اختي شكتت الكل فيها !

[مشكلتي]

اختي تفكيرها متخلف ومعقد!
مع احترامي لاختي طبعا هي رافضه عايلتنا باختصار؛ م تبي تتزوج من اعمامي ! كل م حد خطبها تقول م مابي لاتحرجون نفسكم !
وقايله لامي ترفض اعمامي وخوالي و تقول لهم بنتي م تبي من العايله
تبي من خرج العايله ! الكر بداء يتكلم عليها اكيد في بلا وم تبي من العايله وبدو يشوهون سمعتها وفشلتنا !
امي حلفت تغصبها لاي لحد يخطبها سوا من اعمامي او الخارج
واختي عمرها 17 قلبت تفكير اختي وقالت لاتتزوجي الا لما عمرك يصير 24 عشان تخلص مراهقتك
مع ان اختي عاقله
واختي الي رافضه اقاربنا عمرها 25 سنه والله بدون انكار هي جممميله جدا عشان كذا كثير من اقاربنا يبونها
وواحد من عيال عمي من كان عمر اختي 17 وهو يخطبها خطبها 15 مره وصااارم عليها وهي تقول انا مو مرتاحه ولا ابي من اعامي
والولد خطبها وامي تبي تغصبها بس اختي معانده

[رج ــــل ش ــــرقي]

وعزتيله هذا اللي خطب 15 مره هذا شاريها مافيها كلام .. 15 مره ؟؟

الله يكتب اللي فيه الخير .. والله يسد ويصلح ..

[همسة الروح]

اختك فيه احد بحياتها !! ولا ماكان ترفض
وحاولوا تلاقوا احد ينصحها ويتفاهم معها
ومن كلامك أنه أختك الثانيه تأثر عليها
وتقولها الين يوصل عمرك 24
والأن عمرها 25
!!
ذكريها أن العمر يمضي أذا رفضت
ولا كل فرصه تتعوض أحيانآ

سهل الله أمرها وكتب لها الخير والتوفيق
تحياتيِ :MonTaseR_11:

[مشكلتي]

كيفها خلوها بحالها
هي تقرر مصيرها ومستقبلها
ماماتوا اللي يغصبون بناتهم عالزواج؟
الله لا يبلانا

[دنيتي غريبه]

متابع

[مرجانة]

طبعاً يحق لها الرفض!
ربما هي ترى في أقاربكم ما لا يرضيها

ربما تجد أن العيش معهم لن يكون مريحاً

دائماً نسمع بعض الشباب يقولون نريد زوجة من خارج العائلة
أين المشكلة؟

لأنها فتاة ، لا يحق لها أن تحكي بصراحة ؟!
لا يجب أن يداخلكم الشك لمجرد أنها ترفض الزواج من أبناء العائلة
هي غير مرتاحه لهم هذا كل مافي الأمر

تتحمل نتيجة قرارها و كفى

هذا رأيي

[إحساس طفله]

لسا نصيبها ماجاء اووك .
لا تغصبووو البنت :wed39:

[غيرمهتم]

ههههههههه. هموسه ضحكني ردك


مو شرط البنت ترفض الا يكون في احد براسها

البنت لها كل حريه انها ترفض. مو غصب تاخذ من عائله

زي من قال القارب عقارب. هههه

ما عليها مين يتكلم فيها. الزواج من بغضب.

[قيس]

اختي العزيزه

اختك عمرها ٢٥ بلغت سن الرشد وهي مسؤوله عن قرار حياتها والزواج مو لعب هي ادرى بمشاعرها يعني هي عندها اسباب الرفض حتى لو ما اقنعتكم يمكن عندها اسباب خاصه فيها وملاحظات على اقاربها بحكم القرابه فـ انا اشوف مو غلطانه ١٪

الغلط الكبير لما ترفضهم ويتكلمون في سمعتها غلطهم هم والحمد لله هذا دليل كافي انهم مايستحقونها ابدا لانهم مايخافون الله بكل بساطه قالوا مالا يعلمون


بالنسبه للي خطبها ١٥ مره انا اشوفه رجل بصراحه لايملك كرامة النفس عند الرجال لانه باع كرامته من اجل غريزته ولو كان يحبها كان تركها فحال سبيلها باللي هي تشوفه مو يقعد يخطب يخطب بعدين هل يرضى يعيش مع انسانه رفضته؟ هذا ابدا مو قانون بشري ابدا



لذلك حرام عليكم تزيدون همها هم وانتبهو تزوجونها غصب لانها لو قالت لا فهذا الزواج باطل باطل باطل

ولو انا اخوها والله لعطيهم من النهايه مالكم نصيب عندنا ابدا ولو جيت ثاني بحش رجلك حش واذا سالوا عن السبب بقول البنت رفضت بكل بساطه مو عيب ولا حرام ولو احد تكلم اخسر جماعتي كلها عشان اختي وما اخسر اختي عشان جماعتي الاقربون اولى بالمعروف وهي اقربلي ومايرضيني ارميها لشخص رمي وهي ماتبغاه ثم يطلقها ويصير الكلام كلامين والخساره خسارتين

[مطر الفجر]

وعليكم السلام
وما المشكله ان كانت اختك تريد من خارج العائله وتنتظر نصيبها ؟؟؟
يعني ضروره يكون في احد بحياتها وانتم تشكون على باطل ؟؟؟
ربما لا تريد ان تكون في محيط اسرتكم واقاربكم
وتريد اختلاط مع ناس اخرين وعالم اخر ومنطقه ومدينة اخرى
عمرها 25 عادي جدا بامكانها ان تنتظر وقت ماتشاء
طالما انه قرارها وتعرف نفسها وتقول لكم انها مو مرتاحه
وبالنسبه لاختك الاخرى 17 سنه ارى ان اختك معها حق في ذلك
لان عمر 17 سنه بهذا الوقت اطفال
ولن تستطيع ان تدير مسؤلية بيت بكاملها
واعتقد بانك تعرفين اخواتك اكثر مننا هذا كان مجرد رايها
وهي لم تجبر اختك على عدم الزواج
هي طرحت لها فكرة ان تتزوج في عمر 24 سيكون افضل لها
وهل برايك لو اختك ذات ال 17 سنه سوف تنجح في حياتها
مثل ما نجحوا امهاتنا وجداتنا ؟؟؟
ذلك زمن مختلف وحياة مختلفة
الان حتى ابنت ال 25 بالكاد تتوفق بحياتها
لاتكبرون الموضوع ونصيحتي لك
انتي ابقي خارج الموضوع ولا تدخلين باختك ولا بارائها
الله الموفق .... تحيتي

[3lOoSh.A.]

ماهو منطق يشكون فيها بس عشان م تبي من عائلتها يمكن عندها قناعه انه زواج الاقارب يتدخل فيه الأهل ميه بالميه ,, عشان كذا خلوها ع راحتها هي الي بتعيش حياتها مو انتوا ,, يعني لو عاشت مع ولد عمها بمراره من بيتحمل غيرها وهكذا ,, عقلها براسها تعرف خلاصها ,,, ع العموم احنا ع المدرج ونتفرج ,,

[هلالية]

رأيي من رأي مرجانه لا تغصبوها أبدا لأن ماعمري سمعت عن زواج بالغصب ونجح كلهم فشلوا... ياليت لو توقفين بصفها ولا تخلين أحد يغصبها ع شي ماتبيه:MonTaseR_11:

[همسة الروح]

ههههههههه. هموسه ضحكني ردك


مو شرط البنت ترفض الا يكون في احد براسها

البنت لها كل حريه انها ترفض. مو غصب تاخذ من عائله

زي من قال القارب عقارب. هههه

ما عليها مين يتكلم فيها. الزواج من بغضب.

هذي وجهة نظري ي اخت غير مهتم
وعارفين محد بيغصب احد بالزوج
وقصة القارب ( الاقارب ) اللي تقولين عنه عقارب
هذي اللي رجعتنا لوراء
احنا هنا نقدم الحلول بطريقه محترمه مو نتفلسف على الفاضي !!