المساعد الشخصي الرقمي

مشاهدة النسخة كاملة : كفااايه لمتى بصبر انا؟؟؟؟


مشكلتي
07-28-15, 05:26 AM
انا عمري 16 سنه ..
عندي اخت عمرها 17 ..

أمي من النوع العصبي وضرب وتصفيق وانا كنت اقول هذي امي مهما صار واسكت واختي اذ امي ضربتها تزعل وتقعد ايام م تكلمها لحد امي ماتجي بنفسها وتراضيها
انا مرره كانو خالاتي عندنا واختي بالغرفه الي تفتح ع الصاله كانت تمد رجلها وتطرحني وتضربني وانا ساكته ابعد عنها عشان خالاتي م ينتبهون بس امي قدامهم جات وسكرت الباب وضربتني انا واختي بالغرفه وتهاوش بصوت عااالي بس سكت أنا واختي دخلت غرفتها وسكرت عليها وبكت وكذا وامي انكسر خاطرها وقعدت تهاوشني وانا سكت المفروض لزعل وما اقابل الناس من الفشله المهم وكتمت غصتي بداخلي
ومره اختي بالمطبخ دفتني بقوه ع الجدار وانا معي الم بالكله م اعرف سببه بس عورتني صرخت بصوت عالي المهم ومن الالم م قدرت اتكلم ورجعت جلست جنب امي قالت وش فيه؟قلت ولاشىء
قالت اختي الا فصلت شاحني!!!!! واساسا انا كنت شاحنه جوااي وفصلته وحطت جوالها وفصلته وحطيت جوالي
قالت امي قدام عماتي جعل يدك للقص إذ كنتي فاصلته
حزت بخاطري هالدعوه وسكت! وقمت لعل تحس اني زعلت
بس م جات تراضيني زي لما تزعل اختي وسكت وم ناقشتها
ومره كانو في ضيوف عندنا المهم وانا صورت صوره لبنت خالتي صوره تضحك وجيت بوريها امي عطول صرخت بوجهي والكل ضحك! وسكت وسويت نفسسي اضحك وقلت بداخلي م في ام م تهاوش بنتها المهم ودموعي تجمعت بعيني وقمت لعل تحس فيني بس م حست وسكت
ومره كنت جالسه بالصاله ع جوالي جات هي وجلست ومعاها عمتي قالت روحي انا استغربت قلت ليه؟ قالت انقلعي مابيك تسمعين ضحكت عمتي وقالت خذيها ع بلاطه يعني بنسولف سكت وانا شوي واكفخهم واذبح نفسي من القهر وفي كل سفره لما نرجع تذلني عليها
تعبت نفسيتي منها وجهي صار اسود من قله الاهتمام ومن الالم
الم قهري منها والم الكليه الي لما يجيني اصير م قدر اتحرك الا لما انحي نفسي لقدام و الم قلبي لدرجه اعراض مرض الجلطه كلها فيني وكل م اقولها تنفسي مو منتظم اوق قلبي يعورني تقول عادي
وماشفقت علي لما توفى ابوي والله م بكيت ي ناس عشان م تزعل وتحزن اكثر تخيلو دقيت ع ابوي وقلت متى تجون قال قربنا ولما سكرت ماهي الا دقايق امي داخله علينا البيت تقول صارنا حادث
م شفقت علي لاني يتيمه م شفقت علي اني كلمت شخص ثم مات م شفقت علي لما تعبت

تخيلو عيونكم مليانه دموع وتمسحونها وتكون في غصه بحلقكم م تطلع!
شعوووور يعووور يعووورر):-

كرهتني في بنات عمي كل م مشيت مع وحده عايرتني ياصديقخ فلانه يا صديقه فلانه الي امها سوت وسوت كرهت صديقاتي وصادقت الي هي تبيهم ولما صديقاتي الي تبيهم يجوني للبيت لما يروحون تسبني وش هابصداقه؟؟
وهي قبل تقول صاديقهم وماتعزمينهم؟

وتقول مره لخالتي انا ماني خبله افك بنتي تتزوج اي واحد لا ما اوافق الا ع الي وضيفته زينه ورجال ! يعني بتحكم بمستقبلي ومستقبل خواتي

كضا مره اسمعها تكلم وترفض خطاب اختي واختي يا غالفينكم م تدري



كذا مره احاول احبها واطنش بس تقههرررررني
تحرقني الالم بدت تبان علي وكل من شافني قال فيك شىء؟؟؟
حتى اعمامي يقولون تبين نوديك المستشفى؟
وهي راافضه طيب انا م قدر انسدح ابدا واض انيدحت ع جنب يجيني الم مو طبيعي وكاني بولد اقعد اصرخ من الالم بس م اطلع صوت اصرخ بداخلي اكتم اوجاهي كثيييير

مطر الفجر
07-28-15, 05:38 AM
لي عوده للتعليق على الموضوع
ولا تغضبي لاني لن اجامل ولن اقول امك وتحمليها

نقاء
07-28-15, 06:17 AM
يا حياتى وربى اعرف هالشعور
انا بعد كان بينى وبين امى مشاكل وكذا
وكنت اجلس اصيح ايام لدرجه انى كرهت الناس
وصرت ازعل ع طول وما اتحمل

لكن اخوى قالى
هذى امك ... مهما سوت ربك وصاكى تبرينها :MonTaseR_11:
انت تسوين هالشى لوجهه الله

والحمدلله كل ما صرت ازعل اسمع القران وارتاح وهالشي ساعدنى ما انفعل وصرت هاديه

طبعا هالاشيا صارت قبل لكن الحين
علاقتى بامى الحمدلله احسن من قبل مليون مره
وسعى صدرك وتذكرى ذى تبقى امك ...
ولا تشوفى بس الجوانب السلبيه من تصرفاتها

وحطى فى بالك { اذا احب الله عبدا ابتلاه .. فصبرا جميلا :MonTaseR_11:
ودى :MonTaseR_11:

دنيتي غريبه
07-28-15, 09:46 AM
لاتعليق

Dr.moonee
07-28-15, 10:10 AM
ي قلبي وربي اني اتكفخ ولاني اكبر وحده من البنات المسؤليه علي اي مصيبه
احد يسويها اتعاقب انا بدالهمً
اصلا عادي يعني
يمكن اُسلوب امك شوي قاسي خاصه قدام احد اكره شي اني انضرب بس
امك اش تسوين لانو تلفي الدنيا كلها م حتلاقي وحده تحبك كثرها

اعرف بنت خالتي امها مرضت فجاه فكانت تطلع حرتها في بنتها وقدامنا
وصار للبنت ذي مواقف المهم تو اكتشف انها تحبها ومحد في الدنيا يخاف عليها كثر امها
الام تضرب تبهذل بس تحبنا انتي لو كنتي تشوفي اللي اشوفه من خالتي لبنتها
تقولي مستحيل تحبها
بس طيحي اول وحده هيا حتوقف معك
انتي حاولي تتقربي ب أسلوب ي امي اذا شفتي شي غلط هاوشي بس حاولي قدام الناس تبلعي
وترا سخيف اللي يعيرك
عقلو مرا صغير

:81:

الله يسعدك ويعدي هالشي ويصلح امك ويهديها

همسة الروح
07-28-15, 10:21 AM
أول شيء أختي الله يكون بعونك ويصبرك ويهون عليك ويشفيك
بالنسبه ل أمك فهي جنتك ونارك
لازم تمسكي أعصابك ولاتزعلينها أو تردي عليها لما تقولك شيء .
حاولي تلبي كل شيء تطلبه منك وأنتي مبتسمه وأحتسبي ذلك عند ربك ،،
قدمي لها الشيء اللي يعجبها ويريحهاا
وتقربي أكثر منها ومن أختك
ولاتنسي تكثري من الدعاء والأستغفار وألحي بدعائك وصلاتك .
مافيه أم تكرره أولادها
قد تكون هذي طبيعتها
والله ييسر أمورك ويهون عليك ويحنن قلب أمك عليك :81:

عزف المشاعر
07-28-15, 10:29 AM
تقربي الى الله بالدعاء بأن يلين قلبها عليكم
فلابد لك منها وهي بابك للجنه
فجنتك عند قدميها
مهما حصل منها فليس لكره ولاحقد
ولن تريدكن افضل البنات
اللهم ليّن قلب امها

إحساس طفله
07-28-15, 03:27 PM
جتني غصه وربي مايعلمم بها الا الله وحدع
ربي يكون بعونك ي قلبها ..
و يعدي مشكلتكك ع خير ..
ويحنن قبل امكك عليكك ..

:81:

مطر الفجر
07-28-15, 05:42 PM
مرحبا لقد عدت بعد ان قرات الموضوع وحللته من جميع جهاته
وتحملي ردي المطول لاني اريد المساعده بكل ما استطيع
لاحظت ان اساس المشكله هي بينك وبين اختك
فانتما لستما متفقتان
وكل مشكله من امك هي بسبب خلافك انتي واختك !!
حلو مشاكلكم وخلافاتكم انتي واختك ولن تعصب عليكم امكم
ثاني شي انتي من النوع اللحوح جدا
لا تنزعجي ولكني لاحظت ذلك من طريقتك
انتي ذكرتي ان امك عندما طلبت منك ان تخرجي
خارج وتريد ان تتكلم مع عمتك
انتي سالتي ليه ؟؟؟
لا تحققين نفذي الاوامر وانتي ساكته واذهبي
لا داعي للسؤال والاستفسار عن كل شيئ
الخلل ايضا بك عزيزتي
وحاولي ان تفعلي وتتكلمي مع امك في الاوقات المناسبه
ولا تقاطعيها ابدا
لانك كما ذكرتي ان امك من النوع العصبي
واعلمي ان لكل قاعده شواذ
ولكن لا اعلم لماذا امك تتصرف هكذا معك انتي واختك ؟
راجعوا حساباتكم واذا لم يكن منكم اي تقصير او خطأ
فلابد ان تواجهونها وتجلسون معها جلسة مصارحة
وان الله لا يقبل الظلم ابدا مهما كان الشخص
وبهذه التصرفات بدون سبب فان امك ظالمه مع احترامي لك
ربما هناك اسباب كثيره اسالوا امكم عنها
وعن الاشياءا للتي تضايقها منكم
اختي لا تنزعجي من كلامي
ولكني لا اؤمن بالمثاليات ولانها ام يعني لن تحاسب
او لا احد يقفها عند حدها النفس البشرية نفس حره
ولا يتم استعبادها ابدا حتى ولو كان من الاهل
ولكني ايضا اشك انكم مثاليات والا لما كانت امكم تعاملكم
بهذه الطريقة
يوجد نقطة خلل بكم انتي واختك وعليكم البحث عنها
اني لا اريد ان اظلم امكم ولا اريد ان اظلمكم ايضا

تحيتي لك ...


SEO by vBSEO 3.6.1