crazy077
07-12-15, 05:13 PM
اي والله ابيه يشوف حالي عقب فرقاه
ويدري وش اللي حدني لين فارقته
ابي يستمع كيف اتعذب بقول الآه
وابي يدري ان صبري على البعد ما طقته
ما غير اتصبر بين شوقي له وطرياه
واسلي خفوقي بالصور كل ما اشتقته
عقب غيبته يا وجد حالي على لقياه
وجود الشجاع وعبرة الذل سايقته
وليف ٍ لا جيت اشبهه قلت : كنه اياه
وبقول وصوفك ولا الاوصاف لايقته
طلب قلبي وقلبي قبل لا يجيله جاه
وصار يتمشى فيه ويمزع اروقته
ملك والملك مسموح له كل ما سواه
الا منه نوى شيء يسويه خذ وقته
له الحب والتقدير واوفى الغلا واسماه
على العهد بايعته وبالصــدق وثـــقته
وله الشعر جزله واثمنه واصدقه واحلاه
بحلو المشاعر له والاشواق طــوقته
كتبت القصايد فيه لكن وش دراه
الا من قراها قال راقت لذائقته
وهو مادرى ان كلها خاضعه لرضاه
كتبها جريح وعبرة الحزن خانقته
يبين الحزن في نظرة العين لو خباه
عيون لذيذ النوم ما هيب ذايقته
على حلم شوفه والسهر ناظري عناه
وحداني على شيء ضنتني ملاحقته
احبه ولا منه زعل تهت لجل رضاه
ابيع العمر لرضاه واشري مرافقته
صغير يغويه الدلع والخجل بحكاه
كلام قبل لا سمعه منه تشفقته
يسولف علي بشويش وانا علي لباه
ويسكت ليا مني بلبيه وهقته
اصدق كلامه وافهمه واكتبه واقراه
لو انه يقول ان البحر جف صدقته
انا من كثر ما اشتاق له واعشقه واهواه
علي نذر لو ينباق من بيتهم بقته
مثل ما سرق قلبي وقفا به وخلاه
وسكت ورضيت وما طلبته وسرّقته
امره وانا اخاف الشماميت لا تقفاه
ويرتاح بالي يوم بالعين حققته
ما هو بلازم يدري اني وصلت حماه
لكن المهم اني اشوفه ليا شتقته
عسى فدوته من حاولوني على جفواه
وعسى هروجهم ما هي بعني بعايقته
وعسى الله يسامح له خطى قلبه ويرعاه
ويصبر خفوق سود الايام سايقته
ويدري وش اللي حدني لين فارقته
ابي يستمع كيف اتعذب بقول الآه
وابي يدري ان صبري على البعد ما طقته
ما غير اتصبر بين شوقي له وطرياه
واسلي خفوقي بالصور كل ما اشتقته
عقب غيبته يا وجد حالي على لقياه
وجود الشجاع وعبرة الذل سايقته
وليف ٍ لا جيت اشبهه قلت : كنه اياه
وبقول وصوفك ولا الاوصاف لايقته
طلب قلبي وقلبي قبل لا يجيله جاه
وصار يتمشى فيه ويمزع اروقته
ملك والملك مسموح له كل ما سواه
الا منه نوى شيء يسويه خذ وقته
له الحب والتقدير واوفى الغلا واسماه
على العهد بايعته وبالصــدق وثـــقته
وله الشعر جزله واثمنه واصدقه واحلاه
بحلو المشاعر له والاشواق طــوقته
كتبت القصايد فيه لكن وش دراه
الا من قراها قال راقت لذائقته
وهو مادرى ان كلها خاضعه لرضاه
كتبها جريح وعبرة الحزن خانقته
يبين الحزن في نظرة العين لو خباه
عيون لذيذ النوم ما هيب ذايقته
على حلم شوفه والسهر ناظري عناه
وحداني على شيء ضنتني ملاحقته
احبه ولا منه زعل تهت لجل رضاه
ابيع العمر لرضاه واشري مرافقته
صغير يغويه الدلع والخجل بحكاه
كلام قبل لا سمعه منه تشفقته
يسولف علي بشويش وانا علي لباه
ويسكت ليا مني بلبيه وهقته
اصدق كلامه وافهمه واكتبه واقراه
لو انه يقول ان البحر جف صدقته
انا من كثر ما اشتاق له واعشقه واهواه
علي نذر لو ينباق من بيتهم بقته
مثل ما سرق قلبي وقفا به وخلاه
وسكت ورضيت وما طلبته وسرّقته
امره وانا اخاف الشماميت لا تقفاه
ويرتاح بالي يوم بالعين حققته
ما هو بلازم يدري اني وصلت حماه
لكن المهم اني اشوفه ليا شتقته
عسى فدوته من حاولوني على جفواه
وعسى هروجهم ما هي بعني بعايقته
وعسى الله يسامح له خطى قلبه ويرعاه
ويصبر خفوق سود الايام سايقته