الله ياخذ اهلي

[مشكلتي]

اكره اهلي كل يوم يزيد كرهي لهم
يعايروني بسبب نحافتي ويعايروني في شكلي
وما يتركوني لحالي
الله ينعلهم
خاصه اخوي واختي اللي اصغر مني
قبل شوي كنت اتابع تلفزيون وجاء يقول عطيني الجهاز وفي تلفاز بالصاله ثانيه ومايبي الا يبي ينكد علي
وسحب من عندي الريموت
قمت سحبت الاسلاك وطفيته بالقوه وماتركني رماني بكل شي عنده
الله ينعله وينعلهم
دايم ادعي يكون عندي اهل غير مو ذولا
لا طلعات ولا سفريات ولا وناسه ولا سعه صدر
كل شي عندهم نكد وضيقه خلق
الله ياخذني من عندهم يارب

[مسكك الغلا]

انت بنت والا ولد

وكم عمرك

[آنثے م̝̚لآئـکﯾھَہّ]

لا تلعني اهلك وتدعي عليهم لا يجي يوم تفقدينهم وتعرفين قيمتهم
مو كل الاهل عندهم طلعات وسفريات
بجد مو عارفه ايش اكتب كلامك استفزني وعصبني
بس المشكله فيك وبتصرفاتك واسلوبك مع اهلك تصير مشاكلك
الله يهديك بس

[عزف المشاعر]

دائماً ما يخالج هذا الشعور المراهقين
ويعتقدون ان الناس كلهم ضدهم
او ان الناس مخطئين وهم فقط على صواب
اهلك لو راحوا عنك ستكون الدنيا اسود مما ترينها الان
حاولي ترين ايجابياتهم
فحياتنا كلنا
لا تخلوا مما ذكرتي

[مشكلتي]

انت بنت والا ولد

وكم عمرك


بنت 20 سنه

[مشكلتي]

اصلا مافهمتوني وحطيتوا الغلط فيني
دايم اذا جلست بينهم يعلقون علي ويزعجوني
ويعملوا مقارنات بيني وبين بنات اللي بعمري

امس اخوي يبي يخطب
وبعدين خواتي وامي قالوا ع اسم بنت
قالت امي عمرها زي انا
وقالت ع بالك الكل زي هذي
شفتوا كيف الاهانه اني اقل من غيري
ودايم اسم مقارنات ذي

[السيده ملعقه]

هذي الحركات شي عادي تحصل بكل بيت
لاتلعنين ولا تدعين بكره لما تفقدينهم تتذكرين كل شي وتتمنين انهم يرجعون

انتي لاتطالعين للي احسن منك
طالعي للي ماعندهم اهل يحسون بالنقص
احمدي ربك امك وابوك موجودين
وعندك اخوات واخوان
تخيلي لو انك وحيده تحسبين احد بيطالع لك او بيسالك ايش محتاجه او يرحمك محد راح يفكر فيك

وبعدين لو الله اخذهم ع بالك بتطلعين وتسافرين وتتمشين ؟؟!
من بيوديك ومن بيصرف عليك ؟؟



صراحه المشكله فيك مو فيهم كلامك قهرررني

[عزف المشاعر]

كنت زمان نفس الشيء
والحمد لله عديتها مع الزمن
بس ما كنت العنهم واكرههم
كنت بس اتمنى اغادر عنهم
وفعلا غادرت للشرقيه ودرست هناك
وفقدتهم.
ممكن ان فيهم مشكله في مقارنتك دائما بالافضل
ولكن انتي ايضا لديك مشكله اكبر في لعنهم وكرههم
انتي حاولي تاخذين الامر ببساطه اكثر
لا تجلسين معهم مشدوده الاعصاب
وخذي كل سالفه بالمزح والضحك
وحاولي تبينين لهم انه يضايقك
ومع الوقت تتغيرين ويتغيرون

[مسكك الغلا]

بنت 20 سنه

طيب يالغلا

شوفي اول شي اهلك لا تدعين عليهم

ثانيا ي قلبي ماحد سالم من المقارنات انتي نحيفه وانا عكسك تماما

يوووووه قد ايش اسمع تعليقات من اخواني ع وزني وشكل جسمي

هههههه عندي وعندك خير انتي نحف وانا متانه هههه

اسمعي فيه شي خليك واثقه بنفسك امممم وبعدين هذا بيد الله

مو بيدك النحف ولا بيدي المتانه هههه ي بنت الحكي الفاضي لا يضايقك ابد

ثقي بربك وبنفسك واضحكي معهم لقالو نحيفه قولي ملكات الجمال نحاف

بس استغفري ولا تلعني اهلك تراك تأثمين يالغلا

راجعي نفسك واطلبي من ربك المغفره ع لعنك لهم لانك اخطيتي

وع فكره تري النحف زين مو زيي هههه ابلش بقياسي :x147:


يلا غلاتي اتركك في حفظ الرحمن

اهم شي الا الاهل والله ماينعوضون

[صعفق طاش كندي]

ماقصرت مسك الغلا:MonTaseR_2:

لاهنتي:MonTaseR_96:

[مشكلتي]

كنت زمان نفس الشيء
والحمد لله عديتها مع الزمن
بس ما كنت العنهم واكرههم
كنت بس اتمنى اغادر عنهم
وفعلا غادرت للشرقيه ودرست هناك
وفقدتهم.
ممكن ان فيهم مشكله في مقارنتك دائما بالافضل
ولكن انتي ايضا لديك مشكله اكبر في لعنهم وكرههم
انتي حاولي تاخذين الامر ببساطه اكثر
لا تجلسين معهم مشدوده الاعصاب
وخذي كل سالفه بالمزح والضحك
وحاولي تبينين لهم انه يضايقك
ومع الوقت تتغيرين ويتغيرون



انت ع الاقل رجال ورحت وتركتهم مو زيي وش بيدي مثلا
احيانا افكر انصب خيمه في السطح ولا حد يجيني

[Dr.moonee]

طيب انا واخواني وربي لو تشوفينا شوفي فلأنه شوفي علانه
لكن واثق الخطوه يمشي ملكا ارد الكلمه بعشر :سكر:
بس وربي لما يسافر احد منهم أفقدهم يعني دايم هواش تعليقات
هما الاولاد كذا م يعرفوا يهرجوا بس شوفيهم من وراك يمدحوا
انا اخواني تحطيم ويمدحوني من غير م ادري :DsC00581:
بالعكس احس الاخوان نعمه
..
بس انتي أسلوبك دفش ترا
يعني اش تلعنيهمم اهلك ذولي مهما رحتي مهما جيتي اهلك
وبخصوص السفرات
حبيبي انتي كوني نفسك
كملي دراستك وستفرتي بفلوسك والله اهلك مو مسولين عن السفر
في كل الدنيا ناس أغنياء وناس عاديين
انتي كوني نفسك وعوضيهم
الله يصلحش حبيبتي ويهديك

[عاشق عيونك]

كله كوم و ( الله ينعله وينعلهم ) كوم ثاني :outhg!:

امس اخوي يبي يخطب
وبعدين خواتي وامي قالوا ع اسم بنت
قالت امي عمرها زي انا
وقالت ع بالك الكل زي هذي
شفتوا كيف الاهانه اني اقل من غيري
ودايم اسم مقارنات ذي


صراحه بالجبهة


لكن يأختي الغالية استمعي لهذه القصة

لتعلمي أن أي أذى بالدنيا لا يعادل فقد الأم

https://www.************/watch?v=ibxy06dvtJI

.

[الماكر الحنون]

يااخيتي لاتضايقي نفسك ولا شئ انا شخصيآ حصل معي هذا الشي كنت اصغر واحد وكان الكل ضدي والله القي ضرب من اخواني وخواتي لين اعض الارض ومع ذلك مااكرهتهم ولا لعنتهم وابدآ مع مرور الايام كبرنا وصرنا سمن علي عسل وانتهي الخلاف اللي بيننا هذا مجرد مراهقه وتعدي حتي والله فيه جرح في ايدي باقي الي الان من أثر عضة اخوي وكل مااتذكره الان اضحك واقول شف وش سويت فيني ويموت ضحك علي يعني الامر انتهي بعد ماكبرنا
وكنت عصل مره حتي يقولون لي لو يجئ هواء يطيرك نبي نربطك في الارض عشان مااتطير هههههههههههه
ومع ذلك وكل هذا تقبل المزح والهواش بصدر رحب والحين والله اموت فيهم وماابي افارقهم لحظه اللي ابي منك يااختي لاتضايقي نفسك واخذي كلامهم باالمزح والضحك ولا تعقدي امورك بسبب استهزاء اخوتك فيك الله يوفقك يااختي ويسعدك قلبك ويكتب لك الخير والتوفيق حيث كنتي

[الساحرة]

لا تجعلي اهتماماتك سطحيه في هذه الحياة ...ارتقي بنفسك
لا سفر يجلب السعادة ولا المال يجلب الحظ ..
ومن يبحث عن زيادة الوزن اليوم سوآ متخلف ( واعتذر )
احبي نفسك كما انتِ سيحبك الآخرون كما أنتِ
اخلقي بداخلك الثقة النقصان كـ كمال يا عزيزتي
فلا شيء يستحق لتغضبي وتلعني أهلك ..
وأن اخطئوا في حقك اعتبريه نوع من الجهل (اعتذر)
فالعقول و الطباع تختلف في طريقة التعبير
انظري للأمور بعين العقل وتعقلي وغفري وتحكمي في غضبك
ويتضح من كتابتك أنك سريعة غضب وحساسة جدا
فلا يوجد حل ألا في أن تتخلصي من غضبك وحساسيتك الزائدة ..

[غيرمهتم]

صراحه انتي يبيلك كف ع كلامك
احمدي ربك عندك اهلي في غيرك يتمني

انسان بدون اهله ولاشي
اذا تبين اهلك يخففون عندك ادعي الله يهديهم
اما تدعين عليهم مالك داعي مصيرك راح تحتاجين لهم

[قيس]

لاتلعني اولا لان اللعن هو الطرد من رحمة الله ولايجوز لك اللعن وذنبه عظيم
ومشكلتك بسيطه جدا هي عدم معرفة اهلك بالتصرف مع هذا العمر ولاتعتقدي ابدا انه يوجد اسره تكره احد افرادها الا في حالتين اما مجانين او مدمنين وهذي وجهة نظري ادعي دائما اللهم اشرح صدري ويسر امري


والله يرزقك الصبر

[مشكلتي]

الله يسامحني ويغفر لي
والله كتبت هالكلام في ساعه غضب
وانا لما اعصب اكتم كل شي في قلبي بس ادعي وهذي مشكلتي عصبيه زايده لدرجه اتنفس بصعوبه



الله يسامحني وبس

[قيس]

اعطيك نصيحه حلوه وتنفعك؟


كل ماتزعلي توضي لان جربي وشوفي

واكيد الله بيسامحك بس تقولي يربي توب عليا وسامحني الله غفور رحيم ودائما ثقي ثقه تامه انتي عندك اهل يسوولك مشاكل؟ فيه ايتام يتمنى لو عنده اي قريب فالدنيا حتى لو يضربه قدام الناس قولي الحمد لله وصدقيني كل اللي يمر فيك الان بكره بتضحكي منه:zz:

[آسيرة حرف]

وش ذا الاسلوب في التعبير عن المشكله
اللحين انتي ع بالك هذه مشكلة وتبين لها حل
اذا تبين لها حل عدلي من نفسك
من تصرفاتك
اهتمي بشكلك حبي نفسك مثل ماهي
انتي بسن 20 هذا السن اللي احسو البنت تبدا تهتم بنفسها
وشكلها

انتي اللحين تعتقدي ان سن العشرين خلاص المفروض يتركون لك الحريه
المطلقه في كل شيء تبينه الاكيد لا هذا سن حساس
انتي بعدك مانضجتي عقلياً بما يكفي
لتتخذي القرار الصائب في حياتك
وبنفس الوقت تحسي انك كبرتي ماعادك صغيره
ترا اهلك بعدهم ماحسو انك كبرتي
اثبتي لهم ذلك باسلوبك وحركاتك ووعيك

ترا مو كل الامهات والاباء يعرفون يتعاملون مع سن المراهقه
مو كلهم مثقفين وواعين اغلب اهالينا ماكملو دراسه
عشان كذا تحسي ان الموضوع صراع بينكم وان الكل ضدك
وماحيبك ومدققين ع تصرفاتك

لان مرحلة انتقالك من الطفوله لسن المراهقه سببت لك حساسيه
فاصبحتي اكثر تحسس
مع انك متعوده ع معايرتهم لك يعني اسلوبهم بعدو ماتغير ايش الجديد
اللي مضايقك لجل تلعنيهم بشكل علني وبكل ثقه
انتي بالفعل اسلوبك هذا يثبت انك استفزازيه واللي بدر من اخوكي
يوم رماكي بكل شيء يثبت ذلك
لو استخدمتي معه اسلوب ارقى بيستحي من حالو ماكان سوا كذا
انتي مبين متسرعه
خلاص ان الكل ضدي ان لازم افرض نفسي يعني
لا حياتي مو كذا
انتي كذا بتزيدي الوضع سؤ

في سن المراهقه يا بعدي
اذا حبيتي بالغتي في حبك واذا كرهتي بعد بالغتي في كرهك
مثل تحدثك الان عن اهلك من الواضح انك بالغتي
كيف تبينهم يفهمو انك كبرتي وانتي عقلك بعدو
نفس اسلوبك وانت اصغر

المفروض تخليهم يلاحظو انك انتي فعلا كبرتي اسلوبك يكون مختلف
واعقل من كذا

انتي اللحين اكيد في بالك كلمة واحده ما احد يفهمني
ليه كذا يعاملوني ماكني بنتهم

الا انتي بنتهم وفاهمينك

1- انتي لازم توثقين في نفسك تحبي شكلك ونحفك
ترا الكل يدور النحافه
واللحين اصبحو يدفعو فلوس لجل ينحفو
قولي الحمد لله لا محرومه بنظام رجيم
ولا تبين محل رياضه لجل تنحفين
نعمه من ربي قدريها

2- ابعدي عنك السلبيه
لاتقولي ان طفله بعينهم ليه لو تجيبي عيال بتبقين طفله في نظرهم
تأقلمي مع الوضع

اللحين كم عددكم في البيت
صعب نحط اللوم كله ع الاباء والامهات عليهم اشياء كثيره
تفاوتكم في الاعمار برضو يسبب ازدحام فكري عندهم
يعاملونك شيء والطفل شيء والكبير شي
وفي البيت بنات وشباب
والكل يبي مسئوليه
حرام انا عارفه ان هالشيء واجب عليهم
بس برضو واجب عليكم تصبرو

انتي جربي غيري اسلوبك كلامك ردة فعلك خليك مطيعه اكثر خليك ايجابيه ناحية
اية رد فعل يبدر منهم
اكسبي قلوبهم اكثر بحركاتك وعقليتك عودي نفيك ع الصبر هذا افضل وقت تعودين نفسك فيه
ع الصبر والتحمل
تخطي الحواجز هذه بالكلمات الطيبه

اذا بغت امك وابوك شيء قولي حاظر من عيوني ابشرو
مو تقول هاااااااااااا وش تبوووووووووووون تعبت انااااااااااا
كل شوي انا انا انا
تيب هم ماطلبو منك الا انك اقرب لهم
هذا مايكفي
مو شرط تعبر امك بحياتي وقلبي لجل تفهمي انها تحبك
هي من جابتك وهي تحبك ولو يصير فيك شيء اكيد بينفطر قلبها

انتو ي هذا الجيل الصبر عندكم معدوم الا كلمتكم تمشي ..

تكلمي مع امك في انعزال يومه غير تعاملك معي انا اكبر لا تزفيني قدام احد
هاوشيني بينك وبيني لاتهاوشيني قدام اخواني بذوق واسلوب حلو
صدقيني صارحيها بكل اللي في قلبك وراح تتغير وتنتبه لك اكثر

اما سالفة انو اخوانك يعايرونك هذه عادي في كل البيوت
واكيد انتي تعايرينهم بشيء مستحيل تكوني ماقد عايرتي احد فيهم

اما سالفة اهل غير لاتتوقعي انك اذا اهلك هذولا ماعجبوك بتحصلي
طبق ذهب صدقيني بتحصلي اطم منهم
احمدي ربك ان عندك اهل والله لو ربي ياخذهم لتبكين دم مو دمع

فعلا الانسان مايقدر النعمه اللي هو فيها الا بعد مايفقدها

لا طلعات لاسفريات لا وماسه
ترا مو شرط كل العالم تسافر ولا تطلع كلن ع حسب ظروفه يتأقلم
ولا سعة صدر اذا انتي ماعندك سعة صدر تبين يكون عندهم

انتي متحسسه بزياده
وسنك هذا في حالتين اما تصلحين من نفسك
او تنحرفين

هذا اللي معرضه له انتي واذا انحرفتي المجتمع كامل بيكون ضدك
كل اللي حولك كل الناس اللي راح تعرفيهم بيكونو ضدك

فحاولي انك تبنين نفسك وتعطي نفسك مساحه مختلفه وفكري قبل تتصرفي اي تصرف
اذا اهل راحو اللحين في لحظه وين بتعيشي ابي افهم
اقولك بدار الايتام
ولا احد بالكون يتمنى يعيش عيشتهم لاعيد ولاحياه عندهم لا اهل يسألو ولا شيء
ايش وقتها بتسوي
والله راح تفقدي كلمة هذه النحيفه ودج اخوانك وكل شيء بالبيت بتفقدينه

لا تتأثري بصحباتك في المدرسه والجامعه
وبكلامهم انتي ماعشتي معهم يمكن اهاليهم يعاملونهم اسؤ منك
بس مو كل الناس تتكلم
حاولي ماتخلطي بين حياتك وحياة الاخرين بمقارنات كذا بتتعبي انتي
محد بيتعب غيرك

وحتا احنا اذا جينا نخطب لواحد من الاهل اكيد بقول بخطب لك فلانه
والله ازين مني جسمها وصوتها وشكلها وكلو
اذم في نفسي ولا اذم ببنت الناس
يعني عادي اذا قالو مو مثل ذي يمكن امتن قصدهم شكلها غير مو معقوله خلقة البنات وحده
نختلف احنا لكل بنت ميزه

واكيد فيك حلاوه تميزك


الله يصلحك يارب

[مطر الفجر]

اكره اهلي كل يوم يزيد كرهي لهم
يعايروني بسبب نحافتي ويعايروني في شكلي
وما يتركوني لحالي الله ينعلهم
هذا سبب عشان تكرهينهم ؟؟ راجعي نفسك
خاصه اخوي واختي اللي اصغر مني
قبل شوي كنت اتابع تلفزيون وجاء يقول عطيني الجهاز
وفي تلفاز بالصاله ثانيه ومايبي الا يبي ينكد علي
وسحب من عندي الريموت
قمت سحبت الاسلاك وطفيته بالقوه
وماتركني رماني بكل شي عنده
اولا هذا دليل على صغر عقلك لا تزعلين
دام قلتي انتي في تلفزيون ثاني
اتركيهم وروحي هناك وريحي نفسك
وانهم اصغر منك مفروض انتي اللي تتحكمين بكل شيئ بهدوء
ثاني شي تصرفك غلط وساويتي نفسك بعمرهم وعقلياتهم
لانك سحبتي الاسلاك بقوه وطفيتيه !!!
وش استفدتي ؟؟؟
الله ينعله وينعلهم
مارح تستفيدين شي من هالدعاء
بداله قولي الله يصلحهم ويكونون خير معي

دايم ادعي يكون عندي اهل غير مو ذولا
ادعي الى بكره هذولا اهلك ومارح يتغيرون
لا طلعات ولا سفريات ولا وناسه ولا سعه صدر
كل شي عندهم نكد وضيقه خلق
الله ياخذني من عندهم يارب
انتي اصلا مو عارفه وش هي المشكله ؟؟؟
الحين تقولين مافي طلعات ولا وناسه ولا سعه صدر ؟
ولا سفريات ؟
انتي وش تريدين بالضبط تداخلين المشكلات
والمواقف كلها في بعض
ماتعرفين وش هي المشكلة الاساسية ؟
اخوانك ولا شكلك وعيارتهم عليك
ولا التلفزيون ولا اهلك والطلعات
ولا السفر والوناسه ؟؟؟


\الله يهديك ويصلح حالك
لاتقارني حياتك في حيات غيرك
تحيتي

[العوجاء]

عزيزتي المشكله عندك مو عندهم انتي عصبيه و تخذين بعض الامور بحساسيه بزياده عدلي بنفسك
انا كنت مره عصبيه و اختي شوي نحيسه تسيمج علي همن يرتفع ضغطي وهي تستانس بعدين بديت اهدي نفسي و اتابع مقاطع عن الشخصيات وكذا لين صار عادي عندي سماجته ف خفت لانه خلصت المتعه م اعصب قوه ) :MonTaseR_2:
حاولي تخلصين من اللعن )

[جومرآه]

بسسم الله الرحمن الرحيم :)
السلام عليكم ورحمه الله وبركاته
اخبارك عساك بخير ؟
ترا النحف موب عيب ! انا نحيفه وعادي
تلعنين اهلك عارفه وش معنى اللعن ؟
طرد من رحمه ربي !!! يعني باللله بتفرحين لو ماتوا ؟
اخوانك اللي اصغر منك علميهم ان عيب يسون كذا فيك
وترا تلفزيون سالفه بسيطه ع انك تلعنينه !
عندك خلل في وثوقك لشخصيتك واذا م فيه واناسه وفله وضحك
" اخلقيه انتي , اجعلي البيت مرح وفرح انتي ! " لا تقدرين
ابعدي الافكار السسلبيه من راسك ادبي اخوانك واخواتك الللي اصغر منك
خليهم يحترومونك , بس مو تنسين عطفك عليهم ولا تغتري بنفسك !
ومو ان النحف مو عيب خلاص عادي انحف ! تراهه بشاعه
يعني هو لنفسك انتي بتفيدي نفسك فيه نحيفه ولا متوسطه ولا سمينه !
هذا لك وحدك انتي مرح تفيدي احد بسمنك ولا نحفك " اهتمي بنفسك "
انتبهي تكرهين احد من عائلتك هم سندك ومافيه احد يستاهل انوه يشوشك ولا تثقين في غير اهلك
م ادري اذا فهمتي علي الاخوان كفو ووفو :)
جومرآء

[السهم الأخير]

الحل بسيط جدا

الحرب اللي استعملوها ضدك حرب نفسيه وحلها بسيط

قال تعالى: { ادفع بالتي هي أحسن فإذا الذي بينك وبينه عداوة كأنه ولي حميم } صدق الله العظيم

غيري حياتك وكوني أكثر صمت وهدوء وابتسمي وأكثري الذكر وإذا تعبتي لدرجة الجنون قولي:

أوذي الرسول صلى الله عليه وسلم بأكثر من هذا فصبر وأين أنا منك يا رسول الله ؟

اقرأي في حياة الأنبياء و الصحابة والله إنهم عانوا الكثير والكثير ترا مشكلتك عادية جدا ولكن لا تدعي على أهلك ترا ترجعلك الدعوة والشيطان يحب اللعن وما يحب الاستعاذة

أم عن الشكل يالغالية مليون بنت تبغى تكون هيكل عظمي مو بس نحيفه قد شفنا بنات قبل الزواج مثل المسمار وبعد الزواج دبابه روسيه فموضوع النحافة شي طيب

الله يوفقك