حرٍ شلع من بيننا وأبعد الحوم

[أَلِفْ]

جابوه بالطاري وانا مانسيته
واطرقت راسي عنهم قبل لا أقوم
واقفيت.. لو دمعي كشف ماكميته
واللي فقد مثله فلا هوب مليوم
ياليتهم لاجابوا اسمه وصيته
مايسمعوني قولة فلان مرحوم
لا والذي طهر من الشرك بيته
الموت ماغيّب عزيزين وقروم
حيين بالسمعة والأجساد ميته
باقين بالصورة لو الصوت معدوم
مرت سنه ياناس ولاسليته
كن الخبر ماهو من العام .. اليوم
مهما كتبت بغيبته مارثيته
ومالي سوى قولة مقدر ومقسوم
ياناس .. وش عذري اذا مابكيته
حرٍ شلع من بيننا وأبعد الحوم
لايابعد حي القصايد وميته
وحي اليتيم اللي من العطف محروم
كنه قصد نفسه بمعناة بيته
(ياموت كنك ماخذ بروحته قوم )
عساك ياللي بالجزاير خذيته
تسقيه في عدنك رحيق ومختوم
كتبت شعري احسب اني رثيته
لا شك يلحقني على شعري اللوم
عقب القصيد اللي زهمني وجيته
لقيت لي بيت ورى الحلق مكتوم
ياليتني قبل الخبر كنت ميته
ولا سمعت اللي سمعته هكاليوم


لـ أطلال ..

[همسة الروح]

رغم ألم القصيده ومافيها
تبقى رائعه
وكل بيت فيها آروع من اللي قبله
أبدعتي أَلِفْ ب أنتقائك :81:

[رويدا محمد]

رائع جدا رغم قساوتها
يعطيك العافية على الإدراج غاليتي ألف
كل الشكر لك

[أَلِفْ]

أسعدني تواجدكم الجميل

[كلآرا]

جمال انتقائك
يحفظك الرحمن :MonTaseR_2:

[أَلِفْ]

أسعدني تواجدك

[الســاهر]

يعطيك العافية
ألف شكر على الطرح جميل
كل الشكرلهذا الانتقاء
صح لسان شاعرها
وسلمت يمين ناقلها

[أَلِفْ]

أسعدني تواجدك ..