يوم وادعني / ممدوح العضيباوي

[شيلات]

مايطفي لاهب الكبد الصلاوي
غير شي تقصر الذرعان دونه

في ضميري تحت طيات المناوي
والزمن دوار ، لو تضحك سنونه

شيب عيني من معاليق الرجاوي
علقتني ، والدهر توحش سجونه

كل ماسجيت في جو خلاوي
قام يشعا القلب في هلة مزونه

فوق متنك ياسحابه ضيم هاوي
تفضحين الشوق في نظرة عيونه

عقدة الرجال في بوحه سحاوي
والعرب ، بيّاح سده يرخصونه

مير أنا عن شرهة الناقد غناوي
شاعرن ، عندي على الفكره مرونه

من شعور الفقد جريت الغناوي
كل بيتً يحمل الياس بركونه

اه ياجرحن جرحنيه المداوي
يوم وادعني وخلاني بدونه

صاح بالفرقا وأنا مانيب قاوي
لارحم حيه وراهم ياخذونه

بيني وبينه مسافات وخطاوي
كل ماقربت عني يبعدونه

ياعرب حبل المواصل ليش طاوي
خبروني عن حبيبي وش لونه

ودي بشوفه ولو دونه عزاوي
وأذبح اللي حال من دوني ودونه

[أمل الحياة]

صح السان قائلها وتسلم يمين ناقلها ،،

راقي لي انتقائك الجميل

ودي واحترامي لك

[أَلِفْ]

عقدة الرجال في بوحه سحاوي
والعرب ، بيّاح سده يرخصونه

مير أنا عن شرهة الناقد غناوي
شاعرن ، عندي على الفكره مرونه

من شعور الفقد جريت الغناوي
كل بيتً يحمل الياس بركونه




ذائقه شعريه مميزه
لا هنت

[قيس]

عقدة الرجال في بوحه سحاوي
والعرب ، بيّاح سده يرخصونه


بوح جميل جدا وشاعر موهوب فوق الوصف وانتقاء موفق


تقييم

[الكنج]

انتقاء جميل
كل الشكر والتقدير للطرح والمجهود

[ذو مبدأ]

صح لسان الشاعر
إنتقاء رائع وجميل
تحياتي وتقديري