المساعد الشخصي الرقمي

مشاهدة النسخة كاملة : سويت فيها مقالب بس والله إني على النية


مشكلتي
08-12-15, 12:33 PM
اول شى اي شخص عندة رد قاسي لايكتبة انا ماعندي اخوات وانا ماأعرف ان البنات حساسات انا احب اسوي مقالب ودائما انا والشباب نسوي مقالب في بعض دائما وانا تزوجت بنت عمرها 23ثم سافرنا شهر العسل وفي طريق السفر وديتها الحمامات وانتم بكرامة إلي على خط السفر ثم تركتها وبعدت شوي وهي خرجت ما لقتني وانا موقف بعيد وشايفها المهم هي قامت تبكي بكى شديد ثم جيت عندها قلت لها تراه مقلب وهي زعلت مني ثم رضت هي تخاف من من الطيور جبت لها عصفور وسكيت باب الغرفة وهي تصرخ خايفة انا اعرف طريقة اسحب مفتاح السيارة والسيارة شغالة وماشين في الطريق سحبت المفتاح وقلت لها معي جني يمشي السيارة بدون مفتاح خافت خوف مو طبيعي سويت في البنت مقالب إلين ماشبعت وترى مقالب كثيرة والله يااخوان تراني على نيتي احب امزح واسوي مقالب المهم هي زعلانة ماتكلمني وتبي اطلقها وانا عارف إنو انا غلطان ابي حل اراضيها
كيف

أسيل
08-12-15, 12:48 PM
يييييي مسكينة البنت
طيب لو تحب المزح امزح مش مشكلة
هاي زوجتك ولك الحرية بحياتكم
بس تخوفهآ كذا واكثر شي تعرف انها تخاف
من الطيور تحبسها مع طائر ! وتتركهآ لحآلهآ وتروح
طيب حآول تفهمهآ انك تحبهآ ومزحت معهآ وم كنت تدري انها بتضايق
هالقد حاول تراضيهآ باي طريقة لإنك بصراحة حيل زعلتهآ وردة فعلهآ هآي
متوقعة اكييد واي بنت مكآنهآ كآنت عملت كذا
حاول تظهرلهآ حبك وانك مقصدت تضايقهآ وانك م بتتخلى عنهآ واوعدهآ م تضايقهآ مرة ثانية ،،
الله يوفقكم بحياتكم ~

السهم الأخير
08-12-15, 12:54 PM
حبيبي البنت تختلف عن الولد من ناحية ردة الفعل وأنت بصراحة مواقفك قويه جدا والمسكينة يا حليلها ما لها حل إلا دموعها . ياخوي زوجتك تحبك وتدري إنك تحبها لكن مع مرور السنوات راح تطفش منك ومن مقالبك .

عندي لك حل . أنت تبغى مقلب صح؟ يعني شي ما تتوقعه زوجتك.

سوي لها مفاجأه بس تكون مفرحة مثلا حاول تحط لها شيء في غرفة النوم مثلا عطر أو ساعة أو خاتم ولما تكون هي برا الغرفة قولها إنك حصلت صبغة أو حبر ع الفراش أو ع الملابس وهي راح تجي تتأكد وتتفاجأ بالهديه .

أمانه لعاد تطفر بها ترا البنت شريكة عمرك وتحتاج منك حنان أقوى من كل مشاكل العالم فلا تزيدها خوف وهم واحساس بالخيبة والفشل بزواجها منك .

انت الحين مديون لها بهدية وسوي اللي قلت وصدقني راح تخلي الحمامه اللي ع الدريشة تقول

ياهيك الزواج يا بلا ههههههههههههه

الله يسعدك ويهديك أنت تعتبر زوجتك واحد من الشلة ؟

جيب الهدية :MonTaseR_2:

غيرمهتم
08-12-15, 01:21 PM
بس مو مقالب زي كذا
الله يهديك
جيب لها باقه ورد عطر من حركات ذي
بشوف راح تنسي انها زعلانه

اللورد يحيا
08-12-15, 01:26 PM
عز الله إنك جبت العيد ..!!

وكويس إنها وقفت على طلب الطلاق وليس على شيء أكبر من كذا

ولكن تبي الصراحه ترى الزوجه طيبه ويقنعها أي شيء وبإمكانك ترضيها بسهوله بأفضل شيء تحبه

بختصار حاول تفاجئها بشيء يعجبها وكمان أوعدها إنك معاد تسوي فيها مقالب تخوفها تسبب لها نزول دموعها

وأنت من ناحيتك المره الثانيه بطل تعاملها معاملة الشباب اللي تماشيهم وتمزح معهم خارج البيت

آلمتفائله
08-12-15, 01:36 PM
مزحنا مو زي مزحكم هذا اول شي خذها قاعده

ثانيا هذي بنت ومعروف البنات خوافات

وفيه بنات ماتو من المقالب من كثر الخوف توقفت قلووبهم يعني مدري وين عقلك الصراحه

مقالب مثل كذا ماتتسوى

ارضيها بعطر ولا باي شي ولاتعود هالحركااات

الماكر الحنون
08-12-15, 01:41 PM
يابعد كبدي مقلبك قوي مره ترا معشر النساء يخافون من ذا المقالب مو مثل الشباب الامر عادي عندهم
اللي ابيه منك توعدها مااتسوي فيها مقالب وتجيب لها شئ يسعدها اي شئ هي تحبه وان شاء الله ربك
يبي يزين الامور بينكم والله يجمع بينكم علي الود

رويدا محمد
08-12-15, 02:14 PM
مسيكينة البنت راحت فيها. ههههه

زي ما قالوا الأعضاء يا أخوي أوعدها ما تسوي مقالب قويةة زي كذا
وجيب لها هديةة شيء تحبه وأكيد راح ترضى
زوجتك باين أنها حساسةة مرةة والبنت أشياء صغيرة ترضيها
الله يسعدك :MonTaseR_2:

بابا عود
08-12-15, 03:04 PM
السلام عليكم ورحمة الله وبركاته

واضح كثير وانا اخوك ان روحك مرحه وتبحث دوما عن التغيير والخروج عن الروتين الممل
الاعمال بالنيات وانت لم تفعل هذا الشيء من اجل تطفيشها او ابعادها عن حياتك
والدليل موضوعك هنا فمن وجهة نظري المتواضعه
هذه زوجتك انت من عاشرتها وتعرف تفاصيل ماتحب وماتكره
كل ما عليك هو ان تذهب لها لتوضح كم انت تحبها وكم هي مهمه بالنسبة لك
وان الحياه الجميله هي المليئه بالمواقف التي تصبح كذكريات
وعليك ان تخف من حدة مقالبك فانت في الأخير مع انثى مخلوق بشري ناعم جداً شئنا أم أبينا
أتمنى إنك تبحث عن مقلب مفرح جدا يكون تذاكر سفر الى مكان رومانسي
تفاجئها فيه بالكثير من الحب والمعيشه العائليه التي هدفها الاستقرار
فليس هناك اجمل من رسم البسمه على محيا من تحب وليس هناك ارق والطف من اخلاص انثى لك
أتمنى لك ولها حياه سعيده مليئه بالأكشن الفعال والمؤثر بالشكل الإيجابي
تقبل مروري بصدر رحب دمت بالف خيـــر

.
.

أخوك/ بابا عــــود

https://encrypted-tbn2.gstatic.com/images?q=tbn:ANd9GcRr3tQR4F2LZE2-qf6qb7P1gGcZH9IlV7rYcdcaJ4PBPwPXxbyY

هلالية
08-12-15, 05:12 PM
اعتقد الاعضاء اللي قبلي كفو ووفو...يسسعدك انت وزوجتك:MonTaseR_2:

رج ــــل ش ــــرقي
08-12-15, 05:12 PM
هههههههههههههههه الله يعينها عليك ^^

مدام انك على نياتك وهذا طبعك لاحول ولاقوه ^^ بس حاول أنك تخف عليها شوي اليين تفهم طبيعتك

بعدين هي اللي بتنتقم وبتسوي فيك مقالب ^^


ربي يوفقك ويسعدك ..

قيس
08-13-15, 12:58 AM
ترا من روع مسلما روعه الله يوم القيامه

ترضا بالله يجيها السكر بسبب مزح سخيف عشان تضحك؟ سوال لو جاها بينفعك الندم؟ استحي وخلي حركات الصغار ذي البنت تركت اهلها وانت اهلها لو ماشعرت بالامان والراحه معك تعرف باقي الجمله



الحل....
سويلها اعتذار محترم ومفاجئه يكون واعتذار كبير حتى لو تدفع الوف انت غلطان ١٠٠٪ خذ مثلا تذاكر وفاجئها بسفريه تروحون تغيرون النفسيه وانت عاد بالله ماتسوي كذا انا اعرف اشخاص كثير من الخوف توقف البنكرياس عندهم وجاهم سكر ويعانون اتقي الله اتقي الله اتقي الله

مطر الفجر
08-13-15, 01:49 AM
وعليكم السلام

بصراحه وبدون زعل
انت مو كفؤ للزواج من الاساس
والا مافي رجال غيور وحريص
يترك مرته في شارع وياخذ لفه ويرجع
يسوي فيها مقلب عشان يشوف ردة فعلها !!!
ان تطلقت منك فانا اقول ربي يعوضها خير منك
ما نقدر نساعدك وانت بالتفكير والعقل هذا
وبالطريقه هذه حق المزح !
البنت امانه في رقبتك عشان تحفظها وتصونها
مو عشان تروعها وتتفرج وتضحك عليها !
ابوها وامها من اعطوك اياها سلموك امانة فلذة اكبادهم
هذه مو حركات واحد على نيته
هذا حركات شخص يحب يتسلى بالناس ويضحك وبس
بصراحه لو هي رجعت لك ترا بالها طويل وصبوره
لا تضيعها من ايدينك مره ثانية
لا املك لك الا الدعاء لكي ترجع لك زوجتك وهي راضيه
تحيتي

مسكك الغلا
08-13-15, 02:53 AM
الله يعينها عليك

ياخي البنت تختلف عن الشاب

احنا البنات نسوي مقالب بس مو كذا

صراحه زودتها بالمره الله يصلحك

خذها عمره ولا عاد تسوي فيها مقالب


SEO by vBSEO 3.6.1