المساعد الشخصي الرقمي

مشاهدة النسخة كاملة : صبحٍ تنفس


أَلِفْ
07-29-15, 12:13 AM
غيم الهوي قدام عيني شروقه
لكن بقلبي يحترق هم واهات

يقوله اللي كل بارق يسوقه
يجتاح باحساسه جميع المسافات

صبحٍ تنفس في بهاه وسبوقه
كنه يحاكي مهجة الروح والذات

لافج في صدر الليالي فتوقه
يشعل شموعه بالغلا ضوح نجمات

يسهر على ذكرى حبيبٍ يشوقه
ويقول تو الوقت بدري و لا فات

ذكراك بلسم خافقي وانت ذوقه
يامرحبا فيها الى منّها جات

طيفك كما مزنٍ ترزّم بروقه
عطاه دائم والليالي مديات

وحبك سرى بالقلب داخل عروقه
حبٍ يفوق الوصف في كل الاوقات

غيرك بْداخل ناظري طاح سوقه
بينك وبينه في عيوني مسافات

عٍزَّاه من روحٍ ٍ عليك مْحروقه
تبكي حنين وتمسح الدمع بسكات

والدمع غطّى كل شي يفوقه
إلا الحنين اللي له سْنين ما مات

نزف الألم يجتاح داخل عروقه
قلبٍ تعلم في هواك المعاناة

ياقلب لا يزعلك غيبة بروقه
من حْب قلبه يسهر الليل مابات

أنصحك ساير صاحبك لا تبوقه
يمكن ظروفه ماتساعد للانصات

حاول وجرب واستمر في لحوقه
لابد مايسقيك مره حلاوات

وخلك مع اللي شفت فنّه وذوقه
حتى يتحقق حلم ذاتك مع الذات

لـ ينابيع السبيعي

هلالي مدريد
07-29-15, 02:45 AM
كلام رائع و جميل

بوح شعري رائع

دمتي بود يا مبدعة

معلم فله
07-29-15, 02:56 AM
عبارات جميله ومعانيها اجمل
ودائما عندما يحب القلب
يصير الاخرين نقطه في بحره

يعطيك ربي الف عافيه على المجهود
ماننحرم يارب


http://www.al2la.com/up/uploads/images/domain-6d8b945fad.jpg (http://www.al2la.com/up/uploads/images/domain-6d8b945fad.jpg)

Barjes911
07-29-15, 03:04 AM
تعجز الكلمات عن التعبير :31:

مغرم بالهلال ❤
07-29-15, 04:46 AM
يعطيك العاافيه روووعه
تسلم يدك
دمتي بود

عشقشق
07-29-15, 04:57 AM
يعطيك العافية
على طرحك
كلمات جميلة
بنتظار جديدك
ربي يحفظك

الســاهر
07-29-15, 09:09 AM
ذكراك بلسم خافقي وانت ذوقه
يامرحبا فيها الى منّها جات

طيفك كما مزنٍ ترزّم بروقه
عطاه دائم والليالي مديات

روعه سلمت يمينك
راقت لي كثيرا
تقبلي ودي قبل ردي

رويدا محمد
07-29-15, 09:37 AM
طرح جميل أختي ألف
جلب مميز وراقي كعادتك
نزف الألم يجتاح داخل عروقه
قلبٍ تعلم في هواك المعاناة
أعجبني أكثر شي هالبيتين
شكرا أختي ألف

الماكر الحنون
07-29-15, 11:01 AM
طرح مميز راق لي

كل الشكر لك

تحياتي الماكر

أَلِفْ
07-29-15, 11:54 AM
أسعدني مروركم وتعليقكم
شاكره لكم


SEO by vBSEO 3.6.1