المساعد الشخصي الرقمي

مشاهدة النسخة كاملة : مشكلتي


مشكلتي
05-13-15, 02:08 PM
انا اسمع دائما اخواني يقولون (( على شحم )) خاصة اذا زعلهم احد
وكان زوجي ينكت علي وقلت له على شحم
بعدها قال الشرهة مو عليك الشرهة علي الي متزوجك
وله الحين اسبوع يميل خشتة اذا شافني

واراضيه ومايرضى

رج ــــل ش ــــرقي
05-13-15, 02:11 PM
حاولي تبين له ان قدره بعينك كبير وان ماكان قصدك تقللين من قيمته وأنك ماتفهمين وش معناة الكلمه ..

ترا شيء صعب على الرجال اذا حس انه مو بعين زوجته وحبيبته ^^

وهو الله يهديه مزودها أسبووع ^^

الله يوفقك ويسعدك ^^

أسيل
05-13-15, 02:21 PM
السلام عليكم :رحيق:
مدري صراحة شنو معنى ( على شحم )
بس الظاهر انها كلمة مو زينة
حاولي تتأسفي منه وتبيني له انك
م قصدتي شي سيء وان شاء الله يسامحك
وبعدين حبيبتي مو كل شي تسمعيه من البشر
تعيديه قدام زوجك ، الظاهر زوجك طبعه حساس وم يحب ذي الشغلات
حاولي تراضيه وتتاسفي له اكثر ~ ويارب يسامحك ~
موفقة :$

آنثے م̝̚لآئـکﯾھَہّ
05-13-15, 02:43 PM
والله ماعرف ايش معناها لكن اعتقد معناها " تحلم او ماراح توصل له "
المهم
غلاتي انتي غلطتي المفروض اي كلمه ماتعرفين معناها خلاص انسيها
او اسألي بلطافه زوجك او اخوانك عن معناها
مو تروحين تقولينها له ترى مرره صعبه
روحي اعتذري منه بالغلا لا تطول السالفه واسبوع مره كثير
كيف تقدري تتحملي زوجك زعلان منك كل الفتره هذي ^_^
الله يسخركم لبعض

:رحيق:

اللورد يحيا
05-13-15, 06:57 PM
أنا متأكد بل أجزم إن زوجك لا يعلم ما هو معنى الكلمه من الأساس

المقصود بكلمة ( على شحم ) لدى علوم شيوخ رجال البدو في الجزيره العربيه بـ ( مالك نصيب إلا الشحم أما الحم فهو لي ) وهذا يعني اذا قيلت العباره لشخص معين فهو يعتبر تقليل من شأنه

لأن قديماً الشحم مثل شحمة " السبله " في المناسبات تكون للأشخاص العاديين والصغار في صحون خاصه بهم ، أما الحم والشحم الزين فيكون في صحون لضيوف الاكابر مثل الشيوخ والوجهاء

اما مع عصر الإنفتاح والتطور أصبح تداول كلمة ( على شحم ) لغرض السخريه للإسكات والأكثريه يفكر أنها عبارة سب أو شتم

ولكن عادي بإمكانك تصلحين غلطك بالتوضيح له إنك لا تعلمين عن ماهو معنى

Dr.moonee
05-13-15, 07:39 PM
اسبوع على الكلمه دي :MonTaseR_203:
يتدلع ع رأسك
اعتدري لانو غلطتي وكذا وقولي لو انو ماتعرفي معناها
اجل انا دايم اجيب العيد مع اخواني ��
والرجال بسرعه يرضى
بس انتي جيبها ب اُسلوب حبيبتي
الله يسعدك ❤️

مسكك الغلا
05-13-15, 07:43 PM
غريب


معلومه جديده علي

طيب يالربع

من كان ضيف وجابو له مفطحه وين يجلس اي جزء يكون جهة الظيف !!

هنا بستغرب بسلومنا احنا البدو ومن عرفتي للعلم من اكرام الظيف جعل شحم الفطحه جهته وهذا من قديم

ع عصر جدي وابوي وللحين


فكيف الشحم لصغار الناس !!


ردي عليتس يالغلا

انه مو اي كلمه تسمعينه تقلينه حتى لو مزح

اعترفي له انتس تمزحين وانتس ماعرفتي المعني

اعتقد والله اعلم ع شحم مثل قولة اسكت مالك دخل او ماطلبت رايك

اما تفسير اللورد اول مره اسمع به

همسة الروح
05-13-15, 07:51 PM
طلع هذآ معناها
اسمع فيها بس توني اعرف وش القصد منها
المهم خذي لك هديه حلوه عليها القيمه واعتذري له وقولي له انك ما تقصدين ولاتعرفين وش معناها اصلا
ولا ماقلتيها
وانتبهي المراات الجايه
لاتقولين تبطي عظم :29:
ترا مدري وش تطلع
الله يسعدك

متغطرسَ
05-13-15, 07:55 PM
لـآ ذي بسيطه حيل
يمكن آسبوع يتدلع عليك
ورآضيه بلكلمه آلحلوه وزي كذآ
وعسى ربي يوفقككمم

اللورد يحيا
05-13-15, 08:07 PM
الشحمه هنا المقصود بها زيل الخروف وتسمى لدى الأغلبيه بـ ( السِبله ) بكسر السين وتشديد الباء وفتح الام

وهي في الاصل شحمه وعيب لدى علوم الرجال الأكابر يقلط الضيف عليها دام لدى المضيف خير رغم أنها تؤكل ويعمل منها حميس مثل السمن يؤكل مع العصيد أو الخبز ..

فإن قلنا لشخص أكابر نكن له حب وإحترام عبارة ( على شحمه ) فهذا يعني بأننا ضربنا به عرض الحائط غير مبالين بوجوده وأهميته ..

مرجانة
05-14-15, 12:43 PM
ههههه

اول مره اسمع بهالكلمة

موقف لا تحسدين عليه حبيبتي

لازم ما نقول شي مو فاهمينه بالذات للي نحبهم

الله يصلحك

راضيه نشبي فيه وان شاء الله بيرضى لا تهتمي

مشكلتي
05-14-15, 01:25 PM
جزاكم الله خير على الردود وتوني اعرف معنى الكلمه

وان شاءالله مااجيب العيد معه مره ثانيه

رج ــــل ش ــــرقي
05-14-15, 01:52 PM
فيه ناس يعني في عوايدهم اذا قاله واحد على خشمي يقول عليه الشحم ويعني تعتبر مدحه

وفي اللي يقولك على سبيل الاستنقاص اقول على شحم يعني أسكت كل ناس ولهم طريقتهم يعني .. احنا تركنا أساس المشكله ..

قصة انه زعلان أسبوع كامل هذي غريبه أصلا مكروه حتى في الدين الزعل اكثر من ثلاث أيام بين المسلمين عامه ..


ممكن هو فيه شيء ثاني مزعله أو فيه تراكمات .. الله أعلم ..

مطر الفجر
05-15-15, 12:46 AM
وعليكم السلام
اولا لدي صعوبه في فهم اللهجات ^_^
لذا يا عزيزتي تصالحي مع زوجك بكل بساطه وعفوية
واشرحي له انك سمعتي الكلمه ولا تعرفين معناها
ولا تمزحين بهذا الشكل مره اخرى
شكرا للاخ يحيا على التوضيح ^_^
تحيتي للجميع

نقاء
05-15-15, 01:57 AM
ما اقول غير مع نفسسسه
السالفه ما تحتاج اسبوع شوها

♡المـاســه♡
05-15-15, 07:39 AM
ههههه زلة لسان الله يههديك

طيب قولي له إنك متعوده ع الكلمه من
أخوانك وماتشوفين فيها شي

وهم الاقنعه
05-15-15, 08:29 AM
والله مدري شقولك

شوفي الاعضاء ممكن يساعدونك

قيس
05-15-15, 11:53 AM
اولا بسم الله الرحمن الرحيم

اولا هذا درس انه مو كل شي تسمعينه تقوليه خاصة لزوجك الله يهديك

اول شي الاعتراف بالخطأ
والتاسف له
والابتسامه لها دور كبير مو تجينه خايفه او حزينه ترا هذا اكبر غلط عند كثير من الحريم هههههههه


وصدقيني الرجال مع زوجته مجرد كلمه كلمتين مثل الطفل يرضا على طول بكل برائه لانه مالهم غير بعض

Syr!an Flash
05-15-15, 12:08 PM
ممكن سؤال ؟ شو يعني :

على شحم ؟ شرهة ؟ خشتة ؟

بس مشان افهم الموضوع منيح

مسكك الغلا
05-15-15, 12:55 PM
ممكن سؤال ؟ شو يعني :

على شحم ؟ شرهة ؟ خشتة ؟

بس مشان افهم الموضوع منيح

الشحم الكل يعرفه وله مسمى آخر لية الخروف



.................................................. .............................................



اما المعنى. فلم استكن حتى سألت من هم أكبر مني سنا وخبرة.

فكبار السن لهم رأي يختلف

وهذا مافهمته من ردودهن بإيجاز



(( كلمة على شحم=اسكت وعلى كرامة ))


بدون تجريح.. ورادعة.. وهي مؤدبة
لشخص ايضا
ومعناها (( طيب لا يخبث بمدلوها ))

نعم..

ونستخدمها حين نستنفذ ادوات الصبر والاقناع
او نجعلها درع بين صفاقة المتحدث وبجاحته او تجنيه
حتى لا نلطخ انفسنا بما ياخذه علينا
ولكن ربما

الفرق..//

انه يستخدم قديما كالطف رد مقترن بمعنى.. اسكت
وهو سلوك في الاختلاف نفتقده


ولكن استخدامها في الحاضر.. مقرون بمعنى.. انطم.. تلايس..
.اكرمكم الله
.................
بمعنى ان جيل اليوم لا يتمتع ولا يلتزم بمقاييس الامس نفسها
فقد تؤدي هذه الكلمة الى فهم يترتب عليه مالا يحمد.. او استخدام فيه شيء من العلو والبجاحة*
فنحن عصر المزاجية المتمردة على كل التوقعات.

واخبرتني احدى كبيرات السن. ان لها

*مصطلحات اخرى في بعض اللهجات وتقوم مقامها في*
مقتضى الحال كقول بعض اهل الجنوب : (صه او اصه)
وعندنا بعض اهل القصيم : (الفقه) وهكذا


هذا الرد لم يأتي الا بعد اشتغال المحقق كونان ليلة امس. :خجول:

Syr!an Flash
05-15-15, 08:16 PM
يسلمو اديكي

طيب وباقي الكلمات ؟


SEO by vBSEO 3.6.1