قالوا تخونك : قلت طبع الرديين

[الســاهر]

ماودي اقلبها على راسك الحين
ولاودي اسكت عنك .. واجرح ضميري

جوني وقالوا عنك ناسٍ كثيرين
كلام يكبر عنه .. حتي الصغيري

قالوا نستك : وقلت والله لتموتين
وللحين باقي لي بقلبك كثيري

ابسألك وشلون يعني بتنسين ؟
ولحمة كتافك .. كابره بفضل خيري

قالوا تبيها : وقلت يمكن من سنين
يومه مصيرك مرتبط مع مصيري

انتي .. مثل طيرٍ كسير الجناحين
جبرت كسره عقب ماهو كسيري

ياكل من يديني .. سوات المساكين
وصد وتنكر .. يومه اصبح يطيري

قالوا تخونك : قلت طبع الرديين
طبع الخيانه من الردايا يصيري

كل يوم وانتى ألف مره تخونين
ماهي غريبه خيانتك للعشيري

ادري مع غيري تخونيني الحين
وادري بعد ساعه تخونين غيري

[رويدا محمد]

انتي .. مثل طيرٍ كسير الجناحين
جبرت كسره عقب ماهو كسيري

ياكل من يديني .. سوات المساكين
وصد وتنكر .. يومه اصبح يطيري

كلمات جميلة أخي الساهر
تسلم على الطرح المميز
نالت أعجابي كل الشكر

[قيس]

ابدعت كلمات رائعه فعلاً

[أَلِفْ]

انتقاء مميز

[عشقشق]

انتي .. مثل طيرٍ كسير الجناحين
جبرت كسره عقب ماهو كسيري

أبدعت اخوي
كلمات وحروفك معبرة جدا
يعطيك العافية
بنتظار جديدك

[الســاهر]

من القلب لكم الشكر على مروركم الرائع
وسلمت الايادي على الرد والتعقيب
لكم مودتي وتقديري