عندك مشكله لازم تملك فكره

[كنت بجنون احبك]

بعض من المشاكل والافكار المطروحه لحلها

[كنت بجنون احبك]

"تعدد الزوجات "
تعال نشوف مشكلتنا الاولى واضحه من عنوانها تعدد الزوجات يعني الشخص يفكر بازواج مره واثنين وثلاثه يا ترى ليش
ممكن نقول الشباب عيونهم مياله لا ما اعتقد يعني قليليل الا من هالنوع وحتى لو كانت عيونهم مياله بيفكر يلعب بس يتزوج صعبه شوي طيب ليش نستجل خلينا نحلل
*يمكن انا اهملته لالا ما اعتقد طيب كيف اهملته وانا اوفر له كل الا محتاج له من اكل وغسيل .........الخ
*ما وجد عندي الحب
اها يالحب هذي ازمه شنو يعني الحب بنظر كل فينا
الحب عندي غير الحب عندك والحب عندك غير الحب الا عند الثاني هنا واجبي افهم الحب شو بمنظور شريك حياتي
في مره فكرت اسوي استبيان للشباب كان معظم اجاباتهم الحب وعدم الراحه والاستقرار وهذا الا خلانا نبحث عن جزء ثاني يكون شريك لحياتنا
" خلونا نفهم شريك حياتنا عشان ما يشوف غيرنا :3sr35: "

[كنت بجنون احبك]

كلمه اسف لا تعني دائما انك مخطى احيانا تقولها لاصلاح ذات البين
اووووه شقد كلمه اسف صعبه , ليش اقول اسف لشخص هو غلطان , يعني اذا ما قلت اسف رح اخسر الدنيا ولا اخسر الجنه
لحظه لحظه نوقف شوي ارجع للعباره الا قبل يمكن ما تخسر الجنه بس يمكن تكسب اجر يدخلك الجنه يعني من فينا ضامن ان رح يدخل الجنه اكيد محد طيب دام اننا مب ضامنين اننا ندخل الجنه ليش ما نسعى انننا ندخلها ترى يا حلو لما تتسامح من حد يا حلو لما يكون الكل راضي عنك ويا حلو لما تنام وانت قلبك مرتاح ما تحاتي انك زعلان من فلان او فلان زعلان مني
ليش ما اسامح قبل لا غيري يبادر بمسامحتي ليش ما اكسب الاجر قبل لا يكسبه الطرف الثاني
سامح عشان تعيش مرتاح , سامح عشان لا تنام وانت شايل هم ان في احد زعلان عليك , سامح لان ممكن تدخل الجنه بسبب انك سامحت

[كنت بجنون احبك]

كلما طال انتظارك لشي .......زاد تقديرك له حين تحصل عليه
كيفك , كيف اخبارك , ما تزوجتي او انخطبتي , لا والله بعدني
لحظه ناخذ شريحه ثانيه
كيفك , كيف اخبارك , بعدك ما حصلت على وظيفه , لا والله , يا حرام مسكين
وطبعا تروح البنت الا ما تزوجت او الشاب الا ما حصل على وظيفه ويعصب ويمكن يبكي ووو.ز الخ اخره
مو ربك يقول "ان بعد العسر يسرا " مو ربك رح يبشر الصابرين
لحين انت ليش معصب ومضايق وانتي بعد ليش زعلانه
ترى في النهايه كله قسمه ونصيب ولا نسينا ان ربنا فوق ورحيم
"لازم نصبر "
"واعرف ان الشي كل ما واجهت صعوبه وانت تحصل عليه شي طبيعي انك بتسوي اي شي عشان ما يضيع منك "

[مطر الفجر]

شكرا لك اخي الكريم على ما كتبته
ولكن للامانه المجتمع يدور في حلقة مفرغه
انت تكتب وهم يقراون
لا انت سوف تطبق ولا هم سيطبقون !!!!
مررت من هنا ولم احب ان اترك الموضوع بدون رد
تحيتي لك ....

[كنت بجنون احبك]

شكرا على مرورك اخي ليس بالشرط ان نطبق ما نقوله ولكنه على الاقل سوف يترك لنا بصمه وفكره من الممكن ان نرجع اليها في وقت لاحق وهذا ما اريده بالضبط هو بصمه وانطباعه تنخلق في قلب كلا منا

[كنت بجنون احبك]

" لن تستطيع تبديل الماضي لذلك ركز على صنع مستقبل عظيم "
تعال شوي انت ما تقدر تسوي شي بالماضي يعني باختصار ما تقدر تعدل الماضي , يعني ما تقدر ترجع لماضي لوراء وتصلح قطعه قطعه فيه اوكيه دام ما تقدر ليش قاعد مهموم ومخلي هالشي ياثر على مستقبلك
سالت نفسك هالسوال انا وش قاعد اسوي دام الماضي خلاص راح ليش ما نقوله باي
تعالو نقول للماضي باي تعرفو ليش لانا رح نتعب رح نتعب وايد خلونا نبني المستقبل مثل ما نحن نبي وبالتالي يكون ماضي اجمل نحن بنيناه لنفسنا نبني شوي شوي رح نقدر نحرر انفسنا من الماضي ونصنع شي للمستقبل

"نبدا شوي شوي , عشان نصنع مستقبل افضل "

[كنت بجنون احبك]

الانتحار
مشكله شباب اليوم او خلنا نقول صارت قضيه شباب اليوم
صار عادي لما تسمع فلان انتحر , او فلان حاول ينتحر , او انت ومار جيه بالصدفه تسمع فلان يقول امنيتي انتحر
لحظه بس تنتحر
طيب ممكن اعرف الاسباب
الوظيفة, الاسره ,المجتمع ,....................الخ
ياخي كلها مشاكل لها حل ترى كلها مشاكل لو قعدت تفككها شوي شوي بتوصلك لحل يعني برايك ان الانتحار حل مثالي
دامه حل مثالي ليش ما كثر بمجتمعاتنا قبل ليش بالذات لحين
هاي مب حل ترى والا قاعد يسويه بدل ما يزيل المشكله قاعد
يزيدها
في فرق بين يزيل وبين يزيد انتبه
" الانتحار ابدا مو حل "

[كنت بجنون احبك]

العناد

واها يالعناد هالعناد هذا مشكله كبيرخصوصا اذا كان الشخص عنيد اكثر من اللزم خليني نقول خصوصا اذا كان يعاند بحياته لما يييك شخص يقولك لا تسوي كذا غلط انت تسويه لانك تاخذ المساله عناد او يا اخي ابتعد عن كذا لا لا رح تسويه لان المساله عناد طيب شوي شوي ترى انت قاعد تعاند نفسك انا عطيتك مجرد نصيحه ان لو اكلت هذا او شربت هذا او سويت هذا رح ياثر عليك بشكل سلبي يعني في النهايه انت ضريت من ضريت نفسك طيب خلنا شوي
سوي هالشي لان زين عليك سامح فلان لان الا يبدا بالمسامحه زين واجره كبير تصدق على الفقراء ياخي زور اهلك لا لا لام
ما رح اسوي هالشي كلها عناد ياخي قبل لا تعاند انت مو كبير وواعي مو عارف الشي الصح من الغلط مو عارف اني قاعد اقول هالحكي بس عشان مصلحتك ركز شوي تراك فاهم العناد بشكل غلط .