تعال بادلني الإحساس ابادلك

[نـجـم]

صحصح صحيحن بناصحن ينصحك صح
وخلك خليلن مـــــــــــــــــــــــايخلي خليله

وخلك كريمن لاقسا الــــــــــــــوقت اوشح
ولانويت تمد مـــــــــــــــــــــــــــد الجزيله

وحذراك لاتخطـــــــــــــــي بكلمه وتجرح
ترى الانسان دايم لســـــــــــــــــــــانه دليله

وختار مـــــــــــــــــن وياه تضحك وتمزح
لابتلش بهـــــــــــــــــــــــــل النفوس الثقيله

الي علـــــــــــــــــــــــى الزلات كنه مشفح
كنه يدور زلتك فــــــــــــــــــــــــــي شليله

هذا مريض أعصــــــــــــــــاب خله وريح
لاتقربه وبعد بيت وســـــــــــــــــــــــــــيله

خلك مع الــــــــــــي صحبته صدق تشرح
خاطرك لمن صـــــــــــــار با الوقت ميله

يحزن لحــــــــــــــــزنك وبسعادتك يفرح
ويشيل حملك فـــــــــــــــــوق حملن يشيله

هذاك لازليت يــــــــــــــــــــدمح ويسمح
صعبن تلقا فــــــــــــــــــــــا الخلايق مثيله

اقولها من قلـــــــــــــــب صادق ومنصح
وراع الجميل اموت مــــــــــا انسا جميله

[نـجـم]

http://up.n4hr.com/uploads/1439672264121.jpg

ريحوني يا ماكثر الكلام
السوالف لايطول اجدالها

بيننا مع السلامه والسلام
واتركو مشاعري في حالها

هي تواجهني ع حسب النظام
فا الحياه أنواعها وشكالها

فا المواقيف العظيمه والجسام
صنفتني رجل بين ارجالها

التقدم ماعلي من الزحام
لين احط النفس في منزالها

وان بدت قدامي أبواب انتقام
امنعتني قبل افك اقفالها

وختصار السالفه لي حول عام
ماتلفت للعرب واقوالها

كل اموري من فضل ربي تمام
طيبه ف اقفايها واقبالها

والهوى ماهو عيب والا حرام
والبشر توخذ بسو اعمالها

الهوى كتله محبه وا حترام
بين روح وروح يا عذالها

استقام الحال والا ماستقام
فيه من جتني وقلبي جالها

بنت عزومجد من نسل الكرام
ماحدن قبلي شرب فنجالها

الوفا في طبعها مثل الوسام
والوفا مني مريح بالها

في خفوقي مستلذ الها المقام
كن ربي ماخلقه الا الها

اكتب لها وا التذكرها وانام
وأول حروفي على سلسالها

[نـجـم]

بس اشـــــعليكم مني
وشلكم بــــي وبفني
يمكن مجبــــــور اغني

لو ماهــــــــي طبايعنا


يمكن اكثركــــم سالي
مايعرف شي عن حالي
وانا الشــــــــــر يعبالي

في حــــــال ومنه ضعنا

[نـجـم]

يامتلف الروح ســـــــدي باح
من عشرتك ويش مصلوحي

حبك ذبحني بدون الســلاح
قلبي من الغبن مجروحـــي

لــولا الحيا كان اصيح صياح
أخاف تلحق علـــــى روحي

تليتني تـــل دلـــــــــو ارماح
ياكامل الـــزين مســـموحي

راع الهوى لـــــو يبي يــرتاح
ماهوب لايسمع والا يوحــي

ترى الهواى فيه زرق ارمــاح
ماهو ســـــــواليف ومزوحي

[نـجـم]

لو نلتفت للكلام الي على الفاضي
انكان مبطي كبود الناس من دبله

ثنتين ماغيرن فا الوقت مركاضي
الكلمه الناقصه والهرجه الخبله

الخبل يغتاض مثل الورع يختاضي
وتكرم لحانا عن الي قاصرن سبله

كلن بعقله على قول المثل راضي
وبا الطيب كلن ماوده واحدن قبله

خلك على زلت الاصحاب متغاضي
الي يبا الطيب والنوماس يتعبله

مايرضي الناس غير الشرع والقاضي
والا يفرق الناس غير مقرقع الطبله

الي يسولف بخلق الله والاعراضي
الله يقطع نمــــــــاه وينقطع وبله

لو الحسد ينقطع من بد الامراضي
حيث الحيا ينبت القيعان والعبله

حل المشاكل يبي فتال نقاضي
والكذب حبله قصير وينقط حبله

سج القدم والفجوج وساع وعراضي
في خايعن سبلت بفياضه الربله

ونكان مانته هجاج والانته ارياضي
تبا تشوف الفجوج الضوق من الدبله

العمر مره يا ليت الناس تعتاضي
والموت ماعنه يحسبلك وتحسبله

لمحت بصر كنها البراق لاناضي
عساني اموت وانا ساجدن قبله

[نـجـم]

يا بنت انا قلبي ترى دونه ضلوع
عزمه قوي يصبر على كل شده

وشلون خليتيه يمشي معك طوع
وهو على ممشن معك ويش حده

يا الفاتنه بعتيه من ثاني السبوع
وجازيتي الحب الحقيقي بصده

الله يروف بخافقن منك مفجوع
والي خذيته يتلع الجيد رده

لا بارك الله في غرامن بها النوع
الي يجي ويروح فا اقل مده

ترى الهوى بين المحبين مشروع
شيئن عمرته لا تعود تهده

حنا قبل نبدا دخلنا بموضوع
منه العهد على الوفا والموده

[نـجـم]

اما تجي بحراج وتروح بحراج
والا تثمن جيتك وتحشمها

خلك عزيز النفس في كل منهاج
ون مرتك فصرة زمان اغتنمها

من لارقا في بيض الأيام الأبراج
سود اليالي داسته في قدامها

الجهل غدرا ليل والحكمه سراج
والخلق اشاره والمنايا سهمها

والضيق سجن البال والسجه افراج
ون ضامتك خطوا المقاريد ضمها

المرجله لو طالها كل هراج
رخصت فعايلها وقلت شيمها

لو الرجال تقاس با البشت والتاج
مانفرق شيوخ العرب من خدمها

من جرب الحاجه عذر كل محتاج
ناسن عطاها الله وناسن حرمها

وقتن يهيج وصطفق مثل الأمواج
نبني الاماني والضنون تهدمها

[نـجـم]

ياموتري لاعاد تمشي على الهون
خلك على ال 200 ورج السلامه

فا القلب مشهابه وفا الكبد غليون
والبال ماهو خالي من العسامه

وانا معي عجله وضيقه وقيلون
تحول دون الشوف مثل الغمامه

ماني مستانس والاني بمغبون
لكن لاتنشد سايقك وش علامه

لايذن المذن على الي يصلون
الا ورا البطحا وبو ظبي امامه

كب الكباري كلها لين ماكون
في حيد كبرين عليه العلامه

اخذ المخارج لانحنا الخط وتمون
على الاشاره كان جات بغرامه

لون في ظهرك مخاليص وديون
ياموتري ماني بويا الملامه

كني من البارح عويدن على شون
مابان فيه من الزمان انهزامه

يدي مابين المسبحه والدرقسون
والي طرالي راعي قدر وكرامه

[نـجـم]

كم انسان جريح ولكن يكتم الجرح
حتى تموت كل الجروح دون يعلم عنه احد
وانا كذالك كم كتمت من جروح خافيه
وسباب الجروح اخفيها لكي لايطلع احد ومن ثم يزيد الجرح جرحين

ياماكتمت ويا ماخفيت من اشيا كثيره

ولكن الكتمان له اعراض خطيره ولكن مافيه رفيق تثق فيه
حتى تتمكن من فضفضة همومك له
صحيح الصحابك كثيره ولكن في وقت الرخا ولكن في وقت الشده لم تتمكن من احد منهم كلهم يفرون عنك

[نـجـم]

تعال كفكف دمعت العين فا العين
قدام لاتغرق دموعـــــــي مدينه

وانت السبب فيها من اول وذلحين
انا سجين الحب روحي رهينه

[نـجـم]

اشكر كل من اطل ع مدونتي
وشرفني با المرور


كم هو جميل عند مايتصفح مدونتك أي انسان سوى صديق لك او غير ذالك
وتنتابك شعور السعادك عند مايشعرك برساله شكر
على مانثرته في مدونتك
ويحسسك با انه استمتع بمواضيعك
داخل مدونتك
وهذا شعور جميل
وانني اشكر جميع من تكرم واطل بمروره العطر من هنا

[نـجـم]

آمر تدلل بس لا تطلب الشوف *
وشلون اشوفك وانت ماخذ عيوني

[نـجـم]

روحي لخلي يا حمامه وسرعي
قولي ترى ماله بقتلي منفعه

يسرع بوصلي قبل الاقي مصرعي
امانته حبل الوصل لايقطعه

سكرت عن قول العواذل مسمعي
حتى ولو قالو كلامن مسمعه