بشروا ليلى عقل مجنونها ؟

[أَلِفْ]

يا وسع صدري مير صدري لا ومره الله يضيق
حزم ضلوعه وأظهر اللي راكنه ف أركونها
واللي ما يظهرها الزفير .. يتلها تل الشهيق
لابد مع جر النسم ما ينكشف مكنونها
صابر وأنا بين الرجا والياس والجرح العميق
ما تنومن شهب الليال إليا تغير لونها
يوم أحتمى الميقاف وجا للغيض فيض ونشف ريق
وقامت تجر المخطيه بين العباد لحونها
خليتني يا حادي ركابي على حيد الطريق
والمعرفه هانت وشانت واختلف قانونها
ناتج علاقتنا على ماقيل علمن ما يليق
بضاعة بادت قبل لا ينفتش كرتونها
منته ب أخوي من الرضاع ولاني أخوك الشقيق
واللي تحطك سدها بكره تجي من دونها !
غيبت من بعض العلوم الحامضه وأزريت أفيق
ما يذبح كبود الرجال ألا وساع طعونها
أختار ف الثنتين .. وأنته لا عدو ولا صديق
والأوله يا صعبها .. والثانيه ياهونها
وأعرف ترا ما الله محمل عبده بما لايطيق
والناس حسب حظوظها وفوقها وظنونها
شكرك على جنحانك إليا طرت يالحر الطليق
لو يمك فروخ النعام مبحلقات عيونها
أول علومي كنت أجر الصوت للغصن الوريق
وآخر علومي بشروا ليلى عقل مجنونها ؟


لـ شاعرها / سداح العتيبي

[رويدا محمد]

قصيدة رائعةة ألف
موفقةة في الإنتقاء
خصوصاً البيت الأخير زال إعجابي
يعطيك العافية ألف طرح جميل
كل الشكر

[أَلِفْ]

أسعدني مرورش :قلب ازرق:

[هلالي مدريد]

كلام رائع وجميل

صح لسان الشاعر

و تسلم يد الناشرة

[أَلِفْ]

أسعدني مرورك

[قيس]

الكلمات كلها في غاية الابداع

شكرا على الانتقاء الممتاز

ما يذبح كبود الرجال ألا وساع طعونها

[أَلِفْ]

أسعدني مرورك

[الســاهر]

يعطيك العافية
ألف شكر على الطرح جميل
كل الشكرلهذا الانتقاء
صح لسان شاعرها
وسلمت يمين ناقلها

[أَلِفْ]

أسعدني مرورك