقصني شي .واخاف اخوي يتغير علي بعد الزواج مررره قلقانه .بدون مجامله في الردود اعطوني في نص الجبهه دمتم سالمين ...��

[آلمتفائله]

بصرااحه المشكله اشوفها جدا عاديه ولاتحتاج لاحزن ولا شي

اول شي هذا نصيب من الله ومافيها شي لو اخوك تزوج قبلك هذا نصيبه

بالنسبه لي لاتزعلين اشوف انه حسد ليش يتزوج قبلي ورح يتوقف نصيبي ! رغم انه نصيبك ماله دخل بزواج أخوك

قلتي كذا للسبب الاول هو نظرة الناس لك والسبب الثاني خوف انه اخوك يتغير

واللي اتضح لي من كلامك انك للاسف انك ضعيفه و يهمك راي الناس

اما الاخ مايتغير عن اخته ممكن ينشغل بمسؤولياته وبيته مو اكثررر

وبعدين انتي عارفه طباع اخوك بيتغير عليك ولالا

الناس محد يسلم من كلامهم ولو سالوك ماتزوجتي ؟؟

عادي خليك واثقه من نفسك وقوليلهم لسى ماجى اللي يستاهلني :icon20:

ولاتبينين انك ضعيفه بالعكس هذي خيييره لك والله كل تاخيره خيره

اعرف بنت تزوجت بعمر كبيرر وربي عوضها ماشاء الله بواحد يستاهلها وتستاهله

قريبتي عمرها بالاربعين وماتزوجت وعايشه حياتها طبيعي وفالتها كمان ومبسوطه

مانتي لحالك عانس وبعدين وش يعني لو قالو عاانس ؟

لاتاخذين الامور بجديه ولاتتحسسين ترا هالشي بيتعب نفسيتك حتى شكلك بيتغير من كثر التفكير

وثاني شي تعطين للناس مجاال انهم يعرفون انك تتضايقين ورح يزيدونك بالكلام دبل الدبل

خليك واثقه من نفسسك وعيشي حياتك طبيعي ولاتبينين لهم اي شي

واكثري يا اختي من الاستغفار وقيام الليل وادعي بسجودك بهذا الوقت

لانه دايم الدعوات تكون مستجابه باذن الله

وحسب ماقرات من بعض تجارب البنات بمنتدى اخر

يقولون ( اقرأي سورة البقره لمدة اربعين يوم بنية الزواج )

ورددي هذا الدعاء

( ربي لاتذرني فردا وانت خير الوارثين )

اسال الله ان يسهل امورك ويوفقك

آلمتفائله

[شذى الورد]

وعليكم السلام ورحمة الله وبركاته
بصراحة اول مرة بسمع انه اخوك لا كان اصغر منك مشكلة لا تزوج قبل
يعني كنا نسمع انه الاخت الصغرى تتزوج قبل ببعض الاوقات مشكلة

يا اختي الزواج قسمة ونصيب ما حد بالدنيا باخذالا نصيبه بالحياة
وكلي امرك لربنا وربنا كريم
شي تاني مين حكى انه بعمرك هذا ما رح يجيك حد صالح
شو عرفهم متلا بعرفوا بالغيب!! والا بعرفوا امتا ربنا كاتب لك الزواج
قوي نفسك وشخصيتك ولا تتركي حد يجرحك مين ما كان ومهما كان
اصلا هم كل ما شافوك حزينة بسبب كلامهم وحساسة رح يجرحوك اكتر
كل شي بيد ربنا
واستغفري الاستغفار ثماره كبيرة
وربنا يرزقك بالزوج الصالح

[مطر الفجر]

وعليكم االسلام ورحمة الله وبركاته
اختي العزيزه
زواج الاخ او الاخت الاصغر منك عادي جدا
ويوجد كثير ناس اعرفهم بنفس الموقف
اولا انتي مازلتي في عمر رائع جدا وهو نضوج عقلي وجسدي
ولست بحاجة لاراء الناس لكي يقيمونك !!!
ربما يكون نصيبك من خلال حفلة زواج اخوك
ويراك ناس كثر ويسالون عنك
لاتعلمين ماهو الخير لك
ان الله لا يؤجل شيئ ولا يمنع شيئ الا لحكمة
لا تخجلي ولا تنظري لنفسك بالدونية
ان لم تحبي نفسك وتثقين بها
فلن يحبك احد ولن يثق بك احد ابدا !
لا تجعلي حياتك وزواجك هو همك
ولا تكترثي لنظرت الناس لانهم لن ينفعوك ابدا
بالعكس سوف يتعمدون احراجك ومضايقتك
اذا احسوا انك خائفه او خجله من نظرتهم لك
افتخري بنفسك واعتبري انك ملكة فوق الجميع
باخلاقك وحشمتك وادبك واخلاقك
و اكرر لك لا يهمك الناس
لن تسلمي من كلامهم في كل الحالتين
وحتى ان تزوجتي سيقولون
تزوجت في عمر كبير ومسكينه و و و و الخ
اضربي بكلام الجميع عرض الحائط
وكوني انانية في نفسك ومشاعرك
تمنياتي لك بكل خير ان شاء الله
تحيتي ...\

[نقاء]

خالتي تزوجت وهي بالثلاثينات واخونها تزوجو قبلها
وزوجها بصراحه مافي احسن منه لا تتضايقين من الموضوع
ولا تسمعين لكلام الناس واحسنى الظن بالله انه الله بيرزقك بالزوج الصالح

ودي

[شهوده المزيونه]

المفترض يكون عندك ثقه بالنفس
ماعليك منهم وانتي توك صغيره
تعرفين ان الامريكات مايتزوجون الا بعمر الثلاثين :MonTaseR_5:
وزي ماقالت خيتي متفائله قولي لهم ماجا الي يستاهلني
وعلى اي اساس حكمو الناس انك ماراح تتزوجي !
التفكير في هذي الامور يمكن يطلع لك شعر ابيض وهو الشيب
بنت في اولى ثانوي طلعت لها شعره بيضه !؟
لانها عصبيه مرهه
الزبده لاتهتمي للاحد وحبي نفسك كما انتي
ولاحقه على عوار الراس :MonTaseR_5:
.
.
الشقيه
: ورد :

[مسكك الغلا]

حبيبتي هي كلمه رزقك بيجيك طال الزمان او قصر


فلا تتمني عدم زواج اخيك بالعكس افرحي واستبشري

خيرا اختاه لستي كبيرة ابدا فلا تقلقي

[خفوق]

لاتفكري بكلام الناس لو تجلسي تفكري بتموتي
انا اخواني اصغر مني كلهم تزوجوا وانا باقي عزوبي وتوني خطبت
ماتدري انتي متي ياجي نصيبك اختي انتي كذا تحسدي اخوك
ابعدي عن الحسد وبالعكس المفروض تفرحي ان اخوك يتزوج
ولاتخلي كلام احد يأثر عليك وثقي بنفسك واعرفي ان كل شيء مقدر ومكتوب
ونصيبك راح ياجي لك

[إحساس طفله]

حبيبتي مافي الموضوع ولا اي مشكلهه ياقلبي .
اول شي انتي انسانه مو عانس .. العانس ي قلبي اللى توصل ال 50 سنه انتي لسا عمرك 28
حرام تقولي ع نفسك عاننس . وبعدين قفلي اذنك من الاقارب والله هم عقارب .
شوفي انا عمري 23 سنه .. اختي اصغر مني تزوجت وعمرها 18 سنه ..
وكلهم قالو لي ليش م تزوجتي انتي اول .. ضحكت وقلت احنا اي وحده يجي نصيبها تروح مو مثل الناس المتخلفين
لازم الكبيره تتزوج ... فهمتي ي قلبهاا .. لاتشيلي هممم .. عليك ب الاستغفار وربي ان شاءالله يحقق امانيكك كلها ..

[همسة الروح]

وعليكم السلام
صرااحه العنوان غير المضمون
على ايش حزينه و منهاره !!
عشان أخوك بيتزوج قبلك
وش فيها الف مبرووك ي أختي
المفروووض تفرحين وتنبسطين وتفكرين وشو بتسوين
مو حزن على امور ماتسوى
محد بيآخذ الا نصيبه
ولسى العمر قدامك
ولا تخلي الشيطان يوسوس لك ب أفكار وهلوسات تافهه
راحت فكرة اختي تتزوج قبلي وغيرها
الحين الصغيره اذا جاء نصيبها خلاص وافقوا اهلها
استهدي بالله وفكري وش بتسوين بعرس اخوك والبس احلى فستان
وارقصي وافرحي وعيشي حياتك
:112: ومبرووك مقدما ل اخوك والله يوفقه
وعقبالك يارب
وش عرفك لو في زواج اخوك تنخطبي
خلك ذيبه
:eh_s(8):

[اللورد يحيا]

أنتي من الأشخاص الذي يهتم لكلام أكثر الناس متناسين بأنهم لا يعلمون ولا يفقهون ولا يعقلون

فمن الأفضل لا تهتمين لأحد أكثر من إهتمامك بدينك وبقسمتك ونصيبك التي كتبها الله لك

وتأكدي يا أختي العزيزه لن توضعين في ( قبرك ) بعد عمر طويل إن شاء الله إلا وقد أخذتي كل ماكتبه الله لك لا يزيد ولا ينقص

وإذا لكِ نصيب في الزواج سواءً قبل أخوك أو بعده حتماً ستأخذينه وأفواه الآخرين صامته

فلذا عليك بملازمة الدعاء وكثرة الإستغفار وعدم المبالاه بالقيل والقال

والله يرزقك ويصلح شانك دنيا وآخره

[إحساس شاعر]

طيب سؤال انتِ وش ذنبك ؟ هل كان لك سبب في تأخير زواجك ؟
أكيد الإجابة : لا ثم لا
إذن ما الداعي لانجراف النفس وراء التأثيرات النفسية وتداعيات الحزن والبكاء.

ومثل ما قالوا لك الأخوة أعلاه انت عمرك لسا ما تجاوزت الأربعين وتذكري أن أفضل أسرة على وجه الأرض كانت بين زوجين عمر الزوجة 40 عاماً. وزوجها أفضل من طلعت عليه الشمس صلوات الله سلامه عليه.

ثم هناك من القصص ما يثلج صدرك وقبل ذلك رحمة الله وحكمته وإيمانك بأن كل شيء بقضاء الله.
فمن القصص الكثيرة التي عايشتها في حياتي وهي قبل سنة تقريباً. كان هناك رجل كبير في السن وكان لديه بنت وولد لم يتزوجا وبقية أبنائه متزوجون كلهم. المهم الفتاة بلغت الثلاثين ولم تتزوج أما الولد فقد شرعوا لخطبته فلما كان يوم عقد قران الولد وأثناء الطريق رفع الأب يديه وقال اللهم كما سهلت لابني أمره سهّل أمر ابنتي وارزقها ابن الحلال ويعلم الله أن الفتاة انخطبت وعقد قرانها وتزوجت قبل أخيها بعدة أشهر والقصص أكثر منا تخيلين. فلِمَ الخوف والحزن ؟!
أكثري من الاستغفار ليل نهار. عسى الله أن يوفق الجميع لما يحب ويرضى.

[تراتيل]

ماعندك مشكله .. الله يرزقك بالزوج الصالح ..
والاهم لاتهتمي بكلام الناس في اي شي ولا راح تتعبين بحياتك ..
الله يوفقك اختي والاعضاء مشاءالله ماقصرو بالردود معك ماراح ازيد على كلامهم .🌷💜

[ابتسام]

يَ آلله يَ حبيبي آجبنِي , لمآ نصف آلـآنآث يعتقدنَ آنّ آلحيَآةْ "زَوجْ" ؟!

[وهم الاقنعه]

حبيبتي كلام الناس لايجننك وكلام الناس خليه أر ظهرك ولو مشيئتي ورا الناس مآب تسلمي من حكاويهم
ف طنشي أحسن لك

وبعدين بعدك صغيرة مانتي بعجوز ولا شي

ياقلبي عليك انتي مارح يعيبك شي وأجلا او عاجلا رح تتزوجين

فانتبهي على نفسك وخلي كلام الناس ورا ظهرك

[دروب الحب]

وعليكم السلام انتي لساتك صغيره وبعمرالزهور

خليك قويه وشوفيني اناعمري 32 ولسى ماجاءنصيبي

فحافظي على نفسك ولاعليك من كلام الناس وخلي اخوك يتزوج

وادعيله بالتوفيق لقلبك السعاده

[سآرهه بنت سعود]

:200: بسيطه اي آحد يسآلك ليه ماتزوجتي

ردي عليهم انا جوهرة والجوهرة مو اي شخصص يمتلكهآ
:MonTaseR_57: واحرقي دمهم بنظرة غرور

[أسيل]

آلسلآم عليكم :$
حبيبتي لاتزعلين روحك على هذي الامور
ترا نصيبك بيجيك بيجيك حتى لو اخوكِ تزوج او ماتزوج
وبعدين زواج اخوك ماله اي علاقة بزواجك انتي
حبيبتي لاتفكرين كذا عشان لاتظلين طول عمرك متضايقة ومهمومة
وتفكرين بكذا مواضيع صحيح فيه ناس بالمجتمع تظن انه لو مثلا تزوج الصغير قبل الكبير
يصيرون يفكرون بشكل غريب ! وهالشي ماعاد في منه الحين حبيبتي
ومالازم تتضايقين عشان اخوك بيتزوج بالعكس افرحي له وماتزعلي
وبإذن الله رح يجي اليوم يلي تتزوجين وتفرحين فيه ، وزي ماقلتلك لاتفكرين بهالامور ياعسولتي :$
موفقة :نبض:

[! كيان الألم !]

تتضايقين على حكمة ربنا
والله والله لو تعلمين كيف الله يدبر امورك ممكن تبكين انك زعلانه
احمدي الله انك ماتزوجتي وبالأخير يجيك واحد مايقدرك
وترى الزواج مو كل الحياه
وحتى لو جاك زوج الحين وش بتوافقين عليه مين ماكان
لا ياخووك خلي اهلك يسألوا عنه وعن صلاته وبره بوالديه < اذا هذولا صح عنده خذيه اذا فيهم بلا فكري مليون مره قبل انك توافقين
الزواج مو مسأله سهله وكلام الناس لا يلعب بنفسيتك يخليك تعجزين قبل ماتدخلين فتره العجز
وخذي الحياه ببساطه مو كل شيء لازم يتم وكل تأخيره فيها خيره
اهم شيء انك اذا جاك الشيء تنسعدي فيه مو تعيشي بضيقه ونكاده
الناس بكره ماداح تعيش معك ببيتك مع زوجك
ولا راح تقول زوجك فيه شيء
انتي فيك كل شيء اذا ماتوفقت حياتهم < نظرة الاغلبيه سطحية الناس اللي تتكلم لك بكرا هم نفسهم بيجوا يقولوا لك انك فيك البلا ولا ينقلون ان البلا منك


ماعلييييييييييييييييييييييييك من كلام الناس
اعطيه اكس

موفقه