مسجونه

[مشكلتي]

السلاام
مشكلتي هي حبيت انساان 4 سنوات و كل شي ضضدنناا اخر مره صارت مشكله كبيره وصلت لشرطه وصار لنا اكثر من 5 شهور محد يدري عن الثاني شي وما قدر اكلمه او اتصل عليه بس اتطمن لانه جهازي مسحوب و اصلا الارقام مراقبه مستواي الدراسي بعد مكان 98.99 صار 96.91
ع طول سارحه وتعبانه و الحين مستواي ينزل اكثر المشكله كل شي صار كَ صدمه كبييره لي كل شي فجأه مو قادره استوعب ولا شي من اللي صار واللي يصير ابي اطلع وانسى كل شي واعيش من جدييد تكفووون ابي ححل :eiwp:

[آلمتفائله]

بصراحه اختي ماقدر افيييدك فيه اشياء كثير ماذكرتيها

ومشكلتك فيها غموض وش صار طيب ؟ عشان نقدر نساعدك ؟!

[اللورد يحيا]

عليكم السلام ورحمة الله وبركاته

عزيزتي الصادق في حبه من الاستحاله ينسى من حبه حتى لو إنقطعوا بغير اراده عن بعض سنين طويله

ولكنك هنا لم توضحين شيئاً عن سبب انقطاعك عنه هل هي لانك تكلمينه وتم كشفك ام لمشكله اخرى ليس لها علاقه بحبكم ؟

وكذالك ياليت توضحين هل الشخص اللي بينك انتي وياه حب يقرب لك ام مجرد معرفة برمجيه جوال وانترنت ؟

[مشكلتي]

انا تعرفت عليه من 4 سنوات وحبيته بمعنى الكلمة وهو بعد نفسي بس مشكلته عقلاني مررره يعني مستحيل يسوي شي مجنون عكسي تماما بعد سنه تقريبا مسكوني اهلي اكلمه وصار كلام وكييذا انقطعنا فتره 4 شهور لانه جهازي مسحوب ورجعت ع طول اول اول ما صحت لي فرصه و بعدها انكشفت ثاني ونفس الشي انقطعنا كم شهر بسبب الجهاز وفكرت انتحر بس ماضبط معي ورجعنا بعد فتره
طبعا اكلمه بس ع الجهاز و اتصال ومره بس شفته من بعيد انا من مدينه وهو من مدينه وسبب الرفض من اهلي لانه جنسيته تختلف و المذهب بعد صارت مشاكل كثير من اهلي واهله واهو اكثر من مره يضل برا بيتهن شهور بسبب هالموضوع بس اخر مره انا ضعت واهلي فكروه اهو خاطفني وصار الموضوع بايد الشرطه وحسيت كل شي انتهى ومادري صرت اشك بحبه لي فجاه كذا لحالي وو ودي اكرهه و انسى كل شي ودي افقد ذاكرتي ل 4 سنوات ورا

[مشكلتي]

اكثر من مره صارت لي مشاكل بسبب اهله كانت امه تحبني لانه ولدها يحبني و خواته دايم يحاولو يسببو لي مشاكل وحده فيهن عادي معي

[السيده ملعقه]

اسمعي انتي الحل بايدك
حاولي تنسينه او حتى لو صارت لك فرصه لاتكلمينه ولاترجعين له
اهلك ايش ذنبهم
فقدتيهم ثقتهم فيك
بيصيرون يشكون فيك بكل شي
يعني الثقه بتكون معدومه
وانتي ايش بتستفيدي؟؟! ولا شي
واذا الله كاتب لك تصيرين حلاله بتكونين له لو ايش ماصار
بس انتي اتركيه
واستغفري ربك لان هالشي حرام
اكثري من الاستغفار وسوره البقره
وادعي باخر الليل

[♡المـاســه♡]

الله يهديك ويصلحك ياأختي مافي
شي أسمه حب طيب وإذا حبيته وش صار
تزوجته سكنت معه قابلته ولاشي من هالأمور
كل حب قبل الزواج هو حب باطل الحب هو
حب الزواج وبناء أسره وفي حدود الله غير ذا
الشي المفروض ماتناقشين أحد فيه أنتي عارفه
إنك ماشيه في شي غلط تبين يعني النلس تقولك
أستمري أتركيه وأنسيه لأنه أتوقع
إنك إنسانه واعيه وهو واعي ماراح يرضى
يتزوج بهالطريقه إلي يبي الزواج بيجور
وحده ثقه محترمه
وأعذريني ع الصراحه

[3lOoSh.A.]

م عرف إيش أقول ,, بس عارف إيش احساسك ,, الي اقدر اقوله ربي ييسرك للي فيه الخير

[عآشق مسك .~]

أختي.~
شوفي أحنا في مجتمع منغلق يعني من الصععب جدآآ الي يحب يتزوج .~
والمشكلة آلآكبر آنو رآحت الثقة .!
أختي من ترك شيئ عوضه الله بأحسن منه , أنتي حآولي تنسيه صح راح يكون صعب بس حاولي , وأن شآء الله ربي يعوضك بوآحد يحبكك من قلبهه ويتزوجكك ^_^
بآلتوفيق ^_^

[مطر الفجر]

4 سنين ؟؟؟؟؟؟؟؟؟؟
وما سوى ولا شي خلال هذه السنين كلها ؟؟؟؟؟؟؟
ماذا تنتظرين منه ؟؟
اخرتها بيتزوج ويشوف حياته وانتي اندبي حظك وانتحري ؟؟؟
اتركيه وعيشي حياتك
لان اللي يحب بصدق راح يسوي المستحيل
لكي يعلن حبه امام الجميع
ويتقدم لك رسمي وليس بالخفاء والمشاكل !!!

الله يكتب لك الخير

[مرجانة]

مدري الى متى وحنا بنسمع عن حالات الاندفاع المجنون ورا الحب

ليه ترمين نفسك هالرمية وتضيعين حالك وحال اهلك بسبب عواطف كان بالامكان انك تسيطرين عليها وتسكرين على هالموضوع ولا صار اللي صار

انتي الان ما استفدتي غير التعب و الندم

وللاسف ما تقدرين ترجعين بالزمن لورا

وعناد الاهل ما بيفيد اذا كانوا يرفضون تتزوجين احد خارج مذهبك
خلك معهم ولا تعورين راسك وراسهم

كلامي هذا كله ما يفيد بس لعل وعسى البنات المتهورات يستفيدون

الزمن وحده كفيل انه ينسيك
حاولي تشغلين نفسك باي شي
عمل تطوعي
نادي رياضي

لهي نفسك اليما تصيرين احسن واطلبي الله يغفر لك
الانتحار حرام وعصيان لله

ومن الكبائر لا تتهاونون فيه

الله يهديك

[مشكلتي]

احاول كثيير بس ما ينفع ف اي لحظه او ثانيه اكون فيها لحالي ع طول افكر ما قدر ابي انسى وادري اني اللي اسويه غلط والله بس مو بيدي عشان كذا كتبت مشكلتي هناا ابيي انسسى بس كيييف؟

[معزوفة ڪلآسيڪية]

صوت المرأه عوره
لاتسعمعيهه صوتك انا عني قسم موتي ولا حد يسمع صوتي
وبعدين ي بعدي اكتفي بالحروف ارسلي له بس لاتتصلي وتسمعيهه الا بالحلال
والله مدري وش اقول لك !!!! تحبيهه واصلي ع حبهه لاتخونينه او تنسينه لان مثل ماقال يحيى الحب ماينسى لو مر الزمن
والانتحار حرام ؟؟؟؟ تبيعين جنتك عشان دنيا فانيه دنيا حقيرة ! اعقلي وانا اختك
اذا هو بالسجن انتظريهه لانه بيرجع واذا هو ع الدنيا ومطنشك افضل انك تبتعدين عنه بكرامتك

[بوح الصمت]

اساسا المفروض من البدايه ما تسمحين له يكلمك
ولا انتي حتى تكلميه أهلك وثقوا فيك وبسبب طيشك واندفاعك
ضيعتي ثقتهم ولما حبوا يعطوك فرصه ثانيه رجعتي وخنتي ثقتهم
بقولك حكمه (الثقه كالدمعه إذا سقطة لا تعود )
والحل بيدك اصرار وعزيمه بتنسيه
أشغلي نفسك بأمور أدخلي دورات معاهد لا تخلي عندك فترات فراغ
عشان ما تفكري فيه وقربي من الله وقوي ايمانك
وحاولي تكسبين ثقة أهلك من جديد

[آح ــمــد]

هشـوى النسبه ما نزلت حـيل شـدج حيـلج بس :ai: ..

ولكـن مشكـله ووصلت لـ الشـرطه هـذي فضـيحه ..

وخـمس شهـور بعـد وصل اربع سنـوات هنـا يكمـن السـر ..

الحـل بـ ( الصـدق ) هل يـوجد لـديه ام لا ..

والله يستـر عليــج ودعي الحـب الوحـيد الذي يعيـش بقلبـج هـو ( طاعة الله ) وكـل شيء زائل ( ولا يبقى الا وجـه ربك ذو الجلال والاكـرام ) ..

الله يسـتر عليــج ..

[قيس]

اي حب لايجلب الراحه النفسيه وانما المشاكل فقط هذا حب حتى وان كان صادقا يفشل تماما.

لذلك فكري ان الله قد يبعدك عنه لخير ما
وارى الاهل هم ادرى بمصلحة ابنتهم وهم اولى بها فليس منطقا انهم يربون ويكبرون ليتفاجئون انك تتخذين حبا بغير رايهم وموافقتهم وتكسرين الماضي الجميل


فالنهايه لاتكسري قلب ابوويك.
ولاتدركيهما فالكبر فتندمي يوم لاينفع الندم



الحل الوحيد لنسيان حب لاتستطيعين اكماله ناشي بنات عاقلات وكوني اجتماعيه مع صديقاتك واقاربك لاتجرّك الخُطى بعيدا


تحياتي وتقديري واحترامي

[قيس]

من خلال خبرتي في الحياه لايستحق الرجل الحب اذا اخذ الفتاه رغما عن اهلها فهو افسدها لاجله واخذها لنفسه وحرم اهلها لذلك هو اناني لايستحق الحب.



حلك الوحيد انزعي العاطفه وفكري بالعقل فقط نحن في ٢٠١٥ سبل المعرفه مفتوحة الابواب لو كان صادقا لاراد لك الخير ولم يصل بك الى هذه المرحله


وجهة نضري انسيه بدون ندم وبدون انتحار

[قيس]

انتِ صغيره في العمر اهتمي بمستقبلك غدا سياتيك من ينسيك هموم الدنيا فمن ترك شيء لله عوضه خيراً منه ومن انتحر يخلد في جهنم وبئس المصير والمفروض انتي تعلمينا مو احنا نعلمك ماشاء الله تبارك الله نسبتك الدراسيه ممتازه جدا